Alminhaj National School

06/10/2024

G.C.E (O/L) - 2023 (24)

கடந்த வாரம் வெளியாகிய O/L பெறுபேறுகள் அடிப்படையில் எமது பாடசாலை சிறந்த பெறுபேறுகளை இம்முறை பெற்றுள்ளது. அல்ஹம்துலில்லாஹ்.

சிறப்பான முறையில் பரீட்சைக்கு முகங்கொடுத்து சிறந்த பெறுபேறுகளைப் பெற்ற அனைத்து மாணவர்களையும் வாழ்த்துவதோடு,

இதற்காக உழைத்த பாடசாலையின் அதிபர்கள், பிரதி அதிபர்கள், உதவி அதிபர்கள், முன்னாள் பகுதித் தலைவர், தற்போதைய பகுதித் தலைவர் உட்பட, பாட ஆசிரியர்கள், முன்னாள் SDEC, பெற்றோர்கள் மற்றும் சமூக நலன்புரி அமைப்புக்கள், நலன் விரும்பிகள் அனைவருக்கும் நன்றிகள்
-
ANS Media

27/07/2024

08/03/2024

அஸ்ஸலாமு அலைக்கும்

G.C.E 0/L 2023(2024) பரீட்சை எழுத உள்ள மாணவர்களின் பெறுபேற்றை உறுதிப்படுத்துவது தொடர்பான விசேட கலந்துரையாடல் கூட்டம்

எமது அல்-மின்ஹாஜ் தேசிய பாடசாலையில் தற்போது தரம் 11 இல் கல்வி கற்கும் எதிர் வரும் மே மாதம் G.C.E O/L எழுத தயாராகிக் கொண்டிருக்கும் மாணவர்களின் பெற்றோர்கள் மற்றும் பாடசாலை ஆசிரியர்கள் , 23-02-2024 வெள்ளிக் கிழமை கல்லூரியின் கௌரவ அதிபர் அல்ஹாஜ் Mr M.S.M Riza அவர்களின் தலைமையில் பாடசாலை அபிவிருத்தி நிறைவேற்றுக் குழுவின் செயலாளர் உட்பட அங்கத்தவர்கள், உதவி அதிபர்கள், பகுதித் தலைவர்கள், வகுப்பாசிரியர்கள், பெற்றோர்கள், கல்வி சாரா உத்தியோகத்தர்கள், நலன்விரும்பிகள், மாணவர்கள் மற்றும் HYDA , UYAH அமைப்பின் அங்கத்தவர்கள் ஆகியோர்களின் பங்களிப்புடன் மிகச் சிறப்பாக நடைபெற்று முடிந்தது. அல்ஹம்துலில்லாஹ்…

அந்த வகையில் நிகழ்வுகளானது காலை 10:00 மணிக்கு கல்லூரி பிரதான மண்டபத்தில் திருமறையாம் அல்குர்ஆன் வசனங்களுடன் இனிதே ஆரம்பமானது…

நிகழ்வின் அடுத்த முதல் அங்கமாக பாடசாலையின் கௌரவ அதிபர் அல்ஹாஜ் Mr M.S.M Riza அவர்களினால் தலைமை உரை மற்றும் வரவேற்புரை என்பன நிகழ்தப்பட்டது. அந்த வகையில் தற்போது நடைபெற்றுக் கொண்டிருக்கும் பரீட்சை எழுத உள்ள மாணவர்களின் பெறுபேற்றை அதிகரிப்பதற்கான செயற்திட்டங்கள் தொடர்பாகவும், மத்திய மாகாண முன்னோடி பரீட்சை தொடர்பான ஆயத்தங்கள் தொடர்பாகவும், எதிர்வரும் ரமலான் கால செயலமர்வுகள் தொடர்பாகவும் பெற்றோர்களுக்கு தெளிவுபடுத்தினார்.

நிகழ்வுகளின் அடுத்த நகர்வாக கல்லூரியின் மூத்த ஆசிரியரான Mr M.A.M Zafran அவர்களால் மாணவர்களின் எதிர்கால கல்வி தொடர்பாகவும், ஆங்கில பாடத்தின் முக்கியத்துவம் மற்றும் ஆங்கில பாட பெறுபேற்றை அதிகரிப்பது தொடர்பான பாடசாலை ஆங்கில ஆசிரியர் குழாத்தின் ஏற்பாடுகள் தொடர்பாகவும் உரையொன்றை நிகழ்த்தினார்.

அதை தொடர்ந்து HYDA அமைப்பின் உறுப்பினர் Mr M.S Zaid அவர்களால் HYDA அமைப்பின் O/L எழுத உள்ள மாணவர்களின் பெறுபேற்றை அதிகரிப்பது தொடர்பான செயற்றிட்டங்களில் அவ் அமைப்பின் பங்களிப்பு தொடர்பாகவும், எதிர் கால செயற்றிடங்களில் தங்களது பங்களிப்பு தொடர்பாகவும் உரையொன்று நிகழ்தப்பட்டது.

அதை தொடர்ந்து கல்லூரியின் ஆசிரியர் Mr G Kirubananthan அவர்களால் மாணவர்களின் கல்வி தொடர்பான தற்போதய நிலை பற்றியும், எதிர் காலத்தில் பெற்றோர்களால் எடுக்கப்பட வேண்டிய நடவடிக்கைகள் பற்றியும் , பாடசாலை வரலாறு பாட ஆசிரிய குழாத்தின் வரலாறு பாட அபிவிருத்தி தொடர்பான தற்போதய, எதிர்கால செயற்றிட்டங்கள் பற்றியும் உள்ளடக்கிய உரையொன்று நிகழ்தப்பட்டது.

பெற்றோர்களுக்கான சந்தர்ப்பமான தற்போதய பாடசாலை நிர்வாகத்தின் செயற்றிட்டங்கள் தொடர்பாகவும் மற்றும் எதிர் கால செயற்பாடுகள் தொடர்பாகவும் தங்களது கருத்துக்கள் மற்றும் ஆலோசனைகளைகள் பெற்றோர்களால் முன்வைக்கப்பட்டது. மேலும் செயற்றிட்டங்கள் தொடர்பான குறை,நிறைகள் மற்றும் பெற்றோர்களின் கல்வி தொடர்பான எதிர்ப்பார்ப்புக்களும் எடுத்து வைக்கப்பட்டது.

அதை தொடர்ந்து கல்லூரியின் ஆசிரியை Mrs M.A.F Ashmara அவர்களால் இஸ்லாம் பாடம் தொடர்பாகவும், Mrs M.S.F Januba அவர்களால் கணித பாடம் தொடர்பாகவும் தற்போதய எதிர் கால செயற்றிட்டங்கள் தொடர்பான தெளிவூட்டல்கள் முன்வைக்கப்பட்டதுடன்,

நிகழ்வுகளானது கல்லூரியின் விஞ்ஞான பாட ஆசிரியரான M.A.K Arshad இனால் விஞ்ஞான பாட செயற்றிட்டங்கள் தொடர்பாகவும் விஞ்ஞான பாட ஆசிரியர் குழாத்தின் விச்ஞான பாட அடைவு மட்டத்தை அதிகரிப்பது தொடர்பான ஒழுங்கமைப்புகள் தொடர்பாக எடுத்துரைக்கப்பட்டதுடன் நிகழ்வுகள் அவரால் தொகுத்து வழங்கப்பட்டது, இறுதியாக துஆவுடன் நிகழ்வுகள் இனிதே நிறைவு பெற்றது.
அல்ஹம்துலில்லாஹ்…

Media unit
Al-Minhaj N.S

04/03/2024

அஸ்ஸலாமு அலைக்கும்

அல்லாஹ்விற்கே எல்லா புகழும் அல்ஹம்துலில்லாஹ் ….

எமது அல்-மின்ஹாஜ் தேசிய பாடசாலையில் தரம் 06 புதிய மாணவர்களை உள் வாங்கும் நிகழ்வு 29-02-2024 வியாழக் கிழமை கல்லூரியின் கௌரவ அதிபர் அல்ஹாஜ் Mr M.S.M Riza அவர்களின் தலைமையில் பாடசாலை அபிவிருத்தி நிறைவேற்றுக் குழுவின் செயலாளர் உட்பட அங்கத்தவர்கள், உதவி அதிபர்கள், பகுதித் தலைவர்கள், வகுப்பாசிரியர்கள், பெற்றோர்கள், கல்வி சாரா உத்தியோகத்தர்கள், நலன்விரும்பிகள், மாணவர்கள் ஆகியோர்களின் பங்களிப்புடன் மிகச் சிறப்பாக நடைபெற்று முடிந்தது. அல்ஹம்துலில்லாஹ்…

அந்த வகையில் புதிய மாணவர்களை உள்ளீர்க்கும் நிகழ்வு காலை 11.00 மணியளவில் சின்னம் அணிவிக்கப்பட்டு மாணவத் தலைவர்கள் புடைச் சூழ வரவேற்கப்பட்டு காலை 11:30am மணியளவில் கல்லூரி பிரதான மண்டபத்தில் தரம் 7 ஐ சேர்ந்த A.D.A Nushri , M.F Umar ஆகியோர்களின் இனிய குரலினால் அல்குர்ஆன் திரு வசனங்களுடன் நிகழ்வுகள் இனிதே ஆரம்பமானது…

அதை தொடர்ந்து கல்லூரி மாணவத் தலைவர்களால் தேசிய கீதம் மற்றும் கல்லூரி கீதம் என்பன இசைக்கப்பட்டதோடு தரம் 07C மாணவிகளால் தரம் 06 இளம் சிட்டுகளை வரவேற்கும் முகமாக வரவேற்பு கீதம் ஒன்றும் இசைக்கப்பட்டது.

நிகழ்வின் அடுத்த கட்டமாக பாடசாலையின் கௌரவ அதிபர் அல்ஹாஜ் Mr M.S.M Riza அவர்களினால் தலைமை உரை மற்றும் வரவேற்புரை என்பன நிகழ்தப்பட்டது.

தரம் 07 மாணவர்கள் மைல் நடனம் மூலம் அனைவரையும் ஈர்க்கும் வகையில் நிகழ்வுகளை மெருகூட்ட நிகழ்வுகளின் அடுத்த நகர்வாக மாணவர்களின் ஒழுக்கம், எதிர்கால கல்வி தொடர்பான பாடசாலை நிர்வாகத்தின் ஏற்பாடுகள் தொடர்பான உரையொன்று கல்லூரியின் தரம் 06/07 இற்கு பொறுப்பான பகுதித்தலைவர் Mrs A.W.S Haseena அவர்களால் நிகழ்தப்பட்டது.

அதை தொடர்ந்து தரம் 07B மாணவர்களால் ஹிந்தி நடனம் ஒன்றஅரங்கேற்றப்பட்டதுடன் கல்லூரியின் ஆசிரியை Mrs M.A.F Ashmara இனால் “இஸ்லாமிய பார்வையில் மாணவர்களின் கல்வி” எனும் தொனிப் பொருளில் சிறப்புரையொன்றும் ஆற்றப்பட்டது.

பாரம்பரிய நிகழ்வுகளில் ஒன்றான சுவாரஷ்யமான வில்லுப் பாட்டு ஒன்று தரம் 7C மாணவர்களினால் மேடையேற்றப்பட்டதுடன் இறுதியாக கல்லூரியின் ஆசிரியர் Mrs M.A.F Rukshana இனால் நன்றியுரை நிகழ்தப்பட்டது.

நிகழ்வுகளானது கல்லூரியின் தரம் 8/9 இற்கு பொறுப்பான பகுதித் தலைவர் M.A.K Arshad இனால் சிறப்பாக தொகுத்து வழங்கப்பட்டதுடன் துஆ உடன் இனிதே நிறைவு பெற்றதோடு வகுப்பாசிரியர்கள் சகிதம் மாணவர்களுடன் பெற்றோர்களும் தங்களது வகுப்பறைகளுக்கு அனுப்பி வைக்கப்பட்டார்கள்.
அல்ஹம்துலில்லாஹ்…

Media unit
Al-Minhaj N.S

01/03/2024

அஸ்ஸலாமு அலைக்கும்
அல்-மின்ஹாஜ் தேசிய பாடசாலையின் முதலாம் வருட க.பொ.த உயர்தர பிரிவு மாணவர்களை அதாவது 2025 ஆம் ஆண்டு க.பொ.த உயர்தர பரீட்சை எழுத உள்ள மாணவர்களை உள் வாங்கும் நிகழ்வு 08-02-2024 வியாழக் கிழமை கல்லூரியின் கௌரவ அதிபர் அல்ஹாஜ் Mr M.S.M Riza அவர்களின் தலைமையில் பாடசாலை அபிவிருத்தி நிறைவேற்றுக் குழுவின் செயலாளர் உட்பட அங்கத்தவர்கள், உதவி அதிபர்கள், பகுதித் தலைவர்கள், ஆசிரியர்கள், பெற்றோர்கள், கல்வி சாரா உத்தியோகத்தர்கள், நலன்விரும்பிகள், மாணவர்கள் ஆகியோர்களுன் பங்கேற்புடன் சிறப்பாக நடைபெற்று முடிந்தது. அல்ஹம்துலில்லாஹ்…

அந்த வகையில் புதிய மாணவர்களை உள்ளீர்க்கும் நிகழ்வு காலை 11:30 மணியளவில் கல்லூரி பிரதான மண்டபத்தில் அல்குர்ஆன் திரு வசனங்களுடன் இனிதே ஆரம்பமானது.
அதை தொடர்ந்து கல்லூரி மாணவத் தலைவர்களால் தேசிய கீதம் மற்றும் பாடசாலை கீதம் என்பன இசைக்கப்பட்டதோடு தரம் 10 மாணவிகளால் வரவேற்பு கீதம் ஒன்றும் அரங்கேற்றப்பட்டது.

நிகழ்வின் அடுத்த கட்டமாக பாடசாலையின் கௌரவ அதிபர் அல்ஹாஜ் Mr M.S.M Riza அவர்களினால் தலைமை உரை மற்றும் வரவேற்புரை என்பன நிகழ்தப்பட்டது.

தரம் 11 மாணவிகளால் பாடல் ஒன்று சிறப்பாக இசைக்கப்பட்டதுடன் நிகழ்வுகளின் அடுத்த நகர்வாக விசேட உரையொன்று கல்லூரியின் ஆசிரியர் Mr M.A.K Arshad அவர்களால் நிகழ்தப்பட்டது.

அதை தொடர்ந்து தரம் 13 விஞ்ஞான பிரிவு மாணவி Shanfa வினால் கவிதையொன்று அரங்கேற்றப்பட்டதுடன் கல்லூரியின் ஆசிரியை Mrs Sumaiya வினால் பாடல் ஒன்றும் இசைக்கப்பட்டது.

இறுதியாக கல்லூரியின் ஆசிரியர் Mr A.H Azwar இனால் நன்றியுரை நிகழ்தப்பட்டது.
நிகழ்வுகளானது கல்லூரியின் உதவி அதிபர் Mr Mazeen இனால் சிறப்பாக தொகுத்து வழங்கப்பட்டதுடன் துஆ உடன் இனிதே நிறைவு பெற்றதோடு வகுப்பாசிரியர்கள் சகிதம் மணவர்களுடன் பெற்றோர்களும் தங்களது வகுப்பறைகளுக்கு அனுப்பி வைக்கப்பட்டார்கள். அல்ஹம்துலில்லாஹ்…
அதை தொடர்ந்து 2020 ஆம் ஆண்டு G.C.E O/L பரீட்சை எழுதிய மாணவர்களின் பிரியா விடை நிகழ்வும் சிறப்பாக நடைபெற்றது. அம் மாணவர்களது எதிர்காலம் பிரகாசமாக அமைய எல்லா வல்ல அல்லாஹ் அருள் புரிவானாக…

Media unit
Al-Minhaj N.S

07/12/2023

07/12/2023

அஸ்ஸலாமு அலைக்கும்

வருடாந்த பரிசளிப்பு விழா 2023

இறைவனின் திருப் பெயரை கொண்டு அல்-மின்ஹாஜ் தேசிய பாடசாலை வரலாற்றில் மிக நீண்ட இடைவெளிக்கு பின் வருடாந்த பரிசளிப்பு விழா பல சவால்களுக்கும், இடர்களுக்கும் மத்தியில் மிகவும் பிரமாண்டமாக நடைபெற்று முடிந்தது. அல்ஹம்துலில்லாஹ…

அரை தசாப்த காலமாக நடாத்தப்படாமல் பிற்போடப்பட்டு வந்த வருடாந்த பரிசளிப்பு விழா தற்போதய பாடசாலை அதிபர் தலைமையிலான நிர்வாகத்தினதும், பாடசாலை அபிவிருத்தி நிறைவேற்றுக் குழு உறுப்பினர்களினதும் அயராத உழைப்பின் பயனாக வெகு சிறப்பாக நடைபெற்றதை இட்டு பெரு மகிழ்ச்சி அடைகின்றோம்.

அந்த வகையில் வருடாந்த பரிசளிப்பு விழாவானது அல்-மின்ஹாஜ் தேசிய பாடசாலை கௌரவ அதிபர் அல்ஹாஜ் M.S.M Riza அவர்களின் தலைமையில் 16-11-2023 வியாழக்கிழமை முற்பகல் 9:00 மணிக்கு கல்லூரி பிரதான மண்டபத்தில் ஆரம்பமானது.

நிகழ்வை சிறப்பிக்கும் முகமாக பிரதம அதிதியாக கொத்மலை வலயக் கல்விப் பணிப்பாளர் கௌரவ திரு P.S.V.V Pananvila அவர்களும் சிறப்பு விருந்தினர்களாக உதவிக் கல்விப் பணிப்பாளர்களான திரு D Nadaraja மற்றும் திருமதி N Nirmaladhevi அவர்களும், ஓய்வு பெற்ற அதிபர்கள் மற்றும் ஆசிரியர்கள், SDEC உறுப்பினர்கள், பாடசாலையின் பிரதி அதிபர் மற்றும் உதவி அதிபர்கள், ஆசிரியர்கள், கல்வி சாரா ஊழியர்கள், மத்திய நிர்வாக சபை உறுப்பினர்கள், பள்ளிவாயல் பரிபாலன சபை உறுப்பினர்கள், ஹாமிதிய்யா அரபுக் கலாசாலை அதிபர் உட்பட அங்கத்தவர்கள் மற்றும் ஊரின் பல்வேறு நிர்வாகங்களின் உறுப்பினர்கள் முன்னால் இன்னால் மாணவர்கள் , பெற்றோர்கள் என பெரும் திரளானவர்கள் கலந்து சிறப்பித்தமை குறிப்பிடத்தக்கது.

அதனடிப்படையில் 2020 மற்றும் 2021 க.பொ.த சாதாரணத் தரப் பரீட்சையில் சிறந்த பெறு பேறுகளை தனதாக்கிக் கொண்ட மாணவர்களும் மற்றும் 2020 , 2021 (2022), 2022 (2023) ஆம் வருடங்களில் க.பொ.த உயர்தரப் பரீட்சையில் சிறந்த அடைவுகளை பெற்ற மாணவர்களும் மற்றும் 13 வருட உத்தரவாத கல்வியில் வெற்றியீட்டிய மாணவர்களும் மற்றும் எமது பாடசாலைக்காக பல வருடங்கள் அயராது உழைத்த முன்னால் அதிபர்கள் மற்றும் ஓய்வு பெற்ற ஆசிரியர்களும் பல்வேறு இணைப்பாடவிதான செயற்பாடுகளில் பாடசாலை,வலய,மாகாண,தேசிய மட்டங்களில் பங்குபற்றி வெற்றி பெற்ற மாணவர்களும் என சங்கிலிக் கோர்வையாக பாராட்டுக்களும் கௌரவங்களும் வழங்கி வைக்கப்பட்டன.

சுமார் 5:30 மணித்தியாலங்களாக நீண்ட இந்நிகழ்வின் இடைக்கிடை ஆங்கில மொழி மூல நாடகம் மற்றும் சிங்கள மொழிமூல பாடல் , இஸ்லாமிய பாரம்பரிய பக்கீர் பைத், நடனம் , இஸ்லாமில பாடல் என மிகச் சிறந்த கலை கலாசார நிகழ்ச்சிகள் நிகழ்வின் சுவாரஷ்யம் சற்றும் குறையாமல் உயிர்ப்புடன் நிலைப்பெறச் செய்ந்தது. அந்த வகையில் அந்நிகழ்வுகளை நெறிப்படுத்திய ஆசிரியர்களுக்கு எமது நன்றிகள்.

நிகழ்வின் தலைமை உரையானது அல்-மின்ஹாஜ் தேசிய பாடசாலை கௌரவ அதிபர் அல்ஹாஜ் M.S.M Riza அவர்களாலும், பிரதம அதிதி உரையானது கொத்மலை வலயக் கல்விப் பணிப்பாளர் கௌரவ திரு P.S.V.V Pananvila அவர்களாலும், விசேட உரையானது ஹபுகஸ்தலாவ மத்திய நிர்வாக சபை உறுப்பினர் சகோதரர் அஷ்-ஷேக் A.M.A Hafeel Nalimi அவர்களாலும், நன்றி உரையானது உதவி அதிபர் M.M.M Mazeen அவர்களாலும் நிகழ்தப்பட்டது.

மேலும் அனைத்து நிகழ்வுகளும் பாடசாலை சிரேஷ்ட ஆசிரியர் M.A.M Zafran அவர்களின் மேற்பார்வையின் கீழ் தமிழ் மொழி மூலம் 13 வர்த்தக பிரிவு மாணவத் தலைவன் R.M Rashad அவர்களாலும், சிங்கள மொழி மூலம் மாணவத் தலைவி W.M Hajara அவர்களாலும், ஆங்கில மொழி மூலம் மாணவத் தலைவி M.O.F Zahra அவர்களாலும் தொகுத்து வழங்கப்பட்டது.

அந்த வகையில் நிகழ்வுகளை வெற்றிகரமாக நடாத்தி முடிக்க ஒத்துழைப்பு வழங்கிய அனுசரனையாளர்கள் மற்றும் நலன் விரும்பிகள், ஏற்பாட்டுக்குழு உறுப்பினர்கள், SDEC உறுப்பினர்கள், மறைமுகமாகவும் நேரடியாகவும் உதவி புரிந்த என அனைத்து நல் உள்ளங்களுக்கும் எமது இதயம் கனிந்த நன்றிகள்.

17/10/2023

அஸ்ஸலாமு அலைக்கும், வணக்கம்

சர்வதேச சிறுவர் தினம் 2023

“அனைத்தையும் விட பிள்ளைகள் பெறுமதியானவர்கள்” என்ற தொனிப் பொருளில்
சர்வதேச சிறுவர் தினத்தை முன்னிட்டு மாணவர் நலன்புரி சங்கத்தினால் ஏற்பாடு செய்யப்பட்ட சுவாரஸ்யமான பல்வேறு விளையாட்டுப் போட்டிகள் திங்கட் கிழமை 02-10-2023 மு.ப 08:30 மணிக்கு அல்-மின்ஹாஜ் தேசிய பாடசாலையின் அதிபர் அல்ஹாஜ் Mr. M.S.M Riza அவர்களின் தலைமையில் இடம்பெற்றது.

நிகழ்வுகளை மாணவர் நலன்புரி சங்கத்தின் தலைவர் Second Lieutenant M.A.K Arshad அவர்களால் தொகுத்து வழங்கப்பட்டது.
நிகழ்வுகளை வைபவ ரீதியாக ஆரம்பித்து வைக்கும் முகமாக தரம் 9B ஐ சேர்ந்த செல்வன் Hassan ஆல் அல்குர்ஆன் வசனங்கள் சில மொழியப்பட்டது.
அதை தொடர்ந்து கல்லூரியின் கௌரவ அதிபர் அல்ஹாஜ் M.S.M Riza அவர்களால் பாடசாலை கொடியும், நிகழ்வின் பிரதம அதிதியும் அல்-மின்ஹாஜ் தேசிய பாடசாலையின் முன்னால் மாணவ சங்க உறுப்பினரும் ஆன சகோதரர் Mr.M.S.M. Iqraam அவர்களால் தேசிய கொடியும், பாடசாலை அபிவிருத்தி நிறைவேற்றுக்குழுவின் செயலாளர் அல்ஹாஜ் M. A. M.Numan அவர்களால் மாகாணக் கொடியும் ஏற்றி வைக்கப்பட தேசிய கீதம், பாடசாலை கீதம் என்பன இசைக்கப்பட்டு அனைவராலும் மரியாதை செலுத்தப்பட்டது.
பின்னர் பல்வேறு வகையான விளையாட்டுப் போட்டிகள் தரம் 6 தொடக்கம் 13 வரையான ஆண், பெண் மாணவர்களுக்கு தனித்தனியாக நடாத்தப்பட்டது.
அந்த வகையில் Circling the wicket, Puzzle Game, Musical Chair, Cup Building, Lava Walk, Water Filling, Musical Ball, Breaking Balloon, Tug of War என்பன நடாத்தப்பட்டதுடன் மாணவர்கள் அனைவரும் ஆர்வத்துடன் பங்குபற்றினார்கள்.
இறுதியாக பரிசளிப்பு விழா ஒன்றும் நடாத்தப்பட்டது.
சர்வதேச சிறுவர் தினத்தை முன்னிட்டு நடாத்தப்பட்ட ஆக்கத்திறன் அதாவது கவிதை, கட்டுரை, சிறுகதை, சித்திரம் ஆகிய போட்டிகளில் முதல் மூன்று இடங்களை பெற்ற மாணவர்களுக்கான சான்றிதழ்களும், உதைப்பந்தாட்ட சுற்றுத்தொடரில் பங்குபற்றிய மாணவர்களுக்கான பரிசுகள் அந்தந்த அணித் தலைவர்களிடமும், கடந்த முறை O/L எழுதிய மாணவர்களுக்கும் பாடசாலை அணிக்கும் இடையில் நடைபெற்ற போட்டியில் வெற்றி பெற்ற பாடசாலை அணிக்கு வெற்றிக் கிண்ணமும் வழங்கப்பட்டது.
நிகழ்வுகளை வெற்றிகரமாக நடாத்தி முடிக்க ஒத்துழைப்பு வழங்கிய அதிபர், பிரதி அதிபர், உதவி அதிபர்கள், ஆசிரியர்கள், பாடசாலை நிறைவேற்றுக் குழு உறுப்பினர்கள், கல்வி சாரா ஊழியர்கள், பழைய மாணவர்கள், நலன்விரும்பிகள், பெற்றோர்கள், மாணவர்கள் அனைவருக்கும் எமது நன்றிகள் தெரிவித்துக் கொள்கின்றோம் ஜசாக்குமுல்லா ஹய்ர்.
விசேடமாக நிகழ்வுகள் அனைத்தையும் சிறப்பாக ஒழுங்கமைத்து நடாத்திய மாணவர் நலன்புரி சங்கத்தின் செயலாளர், பொருளாலர் உட்பட அனைத்து உறுப்பினர்களுக்கும் எமது நன்றிகளை தெரிவித்துக் கொள்கின்றோம் ஜசாக்குமுல்லா ஹய்ர்.

தலைவர்
மாணவர் நலன்புரி சங்கம்
அல்-மின்ஹாஜ் தேசிய பாடசாலை