14/07/2026
அறிவொளி ஏந்திய ஆசிரியருக்கு எமது பிரார்த்தனை
ஹனிபா கல்லூரி – அனுதாபச் செய்தி
😭😭😭😭😭😭😭😭😭😭😭😭😭😭😭😭
ஆழ்ந்த கவலையுடனும் பெருந்துயருடனும், எமது கல்லூரியுடன் நீண்டகாலம் இணைந்து பணியாற்றிய சிறந்த கல்வியாளரின் மறைவை அறிந்து மிகவும் வருந்துகிறோம்.
சுமார் 40 ஆண்டுகளுக்கு மேல் கல்விச் சேவை செய்து அட்டாளைச்சேணை தேசிய கல்விக் கல்லூரியில் சிரேஷ்ட விரிவுரையாளராகவும், 15 ஆண்டுகளுக்கும் மேலாக கல்முனை ஹனிபா கல்லூரியில் ஆங்கில ஆசிரியராகவும் அர்ப்பணிப்புடன் கல்விப் பணியாற்றியவர்.
அத்துடன், கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரை பள்ளிவாசல் நிர்வாக சபைகளின் முன்னாள் உறுப்பினராகவும் சமூகப் பணிகளில் சிறப்பாக பங்காற்றியவர்.
மென்மையான குணம் கொண்டவராகவும், ஒழுக்கத்தை உயர்வாக மதித்து வாழ்ந்தவராகவும், பிறரது மனங்களை நோகாமல் அன்புடனும் பணிவுடனும் பழகியவராகவும் அனைவராலும் மதிக்கப்பட்டார். குறிப்பாக, ஆங்கில மொழியை மற்றவர்களுக்கு கற்பிப்பதில் அளவற்ற ஆர்வமும் அர்ப்பணிப்பும் கொண்ட கல்விச் சேவையாளராக எண்ணற்ற மாணவர்களின் வாழ்வில் அழியாத தடத்தைப் பதித்துள்ளார்.
அன்னாரின் இழப்பால் துயருறும் குடும்பத்தினருக்கும், உறவினர்களுக்கும், நண்பர்களுக்கும், பழைய மாணவர்களுக்கும் எமது ஹனிபா கல்லூரி சமூகத்தின் சார்பில் ஆழ்ந்த அனுதாபங்களையும் இதயபூர்வமான இரங்கல்களையும் தெரிவித்துக் கொள்கிறோம்.
அல்லாஹ் (ஸுப்ஹானஹு வதஆலா) அன்னாரின் பாவங்களை மன்னித்து, கப்ரை விசாலமாக்கி, ஜன்னத்துல் பிர்தௌஸ் எனும் உயர்ந்த சுவனத்தை அருள்வானாக. ஆமீன்.
ஹனிபா கல்லூரி
கல்முனை
2026.07.14
