Sri Sumanarama Purana Viharaya - Meegoda

“උත්සාහය හා අත් නො හැරීම සාර්ථකත්වයේ රහසයි”

ඔබට කායික මානසික ශක්තිය ලැබේවා!

විශේෂ මැදින් පොහෝදින ධර්ම දේශනාව

දේශකයාණෝ : අතිපූජනීය දොඩම්පහල රාහුල මහා ස්වාමීන්ද්‍රයන් වහන්සේ

📍මීගොඩ ශ්‍රී සුමනාරාම පුරාණ විහාරස්ථානයේ දී
⏰ 4.00 pm
🗓️ 2026.03.02

සාර්ථකව නිමාවූ ආශිර්වාද බෝධි පූජාමය පිංකම සහ සෙත් පිරිත් සජ්ඣායනය... 🙏🌸✨

​මෙවර සාමාන්‍ය පෙළ විභාගයට පෙනී සිටින අපේ ආදරණීය දුවා දරුවන්ට සෙත් පතා සහ ගම්වාසී සැමට ආශිර්වාද පතා ශ්‍රී සුජාතා දහම් පාසල මගින් සංවිධානය කළ ආශිර්වාද බෝධි පූජාව සහ සෙත් පිරිත් සජ්ඣායනය අද දින(පෙබරවාරි 15) සවස ශ්‍රී සුමනාරාම පුරාණ විහාරස්ථානයේදී ඉතා සාර්ථකව පැවැත්විණ.

​මෙම පින්කම ඉතා සාර්ථකව මෙහෙයවා වදාළ ගෞරවණීය පූජ්‍ය කුඩාගම උත්තරවංශ ස්වාමීන් වහන්සේට අපගේ නමස්කාර පූර්වක පුණ්‍යානුමෝදනාවන් පිරිනමමු. 🙇‍♂️

​එමෙන්ම මෙම උතුම් පින්කම සාර්ථක කර ගැනීමට සහභාගී වූ සහ විවිධ අයුරින් සහයෝගය දැක්වූ සියලුම දෙමාපියන්ට, දුවා දරුවන්ට සහ සැදැහැවතුන්ට පින් අත් වේවා!
​විභාගයට පෙනී සිටින සියළුම දෙනාට බෝ සමිඳු පිහිටෙන් ඉහළම ජයග්‍රහණ අත්වේවා කියා අපි හදවතින්ම ප්‍රාර්ථනා කරමු! 🎓

සෙත් පිරිත් ආශිර්වාදය සැමට ලැබේවා! 🌸✨

​

ආශිර්වාදාත්මක බෝධි පූජා පිංකම🙏

​මෙවර සාමාන්‍ය පෙළ විභාගයට පෙනී සිටින දුවා දරුවන්ට සහ ගම්වාසී සැමට ආශිර්වාද පතා ශ්‍රී සුජාතා දහම් පාසල මගින් සංවිධානය කරනු ලබන විශේෂ බෝධි පූජාමය පිංකම. ✨

​🗓️ පෙබරවාරි 15 ඉරිදා
⏰ සවස 06:00 ට
ශ්‍රී සුමනාරාම පුරාණ විහාරස්ථානයේ දී පැවැත්වේ.

මෙහෙයවීම: කටුවස්ගොඩ ශ්‍රී සමාධි බෞද්ධ මධ්‍යස්ථානාධිපති, කානෝ ලංකා ජපන් අධ්‍යාපන ආයතනයේ නිර්මාතෘ කාව්‍ය ශ්‍රී ශාස්ත්‍රවේදී පූජ්‍ය කුඩාගම උත්තරවංශ ස්වාමීන් වහන්සේ

​පූජාව සඳහා අවශ්‍ය තෙල්, මල්, හඳුන්කූරු රැගෙන සුදු වතින් සැරසී මෙම උතුම් පිංකමට සම්බන්ධ වන මෙන් ඔබ සැමට මෙත් සිතින් ඇරයුම් කරමු. ☸️✨

​

මාධ්‍ය ඒකකය - ශ්‍රී සුජාතා දහම් පාසල

අද දවස නිරෝගී හෙටක් වෙනුවෙන්... 🌿🍚

​අපේ හෙළ ආහාර රටාවේ වටිනාකම සහ නිරෝගී දිවි පැවැත්මක් උදෙසා දේශීය ආහාරවල ඇති වැදගත්කම පිළිබඳව දැනුවත් කිරීමේ විශේෂ වැඩසටහන අද දින (පෙබරවාරි 08) මීගොඩ සුමනාරාම විහාරස්ථානයේදී ඉතා සාර්ථකව පැවැත්විණ.

​ජ්‍යෙෂ්ඨ කථිකාචාර්ය වෛද්‍ය රේණුකා පෙරේරා මහත්මිය විසින් මෙහෙයවනු ලැබූ මෙම දේශනය තුළින්, අතීත ශ්‍රී ලාංකිකයන් භුක්ති විඳි ඒ නිරෝගී ශක්තිමත් දිවියේ රහස් නැවතත් අපේ ජීවිතවලට එකතු කරගන්නා ආකාරය පිළිබඳව ඉතා වැදගත් කරුණු රැසක් සාකච්ඡා කෙරුණු අතර ශ්‍රී සුජාතා දහම් පාසලේ සිසුන් මෙන්ම ප්‍රදේශවාසීන්ද ඉතා උනන්දුවෙන් මෙම වැඩසටහනට සම්බන්ධ වූහ.

​වැඩසටහනට සහභාගී වූ ඔබ සැමටත්, මෙවැනි වටිනා අවස්ථාවක් සංවිධානය කළ "නිරෝගී පරපුරක් උදෙසා දේශීයත්වය" සංවිධානයටත් අපගේ ස්තූතිය! ❤️

​අපේ දේ අගය කරන, ලෙඩ රෝගවලින් තොර නිරෝගී පරපුරක් වෙනුවෙන් අද ලැබුණු දැනුම ප්‍රායෝගිකව ජීවිතයට එකතු කරගනිමු. ✨

​ #දේශීයත්වය #නිරෝගීසමාජයක් #මීගොඩ #හෙළබොජු #දේශීයආහාර

අපේ හෙළ ආහාර සංස්කෘතියේ අභිමානය නැවත පණ ගන්වමු! 🍚🌿

දේශීය ආහාර පිළිබඳ දැනුවත් කිරීමේ විශේෂ වැඩසටහන - 2026

​නිරෝගී, ශක්තිමත් වගේම දීර්ඝායුෂ විඳපු අතීත මුතුන් මිත්තන්ගේ ඒ රහස් වට්ටෝරුවල වටිනාකම අද අපිට අමතක වෙලාද?

වැරදි ආහාර රටාව නිසා ලෙඩ රෝග බහුල වුණු වර්තමානයක, නැවතත් අපේ දේශීය ආහාරවලින් ජීවිතය ජය ගන්න හැටි ඉගෙන ගන්න එන්න අපේ ගමේ පන්සලට... 😍

​ශ්‍රී ලාංකික අනන්‍යතාවය සුරකිමින්, නිරෝගී සමාජයක් උදෙසා "දේශීයත්වය" සංවිධානය කරන මේ සුවිශේෂී වැඩසටහනට ප්‍රදේශවාසී ඔබ සැමට ඉතාම ගෞරවයෙන් ආරාධනා කර සිටිමු!

​📍 ස්ථානය: මීගොඩ සුමනාරාම විහාරස්ථානයේදී
🗓️ දිනය: 2026 පෙබරවාරි 08 (ඉරිදා)
⏰ වේලාව: පෙ.ව. 10.30 සිට 11.30 දක්වා

​🎙️ මෙහෙයවීම:
​ජ්‍යෙෂ්ඨ කථිකාචාර්ය වෛද්‍ය රේණුකා පෙරේරා මහත්මිය

✅​අපේ සිරුරට ගැලපෙන, ලෙඩ රෝගවලින් තොර දිවි පෙවෙතකට අවශ්‍ය මගපෙන්වීම් රැසක් මෙහිදී සාකච්ඡා කෙරේ.

ඔබේත්, ඔබේ ආදරණීයයන්ගේත් හෙට දවස නිරෝගී කරගන්න ලැබෙන මේ වටිනා අවස්ථාව මගහැර නොගන්න.

ප්‍රදේශවාසී ඔබ සැමගේම පැමිණීම ගෞරවයෙන් අපේක්ෂා කරමු! ❤️✨

​ #දේශීයත්වය #නිරෝගීදිවියක් #මීගොඩසුමනාරාමය #දේශීයආහාර

නවම් පෝදා විහාරස්ථ සීලභාවනා වැඩසටහන

අපවත් වී වදාළ අතිපූජ්‍ය මීගොඩ මංගලාභිධාන නායක ස්වාමීන්ද්‍රයන් වහන්සේගේ තෙමස් පූර්ණ ගුණානුස්මරණය නිමිත්තෙන්, බුද්ධ ප්‍රමුඛ මහා සංඝරත්නය උදෙසා පැවැත්වූ මහඟු සාංඝික දානමය පුණ්‍යකර්මය.

සම්බුදු සසුනටත්, රටටත් උන්වහන්සේ ඉටුකළ උදාර මෙහෙවර සිහිපත් කරමින් සිදුකළා වූ මෙම සියලු පින් බලයෙන් උන්වහන්සේ ප්‍රාර්ථනීය බෝධියකින් අමා මහ නිවන් සුවයෙන් සැනසෙත්වා!

A meritorious Maha Sanghika Dana (Alms Giving) was offered to the Maha Sangha, led by the supreme qualities of the Buddha, in solemn memory of the late Most Venerable Meegoda Mangalabhidhana Nayaka Thero on the 3rd month of His Holiness’s passing.

May the merits of this noble deed guide his path to the supreme bliss of Nirvana.

අපවත් වී වදාළ මීගොඩ මංගලාභිධාන නාහිමියන්ගේ තෙමස් පූර්ණ පුණ්‍යානුමෝදනාව මූලික කරගනිමින් පැවැත්වෙන වැඩසටහන් මාලාවට සමගාමීව බෝධි පුජාමය පිංකම සහ ධර්ම දේශනාමය පිංකම අද දිනයේදිත් පැවැත්වින.

ධර්ම දේශකයාණෝ මහා විහාරවංශික ශ්‍යාමෝපාලි මහා නිකායේ මල්වතු පාර්ශවයේ රයිගම් - සල්පිටි දෙකෝරළයේ සහ පාණදුර තොටමුණේ අධිකරණ සංඝනායක, තලගල මංගලාරාමය ඇතුළු විහාර ගණයේ අධිපති, විශ්‍රාමලත් ධර්මාචාර්ය, අතිගෞරවනීය තලගල සුමනරතන නාහිමිපාණන් වහන්සේ.