Agricentral Science

අපි T බද්ධය කරමු - T budding

රෝස මල් වගාවට වගේම ලංකාවේ බොහෝ අවස්ථාවක ප්‍රචලිත බද්ධ ක්‍රමයක් තමයි T බද්දය කියන්නේ. T බද්දය කියලා ඒක නම් කරන්න හේතුව ඒ කැපුම සිදුකරන නිසයි. ලොව පුරා බද්ද ක්‍රම 116ක් පමණ තියෙනවා. එයින් ප්‍රචලිතම බද්දයක් තමයි T බද්දය. හැබැයි මේක කරන හැටි හුගදෙනක් දන්නේ නෑ . මේ ඒ සදහා දැනුවත් කිරීමට ගන්නා පුංචි උත්සහයක් පමණයි. අපි මොනවා පැහැදිලි කලත් මේ බද්දය තමන් විසින් කරලා බල්ලා පුරුදු වෙන්න ඕනේ. ප්‍රායෝගිකව කරලා බලලා හොදින් ඉගෙනගන්න.

අපි බද්ධ කරන්නයි යන්නෙ.

1.ඉස්සල්ලම ඔබට අවශ්‍යය ගස් දෙක තොරගන්න.
සාමාන්‍යයෙන් අපි කරන්නෙ වටිනාකමෙන් අඩු පහසුවෙන් හැදෙන දුක් විඳින්න පුළුවන් ඔරොත්තු දෙන ගහකට වටින ගහක් බද්ධ කරන එක.
එහෙම වෙන ගහකින් කොටසක් බද්ධ කරන ගහ ග්‍රාහකය,

2.එතකොට එහෙම වෙන ගහකින් ගන්න කෑල්ල අනුජය.
ග්‍රාහකය කියන ගහ තමා පොළවෙන් පෝෂණය ගන්නෙ.
මේ වැඩේට නම් අපි ග්‍රාහකයට ගන්න ගහ වගේම අනුජය ගන්න ගහත් පොතු ගලවන්න පුළුවන් මට්ටමට වැඩිල තියෙන්න ඕන.
ඊට පස්සෙ අපිට ඕන වෙනවා හොඳට කැපෙන පිහියක් වගේ එකක්,
බද්ධ පිහි කියල ජාතියක් තියනවා,
ඒත් ඉතින් මට හම්බුන ඒවා හරි නෑ,
ඒ නිසා මම පාවිච්චි කරන්නෙ පේපර් කටර් තමා,
ඒත් මීට වඩා ලොකු පේපර් කටර් එකක් පාවිච්චි කරනව නම් හොඳයි.

3. අපි කරන්න යන්නෙ T බද්ධය, මේක හරිම පහසු එකක්.

ඉස්සල්ලම අනුජයට සුදුසු අංකුරයක් කපා ගන්න,
මේකට හොඳ ඉබේම කොලයක් වැටිල හැදුන ටිකක් උඩට ඉස්සුන එකක්.
ඊට පස්සෙ පුළුවන් ඒ අංකුරේට උඩිනුයි යට්නුයි වටේටම තිරස් කැපුමක් යොදල ඊට පස්සෙ පිටි පස්සෙන් සිරස් කැපුමක් යොදල අංකුරේ ගලවන්න.

එහෙමත් නැත්තං මෙහෙම ලීයත් එක්ක කෑල්ලක් කපල අංකුරේ සහිත පොත්ත ගලවන්න.

උඩ කියපු විදිහට ගලවපු එකේ වැඩි ටික දෙපැත්තෙන් කපන්න.
ක්‍රම දෙකේම කපන කැපුම් තලන්නෙ නැතුව කපන්න.
උඩ ක්‍රමේදි කැපුම් ටික තදින් දාන්න ලීයේ වදිනකම්ම පිහි තලේ,

ඒ වගේම පොත්ත ගලවනකොට පරිස්සම් වෙන්න පොත්තේ ඇතුල් පැත්ත හම ගහගන්නෙ නැති වෙන්න ගලවන්න.
මේකට පිහි තුඩ යොදා ගන්න.

මම කැමති උඩ ක්‍රමේට මොකද එතකොට අංකුරේට ඈතින් පොත්ත ගැලවෙන නිසා පහසුවෙන් ගලවන්න පුළුවන් අංකුරේට හානි නොවී,
එතකොට මුල හරිය පිහියෙන් උස්සල ඉතුරු ටික ඇඟිලි තුඩු වලින් ගලවන්න පුළුවන්.
පොත්ත ගැලෙව්වම පෙනෙයි ඇතුල් පැත්ත දිළිසෙන ගතියක්.

4. ඊට පස්සෙ ග්‍රාහකයට යමු,
ග්‍රාහකයෙත් අර කීවා වගේ පොත්ත ලේසියෙන් ගලවන්න ලේසි වෙන්න ලීය වදිනකං පිහි තලේ තද කරන්න.
ඊට පස්සෙ තුඩෙන් පොතු කෑලි දෙක ඈත් කරල අපි හදා ගත්තු අනුජය එතෙන්ට දාන්න.

5. ඊට පස්සෙ ඒක හරියට හදන්න ඇතුල් පැත්ත ලීයෙ ගෑවෙන්න සහ යට දාරය ග්‍රාහකයේ පොත්ත එක්ක මැනවින් සම්බන්ධ වෙන විදිහට,
එතකොට තමා ග්‍රාහකයෙන් කෑම බීම යන බට ලයින් ටික අපි බද්ධ කරපු පොත් කෑල්ලෙ බට ලයින් එකට සම්බන්ධ වෙලා ඒක රැකෙන්නෙ.

6. ඊට පස්සෙ සෙන්ටිමීටරයක් විතර මහත පොලිතින් පටියක් කපල අරන් යට ඉඳන් උඩට ඔතන්න.
මේකට ෆොටෝ ගන්න බැරි වුනා නෙට් එකෙන් අරන් දානවා.
මේකට නැට්ට ඕනම නෑ හොඳද, නැට්ට නැති අංකුරේක නම් අංකුරේ වැහෙන්නම ඔතන්න,
ඒකතැන ගොඩක් ඔතන්න එපා,
හරියට එක පොටක් ඔතන්න.

7. තව හැකි ඉක්මනින් මේ වැඩ ටික කරන්න අත කපා ගන්නෙ නැතුව,
නැත්තං අනුජය වේලිලා වැඩේ අසාර්ථක වෙනවා.
අතු කෑල්ල පිටින් තෙත බෑග් එක්ක දාගෙන දුර ඉඳන් ගෙනල්ල වුනත් බද්ධ කරන්න පුළුවන්,
තව ඕන්නම් මේ අනුජය වේලෙන එකෙන් වලක්වන්න කටේ දාගන්නත් පුළුවන්.

මේ වගේම H බද්ධය ( budding ) සහ මේ T අකුර අනික් පැත්ත ගහල කරන බද්ධයත් කරගන්න පුළුවන්, තව ක්‍රම තියනව,
හොයල බලන්න. H එකට දෙපැත්තෙන්ම පොත්ත පෑහෙන විදිහට H අකුරෙ උසට සමාන අනුජයක් ගන්න.
හරි ලේසියි. මේ තමා අංකුර බද්ධ වල ලේසිම එක.

මේකෙදි ග්‍රාහකයෙ ගොඩක් උඩින් බද්ධ කරන්න එපා.
ඒ වගේම බද්ධ කරල සති දෙකක් යනකන් ඔතපු පටි ගලවන්නත් එපා.
ඒවා ඔතනඔට හොඳට ඔතන්න වතුර යන්නෙ නැති වෙන්න සහ වියලීමෙන් ආරක්ෂා කරගන්න.
සති දෙකකින් බලනකොට අනුජය පණ පිටින් නම් වැඩේ හරි.
තව ටිකක් බලන්න ඊට පස්සෙ ටික දවසකින් ඒක දල්ලක් දාන්න යනව නම් වැඩේ සාර්ථකයි.
එතකොට ග්‍රාහකයේ බද්ධයට සෙන්ටි මීටර් පහක් විතර උඩින් කඳ කපල දාන්න.
ඊටත් පස්සෙ ග්‍රාහකයේ අංකුර නැගල එනවනම් කඩල දාන්න,
නැත්තං අපි බද්ධ කරපු එක හරියන්නෙ නෑ,
ගහ උපරිම උත්සාහය දාල තමන්ගෙ අංකුර ටික හදා ගන්නවා.
අන්තිමේට මෙන්න මේ වගේ ප්‍රතිඵලයක් ලැබෙනවා,

කෝමාරිකා වගාව කෘෂි ව්‍යාපාරයක් ලෙස සාර්ථකව සිදුකරන අන්දම සවිස්තරාත්මකව...!!!!

*** මෙම ලිපිය සහ ඡායාරූපය Crishantha Dissanayake මහතාගේ ෆේස්බුක් පිටුවෙන් උපුටා ගන්නා ලදී.. මීට අදාළ සියළුම පැසසුම් එතුමාට හිමිවිය යුතුය ***

මිනිස් පැවැත්මට අවශ්‍ය කරන ආහාර හා ⁣ඖෂධ අප ජීවත් වන පරිසරයෙන්ම ලබා ගැනීමට අනාදිමත් කාලයක සිට අප පුරුදු වී සිටින අතර, කෝමාරිකා යනු, එවැනි අද්විතීය ශාකයකි. මෙය ආහාරයක් මෙන්ම ඖෂධයක්ද වේ. කාන්තා රෝග රැසකට මෙම ඖෂධය ගුණදායක වේ. එබැවින්, ගෘහ කන්‍යා, කන්‍යා, කුමාරිකා, සෘතු කුමාරි, කුමාරි වැනි නම් වලින් හදුන්වන කෝමාරිකා ශාඛය, උද්භිත විද්‍යාත්මකව ඇලෝ ඉන්ඩිකා යන නමින් හදුන්වයි. ලිලියාසේ කුලයේ ශාඛයකි.

වයස් සමඟ ස්ත්‍රීන්ගේ යම් යම් හෝමෝන ක්‍රියාකාරීත්වයන් නතර වීම පාලනය කිරීම, ආර්තව චක්‍රය විධිමත් කිරීම, අක්ෂි රෝග, පෝෂණ ඌණතා, දියවැඩ්යාව, ආමාෂයේ තුවාල, සමේ පිළිකා, තුවාල, පිළිස්සුම් වේදනා සමනය කිරීම, උමතු බව, රක්ත හීනතාව, ආදී රෝග වලට මෙය ගුණදායක වේ. ඇමෙරිකාව, චීනය, ලංකාව, ඉංදියාව, පකිස්ථානය, ඉන්දුනීසියාව, මැලේෂියාව, වැනි රටවල වවනු ලැබේ.

මිනිස් සිරුරට අවශ්‍ය ඇමයිනෝ අම්ල 22 ක් ඇති අතර එයින් 20 ක්ම කෝමාරිකා වල අඩංගු වේ. අප ශරීරයට නිපදවා ගත නොහැකි ඇමයිනෝ අම්ල 7 ක් ද මෙහි අඩංගු වීම විශේෂත්වයකි. විටමින් B, C, E, A වලින් පොහොසත් නිසා, විටමින් ඌනතා සඳහාද යොදා ගනියි. රෑපලාවන්‍යයේ දී මෙය ඉතා විශාල ලෙස භාව්තයට ගන්නා ඖෂධයකි.

මෙය බහු වාර්ෂික භෝගයක් වේ. අඩි 2 ක් හෝ ඊට වැඩි උසකට වැවෙන ශාඛයකි. පත්‍රය දිගටි හා ඝණ ස්වරූපයක් ගනියි. පත්‍ර තුළ දියරමය ජෙලි අඩංගු වේ. සාමාන්‍ය තිත්ත රසයක් ඇත. පිත්තක දිග අඩි 2 ක් පමණ වන අතර පළල අඟල් 3 ක් 4 ක් වේ. මේවායේ මල් හට ගැනීම, ඔක්තෝබර් සි ජනවාරි දක්වාද, ගෙඩි හට ගැනීම, පෙබරවාරි සිට අප්‍රේල් දක්වාද සිදු වේ. නමුත් මේවායේ පැළ ලබා ගැනීමේ සාර්ථකම ක්‍රමය වන්නේ මොටෙයියන් මඟින් බෝ කර ගැනීමය.

කෝමාරිකා වගාවේ ලෝක වෙළෙඳපොළ පංගුවෙන් 15% ක්ම සපයනු ලබන්නේ චීනය හා ඉන්දියාව විසිනි. ලෝක වෙළෙඳපොළ ඉල්ලුමෙන් තවත් 40% ක් පමණ සැපයුමක් නොමැති තත්ත්වයක් ඇති බැවින් ශ්‍රී ලාංකිත අපට මෙය මහඟු අවස්ථාවකි.

මෙම වගාව සඳහා සරු කාබනික පසක් අවශ්‍ය වේ. උල්දිය සහිත ඉඩම් මීට යෝග්‍ය නොවේ. හොඳින් ජලය අවශ්‍ය වුවද, ජලය රඳා පැවතීම වගාවට අහිතකර ය . හොඳින් හිරු එළිය අවශ්‍ය වේ.හොඳින් ජලය බැස යන පසක් වඩාත් යෝග්‍ය වේ. වාර්ෂික වර්ෂාපතනය මිලි මීටර් 1000 - 1200 අතර ප්‍රදේශ වඩාත් සුදුසු ය.

බිම පෙරලා කැට පොඩි කර පාත්ති දමා පැළ සිටුවීම කළ යුතුය.පාත්ති සෑදීම තුළින් ජල වහනය පහසු වේ. පැල අතර අඩි එකහමාරක් හා පේළි අතර අඩි එකහමාරක පරතරයක් සුදුසු ය. එසේ නොමැති නම් පැළ අතර අඩි එකක් හා පේළි අතර අඩි 2 ක් වන සේ සිටුවා ගත හැක. පැළය සිටුවන විට, පැල⁣යේ කොළ පාට කොටස, පසට යට නොකළ යුතුය. සිටුවා දින 4 ක් යන තුරු ජලය නොයෙදිය යුතුය. උපරිම කාලයක් හිරු එළිය ලැබෙන තරමට වගාව සාර්ථක වේ. නමුත් ජලය යෙදීමද කළ යුතුය. අනවශ්‍ය ලෙස ජලය යෙදීමෙන් මුල් කුණු වීම සිදු විය හැක. සතියකට වරක් ජලය යෙදීම ප්‍රමාණවත් වේ.

කොම්පෝස්ට් පොහොර පමණක් ප්‍රමාණවත් වගාවක් වන කෝමාරිකා සඳහා රසායණික පොහොර යෙදීම සුදුසු නැත. ගොම, එළු පොාහාර, කුකුළ් පොහොර, දිරා ගිය ශාඛ කොටස්, අළු, අඟුරු වැනි දේ සුදුසු ය. වසරකට වරක් කාබනික පොහොර යෙදීම ප්‍රමාණවත් වේ.

මුල් වලට හානියක් නොවන ලෙස කෝමාරිකා වගාවේ වල් පැළ මර්ධනය කළ යුතුය. මෙය ඉතා පරෙස්සමින් සිදු කළ යුතු කාර්යයකි. හිරු එළිය අඩ වුව හොත්, පත්‍ර අව පැහැ වන අතර, ඒවා පහළට කඩා වැටී අස්වැන්න අඩු වීමට බලපායි. පත්‍ර තුනී හෝ සිහින්ව වැඩේ නම් ජල සැපයුම වැඩි කළ යුතුය. දුඹුරු පැහැ වන පත්‍ර ප්‍රවේශමෙන් කපා ඉවත් කළ යුතුය.

සිටුවා මාස 06 ත් 08 ත් අතර අස්වනු නෙළීම සිදු කළ හැක. එහිදී හොඳින් මේරූ පිති පමණක් නෙළා ගත යුතුය. හොඳින් වැඩුන පඳුරකින් පිති 4 ත් 6 ත් අතර නෙළා ගත හැක. පිත්ත නෙළා ගැනමේ දී, මව් ශාඛයට හානි නොවන ලෙස, පිත්ත ගලවා ගත යුතු අතර, ඒ සඳහා අවශ්‍ය නම් පිහියක් යොදා ගත යුතුය. නමුත් පිහියෙන් පිත්ත කපා ඉවත් කර නොගත යුතුය. කපා ඉවත් කළ හොත්, පිත්තෙහි ජෙලි කොටස ඉවත් වීම ඉන් වැළකේ. අක්කරයකින් වසරකට කිලෝ 5000 ක් හෝ ඊට වැඩ්යෙන් අස්වැන්නක් ලැබෙන අතර, වත්මන් වෙළෙඳපොළ වට්නාකම අනුව අකකරයකින් මසකට රු. ලක්ෂයක් ඉක්මවා ආදායමක් ලබා ගත හැක. ව්දෙස් රට වලට අපනයනය කිරීම සඳහා නිපදවන්නේ නම්, කිසි සේත්ම රසායණික පොහොර බාව්තා නොකළ යුතු බව විශේෂයෙන් මතක තබා ගත යුතුය.

පළමු වර අසැවැන්න නෙළිම සඳහා මාස හයේ සිට මාස අට දක්වා කාලයක් ගත විය හැකි අතර, එම කාලයෙන් පසුව අස්වැන්න ලබා ගැනීම හා අමතර වගාවන් සඳහා හෝ අළෙවි කිරීම සඳහා පැළ ද ඔබේ වගාවෙන්ම ලබා ගත හැක. මාස දෙකකට වරක් අස්වනු නෙළීම කළ යුතුය. එසේම, වර්තමාන මිළ ගණන් අනුව, පැළයක මිළ රු. 40 ක් පමණ වේ. අක්කරයක් සඳහා පැළ 7,000 සිට 8,000 පමණ ප්‍රමාණයක් පැළ අවශ්‍ය වේ. අක්කරයකට පැළ ලබා ගැනීම සඳහා රු. ලක්ෂ තුනක් පමණ වැය වන අතර, අක්කරයක් සඳහා ලක්ෂ තුනහමාරත් හතරත් අතර සම්පූර්ණ වියදමක් දැරීමට සිදු වේ. මේ අනුව අක්කර භාගයක් සඳහා සම්පූර්ණ වියදම රු. ලක්ෂ දෙකක්, අකකර කාලක් සඳහා සම්පූර්ණ වියදම රු. ලක්ෂයක් පමණ වනු ඇත. අක්කරයකින් මසකට රු. ලක්ෂයක්, අක්කර භාගයකින් මසකට රු. පනස් දාහක්, අක්කර කාලකින් මසකට රු. විසි පන් දාහක් පමණ ආදායමක් ලැබෙනු ඇත.

ඕනෑම ව්‍යාපාරයක් හඳුන්වා දෙන අවධ්යේ දී ලබන ලාභය, එම ව්‍යාපාරයට නව සැපයුම කරුවන් පැම්ණෙන විට, ක්‍රමයෙන් අඩු වේ. කාලයත් සමඟ, පූර්ණ තරඟකාරී වෙළෙදපොළක් බවට පත් වීම ඊට හේතුව වේ. තුඹ කරවිල වගාව ප්‍රචලිත වූ මුල් කාලයේ තුඹ කරවිල කිලෝව, රු. 1000 ක් පමණ වූ අතර, මේ වන විට එය රු. 400 ක් දක්වා අඩු වී ඇත. නමුත් මේ වන විටද එය ලාභ ලබන ව්‍යාපාරයකි. පෙර පැවති ලාභය නොලැබුවද, අදටත් එයින් ලාභ ඉපයිය හැක. කෝමාරිකා වගාවටද තවත් වසර 2 කින පමණ එම තත්ත්වය ඇති විය හැකි බව තේරුම් ගත යුතුය. නම්ත් එයින් අධෛර්යමත් විය යුතු නැත. මන්ද එම වසර 2 ක 3ක කාලය තුළ අි ප්‍රාමාණික ලාභයක් ලබා, ඉන් පසුව ප්‍රාමාණික ලාභයක් ලැබිය හැකි නිසාය. අනෙක් අතට මෙම ව්‍යාපාරයට විශාල ප්‍රාග්ධනයක් වැය කළ යුතු නොවන නිසා, වසර කිහිපයකින් ලාභය අඩු වුව හොත්, සිත් වේදනාවකින් තොරව වගාවෙන් ඉවත් වීම සිදු කළ හැක.

මෙම වගාව හැකි තරම් පවුලේ ශ්‍රමයෙන් සිදු කළ යුතුය. නඩත්තු අවම භෝගයක් වීම නිසා එය පහසුවෙන් සිදු කළ හැක. කාබනික වගාවක් ලෙස පවත්වාගෙන යා යුතු අතර, එයින්, වියදමද අඩු වී, ගුණාත්මක අස්වැන්නක් ලබා ගත හැක. පරිසරය සුරැකීමට දායක විය හැකි වගාවක් බැවින් ඒ පිළිබඳව ඔබට ආඩම්බර විය හැක. අප සිදු කරන ව්‍යාපාරය මිනිසාගේ ලෙඩ රෝග රැසකට ගුණදායක වන බැවින් ඒ පිළිබඳවද ඔබට අභිමානයක් ඇත. එමෙන්ම අකකරයක පමණ වගාවකින්, අවම නඩත්තුවකින්, මසකට ඉලක්කම් හයක ආදායමක් ලබා ගත හැක. මේ මොහොතේ අප රට මුහුණ දෙන ප්‍රධානතම ආර්ථික ගැටළුව වන, ව්දේශ විනිමය අර්බුධයට ප්‍රායෝගිකව විසඳුමක් ලබා දුන් පුද්ගලයෙකු ලෙස ඔබට සතුටු විය හැක.

ක්‍රිෂාන්ත දිසානායක
Copy Right Protected

මෙම පේජයේ ඇති සියළු ලිපි කතෲ අයිතිය සුරැකි ඒවා වන අතර, මෙම ලිපි, මෙම පේජයේ තිබියදීම ෂෙයා කිරීම, ඉන් ජීවිතයට යමක් ලබා ගැනීම හැර වෙනත් කිසිදු කටයුත්තකට යොදා ගැනීම නොකරන මෙන් ඉල්ලා සිටිමි.

වැඩි විස්තර හා වීඩියෝ සදහා මුල් කමෙන්ට් බලන්න.

පෙටුනියා මල් කියන්නේ ලොව පුරා ප්‍රචලිත #මල් වර්ගයක්. උද්භිදවිද්‍යා නාමය Petunia X Hybrida වන අතර බහුලව ප්‍රචලිතව ඇත්තේ ( #පෙටුනියා / #පිටෝනියා ) ලෙසයි. විශේෂයෙන්ම උද්‍යාන අලංකරණයේදී මල් පාත්ති බෝඩර්, එල්ලෙන මල් පෝච්චි, මල් ආරුක්කු, බිම් ආවරණ, එල්ලා හැලෙන වැනි ස්ථාන විචිත්‍රවත් ලෙස හැඩ කරගන්න පෙටුනියා මල් පදුර යොදාගන්නවා. පැලය සාර්ථක සෑදීමට හා මල් නිරෝගිව ලබාගැනීමට අධික සිතල හා තද හිරුඑළිය යන දේශගුණික සාධක වැදගත්. උණුසුම වැඩිවීම මල් ප්‍රමාණය වැඩි වීමට හා සාර්ථක පැලයක් ලබාගැනීමට උපකාරී වෙනවා. තද වර්ෂාවට ඔරොත්තු දීමට පිටෝනියා පැලයට හැකියාවක් නැහැ.ඒ නිසාම වර්ෂා කාලයේදී පිටෝනියා එළිමහනේ වගාව එතරම් හිතකර වන්නේ නෑ. අඩ සෙවණට වුවද වර්ධනය වන පැලය, සෙවණ වැඩි ස්ථාන වලට නුසුදුසුයි. නව තාක්ෂණය (hybrids) සමග නිපදවන පෙටුනියා බිජ නිසා මේ වනවිට ලංකාව පුරා සාර්ථකව පෙටුනියා මල් පැල හටගන්නවා. ඒ වගේම නව තාක්ෂණයත් සමග පෙටුනියා මල් විවිධ පැහැයෙන් මෙන්ම, වර්ණ සංකලනයෙන් යුතු පෙති වැඩි ප්‍රමාණයක් ඇති මල් වෙළදපොළේ දක්නට පුළුවන්. පිටෝනියා මල් පදුරක ආයු කාලය බොහෝදුරට මාස 3-5 අතර (වාර්ෂිකය ශාකයක්) වෙනවා. පෙටුනියා පැල ලබාගැනීමට වැඩි පුර ප්‍රචලිත ක්‍රමය බිජ මගින් වුවත් අතු කැබලි මගින්ද පැල ලබාගැනීමට පුළුවනි.

බීජ තවාන් කිරීමෙන් අනතුරු දින 45ක් පමණ කාලයක් තුල පෙටුනියා මල් ලබා ගන්න තරම් වර්ධනය වේගවත්. ඒ නිසාම වසන්නත කාලයේදී ඉක්මනින් ගෙවත්ත සරසා ගැනීමට ලොව පුරා පෙටුනියා බෙහෙවින් ප්‍රචලිතයි. සුන්දර නුවරඑළියේ වසන්ත කාලයේදී පවත්වනු ලබන උද්‍යාන මල් දැක්මේදී පෙටුනියා මල් වලින් සැරසුණු ගෙවතු අපට හොදින් දැක ගතහැකියි. ඒ වගේම විවිධ හැඩයට සාදාගත් හැඩතල පෙටුනියා මල් මගින් වර්ණවත් කරගන්න පුළුවන්. මලේ ඇති පෙති ගන්න, වර්ණය හා වර්ණ ගනන, මලේ ප්‍රමාණය, හටගන්නා මල් ප්‍රමාණය අනුව පිටෝනියා විවිධ විශේෂ වලට වෙන් කරනවා. පෙටුනියා මල් ගැන හොදින් දන්නා අය පමණක් මේ වර්ග හදුනනවා . Grandiflora Petunia, Spreading පිටෝනියා වර්ග යටතේ Wave, Supertunia, Cascadia, සහ Surfinia මෙන්ම Calibrachoa හෝ Million Bells, Multiflora, Supertunia වැනි වර්ග රාශියකින් පිටෝනියා දැකගන්නට පුළුවනි.

පෙටුනියා වගාවට හිතකර පස: ජලය තරමක් වැඩි වශයෙන් අවශ්‍යය පෙටුනියා පැලයට දිනපතා ජලය යෙදීම යෝග්ග්‍ය වේ. පස වියලීම එතරම් සුදුසු නැති අතර මැටි හා වැලි සමව මිෂ පසක් වගාවට සුදුසුවේ. ජලය වැඩි වීමෙන්ද දියමලන් කෑම වැනි රෝග ඇතිවිය හැක. එසේම පැලයේ වර්ධනයට නිරන්තරයෙන් පොහොර යෙදීම සිදුකල යුතු වේ. ඒ වගේම දිලීර රෝග, කෘමින‍් පාලනයද පැලයේ වර්ධනය බලපාන බාහිර සාධක වේ.

පෙටුනියා පැලයක් මගින් වෙනසක්, නැවුම් බවක් ගෙවත්තට ගෙන දෙන අතර පෙටුනියා මල් ගොමුවකට දුටුවන් වශී කරන හැකියාවක් ඇත.
සටහන : ඉසුරු මනෝජ් කොකාවල

මේ ලිපිය සමහරවිට ඔබට දිග වැඩි වගේ පෙනෙයි.. ඒ උනත් මෙය දියුණුවන කෙනෙක් කියවිය යුතු වටිනාම ලිපියක්.. උපුටා ගත්තේ Crishantha Dissanayake මහතාගේ ෆේස්බුක් පිටුවෙනි. ලිපියට අදාල සියළුම ගෞරව සහ පැසසුම් එතුමාට හිමිවිය යුතුය.

"......මිල අඩු කාලෙට පුවක් අරගෙන කරුංකා බවට පත් කර අති විශාල ලාභයක් ලබන්න පුළුවන් කියල දැනගෙන හිටියද ?

උපයෝගීතාවය කියන්නේ භාණ්ඩයක් හෝ සේවාවක් පාරිභෝජනය කිරීමෙන් ලබන තෘප්තියට. අපි භාණ්ඩයකට හෝ සේවාවකට යම් මුදලක් ගෙවන්නේ ඒකෙන් ලැබෙන උපයෝගීතාවය මත. වැඩි උපයෝගීතාවයක් ලබනවා නම් අපි වැඩි මුදලක් ගෙවනවා. අඩු උපයෝගීතාවයක් ලබනවා නම් අපි ගෙවන්න කැමති වෙන්නෙත් අඩුවෙන්.

උපයෝගීතාවයට ඉංග්‍රීසියෙන් කියන්නේ Utility කියලා. උපයෝගීතාවය මනින මනක්කල්පිත ඒකකයට අපි කියනවා යුටිල් ( Util) කියලා. සමහරු කියනවා උපයෝගීතාවය මනින්න බැහැ ; කරන්න පුළුවන් උපයෝගීතාවය වැඩි භාණ්ඩයේ සිට අඩු භාණ්ඩය දක්වා පෙළගස්වන්න පමණයි කියල. ඒ ගැන මෙතන ලොකුවට කතා කරන්න බලාපොරොත්තු වෙන්නෙ නැහැ. මොකද මගේ කතාවට ඒක එච්චර අදාළ නැති නිසා. ඒක ආර්ථික විද්‍යාවේ උසස් පෙළටත් උගන්වන්නෙ නැහැ. ඒක කැම්පස් එකේ පාඩමක්.

උපයෝගීතාවය වර්ග කීපයකට බෙදන්න පුළුවන්.

1. කාල උපයෝගීතාවය

කාලය අනුව පමණක් උපයෝගීතාවයක් බිහි වීම තමයි මේකෙන් කියන්නේ. උදාහරණයක් විදිහට වෙසක් කාඩ් එකකින් උපයෝගීතාවයක් ලබන්න පුලුවන් වෙසක් කාලෙට විතරයි. ඒ, කාල උපයෝගීතාවය. ඒ නිසා ඒ වගේ බිස්නස් ඒ කාලෙට විතරයි ගැලපෙන්නෙ. ඒවා සීසනල් බිස්නස්. කාලෙකට ව්තරයි. නමුත් ඒ කාලෙට ඇති වෙන්න හම්බකර ගන්න පුලුවන්.

2. අයිතිවාසිකමේ උපයෝගීතාවය

අයිතිය මාරු කිරීමෙන් උපයෝගීතාවය වෙනස් වෙනවා. එක්කෙනෙක්ට ලොකු උපයෝගීතාවයක් නොලැබෙන භාණ්ඩයකින් තවත් කෙනෙක්ට ⁣ඉතා විශාල උපයෝගීතාවයක් ලැබෙනවා. අපිට කාර් එකක් තියනවා නම් අපේ ගෙදර තියන බයික් එකෙන් අපිට ලොකු උපයෝගීතාවයක් නැති වෙන්න පුළුවන්. නමුත් පයින් ගමන් බිමන් යන කෙනෙක්ට ඒ බයික් එකෙන් ලොකු උපයෝගීතාවයක් ලැබෙනවා. අයිතිවාසිකමේ උපයෝගීතාවය කියන්නේ ඒකට.

3. ස්ථානීය උපයෝගීතාවය

ස්ථානය වෙනස් කිරීමෙන් උපයෝගීතාවය වෙනස් කරන්න පුළුවන්. මල්වානේ අයට රඹුටන් වලින් ලබන්න බැරි ත⁣රමේ උපයෝගීතාවයක් ආණමඩුවේ කෙනෙක්ට ලබන්න පුළුවන්; ස්ථානය මල්වානේ ඉදන් ආණමඩුවට මාරු උනොත්. ආණමඩුවේ කෙනෙක්ට අඹ හෝ දිවුල් වලින් බලන්න බැරි තරමේ විශාල උපයෝගීතාවයක් මල්වානේ කෙනෙක්ට ලබන්න පුළුවන්. ඒක ස්ථානීය උපයෝගීතාවය. ආන්න ඒකයි මල්වානෙන් රඹුටන් ගෙඩියක් රුපියලට හෝ දෙකට ගෙනැත් ආණමඩුවේ රු. 10 ට විකුනන්න හැකියාව ලැබෙන්නේ.

බදුල්ල පැත්තේ කාලෙකට පුවක් ගෙඩියක් සත පනහටත් අඩුවෙන් ගන්න පුළුවන්. ඒ පුවක් ⁣ගෙඩිය ලංකාවේ අනෙක් පැති වල රුපියල් පහට විකුනන්න පුලුවන්. ඒක එතකොට බිස්නස් එකක්. ඒ බිස්නස් එකේ "පදනම" තමයි ස්ථානීය උපයෝගීතාවය.

බදුල්ල පැත්තෙන් පුවක් ගෙඩියක් සත පනහට විතර හොයා ගන්න පුළුවන්. කාලෙකට පුවක් ගෙඩියක් රුපියල් 15 ක් දක්වා වැඩි වෙනවා. ඒ වැඩි වෙන කාලෙට කරුංකා වල මිලත් ඊට සාපේක්ෂව වැඩි වෙනවා. ඉතිං, සත පනහකට පුවක් ගෙඩි ලක්ෂ 10 ක් ගන්න යන්නේ රුපියල් ලක්ෂ පහයි. ඔය වගේ ටිකක් වැඩිපුර පුවක් ටිකක් ගන්න ගණන් අඩු කාලෙට. ඒවයින් කොටසක් රුපියල් තුනක් හෝ හතරකට පුවක් වැවෙන්නැති පැති වල ඒ කාලෙම විකුනන්නත් පුළුවන්. අනෙක් කොටස කරුංකා කරල ගබඩා කරන්න. කරුංකා කරනද්දී ගිරයක් අරන් පුවක් වල ලෙල්ල ගලවන්න ඕන නැහැ. පුවක් හොදට වේලලා, ඒක ⁣පොහොර උරේකින් බාගයක් වෙන්න පුරවලා, ඒක කකුලෙන් පෙඩ්ඩක් ⁣පාගලා පොඩ් කරන්න. ඊට පස්සේ ඒ පොහොර උරේ හත් අට වතාවක් පොලවේ ගැහුවාම පුවක් වල පොතු ගැලවෙනවා. එහෙම කරපු පුවක් තමයි කරුංකා කියල කියන්නේ.

සත පනහක් වගේ අඩු මිල කාලෙක පුළුවන් තරම් පුවක් අරගෙන කරුංකා කරල තියා ගත්තා නම්, අර පුවක් ⁣ගෙඩියක් රු. 10 ක් 15 ක් වගේ මිල වැඩි වෙන කාලෙට කරුංකා මිලත් ඊට සාපේක්ෂව වැඩි වෙන නිසා හිතා ගන්න බැරි තරම් ලාභයක් ලැබෙනවා.

දැන් ඉතිං කමෙන්ට් දායි, ඔය කියන තරම් ලාභ නෑ. පුවාහණයට ගොඩක් සල්ලි යනවා. විකුනන්න අමාරුයි වගේ දේවල්. මතක තියා ගන්න, ඒ වගේ කමෙන්ට් දාන්නේ මේ බිස්නස් එක දැනටමත් කරන අය, අනිත් අය මේක කරන එක අඩපණ කරන්න. ලුණු පෝස්ට් එකටත් එහෙම කමෙන්ට් දාල තිබුනා. මොකක්ද ලුණු වර්ගයක නමක් කියලා ඒකෙ හැර ලංකාවෙ අනිත් හැම එකකම ලුණු වල වැළි තියනවා කියල. එහෙම කියන්න හේතුව තමයි මම කලින් කීවෙ.

වටු පාලනය ගැන දැනටමත් ඒකකරන කෙනෙක් ගෙන් අහල බලන්නකෝ. ⁣"අයියෝ ඕක නම් කරන්න එපා; පාඩුයි" කියල තමයි කියන්නේ. පුවක් ගැනත් එහෙම කමෙන්ට් ආවොත් පුදුම වෙන්නත් එපා. රැවටෙන්නත් එපා.

මතක තියා ගන්න අපේ රටේ සමහර මැති ඇමති ගොල්ලොත් කරුංකා ජාවාරම් කරන බව. ඒකෙන් කෝටි ගානක් උපයන බව. ඒනිසා පුවක් වැඩේ හරිම ලාබයි. ලේසියි. පුලුවන් නම් වැඩේට අත ගහල බලන්න. කවදාවත් පාඩු වෙන්නෙ නැහැ.

ඔන්න එහෙනම් උපයෝගීතාවය ගැනත් දැනගත්තා. පුවක් බිස්නස් එකත් ගැන දැනගත්තා. දැං ඉතිං ලංකාවේ අඩුම තරමේ දාහක් වත් අළුතින් මේ වැඩේට පුරුදු උනොත් මේ ලංකාවේ තව 1000 ක් ගොඩ ගියා කියල හිත හදා ගන්න පුළුවන්. ඒකම කොච්චර සතුටක්ද ?

එහෙනම් අද හෙටම කැමති අය වැඩේට බහින්න. පුවක් බිස්නස් එක කියන්නෙ ලංකාවේ කිසිම දවසක වැටෙන බිස්නස් එකක් නෙවෙයි.

ඔන්න එහෙනම් වැඩේ පටන් ගන්න අපි සුබ පතනවා. වැඩේ ගැන ටිකක් අවධානයෙන් ඉදලා කරන්න පටන් ගන්න.

Crishantha Dissanayake
Copy Right Protected

මෙම පේජයේ සියළු ලිපි කතෲ අයිතිය සුරැකි ඒවාය. මෙම ලිපි මෙම පේජයේ තිබියදීම ⁣ෂෙයා කිරීම, ඉන් ජීවිතයට යමක් ලබා ගැනීම හැර අන් කිසිදු කටයුත්තකට යොදා ගැනීම නොකරන මෙන් කාරුණිකව ඉල්ලා සිටිමි.

ඇන්තූරියම් ශාකය :

හබරල කුලයට අයත් ගෘහාශ්‍රිතව වගා කරනු ලබන අලංකාර ශාක වර්ගයක් ලෙස ඇන්තුරියම් හැදින්විය හැකිය. මෙය සෙවණ මෙන්ම තෙතමනය ප්‍රිය කරන බහු වාර්ෂික පැළෑටියකි.වර්ණවත් මලක් හට ගන්නා මෙම ශාකය,විශාල වශයෙන් වගා කිරීමෙන් ස්වයං රැකියාවක් බවට පත් කර ගත හැක.
ඇන්තූරියම් පුෂ්පය. ඇන්තූරියම් පැලයක් සදහා අවශ්‍ය වන මුලික සාධක ගැන පමණක් අවබෝධය ලබාදීම ලිපියේ අදහසයි. ඇන්තූරියම් පැල විකිණීමක් සිදු නොකරන බව කාරුණිකව දැනුම් දීමට කැමැත්තෙමි. වෙළද පොළ සොයාගැනීම හා වියාපාරයක් ලෙස පවත්වාගෙන යෑමට අවශ්‍ය උපදෙස් මල් සංගම් හරහා ලබාගන්නා ලෙස ඉල්ලා සිටිමු.

ඇන්තූරියම් පුෂ්පය මලක් ලෙසින් හැදින්වූවත් එය පුෂ්පිකා රාශියක්,ඉතා සමීප ලෙස සැකසුනු පුෂ්ප මංජරියක් හා එය වටා පිහිටි වර්ණවත් විකර්ණයක් වූ පත්‍රයකින් යුක්ත වේ.පුෂ්ප මංජරිය "ජද ශුකිය" යනුවෙන්ද විකර්ණය වූ පත්‍රය "කොළපුව" නමින්ද හැදින්වේ.මෙම පුෂ්පිකා ද්වි ලිංගික වේ.

කැපුම් මල් වගාවක් ලෙස ඇන්තූරියම්අ පනයනය සඳහා ශ්‍රී ලංකාවේ වගා කරන්නා වූ කැපුම් මල් අතරින් ඇන්තූරියම් වගාවට හිමි වන්නේ විශේෂ ස්ථානයකි.මෙමඟින් ශ්‍රි ලංකාවේ ආර්ථික සංවර්ධනය සඳහා සැලකිය යුතු විදේශ විනිමයක් උපයා ගැනීමට හැකි වේ.අඩු ප්‍රාග්ධනයකින් මෙන්ම අඩු ශිල්පීය දැනුමකින් ඇන්තූරියම් වගා කළ හැකි අතර ඇන්තූරියම් මලක් හොද තත්වයෙන් මාසයක් පමණ කාලයක් තබා ගත හැකි වීමද ඉතා වැදගත්ය.
ඇන්තූරියම් වර්ග

දකුණු ඇමරිකාව නිජබිම ලෙස සලකන ඇන්තූරියම් "අරේසියේ" (Araceae) ශාක කුලයට අයත් වර්ග සමූහයකින් යුත් ශාක කාණ්ඩයකි.ඇතැම් ශාක විශේෂ අලංකාර පත්‍ර සඳහාත් ඇතැම් ශාක විශේෂ වර්ණවත් මල් සඳහාත් වගා කෙරේ.වර්ණවත් වූ පුෂ්පයන්ගෙන් යුත් වර්ගය "ඇන්තූරියම් ඇන්ඩ්‍රියානා" නමින් හදුන්වනු ලැබේ.ඇන්තූරියම් වර්ග කිහිපයක් පහත දැක්වේ.

ඇන්තූරියම් මැක්නොලොබියම්
ඇන්තූරියම් ඇන්ඩ්‍රියානම් කොරල් රෝස වර්ගය
ඇන්තූරියම් රිගෙල්
ඇන්තූරියම් බෙකරි

ඇන්තූරියම් වගාවට සුදුසු දේශගුණය
තෙත් සහිත දේශගුණයක් ඇති ප්‍රදේශවලට යෝග්‍ය මල් විශේෂයකි.මුහුදු මට්ටමේ සිට අඩි 4000 ක් පමණ උස් ප්‍රදේශ දක්වා ඇන්තූරියම් වගාවට සුදුසුය.නමුත් අධික ශීතලද එනම් ජලය මිදෙන දේශගුණය මේ සඳහා යෝග්‍ය නොවේ.ශීත දේශගුණයක් සහිත ප්‍රදේශවල රතු සහ තැඹිළි පාට ඇන්තූරියම් සාර්ථක ලෙස වගා කළ හැකිය.අතර මැදි තෙත් කළාපයේ සෙවණ හොඳින් ඇති ස්ථානවල එනම් කුරුණෑගල දිස්ත්‍රික්කයේ පිහිටි හලාවත,දංකොටුව,ගිරිඋල්ල,නාරම්මල,මාවතගම,පලමල්කැලේ,මොණරාගල,කහවත්ත,බිබිල,බදුල්ල,බණ්ඩාරවෙල,ගාල්ල,දෙවිනුවර හා මාතර වැනි ප්‍රදේශවල හොඳින් වගා කළ හැකිය. බංගදෙණිය,වාරියපොළ,ඉබ්බාගමුව,අළුවිහාරේ,මාදුබොඩ වැනිඅතරමැදි වියළි කලාපයේ තෙතමණය හා සුළඟ වැනි දේ මඟින්,වියළීම අවම කිරීමෙන් ඇන්තූරියම් වගා කළ හැකි අතර වියළි කළාපය‍ට වඩාත් සුදුසු වන්නේ රෝස පැහැයෙන් යුත් ඇනතූරියම්ය.එයට හේතු වන්නේ රෝස ඇන්තූරියම් අඩු රැක බලාගැනීමකින්වගා කළ හැකි ඇන්තූරියම් වර්ගයක් වීමය.

සෙවණ සහ ජලය

මෙම වගාව සඳහා තෝරා ගන්නා ඕනෑම ස්ථානයක් සඳහා 70% ත් 75% ත් අතර සෙවණක් පැවතිය යුතුය.මේ සඳහා යෝග්‍ය වන්නේ තරමක් අදුරු ආලෝකයකි. එයට විශාල ගසකින් ලැබෙන ආලෝකය හෝ කෘතිම දැල් මඟින් ලැබෙන ආලෝකය සුදුසුය.ගස් මඟින් ආලෝකය ලබා ගැනීමේදී වර්ෂය පුරාම පත්‍ර දරන්නා වූ ගස් තෝරා ගත යුතුය.මේ සඳහා ඉතාමත්ම යෝග්‍ය අතු විහිදෙන්නා වූ ගසක් ලෙස පොල් ගස හැදින්විය හැකිය.එක් කාලයකදී පත්‍ර දරන්නා වූ ශාකයන් යට ඇන්තූරියම් වගාව නුසුදුසුය.මේ සඳහා සදාහරිත ශාකයක් වන පිහිඹියා වැනි ශාකයක් යෝග්‍ය වේ.මේ ගස් විශාල ප්‍රදේශයක් පුරා අතු විහිදුවන බැවින් වැඩි බිම් ප්‍රමාණයක් වසා ගනී.මෙවැනි ගස් අඩි 15 ක පරතරයෙන් ත්‍රිකෝණාකාරව සිටුවා 7.5 ක් පමණ වැඩුණු පසු කරටිය කපා අතු නැවීම තුළින් අතු හිදුවීම සාර්ථකව කළ හැකිය. මේ සඳහා ජෑම් ගස්ද යෝග්‍ය වේ.නමුත් අතු ඉක්මනින් දිරා වැටීම නිසා පත්‍ර හා මල්වලට හානිදායක විය හැකිය.

ඇන්තූරියම් වගාව සඳහා ජලය අත්‍යවශ්‍ය සාධකයකි.ජලවහනය අසතුටුදායක නම් මූල මණ්ඩලයට හානි පැමිනෙයි.ජලය රදන භූමියක හෝ ජලය බැස යාම ප්‍රමාද භූමියක එම ස්ථානවලින් ජලය ඉවත් කිරීමට කාණු පද්ධතියක් සකස් කළ යුතු අතර පොළව මට්ටමේ සිට ඉහළට ගොඩනගන ලද පාත්තිවල පැළ සිටුවීම කළ යුතුය

ඇන්තූරියම් ප්‍රචාරණය:

අලිංගික ප්‍රචාරණය හරහා පැළ ලබාගැනීමේ හැකියාව ඇන්තූරියම් ශාකය සතු ශක්‍යතාවකි. ඒ ක්‍රම අතුරින් කඳ කැබලි මගින් ප්‍රචාරණයට හිමි වන්නේ සුවිශේෂී ස්ථානයකි. එම ක්‍රමය හරහා ශාකයේ දියුණු ලක්ෂණ නොවෙනස්ව පවත්වාගෙන යෑමේ හැකියාව පවතී.

වයස්ගත වූ පරිණත ඇන්තූරියම් ශාකයන්ගේ කඳෙහි පාදීය කොටස අංකුර දෙකක් තුනක් අඩංගු වන ලෙස කුඩා කැබලි වලට කපා කොන්ඩිස් (පොටෑසියම් පර්මැංගනේට්) ද්‍රාවණයකින් හෝ ඊට සමාන සුදුසු දිලීර නාශකයකින් සෝදා පිරිසිදු කර ගත යුතුය.

කපාගත් අංකුර ගංගා වැලි හා කොළ පොහොර සම ප්‍රමාණයන්ගෙන් හොදා සකස් කළ පාත්තිවල අඩක් ගිලෙන ලෙස හරස් අතට ගිල්වා තවාන් දැමිය යුතුය. නිවැරදිව ජල සම්පාදනයත්, අවශ්‍ය පමණට සෙවන සැපයීමත් සිදු කිරීම හරහා සති කිහිපයකිත් අංකුර වලින් ප්‍රරෝහ වර්ධනය වේ. මේවායේ හොඳින් මුල් වැඩුණු විට තෝරාගත් වගා මාධ්‍ය සහිත පොලිතීන් බඳුන්වල හෝ බඳුන්වල සිටුවිය හැකිය. සිටුවා වසරකින් පමණ මල් ලබාගත හැකිය.

කක්ෂීය අංකුර භාවිතයෙන් වර්ධක ප්‍රචාරණය තවත් ක්‍රමයකි.

එහිදී වයස්ගත වූ ශාකවල අග්‍රස්ථ අංකුරය කපා නැවත සිටුවා ගැනීමෙන් පස් එද පාදීය කොටස් තිබූ තැනම තිබෙන්නට හැර අංකුර ඇති වීමට සලස්වා පසුව වෙන්කර සිටුවිය හැකිය. මෙම ක්‍රමයට වැඩි කාලයක් ගත වේ.

මොටෙයියන් මගින් වර්ධක ප්‍රචාරණය තවත් ක්‍රමයකි.

සමහර ඇන්තූරියම් වර්ගවල බහුල ලෙස මොටෙයියන් දක්නට හැකිය. මොටෙයියන් නිපදවීමෙන් යම් වර්ගයකට ආවේණිකම ලක්ෂණයන් ඇති වීමේ ප්‍රවණතාවක් පවතී. ඒ සඳහා වගා කරන පරිසරයේ බලපෑම ද බෙහෙවින් ඉවහල් වේ.

මොටෙයියන් වෙන්කර සිටුවීම ද වර්ධක ප්‍රචාරණ ක්‍රමයක් වන අතර නමුදු මේ හරහා ලබා ගත හැකි වන්නේ ඉතා සීමිත පැළ ප්‍රමාණයක් පමණකි. මෙලෙසින් වර්ධක ප්‍රචාරණය මගින් ලබා ගන්නා පැළ සමූහයක් ක්ලෝනයක් ලෙස හඳුන්වයි. මල් කපා විකිණීමේ ව්‍යාපාරයක් සඳහා එකම ක්ලෝනයකින් පැළ වගා කිරීම වඩාත් සුදුදුය.

ඇන්තූරියම් වගාව (anthurium)
ගෙවතු අලංකරණය සඳහාත්, දේශීය වෙළඳපොල සඳහාත්, අපනයනය සඳහාත් වශයෙන් ඇන්තූරියම් මල් වගාවට යහපත් ඉල්ලුමක් පවතී. බොහෝ මල් වර්ගවලට කලින් කලට ඇති ජනප්‍රියතාවය වෙනස් වෙමින් පැවතියත් ඇන්තූරියම් මල සඳහා ඇති ඉල්ලුම හා ජනප්‍රියත්වය දීර්ඝ කාලයක සිට නොවෙනස් ව පැවතීම වි‍‍‍‍ශේෂ කරුණකි. එහි ජනප්‍රියත්වය තව දුරටත් වර්ධනය වෙමින් පවතී. දිරිමත් ඔබට ‍සාර්ථකවීමට ඇන්තූරියම් මල් වගාව වඩාත් සුදුසු ස්වයං රැකියාවකි.

#ඇන්තූරියම් ශාඛය :
(1) මල් සඳහා වගා කරන ඇන්තූරියම්
(2) පත්‍රවල විචිත්‍ර බව නිසා වවන ඇන්තූරියම්
යනුවෙන් වර්ග දෙකක් දක්නට ඇතත් වඩාත් වගා කෙරෙන්නේ මල් සඳහා වන ඇන්තූරියම් වර්ගයයි.

ඇන්තූරියම් සඳහා දේශගුණික අවශ්‍යතා:
මුහුදු මට්ටමේ සිට අඩි 4000 දක්වා කලාප‍යේ ඇන්තූරියම් වගාව හොඳින් කල හැක. මෙය සෙවණ ප්‍රිය කරන ශාඛයක් බැවින් 60%ත් 70%ත් අතර සෙවණ සැපයීමක් කළ යුතු ය. ඇන්තූරියම් ශාඛය සෙවන වැඩිපුර අවශ්‍ය වන පැලෑටියක් බැවින් ස්වභාවික සෙවණ ස්ථානයක වගා කිරීම හෝ කෘත්‍රිම ක්‍රමයට ලණු පැදුරු හෝ සෙවණ දැල් මගින් සෙවණ ලබා දීම කළ යුතු ය.

උෂ්ණත්වය - සෙ: 25º ද
අර්ද්‍රතාවය - 75% ද

ජලය බැස යන සවිවර පසක් ද ඇන්තූරියම් වගාවට අවශ්‍යය.

පැළය බඳුන් ගත කර සිටුවීම:
වගාව සඳහා යොමු වන ආධුනිකයෙකු වගාව කිරීමට සුදුසු තත්ත්වයේ ඇන්තූරියම් පැළ, පැළ විකුණන ස්ථානයකින් සපයා ගත යුතු ය.
(වගා කිරීමට අවශ්‍ය පැළ තමන් විසින් ම සකසා ගැනීම පිළිබඳ ව පසුව විස්තර කෙරේ.)
එසේ සපයා ගත් පැළවල වැඩිපුර ඇති මුල් කපා දමා කැප්ටාන් දිය කළ බඳුනක වි. 5ක් ගිල්වා තබා පැළ බඳුන් ගත කිරීම සුදුසු ය. පැළ බඳුන් ගත කිරීම සඳහා සෙ.මී.30 ක විෂ්කම්භයක් ඇති බඳුන් තෝරා ගත යුතු ය. බඳුනෙහි යට ඇති සිදුරු මත අඟල් දෙකක් පමණ උසට උළු හා ගඩොල් කැබලි ද ඊට උඩින් දිරාපත් වූ කොළ රොඩු ද ඒ මත ඇන්තූරියම් පොහොර මිශ්‍රණයක් ද අතුරා පැළ බඳුන් ගත කළ යුතු ය. බඳුනෙහි උඩ අඟලක පමණ කොටසක් ඉතිරි ව තිබෙන්නට ඉඩ හල යුතු ය.

ඇන්තූරියම් පොහොර (කාබනික):
කොල ‍පොහොර කොටස් 2
වියලි ගොම කොටස් 1
කොහු බත් කොටස් 2
වැලි ½ අඟුරු කොටස් 1
ඇන්තූරියම් පොහොර (රසායනික)
යූරියා කි.ග්‍රෑ. 3 ½
සාන්ද්‍ර සුපර් පොස්පේට් කි.ග්‍රෑ. 7
මියුරේට් ඔෆ් පොටෑෂ් කි.ග්‍රෑ.4
(රසායනික පොහොර ඉහත සඳහන් අනුපාතයට මිශ්‍ර කර ගිණි පෙට්ටි පියනකින් එකක්, පැළ තුනකට පමණ වන සේ පැළ සිටුවා සති තුනකට පසු යෙදීම සුදුසු ය. ‍පොහොර යෙදීම බඳුන් දාරය ආසන්නයේ පැළවලට ඈතින් සිදු කළ යුතු ය.)

පොහොර ‍යෙදීම මසකට වරක් ද, මල් හට ගන්නා විට සති දෙකකට වරක් ද උදය කාලයේ දී ජලය යෙදීමෙන් අනතුරුව කළ යුතු ය. කාබනික පොහොර යෙදීම මාස 3කට වරක් සිදු කිරීම ප්‍රමාණවත් ය. මෙසේ සිටුවා ගත් බඳුන් සෙවණ ඇති තැන්වල තබා නඩත්තු කළ යුතු ය.

පැළ පාත්තිවල සිටුවීම:
ඇන්තූරියම් පැළ පාත්තිවල සිටුවන්නේ නම් ආකාර දෙකකට සිටුවීම කළ හැක.

1.කාණු ඉදිකර වගා කිරීම
2.පාත්ති සකසා වගා කිරීම
යන ක්‍රම දෙකෙන් කුමන ක්‍රමය අනුගමනය කළ ද කෘත්‍රිම ක්‍රමයට සෙවණ සැපයීම කළ යුතු ය. කාණු ඉදිකර වගා කරන්නේ නම් සමතල භූමියක සෙ.මි.25-30 ගැඹුරැති කාණු සකසා එහි අඩියට ගඩොල් කැබලි තට්ටුවක් යෙදිය යුතු ය. ඉන් පසු වේයන් මර්ධනය සඳහා රසායනික ද්‍රව්‍යයක් යෙදිය යුතු ය. ගඩොල් මත පොහොර මිශ්‍රණය අතුරා දින 5කට පසු පැළ සිටුවීම කළ හැක. පාත්ති ක්‍රමයට වගාකරන්නේ නම් සෙ.මි.25 ක් පමණ ගැඹුරට පස බුරුල් කර පාත්ති සකස් කර පොහොර යොදා කෘමින් මර්ධනයට පියවර ගත යුතු ය. ඉන් පසු පැළ අතර පරතරය අඩි දෙකෙන් දෙකට වන සේ පැළ සිටු වීම සුදුසු ය. පොහොර යෙදීම, ජල සම්පාදනය, වල් මර්ධනය ක්‍රමවත් ව කළ යුතු ය.

පලිබෝධයන්ගෙන් ආරක්ෂා කර ගැනීම:
ගොලු බෙල්ලන්, මයිටාවන්, පත්‍රකන පණුවන්, පිටි මකුනන්, කූඩිත්තන් වැනි පලිබෝධයන් ඇන්තූරියම් පත්‍රවලට, අංකුරවලට, මල්වලට හානි කරන බැවින් ඒ සඳහා සුදුසු ප්‍රතිකර්ම යෙදිය යුතු ය.

අස්වැන්න නෙළා ගැනීම:
හොඳින් වැඩුනු පැළයකින් මාස 8ක දී පමණ පළමු මල ලබා ගැනීමේ හැකියාව ඇත. මලක් සති 4 කදී පරිනත වන බැවින් එම කාලය තුළ නෙලා ගැනීම කළ යුතු ය.වසරක දී මල් 8ක්-10ක් පමණ ලබා ගත හැක. ඇන්තූරියම් මල රතු සුදු රෝස තැඹිලි යන වර්ණ වලින් ද රතු කොළ මිශ්‍ර (BY colour) වර්ණයෙන් ද දක්නට ඇතත් වැඩි ඉල්ලුමක් ඇත්තේ රතු පැහැති වර්ණ මල්වලට ය. කැපූ මල් කර්මාන්තයේ අපනයනය සඳහා බහුල ව භාවිතා කරන්නේ ද රතු පැහැති මල් ය.
ඇන්තූරියම් මල් වල වැඩි ඉල්ලුමක් ඇත්තේ හෘදාකාර රවුම් මල්වලට ය. කොලපුවේ උඩ සහ යටි පෘෂ්ඨවල සමාන රතු පැහැයක් තිබීම අවශ්‍යය.

ඇන්තූරියම් පැළ ප්‍රචාරණය (බෝ කර ගැනීම)
ඇන්තූරියම් පැළ ලබා ගැනීම ක්‍රම දෙකකට සිදුකල හැක.
• වර්ධක ප්‍රචාරණ
• ලිංගික ප්‍රචාරණය
වර්ධක ප්‍රචාරණය
වර්ධක ප්‍රචාරණය යනු පැළ ලබා ගැනීම සඳහා කඳ කැබලි සිටුවීම සහ මොරෙයියන් සිටුවීමයි. පහත දී ඇති රූප සටහන් මගින් දක්වා ඇති පරිදි මොරෙයියන් හෝ කඳ කැබලි සිටුවීම මගින් පැළ ලබා ගැනීමට හැකි වුවත් කෙටි කල දී මෙම ක්‍රමය මගින් පැළ විශාල ප්‍රමාණයක් ලබා ගැනීම අපහසු ය.

ලිංගික ප්‍රචාරණය:
ලිංගික ප්‍රචාරණය මගින් එනම් මල් පරාගනය කර ලබා ගන්නා බීජ (ඇට) මගින් පැළ විශාල සංඛ්‍යාවක් ලබා ගත හැක. මේ සඳහා රෝග, පලිබෝධ වලින් තොර වැඩි ඉල්ලුමක් සහිත මව් ශාඛ තෝරා ගත යුතු ය. මල් පරාගනය සඳහා සුදුසු තතත්වයේ මල් දෙකක් අවශ්‍ය වේ. ඇන්තූරියම් මලක කොටස් දෙකක් ඇත. එනම් කොළපුව සහ ඡද්‍ර ශුතියයි.
පරාගනය සඳහා තෝරා ගන්නා මලෙහි කොළපුව දිග හැරී දින 7-10 අතර කාලයේ දී පරාගනය කළ යුතු ය. මේ අවස්ථාව වන විට ඡද්‍ර ශුතියෙහි ඇලෙන සුළු සුදු පැහැති පරාග දැකිය හැකි අතර ඒවා පින්සලක ආධාරයෙන් පීරිසියකට එකතු කර ගත යුතු ය. එම පරාග ඒ අවස්ථාවේ ම තෝරා ගත් අනෙක් මලෙහි ඡද්‍ර ශුතිය මත තැවරීම කළ යුතු ය. දින දෙක තුනක් මෙම ආකාරයට පරාග තැවරීම කළ යුතු අතර එසේ කළ සෑම විටක ම පොලිතීන් ආවරණයකින් මල ආවරණය කළ යුතු ය.
පරාගනය සාර්ථක වූ මල්වල ඡද්‍ර ශුතිය ක්‍රමයෙන් මහත් වීමටත් කොල පැහැයට හැරීමටත් පටන් ගනී. මාස 5ක්-6ක් කාලයේ දී මේරූ ඇන්තූරියම් ඇට තැඹිලි පැහැයෙන් ජල්ලිමය ආකාරයෙන් දැකිය හැක. එම ඇට මලෙන් ඉවත් කර ගෙන ඉතා හොඳින් සෝදා ජල්ලි ඉවත් කර කොන්ඩිස් ද්‍රාවණයකින් ද ‍සෝදා බීජ පැලවීමට සුදුසු මාධ්‍යක් ‍යෙදූ නොගැඹුරු මැටි බඳුන්වල තැන්පත් කළ යුතු ය. එය තුලට ජලය ස්වල්පයක් එක් කිරීම ද කළ යුතු ය.
එලෙස බීජ තැන්පත් කල මැටි බඳුන ජලයෙන් යට නොවන සේ තවත් ඊට වඩා ලොකු ජලය දැමූ බඳුනක් තුළ බහා වීදුරු තහඩුවකින් වසා සුදුසු තැනක සති 4ක් පමණ තිබෙන්නට හැරිය යුතු ය. සති 4ක දී බීජ පැලවීම ආරම්භ වේ. එවිට වීදුරු තහඩුව ඉවත්කර පැලවලට වර්ධනය වීමට ඉඩ හළ යුතු ය. මෙම පැළ තරමක් වැඩුණු පසු පාත්තිවල සිටු විය යුතු ය.
මෙලසින් පියවරානුකූල ව වගාව පවත්වා ගත යුතු ය.

හරි විදිහට ඕකිඩ් වවන ක්‍රමය මෙන්න – නිවසේ සිටම ඔබට කදිම අදායම් මාර්ගයක් – Matchpissa.com Home » Life » You are reading » හරි විදිහට ඕකිඩ් වවන ක්‍රමය මෙන්න – නිවසේ සිටම ඔබට කදිම අදායම් මාර්ගයක් By rajitha sampath on March 5, 2019 හරි විදිහට ඕකි....