Hiruni Hewage

2001 වසරේදී අප්‍රිකානු මහාද්වීපයේ Malawi රාජ්‍යය දරුණු ආහාර අර්බුදයකට මුහුණ දුන්නා. වැසි නොලැබීම, අස්වැන්න විනාශ වීම සහ දරිද්‍රතාවය හේතුවෙන් මිලියන ගණනක් ජනතාව ආහාර හිඟයෙන් පීඩා වින්දා. බොහෝ පවුල්වල දරුවන්ට පාසල් යාම පවා සම්පූර්ණයෙන් අහිමි වුණා.

එම කාලයේ මලාවි රාජ්‍යයේ විම්බේ නම් කුඩා ගම්මානයේ ජීවත් වූයේ විලියම් කම්ක්වම්බා (William Kamkwamba) නම් තරුණයායි. ඔහුගේ පවුල ගොවිතැනින් ජීවිකාව සපයා ගත්තද, දරුණු නියඟය නිසා මුළු අස්වැන්නම විනාශ වී ගියා. ආහාර මිල අහස උසට නැගුණු අතර, දෛනික ජීවිතය අතිශයින් අසීරු වුණා.

මුදල් නොමැති වීම නිසා විලියම්ට පාසල් ගාස්තු ගෙවීමට නොහැකි වූ අතර, අවසානයේ ඔහුට පාසලෙන් ඉවත් වීමට සිදු වුණා. බොහෝ දරුවන් එවැනි අසීරු අවස්ථාවක අධ්‍යාපනය සම්පූර්ණයෙන්ම අත්හැර දමනවා. නමුත් විලියම් එසේ කළේ නැහැ.

ඔහු ගමේ පුස්තකාලයට ගොස් විද්‍යාව සහ යාන්ත්‍රික තාක්ෂණය පිළිබඳ පොත්පත් කියවන්න පටන් ගත්තා. එකල ඉංග්‍රීසි භාෂාව සම්පූර්ණයෙන්ම නොදැන සිටියද, පොත්වල තිබූ රූප සටහන් සහ විද්‍යාත්මක රූපකරණ හොඳින් අධ්‍යයනය කරමින් ඔහු පුදුමාකාර දැනුමක් ලබා ගත්තා.

එක් දිනක් ඔහු සුළං බලයෙන් විදුලිය නිපදවිය හැකි යන්ත්‍රයක් (Windmill) පිළිබඳ විස්තර සඳහන් පොතක් දැක්කා. ඒ අපූරු අදහස ඔහුගේ මෙන්ම ඔහුගේ ගම්මානයේ අනාගතයද සම්පූර්ණයෙන්ම වෙනස් කළා.

පැරණි බයිසිකල් කොටස්, කුණු ගොඩවල්වලින් සහ ඉවතලන ද්‍රව්‍ය අතරින් සොයාගත් යකඩ කැබලි සහ පරණ යන්ත්‍ර අමතර කොටස් භාවිතා කරමින් ඔහු සුළං විදුලි ජනකයක් නිර්මාණය කිරීමට දැඩි උත්සාහයක නිරත වුණා.

ගම්වාසීන් බොහෝ දෙනෙක් ඔහු කරන දෙස බලා සිනාසුණා. සමහරු ඔහු මානසික රෝගියෙකු හෝ පිස්සෙකු බවද පැවසුවා. නමුත් විලියම් කිසිවිටෙකත් තමාගේ උත්සාහය අත්හැරියේ නැහැ.

අවසානයේදී ඔහුගේ දැඩි කැපවීම සාර්ථක වෙමින්, ඔහු නිර්මාණය කළ සුළං යන්ත්‍රය මගින් ඔහුගේ නිවසට අවශ්‍ය විදුලිය ලබා ගැනීමට හැකි වුණා. පසුව, ළිඳෙන් ජලය ලබා ගැනීමට ජල පොම්ප ක්‍රියාත්මක කිරීමටද ඔහු මෙම තාක්ෂණය භාවිතා කළා. නියඟයෙන් දැඩි ලෙස පීඩා විඳි එම ගම්මානයට එය මහත් වූ සහනයක් හා ආශීර්වාදයක් වුණා.

අද වන විට විලියම් කම්ක්වම්බා නවෝත්පාදනයේ සහ ස්වයං අධ්‍යාපනයේ සජීවී සංකේතයක් ලෙස සැලකෙනවා. ඔහුගේ ජීවිත කතාව මුළු ලෝකයටම කියා දෙන්නේ විශාල සම්පත් නොමැති වුවද, විශාල සිහින සහ දැඩි උත්සාහය තිබේ නම් ඕනෑම අඳුරු අභියෝගයක් ජය ගනිමින් ලෝකය වෙනස් කළ හැකි බවයි.

#වැඩකරනlogicපන්තිය

බොහෝ දෙනෙක් සාර්ථකත්වය සොයන නමුත්, බොහෝ දෙනෙකුට මග හැරෙන සරලම රහස වන්නේ "ආරම්භ කිරීමයි". ඔබ ඔබේ සිහිනය දෙස බලා සිටිනවා මිස, එය ඇරඹීමට තවමත් පසුබට වන්නේ නම්, අදම ඒ වෙනුවෙන් පළමු පියවර තබන්න! 🚀✨

ඔබේ සාර්ථකත්වයේ ගමන ආරම්භ කිරීමට හොඳම කාලය මේ මොහොතයි.

"බස් රථයක ආසනයක් ඉතිහාසය වෙනස් කළ දවස"

1955 වසරේ ඇමරිකා එක්සත් ජනපදයේ දකුණු ප්‍රදේශවල ජීවත් වූ කළු ජාතිකයන්ට සමාන අයිතිවාසිකම් හිමි නොවුණා. පාසල්, අවන්හල්, රෝහල්, බස් රථ සහ බොහෝ පොදු ස්ථානවල සුදු ජාතිකයන් සහ කළු ජාතිකයන් වෙන වෙනම භාවිතා කළ යුතු බවට නීති තිබුණා. එම නීති සාමාන්‍ය ජීවිතයේ කොටසක් බවට පත්ව තිබූ නිසා බොහෝ දෙනා එයට විරුද්ධ වීමට බිය වුණා.

එම කාලයේ ඇලබාමා ප්‍රාන්තයේ මොන්ට්ගොමරි නගරයේ ජීවත් වූ රෝසා පාක්ස් නම් කාන්තාවක් දිනපතා සේවයට ගොස් නැවත නිවසට පැමිණෙමින් සාමාන්‍ය ජීවිතයක් ගත කළා. ඇය දේශපාලන නායිකාවක් හෝ ප්‍රසිද්ධ චරිතයක් නොවුණා. නමුත් අසාධාරණය පිළිබඳව ඇයගේ සිත තුළ තිබුණේ දැඩි විරෝධයකි.

1955 දෙසැම්බර් 1 වැනිදා සවස රෝසා පාක්ස් බස් රථයකින් නිවස බලා යමින් සිටියා. එහිදී බස් රථ රියදුරා ඇයට ආසනයෙන් නැගී සිටින ලෙසත් එම ආසනය සුදු ජාතික මගියෙකුට ලබා දෙන ලෙසත් නියෝග කළා. එවැනි අවස්ථාවල කළු ජාතිකයන් සාමාන්‍යයෙන් නැගී සිටියත් රෝසා පාක්ස් එදා වෙනස් තීරණයක් ගත්තා.
"නැහැ" යන්න ඇයගේ පිළිතුර වුණා.

ඇය කෑගැසුවේ නැහැ. සටන් කළේත් නැහැ. නමුත් තම අයිතිය අත්හැරීමට ප්‍රතික්ෂේප කළා. ඒ හේතුවෙන් ඇය අත්අඩංගුවට ගත්තා.
බොහෝ දෙනාට එය සාමාන්‍ය සිදුවීමක් ලෙස පෙනුණත් ඇත්ත වශයෙන්ම එය ඉතිහාසය වෙනස් කළ මොහොතක් වුණා. රෝසා පාක්ස් අත්අඩංගුවට ගැනීමෙන් පසු මොන්ට්ගොමරි නගරයේ කළු ජාතික ජනතාව බස් රථ භාවිතය වර්ජනය කිරීමට තීරණය කළා. දින කිහිපයකට පමණක් සැලසුම් කළ එම වර්ජනය දින 381ක් පුරා පැවතුණා.

එම ව්‍යාපාරයේ නායකත්වය ලබා දුන්නේ තරුණ පූජකවරයෙකු වූ මාටින් ලූතර් කිං ජූනියර් ය. ඔහු සහ තවත් දහස් ගණන් පිරිසක් අවිහිංසාවාදී ලෙස සමාන අයිතිවාසිකම් වෙනුවෙන් සටන් කළා.
අවසානයේදී ඇමරිකානු ශ්‍රේෂ්ඨාධිකරණය බස් රථවල වර්ණභේද නීති ව්‍යවස්ථා විරෝධී බව තීරණය කළා. ඒ සමඟම රෝසා පාක්ස්ගේ නිහඬ ප්‍රතික්ෂේප කිරීම ලෝක ඉතිහාසයේ වැදගත්ම මානව හිමිකම් සිදුවීම් අතර එකක් බවට පත් වුණා.

අද රෝසා පාක්ස් "සිවිල් අයිතිවාසිකම් ව්‍යාපාරයේ මව" ලෙස හඳුන්වනු ලබනවා. ඇය ලෝකයට උගන්වා දුන්නේ සමහර විට විශාල වෙනසක් ආරම්භ වන්නේ එක් පුද්ගලයෙකුගේ නිහඬ නමුත් ධෛර්ය සම්පන්න තීරණයකින් බවයි.

#වැඩකරනlogicපන්තිය

ජීවිතයේ ඉදිරියට යද්දී අපට කළ නොහැකි දේවල් දෙස බලා කනගාටු වීමෙන් ඵලක් නැත. වැදගත් වන්නේ අපට කළ හැකි දේවල් කෙරෙහි අවධානය යොමු කර, ඒවායින් උපරිම ප්‍රයෝජන ගනිමින් සාර්ථකත්වය කරා ගමන් කිරීමයි. 🌟

ඔබේ හැකියාවන් විශ්වාස කරන්න, කළ හැකි දේ අදම ආරම්භ කරන්න!

"සිරකරුවෝ ද මනුෂ්‍යයෝය" - අපේ බන්ධනාගාර පද්ධතිය ඇතුළේ ඇත්තටම සිදුවන්නේ කුමක්ද? ⚖️🇱🇰

අපේ රටේ බන්ධනාගාර පද්ධතිය පිළිබඳව ඔබ නොදන්නා පැතිකඩක්.

බැලූ බැල්මට එකම වගේ පෙනුනත්, බන්ධනාගාර පද්ධතිය ඇතුළේ ඇත්තේ ඔබ සිතනවාට වඩා සංකීර්ණ සහ අභියෝගාත්මක යථාර්ථයක්.

කවදාවත් හිතුවේ නැති මේ කරුණු ටික දැනගන්න:

වත්මන් බන්ධනාගාර පද්ධතිය තුළ 400% තරම් වූ දැවැන්ත තදබදයක් පවතින බව ඔබ දැන සිටියාද?

සිරගත වන පිරිසගෙන් 73.8% රිමාන්ඩ් භාරයේ පසුවන සැකකරුවන් බව ඔබ දන්නවාද?

මත්ද්‍රව්‍ය සම්බන්ධ චෝදනා මත පමණක් 65%කට අධික පිරිසක් බන්ධනාගාරගත වී සිටින බව වාර්තා වේ.

අතීතයේ සිටම පැවත එන මෙම පද්ධතියට අද වන විට බරපතල අභියෝග රැසකට මුහුණ දීමට සිදුව ඇත.

පද්ධතියේ පවතින අර්බුද මොනවාද? සිරකරුවන්ගේ පුනරුත්ථාපනය සිදුවන්නේ කෙසේද?

මේ සියලු කරුණු සහ බන්ධනාගාර පද්ධතියේ වර්ගීකරණය ගැන සම්පූර්ණ තොරතුරු දැනගන්න මෙම පින්තූර පෙළ අවසානය දක්වාම නරඹන්න! 👇

ඔයාත් පළවෙනි දවස මඟහැරුණාද ? 😩 හිතන්න එපා ! දෙවෙනි දවසට සෙට් වෙන්න !! 🔥

📍SyZygy ගම්පහ
ඉරිදා ප.ව. 01.00-3.00

📍යහන්සා කිරිබත්ගොඩ
සෙනසුරාදා පෙ.ව.08.00

📍Online දිවයිනටම
බදාදා රාත්‍රී 7.30-9.30

වැඩි විස්තර දැනගන්න Whatsapp මැසේජ් එකක් දාන්න. 0716999900

#වැඩකරනlogicපන්තිය