Ke/dehi/ walagamba maha vidyalaya

29/05/2026

💙 කෑ/දෙහි/වළගම්බා මහා විද්‍යාලයේ සියලුම ආදී ශිෂ්‍ය/ශිෂ්‍යාවන් වෙනුවෙන් කෙරෙන විශේෂ නිල ආරාධනයයි! 💛

අප අකුරු කළ, අපේ ජීවිත හැඩගැස්වූ, අපේ ආදරණීය මාතෘ භූමිය වෙනුවෙන් උපහාරයක් වන්නටත්, විද්‍යාලයේ අනාගත උන්නතිය උදෙසා එක්ව පෙළගැසෙන්නටත් කාලය පැමිණ ඇත.

කෑ/දෙහි/වළගම්බා මහා විද්‍යාලීය ඉතිහාසයේ නව පිටුවක් පෙරළමින්, විද්‍යාලීය ආදී ශිෂ්‍ය සංගමය නිල වශයෙන් ආරම්භ කිරීමේ ප්‍රථම මහා සභා රැස්වීම ඉතා උත්කර්ෂවත් අන්දමින් පැවැත්වීමට සියලු කටයුතු සූදානම් කර ඇත.

පාසල් සිහිවටන අලුත් කරගනිමින්, ඔබේ සමකාලීන මිතුරු මිතුරියන් මුණගැසෙන්නටත්, පාසලේ අනාගතය වෙනුවෙන් ශක්තියක් වන්නටත් එන්න අප හා අත්වැල් බැඳගන්න.

දිනය: 2026 ජුනි මස 14 වන ඉරිදා

වේලාව: පෙ.ව. 9.00 ට

ස්ථානය: විද්‍යාලීය ප්‍රධාන ශාලාවේදී

📢 විශේෂ මතක් කිරීම:

අප විද්‍යාලයෙන් අධ්‍යාපනය ලබා දැනට දිවයිනේ සහ විදේශයන්හි විවිධ ක්ෂේත්‍රයන්හි නියුතු, විවිධ වසරවල පාසලෙන් සමුගත් සියලුම ආදී ශිෂ්‍ය ශිෂ්‍යාවන්ට මේ සඳහා සහභාගී වන ලෙස ගෞරවයෙන් ආරාධනා කර සිටිමු.

මෙම පණිවිඩය ඔබේ අනෙකුත් පාසල් මිතුරන් අතරද Share කරමින් ඔවුන්වත් දැනුවත් කරන්න.

29/05/2026

"සුඛෝ බුද්ධානං උප්පාදෝ"
(බුදුවරුන්ගේ ඉපදීම ලෝකයටම සැපතකි.)

ශ්‍රී සම්බුද්ධත්ව ජයන්ති වෙසක් මංගල්‍යය නිමිත්තෙන් කෑ/දෙහි/වළගම්බා මහා විද්‍යාලයීය සිසු දරු දැරියන්ගේ සහ ගුරු මණ්ඩලයේ මෙහෙයවීමෙන් සංවිධානය කළ "වෙසක් පින්කම් සතිය" සාර්ථකව නිමාවට පත්වූ වගයි! 🙏✨

සම්බුදු තෙමඟුල නිමිති කරගෙන සිසුන්ගේ ආධ්‍යාත්මික හා ගුණධර්ම සංවර්ධනය උදෙසා ක්‍රියාත්මක වූ වෙසක් පෙර පෝය වැඩසටහන් පෙළගැස්ම මෙසේය:

මැයි 25: 10 ශ්‍රේණියේ සිසු දරු දැරියන්ගේ සහභාගිත්වයෙන් ලෙනගල පුරාණ රජමහා විහාරස්ථානයේ පැවැත්වුණු ශ්‍රමදාන ව්‍යාපාරය. 🧹🌸

මැයි 26: විද්‍යාලයීය ශිෂ්‍ය නායක මණ්ඩලය විසින් සංවිධානය කරන ලද සව් දන්සැල. ☕️

මැයි 27: සිසුන්ගේ නිර්මාණශීලීත්වය විදහා පෑ විචිත්‍රවත් වෙසක් කූඩු තරඟය. 🏮 බුදු ගුණ සිහි කරමින් පාසල් භූමිය ආලෝකමත් වූ වගයි.

මැයි 29: සිසුන්, ගුරුවරුන් වෙනුවෙන් පැවැත්වුණු ශ්වේත වර්ණයෙන් බැබළුණු උදාර සීල සමාදාන වැඩසටහන. 🧘‍♂️සිල් සුවඳ මැදින් වෙසක් සතියේ පින්කම් මාලාව නිමාවට පත් විය.

කෘතඥතාව සහ පුණ්‍ය අනුමෝදනාව:

මෙම සියලු පින්කම් මාලාවන් සාර්ථක කර ගැනීම සඳහා මඟ පෙන්වූ ගරු විදුහල්පතිතුමිය ඇතුළු ආචාර්ය මණ්ඩලයටත්, දිවා රෑ නොබලා වෙහෙස මහන්සි වූ ශිෂ්‍ය නායක-නායිකාවන් ඇතුළු ආදරණීය සිසු දරු දැරියන්ටත් අපගේ ප්‍රණාමය!

එමෙන්ම මේ සඳහා ද්‍රව්‍යමය හා ශ්‍රම දායකත්වයෙන් සහයෝගය දැක්වූ ආදරණීය දෙමාපියන්ට සහ පාසල අවට ප්‍රජාවටත් මේ උදාර පින්කමේ කුසල් බලය එක සේ අයිති වේවා!

ලැබුවා වූ වෙසක් මංගල්‍යය ඔබ සැමට ශාන්තිමත් එකක් වේවා! 🌟☸️

26/05/2026

✨ වෙසක් සෙත් සදමින් වළගම්බා සිසු නායකයින්ගෙන් සව් දන්සලක්... ✨

කෑ/දෙහි/වළගම්බා මහා විද්‍යාලයේ වෙසක් සතිය සැමරීමේ වැඩසටහන් මාලාවට සමගාමීව, විද්‍යාලයීය ශිෂ්‍ය නායක මණ්ඩලය විසින් සංවිධානය කරන ලද සව් දන්සල අද දින සාර්ථකව පවත්වන ලදී.

සදාචාරසම්පන්න සහ පරිත්‍යාගශීලී ශිෂ්‍ය පරපුරක් බිහිකිරීම අරමුණු කරගනිමින් සංවිධානය වූ මෙම පින්කම සඳහා අප විද්‍යාලයේ ගරු විදුහල්පතිතුමිය ඇතුළු ආචාර්ය මණ්ඩලයේ සුවිශේෂී මඟපෙන්වීම සහ පූර්ණ සහයෝගය හිමිවිය.

අපගේ ආරාධනය පිළිගෙන පැමිණි සැමටත්, මෙහි සංවිධාන කටයුතුවල නිරත වූ සියලුම ශිෂ්‍ය නායක නායිකාවන්ටත් අපගේ කෘතඥතාවය පිරිනමමු.

සියලු දෙනාටම පින්බර වෙසක් සතියක් වේවා! 🌸

25/05/2026

04/05/2026

ඔයාලගේ යාළුන්ටත් share කරන්න.හැමෝම එන්න ❤️

14/04/2026

' කෑ/දෙහි/වළගම්බා මහ විදුහල 'නිල Facebook පිටුවෙන් පිරිනමන අලුත් අවුරුදු සුභ පැතුම!

කෙවුල් හඬින් පිබිදෙන, එරබදු මලින් හැඩවෙන, සාමය සහ සතුට පිරි සුබ සිංහල හා දෙමළ අලුත් අවුරුද්දක් වේවා!

අප පාසලේ විදුහල්පතිතුමා, ආචාර්ය මණ්ඩලය, අනධ්‍යයන කාර්ය මණ්ඩලය, සියලුම සිසු දරු දැරියන්, මවුපියන් සහ ආදි සිසුන් වෙත අපගේ හෘදයාංගම සුභ පැතුම්!

උදාවූ නව වසර ඔබ සැමට නිරෝගී, සෞභාග්‍යමත් සහ සාර්ථක වසරක් වේවායි ප්‍රාර්ථනා කරමු.

' கே/தெஹி/வலகம்பா மகா வித்தியாலயம் ' இன் உத்தியோகபூர்வ Facebook பக்கத்திலிருந்து புத்தாண்டு வாழ்த்துக்கள்!

குயிலின் ஓசையுடனும், எரபது மலர்களின் அழகுடனும், அமைதியும் மகிழ்ச்சியும் நிறைந்த இனிய சிங்கள மற்றும் தமிழ் புத்தாண்டு வாழ்த்துக்கள்!

எமது பாடசாலையின் அதிபர், ஆசிரியர்கள், ஊழியர்கள், மாணவர்கள், பெற்றோர்கள் மற்றும் பழைய மாணவர்களுக்கு எமது மனமார்ந்த வாழ்த்துக்கள்!

பிறக்கும் புத்தாண்டு உங்கள் அனைவருக்கும் ஆரோக்கியம், செல்வம் மற்றும் வெற்றியைக் கொண்டுவரப் பிரார்த்திக்கிறோம்.

New Year Greetings from the Official page of ' KE/DEHI/WALAGAMBA MAHA VIDYALAYA ' !

May this Sinhala and Tamil New Year, which awakens with the song of the Kohila and blooms with the beauty of Erabadu flowers, be filled with peace and happiness!

We extend our heartfelt wishes to the Principal, the academic staff, the non-academic staff, all students, parents, and alumni of our school.

May the dawning New Year be a healthy, prosperous, and successful one for you all!

31/03/2026

💙 නීල ප්‍රභාභීෂේක - 2026 💙

කෑ/දෙහි/ වළගම්බා මහා විද්‍යාලීය ඉතිහාසයේ තවත් එක් රන් අකුරක් සනිටුහන් කරමින්, 2026 මාර්තු 24 වන දින "නීල ප්‍රභාභීෂේක" ශිෂ්‍ය නායක නායිකා නිල ලාංඡන පැළඳවීමේ මහෝත්සවය විදුහල්පතිතුමියගේ ප්‍රධානත්වයෙන් ඉතා අභිමානවත් අයුරින් පැවැත්වුණා.

විදුහල් මෑණියන්ගේ හෙට දවස ආලෝකවත් කරන්නට කැපවුණු, නායකත්වයේ වගකීම කරට ගත් නව ශිෂ්‍ය නායක මණ්ඩලයට අපගේ උණුසුම් සුභපැතුම්! 🤝✨

ගුරු මණ්ඩලයේ මඟපෙන්වීමත්, දෙමාපියන්ගේ ආශිර්වාදයත් ඇතිව වළගම්බා නාමය දිදුලවන්නට ඔබට ශක්තිය ලැබේවා!

12/03/2026

🌟 සංවිධානාත්මක හෙට දිනක් වෙනුවෙන් - 5S දැනුවත් කිරීමේ වැඩසටහන 🌟

අද දින අප විද්‍යාලීය උදෑසන රැස්වීමේදී, විදුහල්පතිතුමිය සහ ගුරු මණ්ඩලයේ මගපෙන්වීම යටතේ 5S සංකල්පය පිළිබඳව සිසුන් දැනුවත් කිරීමේ විශේෂ වැඩසටහනක් පැවැත්විණි.

ප්‍රායෝගිකව මෙම සංකල්පය දරුවන් අතරට ගෙනයාම වෙනුවෙන් මෙහිදී 5S වල වැදගත්කම විදහා පෑ නාට්‍යමය ඉදිරිපත් කිරීම් සහ ගීත රැසක් ඇතුළත් වූ අතර, විදුහල්පතිතුමිය ඇතුළු ගුරුභවතුන් විසින් දරුවන්ව මේ පිළිබඳව ඉතා පැහැදිලිව දැනුවත් කරන ලදී.

වඩාත් ක්‍රමවත් සහ පිරිසිදු පාසල් පරිසරයක් වෙනුවෙන් අපි හැමෝම අත්වැල් බැඳගමු! 🤝🏫

16/02/2026

හෙට දින අපේක්ෂා සහගතව විභාග ශාලාවට පිවිසෙන අපේ දරුවන්ට සුබ පැතුම්!

2025/26 අධ්‍යයන පොදු සහතික පත්‍ර (සාමාන්‍ය පෙළ) විභාගය සඳහා හෙට දින පෙනී සිටින කෑ/දෙහි/වළගම්බා මහා විද්‍යාලීය සියලුම දූ පුතුන් හට,

වසර ගණනාවක් පුරා ඔබ කැපවීමෙන් ලබාගත් දැනුම හා උත්සාහය මල්ඵල ගන්වන්නට දැන් කාලය එළඹ ඇත. නොසැලෙන විශ්වාසයකින් සහ පැහැදිලි මනසකින් යුතුව ප්‍රශ්න පත්‍රවලට මුහුණ දී, විද්‍යාල මාතාවට ඉමහත් කීර්තියක් අත්කර දීමට ඔබට ශක්තිය ලැබේවායි අපි ප්‍රාර්ථනා කරමු!

ඔබ සැමට උදාර ජයග්‍රහණයක් අත්වේවා!

විදුහල්පතිතුමිය ඇතුළු ආචාර්ය මණ්ඩලය සහ සිසු දරු දැරියන්.

13/02/2026

සමුගැනීම නොව, සුබ ගමන් ප්‍රාර්ථනයකි! 💐

දීර්ඝ කාලයක් වළගම්බාවේ සේවය කළ වෘත්තීය ජීවිතයෙන් සමුගන්නා මොහොතේ හා වෙනත් පාසල්වෙත ස්ථානමාරු ලැබ අද දින නික්ම යන ගුරු මව්පියවරුන් අභිමානයෙන් යුතුව ඇගයීමට ලක් කළ ගුරු සිසු සැම පිළිබඳව නිහතමානීව සතුටු වෙමි.

විශේෂයෙන්ම ගෞරවනීය ස්වාමීන් වහන්සේටත්, ඉතා වෙහෙස මහන්සි වී උත්සවය වර්ණවත් කළ සෞන්දර්ය අංශයටත්, නිරන්තරයෙන් පාසල් නෞකාව නිවරිදිව ගමන් කරවන විදුහල්පතිතුමියටත්,නියෝජ්‍ය විදුහල්පතිවරුන් ඇතුළු ආචාර්ය මණ්ඩලයටත්, අනධ්‍යන කාර්ය මණ්ඩලයටත්, ගුරු මව්පියවරුන්ගේ ජීවිතයේ වටිනාම සම්පත වූ දූ පුතුන්ටත් ගෞරවනීය ප්‍රණාමය හිමිවේ.

ඔබ සැමට ජයෙන් ජයම වේවා! 🙏🌹

12/02/2026

හදපිරි සුබපැතුම්! 🎓✨

කෑ/දෙහි/වළගම්බා මහ විදුහල් මාතාවගේ සෙවණේ වසර 11ක් අකුරු කළ අපේ ආදරණීය දූ පුතුන් අද දින ආගමික වතාවත්වල නිරත වී ආශිර්වාද ලබා පාසලෙන් සමුගෙන නික්ම ගියහ.

ආරම්භ වන අ.පො.ස (සාමාන්‍ය පෙළ) විභාගයට පෙනී සිටින අපේ විදුහලේ සියලුම දූ පුතුන්ට...

ඉගෙනගත් දෑ නිසි ලෙස මතකයට නංවා ගනිමින්, නොසැලෙන ධෛර්යයෙන් හා විශ්වාසයෙන් යුතුව විභාගයට මුහුණ දීමටත්, විභාගයෙන් විශිෂ්ට ජයග්‍රහණ අත්කර ගනිමින් පාසලටත්, මවුපියන්ටත් අභිමානයක් වීමටත් ඔබට ශක්තිය ලැබේවා!

ඔබේ ඉදිරි අනාගතය සර්වප්‍රකාරයෙන්ම සාර්ථක වේවායි අප හදවතින්ම ප්‍රාර්ථනා කරමු!

ඔබ සැමට උතුම් තෙරුවන් සරණයි! 🙏🌟