Foundation of Astronomical Studies and Exploration

🌙 බටහිර අහසේ නිරීක්ෂණය වන දුර්ලභ ග්‍රහ සංයෝජනය පිළිබඳවයි මේ සටහන. ✨

​අද (2026 මැයි 19) සන්ධ්‍යාවේ ඔබට බටහිර අහස දෙස බැලීමෙන් ඉතාමත් අලංකාර සහ දුර්ලභ දර්ශනයක් දැක බලා ගැනීමට අවස්ථාව උදාවේ. අපගේ සෞරග්‍රහ මණ්ඩලයේ දීප්තිමත්ම ග්‍රහලෝක දෙක වන සිකුරු (Venus) සහ බ්‍රහස්පති (Jupiter), සිහින් අඩ සඳ (Crescent Moon) සමඟ එක්ව මිථුන රාශි (Gemini) කලාපයේ අපූරු පෙළගැසීමක් නිර්මාණය කර ඇත.
එම සුවිශේෂී ​තාරකා විද්‍යාත්මක සංසිද්ධිය පිළිබඳවයි මෙම තොරතුරු විග්‍රහය.
​
​මේ අපූරු දර්ශනය නැරඹීම සඳහා ඔබට දුරේක්ෂ (Telescopes) අවශ්‍ය නොවන අතර පියවි ඇසින්ම ඉතා පැහැදිලිව දැකගත හැකියි.

හිරු බැස යෑමෙන් පසු (සන්ධ්‍යා යාමයේ) සිට රාත්‍රී 11:00 පමණ වන තෙක් මෙම දර්ශනය ඔබට බටහිර - වයඹ (West-Northwest) අහසේ දැකගත හැකිය. සූර්යයා බැස ගොස් විනාඩි 30ක සිට පැය 2ක් ඇතුළත කාලය මෙය වඩාත් හොඳින් නිරීක්ෂණය කළ හැකිය.
මෙම ග්‍රහයන් බටහිර ක්ෂිතිජයට මඳක් ඉහළින්, පහත් මට්ටමක පිහිටන බැවින්, උස් ගොඩනැඟිලි, විශාල ගස් හෝ කඳු පන්තීන්ගෙන් තොර බටහිර අහස පැහැදිලිව පෙනෙන ස්ථානයක් තෝරා ගැනීම වැදගත්ය.

​අද රාත්‍රියේ (මැයි 19) මෙම ආකාශ වස්තූන් ත්‍රිත්වය සෞරග්‍රහ මණ්ඩලයේ තලයට (Ecliptic) අනුකූලව අහසේ අපූරු ආනත රේඛාවක් සේ පෙළගැසී පවතියි.

මෙහිදී, ක්ෂිතිජයට ආසන්නයෙන්ම රිදී පැහැයෙන් බැබළෙන සිකුරු ග්‍රහයා (-3.9 Magnitude දීප්තියෙන්) පිහිටන අතර, ඊට ඉහළින් රන්වන්-සුදු පැහැයෙන් බ්‍රහස්පති ග්‍රහයා (-1.9 Magnitude දීප්තියෙන්) බබළයි. මේ දෙදෙනා මැදින්, සියයට 10ක් පමණක් ආලෝකමත් වූ ඉතා සිහින් පුර පක්‍ෂයේ අඩ සඳ පිහිටන අතර, එය අහසේ ඇඳි "සිනහවක්" (Sky Smile) මෙන් දිස්වේ.
​
​හෙට (මැයි 20) වන විට චන්ද්‍රයා තවත් ඉදිරියට ගමන් කර බ්‍රහස්පති ග්‍රහයාට මඳක් ඉහළින් පිහිටන ආකාරය දැකගත හැකි වනු ඇත. මෙම තිදෙනා පසුබිම් වන්නේ මිථුන තාරකා මණ්ඩලයේ (Gemini Constellation) සිටින කැස්ටර් සහ පොලක්ස් (Castor and Pollux) යන නිවුන් තරු යුගලයටයි.

මැයි 20 දිනෙන් පසු චන්ද්‍රයා මෙම කලාපයෙන් ඉවතට ගමන් කළද, සිකුරු සහ බ්‍රහස්පති ග්‍රහයන් දෙදෙනා දිනෙන් දින එකිනෙකාට සමීප වෙමින් ගමන් කරයි. මෙහි උපරිම අවස්ථාව ලෙස 2026 ජූනි 8 සහ 9 යන දිනවලදී සිකුරු-බ්‍රහස්පති අතර අතිශය දුර්ලභ, ඉතා ළඟින් සිදුවන මහා ග්‍රහ සංයෝගයක් දැකගත හැකි වනු ඇත.
එබැවින්, අද සන්ධ්‍යාවේ බටහිර අහසේ මැවෙන මේ විශ්වීය සුන්දරත්වය නෙත් පුරා විඳගැනීමට අමතක නොකරන්න!

Written by: Aloka Weerakoon
Designed by: Rashmila Senadheera

මැයි අහස සරසන Eta Aquarids උල්කා වර්ෂාව ☄️✨

2026 වසරේ මැයි මාසයේදී, රාත්‍රී අහසේ දිළිසෙන අලංකාරම දර්ශන අතරින් එකක් ලෙස “Eta Aquarids” උල්කා වර්ෂාව (meteor shower) අපට නිරීක්ෂණය කිරීමට හැකියාව ලැබේ. මෙය සෑම වසරකම සිදුවන නමුත්, සමකයට ආසන්න ශ්‍රී ලංකාව වැනි රටවල් සඳහා මෙම උල්කා වර්ෂාව විශේෂයෙන්ම දර්ශනීය වේ. මෙය හේතුවන්නේ උල්කා පැතිර යන ලක්ෂ්‍යය (radiant point) උදෑසන කාලයේදී අපගේ අහසේ ඉහළට නැගී පෙනීමයි.

මෙම උල්කා වර්ෂාව ඇතිවන්නේ සුප්‍රසිද්ධ Halley’s Comet නම් ධූමකේතුව විසින් අහසේ තැබූ දූවිලි හා ග්‍රහක සුන්බුන් පෘථිවිය හරහා ගමන් කරන විටය. එම ග්‍රහක සුන්බුන් පෘථිවි වායුගෝලයට ඇතුළු වන විට දැවී දිළිසෙන නිසා, අපට මෙම උල්කා වර්ෂාව දර්ශනය වේ. Eta Aquarids ලෙස නම් කර ඇත්තේ, එම උල්කා පැන නැගෙන්නේ Aquarius තාරකා රාශියේ Eta Aquarii නම් තාරකාව ආසන්නයෙන් වන නිසාය.

2026 වසරේ මෙම උල්කා වැස්ස එහි උච්ච අවස්ථාවට (peak) ළඟා වන්නේ මැයි 5 සහ 6 අතර රාත්‍රියේදීය. ශ්‍රී ලංකාවෙන් බැලූ විට, හොඳම නිරීක්ෂණ කාලය වන්නේ අලුයම 3.00 සිට සූර්යෝදය දක්වා කාලයයි. මෙම වේලාවේදී Aquarius තාරකා රාශිය නැගෙනහිර අහසේ ඉහළට පැමිණ ඇති නිසා, උල්කා ප්‍රමාණය වැඩිව පෙනේ. හොඳ නිරීක්ෂණ තත්ත්වයන් යටතේ, පැයකට 20 සිට 40 අතර උල්කා සංඛ්‍යාවක් දැකගත හැකි අතර, සමහර අවස්ථාවල එය තවත් වැඩි විය හැක.

උල්කා වැස්ස නිරීක්ෂණය කිරීමේදී විශේෂ උපකරණ අවශ්‍ය නොවේ. පියවි ඇසෙන් (naked eye) පමණක්ම මෙම සුන්දර දර්ශනය භුක්ති විඳිය හැක. නමුත්, හොඳම අත්දැකීමක් සඳහා, ආලෝක දූෂණය අඩු, අඳුරු ස්ථානයක් තෝරාගැනීම ඉතා වැදගත් වේ. ගම්මාන ප්‍රදේශ, වෙරළ තීර, හෝ කඳු මුදුන් වැනි ස්ථාන මේ සඳහා වඩාත් සුදුසු වේ. විශේෂයෙන්ම නැගෙනහිර ක්ෂිතිජය පැහැදිලිව පෙනෙන ස්ථානයක් තෝරාගතහොත්, උල්කා දිගු රේඛා ලෙස අහසේ ගමන් කරන අයුරු තවත් පැහැදිලිව දැකගත හැක.

මෙම උල්කා වෙනත් උල්කා වර්ෂා වලට වඩා බොහෝවිට ඉතා වේගයෙන් අහස හරහා දිව යයි. ඒ නිසාම ඒවා දිගු ආලෝක රේඛා ලෙස (streaks) පෙනී, සමහරවිට තත්පර කිහිපයක් පවා අහසේ රැඳී සිටින “persistent trails” ලෙස දක්නට ලැබේ. මෙය Eta Aquarids උල්කා වර්ෂාවට විශේෂ ලක්ෂණයකි.

සමස්තයක් ලෙස බැලූ විට, 2026 මැයි මාසයේ Eta Aquarids උල්කා වර්ෂාව ශ්‍රී ලංකාවේ අහස් නිරීක්ෂකයින්ට නොමිලේ ලැබෙන අතිශය අලංකාර ස්වභාවික දර්ශනයක් වේ. නිහඬ උදෑසන අහසේ, ආකාශ ගීතයක් මෙන් දිව යන මෙම අපූරු උල්කා දැකීම, විද්‍යාත්මක අගයක් පමණක් නොව, හදවතටත් අමතක නොවන අත්දැකීමක් වනු ඇත.

#2026❤️

New year, new orbit 🌌✨

Wishing you a Happy Sinhala and Hindu new year filled with bright beginnings, sweet moments, and endless possibilities 🚀💛





#2026

New year, new orbit 🌌✨

Wishing you a Happy Sinhala and Hindu new year filled with bright beginnings, sweet moments, and endless possibilities 🚀💛

✨ අප්‍රේල් මස ආරම්භයේ උදාවන "රෝස සඳ" (Pink Moon) ලෙස නම් කෙරුණු පසළොස්වක පොහොය දින පූර්ණ චන්ද්‍රයා පිළිබඳවයි මේ සටහන. 🌕✨

2026 වසරේ අප්‍රේල් මාසයේ අහස ආලෝකමත් කරමින් උදාවන පසළොස්වක පොහොය දින චන්ද්‍රයා "රෝස සඳ" (Pink Moon) ලෙස හැඳින්වේ. මෙය අප්‍රේල් මස ආරම්භයේ දී සිදුවන වඩාත්ම සුන්දර තාරකා විද්‍යාත්මක සිදුවීමක් ලෙස සැලකේ.
මෙම සඳ ඔබට දැකිය හැක්කේ 2026 අප්‍රේල් මස 01 වනදා රාත්‍රී කාලයේ සිට අප්‍රේල් 02 වනදා අලුයම් කාලය වන තෙක්ය. හිරු බැස ගිය පසු නැගෙනහිර ක්ෂිතිජයෙන් සඳ උදාවන අතර රාත්‍රීය ගතවත්ම එය ක්‍රමයෙන් අහස මුදුනට පැමිණෙයි. මෙම සඳ "Pink Moon" හෙවත් "රෝස සඳ" ලෙස නම් කෙරුණද සැබැවින්ම මෙම සඳ රෝස පැහැයෙන් දිස් වන්නේ නැත. එය සාමාන්‍ය පූර්ණ චන්ද්‍රයෙකු මෙන් රන්වන් හෝ සුදු පැහැයෙන් දිස්වේ. මෙලෙස "Pink Moon" යන නම ලැබී ඇත්තේ උතුරු ඇමරිකාවේ වසන්ත කාලය ආරම්භයේදී පිපෙන "Wild ground phlox" (Phlox subulata) නම් රෝස පැහැති මල් වර්ගය නිසාය. ස්වදේශික ඇමරිකානුවන් මෙම මල් පිපෙන කාලය හඳුනා ගැනීමට අප්‍රේල් පසළොස්වක සඳට මෙම නම භාවිතා කර ඇත. මෙම වසරේ පාස්කු ඉරිදා දිනය තීරණය වන්නේ ද මෙම චන්ද්‍රයා පදනම් කරගෙනයි. එබැවින් එය "පාස්කු සඳ" ලෙස ද හඳුන්වයි.
ඔබ අද රාත්‍රීයේ සඳ ක්ෂිතිජයෙන් පායන අවස්ථාවේ දී නිරීක්ෂණය කළහොත් සඳ වෙනදාට වඩා ඉතා සමීපව ඇති බවක් පෙනෙනු ඇත. විද්‍යාවේ දී මෙය "Moon Illusion" හෙවත් "චන්ද්‍ර මායාව" ලෙස හඳුන්වයි. මෙලෙස සිදුවීමට හේතුව වන්නේ මෙය සැබෑ තාරකා විද්‍යාත්මක විශාල වීමක් නොව, අපගේ මොළය මඟින් ඇති කරන දෘෂ්‍ය රැවටීමකි. සඳ ක්ෂිතිජයට ආසන්නව ඇති විට අවට ඇති ගස්, ගොඩනැගිලි සහ කඳුවලට සාපේක්ෂව සඳ දෙස බැලීමට අපගේ මොළය උත්සාහ කරයි. එවිට එම වස්තූන්ට සාපේක්ෂව සඳ දැවැන්ත වස්තුවක් ලෙස අපට අර්ථකථනය වේ. නමුත් සඳ අහස මුදුනට පැමිණි විට වටපිටාවේ සංසන්දනය කිරීමට වස්තූන් නොමැති නිසා එය නැවත සාමාන්‍යයෙන් සඳ අපට පෙනෙන ප්‍රමාණයෙන්ම පෙනේ. ඔබ එම අවස්ථාවන්හි ඡායාරූපයක් ගෙන බැලුවහොත් අවස්ථා දෙකෙහිදී ම සඳෙහි ප්‍රමාණය එකම බව ඔබට වැටහෙනු ඇත.
තවද මෙදින සිදුවන තවත් තාරකා විද්‍යාත්මක විශේෂතා වන්නේ මෙම අවස්ථාවේ දී චන්ද්‍රයා කන්‍යා රාශියේ දීප්තිමත් තරුව වන "ස්පයිකා" (Spica) තරුවට ඉතා සමීපව චන්ද්‍රයා දැකගත හැකිය. එසේම නාසා ආයතනයේ "ARTEMIS II" සඳ වටා යන මිනිසුන් සහිත මෙහෙයුම ද මෙම අප්‍රේල් මුල් සතියේ දියත් කිරීමට නියමිතව ඇති බැවින් මෙම රෝස පැහැති හඳට ලෝකයේ වැඩි අවධානයක් යොමු වී ඇත.

Written by: Aloka Weerakoon
Designed by: Rashmila Senadheera

🌒 ශ්‍රී ලංකාව පුරා සිටින නිරීක්ෂකයින්ට නැරඹීමට අවස්ථාව ලැබෙන රාත්‍රී අහස ආලෝකමත් කරන අලංකාර අර්ධ චන්ද්‍රග්‍රහණයක් පිළිබඳවයි මෙම ලිපිය. ✨

මෙම විශේෂ සංසිද්ධිය සිදුවන්නේ පෘථිවිය; සූර්යයා සහ චන්ද්‍රයා අතරට පැමිණීමෙන්, එහි සෙවනැල්ල චන්ද්‍රයාගේ මතුපිට කොටසක් මතට වැටිම හේතුකොටගෙනයි. අභ්‍යවකාශයේ මෙම සරල නමුත් විශ්මයජනක සැකැස්ම සිදුවන අවස්ථාවේදී, චන්ද්‍රයාගේ දීප්තිමත් මතුපිට මත අඳුරු සෙවනැල්ලක් සෙමින් ගමන් කරන ආකාරය පැහැදිලිව දැකගත හැක.

පූර්ණ චන්ද්‍රග්‍රහණයක් මෙන් නොව, මෙවර චන්ද්‍රයාගේ කොටසක් පමණක් පෘථිවියේ අඳුරුතම සෙවනැල්ල වන “අම්බ්‍රා” (Umbra) ප්‍රදේශයට ඇතුළු වේ. එම නිසා සඳේ කොටසක් පමණක් අඳුරු වන අතර ඉතිරි කොටස සාමාන්‍ය ලෙස දීප්තිමත් වේ. සමහර අවස්ථාවල සෙවනැල්ල වැටෙන කොටස තරමක් රතු පැහැයෙන් දිස්විය හැක. මෙයට හේතුව වන්නේ හිරු එළිය පෘථිවියේ වායුගෝලය හරහා ගමන් කිරීමේදී නිල් ආලෝකය වැඩි වශයෙන් විසිරී යාමත්, රතු ආලෝකය වැඩි වශයෙන් ඉදිරියට ගමන් කර චන්ද්‍රයා වෙත ළඟා වීමත් ය. හිරු බැස යන විට අප දකින රතු-තැඹිලි පැහැයට මෙය සමානය.

අහස පැහැදිලි නම්, මෙම චන්ද්‍රග්‍රහණය ශ්‍රී ලංකාවේ සෑම ප්‍රදේශයකටම පහසුවෙන් දෘශ්‍යමාන වේ. 2026 මාර්තු 03වනදා පස්වරු 6.21 සිට 6.47 දක්වා කාලය අතරතුර මෙම සංසිද්ධියේ උපරිම අවස්ථාව නිරීක්ෂණය කිරීමට හැකිවේ. එය නැරඹීමට විශේෂ උපකරණ කිසිවක් අවශ්‍ය නොවන අතර, පියවි ඇසින් බැලීම සම්පූර්ණයෙන්ම ආරක්ෂිතය. දුරදක්නක් හෝ කුඩා දුරේක්ෂයක් තිබේ නම්, සඳේ මතුපිට තවදුරටත් පැහැදිලිව දැකගත හැකි නමුත්, එවැනි උපකරණ අත්‍යවශ්‍ය නොවේ.

චන්ද්‍රග්‍රහණය ආරම්භයේදී, චන්ද්‍රයා පෘථිවියේ පිටත සෙවනැල්ලට (පෙනුම්බ්‍රා/Penumbra) ඇතුළු වන නිසා සුළු අඳුරු වීමක් පමණක් පෙනෙනු ඇත. එය මුලින්ම සරලව හඳුනාගැනීම අපහසු විය හැක. ඉන්පසු අර්ධ ග්‍රහණ අවධිය ආරම්භ වන විට අඳුරු සෙවනැල්ල පැහැදිලිව සඳ මත දිස්වේ. උපරිම ග්‍රහණ අවස්ථාවේදී, චන්ද්‍රයාගේ විශාලතම කොටස සෙවනැල්ලෙන් ආවරණය වී ඇති ආකාරය දැකගත හැකි වන අතර, ඉන්පසු සෙවනැල්ල සෙමින් ඉවතට ගොස් සඳ නැවත සාමාන්‍ය දීප්තියට පැමිණේ.

චන්ද්‍රග්‍රහණයක් යනු සූර්යයා, පෘථිවිය සහ චන්ද්‍රයා අභ්‍යවකාශයේ නිවැරදිව පෙළ ගැසෙන ආකාරය පෙන්වන සරල නමුත් බලගතු ස්වභාවික සිදුවීමකි. එය නැරඹීමට පහසු සහ ආරක්ෂිත සංසිද්ධියකි.

එබැවින් ඔබේ පවුලේ අය සහ මිතුරන් සමඟ එකතු වී මෙම සුන්දර සංසිද්ධිය භුක්ති විඳීමට ආරාධනා.🌙✨

Written by: Rashmila Senadheera
Designed by: Rashmila Senadheera

🪐පෙබරවාරි අහසේ සිත්තම් වන දුර්ලභ ෂඩ් ග්‍රහ පෙළපාලිය✨

පෙබරවාරි මස 28වනදා සවස සිට ලොව පුරා රාත්‍රී අහස නරඹන්නන්ට ග්‍රහලෝක හයක දර්ශනීය පෙළගැස්මක් නැරඹීමට අවස්ථාව උදාවනු ඇත.

එදින ග්‍රහ පෙළගැස්මේදී බුධ (Mercury), සිකුරු (Venus), සෙනසුරු (Saturn), බ්‍රහස්පති (Jupiter), යුරේනස් (Uranus) සහ නෙප්චූන් (Neptune) යන ග්‍රහලෝක හයම රාත්‍රී අහසේ එක් රේඛාවක් දිගේ පෙළගැසී දිස්වනු ඇත.

එදිනට සිකුරු(Venus),බ්‍රහස්පති(Jupiter) සහ සෙනසුරු(Saturn) ග්‍රහයන් පහසුවෙන් පියවි ඇසට හදුනාගත හැකි සහ දර්ශනය වනු ඇති අතර, බුධ(Mercury) ග්‍රහයා හිරු බැසයාමෙන් පසු ඉක්මනින් අස්තයට යන බැවින් එය හදුනාගැනීමට තරමක් අපහසුවනු ඇත. යුරේනස්(Uranus) සහ නෙප්චූන්(Neptune) පියවි ඇසට අපැහැදිලි බැවින් ඒවා නැරඹීමට අනිවාර්යයෙන් දුරේක්ෂයක් හෝ දුරදක්නයක් අවශ්‍ය වනු ඇත.

ශ්‍රී ලංකාවාසී අපට හිරු බැසයාමෙන් පසු මිනිත්තු 30-45 පමණ කාලයකට පසු එනම් ප.ව. 6.15 සිට ප.ව. 8.00 පමණ දක්වා කාලය තුල වඩාත් හොදින් ග්‍රහපෙළපාලිය නැරඹීමට අවස්ථාව උදාවනු ඇත.

ග්‍රහ පෙළපාලිය නැරඹීමේදී බුධ, සිකුරු සහ සෙනසුරු බටහිර ක්ෂිතිජය (Western Horizon) දෙසින් දර්ශනය වනු ඇත. බ්‍රහස්පති ග්‍රහයා අහසේ ඉහළින්, නැගෙනහිර-අග්නිදිග (SouthEast to Eastern) දෙසට වන්නට දිස්වනු ඇත.
යුරේනස් අහසේ ඉහළින් නිරිත (SouthWest) දෙසින් ද, නෙප්චූන් බටහිර(West) දෙසින් දිස්වනු ඇත.

රාත්‍රී අහසේ සනිටුහන් වන මෙම දුර්ලභ අවස්ථාව හොදින්ම විදගැනීමට ආලෝක දූෂණයෙන් තොරව ක්ෂිතිජය පැහැදිලිව පෙනෙන උස් හෝ විවෘත බිමක් තෝරාගැනීම වඩාත් සුදුසු වේ. දුරදක්න යුගලක් හෝ දුරේක්ෂය සූදානම් කරගෙන හිරු බැසයාමෙන් පසු සූදානමින් සිටිම සුදුසු වේ. ග්‍රහයන් දර්ශනය වන දිශාවන් හදුනාගැනීමට ඔබට Stellarium, Star walk, Sky safari වැනි දුරකථන යෙදුමක්ද භාවිතා කළ හැක.

ඉදින් සෞරග්‍රහ මණ්ඩලයේ ග්‍රහයන්ගෙන් අඩකටත් වඩා දැකබලා ගැනීමට උදාවන මේ දුර්ලභ සිත්ගන්නාසුලු අත්දැකීම මගහැර නොගෙන විදගන්නට තාරකාලෝලී ඔබ සැමට ආරාධනා!

Written by: Himantha Jayasundara
Designed by: Rashmila Senadheera

THE CELESTIAL SMILE
ආකාශ සිනහව

✨පෙබරවාරි මස අවසානයේ අහසේ සිදුවන ආකර්ෂණීය සිදුවීමක් වන "The Celestia Smile" හෙවත් "ආකාශ සිනහව" 2026 පෙබරවාරි 27 වන දින දැකගත හැකිය. මෙය ද පෙබරවාරි 28 වන දින සිදුවන ග්‍රහලෝක පෙරහරේ කොටසක් වේ.

මෙහි දී සාමාන්‍යයෙන් සිදු වන්නේ චන්ද්‍රයා ග්‍රහලෝක දෙකකට පහළින් සිටීමය. එනම්, සිහින් අඩ සඳක් (මුඛය), සිකුරු සහ බ්‍රහස්පති (ඇස්) ලෙස පිහිටයි. නමුත් මෙදින සඳ 92% ක්ම Waxing Gibbous පිරී පවතින බැවින් එය සිහින් සිනාවකට වඩා ඉතා දීප්තිමත් විශාල සිනහවක් ලෙස දිස්වනු ඇත. බ්‍රහස්පති ග්‍රහයා සඳට ඉතා ආසන්නව ස්ථානගත වී ඇති අතර එය ඒ අසල දීප්තිමත් 'ඇසක් ' ලෙස දිස් වේ. බටහිර අහස දෙස බැලූ විට ඉතා දීප්තිමත් සිකුරු ග්‍රහයා ද ඔබට හඳුනා ගත හැකිය.

මෙය හිරු බැස ගිය පසු බටහිර/ නිරිතදිග ක්ෂිතිජය දෙස මිනිත්තු 30 ත් 60 ත් අතර, එනම් සවස 6.45 ත් 7.30 ත් අතර කාලය නිරීක්ෂණය සඳහා වඩාත් සුදුසුය. වලාකුළු වලින් තොරව පැහැදිලි අහසේ මෙම සිදුවීම පියවි ඇසින් ම ඔබට ලස්සනට දැකගත හැකි වේවි. එනිසා මෙම සුන්දර දසුන මඟ නොහැර නරඹන්න. ✨

Written by: Aloka Weerakoon
Designed by: Gangasara Jayawickrama

🌕MOON & JUPITER ALIGN🌑
සඳ සහ බ්‍රහස්පති එක පෙළට

✨පෙබරවාරි මාසයේ අවසන් සතියේ සිදුවන අපූරු තාරකා විද්‍යාත්මක සිදුවීමක් පිළිබඳවයි මේ සටහන.

අද රාත්‍රීයේ, එනම් 2026 පෙබරවාරි 26 වනදා රාත්‍රීයේ ඔබට මෙම සුන්දර දර්ශනය දැකගත හැකිය. මෙය පෙබරවාරි 28 වනදා සිදුවන ග්‍රහලෝක පෙරහරට පෙර සිදුවන විශේෂ අවස්ථාවකි.

මෙය පියවි ඇසින් ද නිරීක්ෂණය කළ හැකිය. එනිසා අද රාත්‍රීයේ සඳ අසල ම ඉතා දීප්තිමත් "තරුවක්" ලෙස බ්‍රහස්පති ග්‍රහයා දැකගත හැක. අද දින සඳ 75% ක් පමණ පිරී පවතින බැවින් එය ඉතා දීප්තිමත් ලෙස දිස් වේ.

මෙය නිරීක්ෂණය සඳහා රාත්‍රී 7.00 සිට රාත්‍රී 10.00 දක්වා කාලය වඩාත් සුදුසුය. නිරීක්ෂණය කරන ඔබ හිරු බැස ගිය පසු බටහිර දෙසට වන්නට ඉහළ අහසේ සඳට මදක් ඉහළින් හෝ අසලින් මෙම බ්‍රහස්පති ග්‍රහයා දීප්තිමත්ව දැකගත හැකිය.

එසේම ඔබ සතුව දුරේක්ෂයක් තිබේ නම් එමගින් බ්‍රහස්පති වටා ඇති එහි විශාලතම චන්ද්‍රයන් හතර දෙනා (lo, Europa, Ganymede, Callisto) කුඩා තිත් මෙන් පෙළට පිහිටා ඇති අයුරු දැකගත හැකිය.✨

Written by: Aloka Weerakoon
Designed by: Gangasara Jayawickrama

&JupiterAlign

✨ Tomorrow is the Day, Astro Enthusiasts! ✨🚀

The countdown is over! 🌌 If you’ve ever looked up at the night sky and felt inspired… this is YOUR moment. 🔭🌠

Join the Foundation of Astronomical Studies and Exploration (FASE) and step into a passionate community ready to explore the cosmos, spark curiosity, and shape the future of astronomy in Sri Lanka. 🌟

📅 15th February 2026
🕘 09.00 AM onwards
📍 Peradeniya Botanical Garden
🎓 For: School leavers

Your journey among the stars begins tomorrow. Don’t miss it! ✨🌠

📝 Register now: https://forms.gle/vcpgGw2Y7fgaVXAh6

🔗 Reach us on:
Facebook: https://www.facebook.com/faselk/
Instagram: https://www.instagram.com/fase.srilanka/
LinkedIn: https://www.linkedin.com/company/foundation-of-astronomical-studies-and-explorations/

📞 Contact us:
President – +94 70 528 3789
Secretary – +94 71 345 1004

✨ *3 Days to Go, Astro Enthusiasts!* ✨

Are you passionate about the stars, curious about the cosmos, and ready to explore the wonders beyond Earth while inspiring the next generation of astronomy lovers? 🌌

Join the *Foundation of Astronomical Studies and Exploration (FASE)* — a vibrant community dedicated to advancing astronomy and nurturing cosmic curiosity in Sri Lanka! Whether you’re a school leaver or simply someone who loves the cosmos, this is your chance to begin your journey among the stars. 🔭🌠

📅 Date: 15th February 2026
🕘 Time: 09.00 AM onwards
📍 Venue: Peradeniya Botanical Garden
🎓 For: School leavers

📝 Register now: https://forms.gle/vcpgGw2Y7fgaVXAh6
🌍 Explore. Discover. Connect. Let’s make the universe our playground! ✨

🔗 Reach us on:
Facebook: https://www.facebook.com/faselk/
Instagram: https://www.instagram.com/fase.srilanka/
LinkedIn: https://www.linkedin.com/company/foundation-of-astronomical-studies-and-explorations/

📞 Contact us:
President – +94 70 528 3789
Secretary – +94 71 345 1004