30/09/2026
ලෙනවර රජමහා විහාරය 🇱🇰✨
අනුරාධපුර යුගයේ සිට කෝට්ටේ 6 වන පරාක්‍රමබාහු රජසමය දක්වා දිවෙන දීර්ඝ ඉතිහාසයකට උරුමකම් කියන ඒ වගේම අපූරු ජනප්‍රවාද රැසක් සඟවාගත් හෙළ වෙදකමේ හා අභිරහස්වල මුල් දිවෙන තැනක් තමයි බණ්ඩාරගම හල්තොට පිහිටි ලේනවර රජමහා විහාරය.
ස්වාභාවික කඳුගැටයක් ආශ්‍රිතව තට්ටු 3 කට බෙදී පවතින මේ පුදබිම ඇත්තටම වෙනස්ම අත්දැකීමක්
ජනප්‍රවාදයට අනුව දකුණු ඉන්දියාවේ සිට පැමිණි රාමසුන්දර නම් බ්‍රාහ්මණ ඍෂිවරයා මෙහි ගල්ලෙනේ භාවනා කරන අතරතුර පීනස් රෝගයට දිව්‍යමය ඖෂධ වරයක් ලැබී තිබෙනවා. උන්වහන්සේ ඒ රහස් ඔසු වට්ටෝරුව රන්පතක ලියා "ලේනගල" වෙද පරම්පරාවට ලබාදුන් බවයි සඳහන් වන්නේ.
අදටත් ලෙනවර විහාරයේ වර්තමාන විහාරාධිපති ස්වාමීන් වහන්සේ විසින් එම සාම්ප්‍රදායික පීනස් වෙදකම අඛණ්ඩව කරගෙන යනු ලබනවා.
එ විතරක් නෙවෙයි 6 වන පරාක්‍රමබාහු රජතුමාගේ "පැපිලියාන සන්නස" මගින් පවා මෙම ස්ථානයට කෙරුණු රාජකීය අනුග්‍රහය තහවුරු වෙනවා. කිසිදු කැටයමක් නැති අද්භූත හිස් සඳකඩපහණ සහ දුර්ලභ නාරිලතා චිත්‍රත් මෙහිදී අපට දැකබලා ගන්න පුළුවන්.
කළුතර දිස්ත්‍රික්කයේ ගමනක් යනවනම් අනිවාර්යයෙන්ම බලන්න යන්න ඕන සොබාදහමයි ඉතිහාසයයි එකට එකතු වුණු අපූරු තැනක්
- Global diaries by chamath -
