Pahala Karannagoda Primary College

බප/හො/පහළ කරන්නාගොඩ ප්‍රාථමික විද්‍යාලයේ 2025 ශිෂ්‍යයත්ව විභාගයේ දස්කම් දැක්වූ අපේ ආදරණීය දරුවන් ඇගයීමේ උළෙල. (විශේෂ ස්තූතිය - මහජන බැංකුව නෑබොඩ ශාඛාවේ කළමණාකාරතුමන් ඇතුළු කාර්යය මණ්ඩලය)

බප/හො/පහළ කරන්නාගොඩ ප්‍රාථමික විද්‍යාලයේ 2025/11/03 වන දින පැවැත්වූ මාපිය වන්දනා වැඩසටහන.

පුතේ ඔයාල මේ ආපු දුර අපිට මහ මෙරක්.... කොට්ඨාස ප්‍රාථමික ක්‍රීඩා තරඟ පුහුණු කරන්න අපිට පුහුණු කරුවො හිටියෙ නෑ... තරඟ පුරුදු කරන්න ක්‍රීඩා පිට්ටනියක් අපිට තිබුණෙ නැහැ.. විසදුම දුන්නෙ පහළ කරන්නාගොඩ පන්සලේ හාමුදුරුවෝ... ඉස්සර කාලේ ඉදන්ම පන්සල් තිබුණෙ ගමේ මිනිසුන්ට, දරුවන්ට තමා මේව තියෙන්නෙ කියලා තරඟ පුරුදු වෙන්න අපිට පන්සල් භූමිය දුන්නේ අපේ හාමුදුරුවෝ..... ඉස්කෝලෙ ට කලාප අධීක්ෂණය ආව දවසේ කිව්වෙත් අපි දරුවන් ව එහෙම පාරෙන් පන්සලට අරන් යන එක අවදානම් කියලා...ඒත් අපි ඒ අවදානම ගත්තා දරුවො වෙනුවෙන් මොකද අපිට වෙන් විකල්පයක් තිබුණේ නෑ.. ඉතින් ඒ පන්සල් භූමියේ බොරලු පොළොවට හැමදාමත් ට්‍රුක් එක ගහලා හදලා දුන්නේ අපේ දරුවන්ගේ දෙමව්පියෝ, අන්න එහෙම තමයි අපි මුලින්ම ක්‍රීඩා තරඟවලට ගියෙ..අපිට වැඩිය පහසුකම් තිබුණු කොට්ඨාසෙ අනික් පාසල් එක්ක තරග කරපු අපේ පැටව් කොට්ඨාස අනූ ශූරතාව.....ඒ දැනුණ සතුට වචන වලින් කියා ගන්නා බෑ... කලාප තරග ඊළඟට..... හොඳ තරගයක් දෙන්න ඕන..ඒ අපේ මුළු ඉස්කෝලෙ ම අපේක්ෂාව.... ඒත් අපිට ආපහු කලින් ප්‍රශ්නවලටම මුහුණ දෙන්න වුණා.. ඉතින් මතක් වුණේ අපේ අසල්වැසි පාසල... වරකාගොඩ දීපාලෝක මහා විද්‍යාලය....අපේ විදුහල්පතිතුමියගේ මැදිහත් වීමෙන් ඒ විදුහල්පතිතුමියගේ කාරුණික ප්‍රතිචාරයෙන් අපිට පුළුවන් වුණා වරකාගොඩ මහා විද්‍යාලයේ ක්‍රීඩා පුහුණුකරු ජීවන් සර්ව ගෙන්න ගන්න.. එතුමා ඇවිල්ලා අපෙ දරුවන්ව හොඳින් පුහුණු කළා..ඒක රාජකාරියකට වඩා මානුෂීය සත්කාරයක්.... ඒ වගේම වරකාගොඩ දීපාලෝක මහා විද්‍යාලයෙ ක්‍රීඩා පිට්ටනියටත් අරන් ගිහිල්ලා අපේ පැටව් පුහුණු කළා..
ඉතින් අපේ පැටව් ටික ලස්සනට ගෙනියන්න ඉස්කෝලෙ පාටින් ඇඳුමකුත් මහගත්තේ අපේ දෙමව්පියන්ගෙ ශක්තියෙන්.. කලාප තරග දවසට අපේ පැටව් ටික ගෙනියන්න නොමිලෙ ප්‍රවාහන පහසුකම් දුන්නේ දුන්නෙත් අපේ දෙමව්පියෝ...මහ වැස්සේ තෙමි තෙමි හැම දරුවෙක්ම තමන්ගේ වගේ බලා ගත්තෙත් අපේ දෙමව්පියෝ..(ඔයාලා තමා අපේ ශක්තිය) මේ වගේ ගොඩක් දුෂ්කරතා මැද්දේ තරඟ කරපු අපේ පැටවුන්ට කලාප ක්‍රීඩා උළෙලෙත් ජයග්‍රහණයක් තියේවි කියලා පුංචි බලාපොරොත්තුවක් හිතේ ඇතුළෙ තිබුණා...1,2,3 ස්ථාන නොතිබුණාට හොරණ නගරයේ ප්‍රමුඛ පෙළේ පාසල් එක්ක ඔයාලා දුන්න තරගෙ හැටියට 4 කියන්නෙත් ලොකු ස්ථානයක් තමයි... ආදරෙයි පුතේ ඔයාල හැමෝටම.... ..
ඉතින් කියන්න ඕන මේ හැමදේකටම යෝධ ශක්තියක් වුණේ අපේ විදුහල්පතිතුමිය.. එතුමියගෙන් අපිට ලැබුණ සහය අතිවිශිෂ්ටයි........

ඉතින් මේ දුෂ්කරතා මධ්‍යයේ වුවත් අපේ පහළ කරන්නාගොඩ ප්‍රාථමික විද්‍යාලීය නාමය ඔසවා තබන්නට දායක වු පහළ කරන්නාගොඩ පන්සලේ අපේ හාමුදුරුවන්ට, අපේ පාසලේ විදුහල්පතිතුමියට ආචාර්ය මණ්ඩලය ට, වරකාගොඩ දීපාලෝක මහා විද්‍යාලයෙ විදුහල්පතිතුමියට හා ක්‍රීඩා පුහුණුකරු ජීවන් පැතුම් සහෝදරයාට, ඒ වගේම අපේ දරුවන්ගේ දෙමව්පියන් ට ගොඩක් ස්තුතියි අපිට හයියක් වුණාට...

බප/හො/පහළ කරන්නාගොඩ ප්‍රාථමික විද්‍යාලය.
🥰ගුරු උපහාර🥰
"සකසා නෙක දැනුම්,
පොවනා උතුම් සෙනෙහින්,
මව්නි ගුරු උතුම්,
පුදන්නෙද ඔබ මෙසේ කෙලෙසින්"

බප/හො/පහළ කරන්නාගොඩ ප්‍රාථමික විද්‍යාලයේ වප් පුන් පොහොය නිමිති කරගෙන පැවැත්වූ පෙර පෝදා ධර්මදේශනය. 2025/10/03

බප/හො/පහළ කරන්නාගොඩ ප්‍රාථමික විද්‍යාලය
2025 ලෝක ළමා දින සැමරුම් උත්සවය.
"ආදරයෙන් සුරකින්න, අපට ලොව දිනන්නට"

ප්‍රාථමික සිසු නිපුනතා තරගාවලිය 2025 කලාප මට්ටම (3,4,5 ශ්‍රේණි) දැලිස එකතු කිරීම, දැලිස අඩු කිරීම, දැලිස ගුණ කිරීම, නිර්මාණාත්මක වැකි ලිවීම,අසා ලිවීම යන තරඟ අංශයන්ගෙන් ප්‍රථම, දෙවන හා තෙවන ස්ථාන අත්කර ගනිමින් විදුමවුගේ කිතු ගොස නැංවූ දූ දරුවනේ ඔබට අපගේ සුබාසිංශන.

2025 අප්‍රේල් 01 දා අප විද්‍යාලයට ඉතාමත් සුවිශේෂී දවසක්. විද්‍යාලයට මෙතෙක් මහත් අ‍වශ්‍යතාවක් ව පැවති පාසල් ගීතය සිසු අයිතියට පැවරීම ඒ සුවිශේෂීත්වයයි. සෞන්දර්ය විශ්ව විද්‍යාලයේ ප්‍රාසාංගික කලාවේදී විශේෂ උපාධිධාරී බුද්දික ලක්මාල් සමරසුන්දර මහතා මෙම ගීතය පදරචනය කොට තනු නිර්මාණය කළේය . මෙම පාසල් ගීය සිසු අයිතියට පැවරීම දක්වා වු සියලු මූල්‍ය දායකත්වය සපයන ලද ජයරුවන් සමරසුන්දර මහතා ගවුරවයෙන් සිහිපත් කරන අතර එදින පැවති උත්සවයට සහභාගි වූ බුද්දික මහතාගේ පියා විශ්‍රාමලත් විදුහල්පති පුන්‍යාදාස සමරසුන්දර මහතා, මව විශ්‍රාමලත් පාටශාලාචාරිනී නන්දා කරියකරන මහත්මිය , බිරිද ලක්මාලි සමරසුන්දර මහත්මිය ,සොයුරු හසිත සමරසුන්දර මහතා ඇතුලු පිරිසට විදුහල්පතිතුමිය ඇතුලු අද්‍යන අනද්‍යන කාර්යමණ්ඩලයේ ස්තූතිය පුද කර සිටිමු .

සිසු නිපුණතා තරගාවලිය
2025
බුලත්සිංහල කොට්ඨාසය
3,4,5 ශ්‍රේණි දැලිස එකතු කිරීම,අඩු කිරීම,ගුණකිරීම,නිර්මාණාත්මක වැකි ලිවීම හා අසා ලිවීම යන තරග අංශවලින් ප්‍රථම ස්ථාන 8 ක් ,දෙවන ස්ථාන 3 ක් හා තෙවන ස්ථාන 1 ක් ලබා ගනිමින් විද්‍යාලයේ කිතු ගොස නැංවීමට දායක වූ සියලුම දූ දරුවන්ට හද පිරි සුබ පැතුම් ...🩷🩷 ප්‍රදේශය පුරා ජය කෙහෙලි නංවන්නට ලැබේවා නිරතුරු වාසනා....

2025 වසරේ සීල සමාදාන වැඩසටහන

වාර්ශික අද්‍යාපන චාරිකාව
2025..03.12
ගාලු පුරවරය

2025 ජනවාරි 23 අපේ පාසලේ පුංචි පැටවුන්ට සුවිශේෂී දවසක් .හේලීස් ආයතනය මගින් වාර්ශිකව සිදු කරන ලිපි ද්‍රව්‍ය බෙදාදීමේ පුණ්‍ය වන්ත දිනය.දරුවන් නෙත් අයා බලා සිටියේ මේ තෑගිමල්ල ලැබෙනතුරු .අනේකවිධ ආර්තික අපහසුතා මැද දරුවන් අකුරු කරන්න ට එවන අසරණ දෙමාපියන් ට මෙය මහත් අස්වැසිල්ලක් .
ඉති‍ං මේ සත්කාර්‍යයට දායක වූ හේලීස් ආයතනයේ කලමනාකාරිත්වයට,අතහිත දුන් සියලු දෙනාට බොහොමත් ම පිං. ඒ වගේ ම අපේ පාසලටමේ අවස්තාව ලබා දීමට මග සැලසූ චතුරිකා මිස්ටත් අනේක වාරයක් ස්තූතියි .
හේලීස් ආයතනය දිනෙන් දින දියුණු වේවා !