01/03/2022
මිනිසුන් රටවල් වශයෙන් වෙන් වී ඇත .
මිනිසුන් ආගම් වශයෙන් වෙන් වී ඇත .
මිනිසුන් ජාතීන් වශයෙන් වෙන් වී ඇත .
මිනිසුන් පළාත් වශයෙන් වෙන් වී ඇත .
මිනිසුන් නගර වශයෙන් වෙන් වී ඇත .
මිනිසුන් ගම් වශයෙන් වෙන් වී ඇත .
මිනිසුන් මාවත් වශයෙන් වෙන් වී ඇත .
මිනිසුන් කුල වශයෙන් වෙන් වී ඇත .
මිනිසුන් පරම්පරා වශයෙන් වෙන් වී ඇත .
මිනිසුන් වත්කම් මත වෙන් වී ඇත .
මිනිසුන් නිවාස වශයෙන් වෙන් වී ඇත .
මිනිසුන් ගැහැනු පිරිමි වශයෙන් වෙන් වී ඇත .
මිනිසුන් උගත්කමින් වෙන් වී ඇත .
මිනිසුන් පක්ෂ වශයෙන් වෙන් වී ඇත .
මිනිසුන් දැනුමෙන් වෙන් වී ඇත .
මිනිසුන් හැකියාවන් මත වෙන් වී ඇත .
මිනිසුන් වයස් සීමාවෙන් වෙන් වී ඇත .
මිනිසුන් අවබෝධයෙන් යුතුව
ළං විය යුතුව ඇත .
මිනිසුන් කෙසේ හෝ වෙන්වීමට
හේතු හොයනු ඇත .
අද ඔබ ගන්නා හුස්ම
කොහේ සිට පැමිණෙන්නේ දැයි
ඔබ දන්නේ නැත .
අද ඔබ කන කෑම
කවුරුන් විසින් හැදුවා දැයි
ඔබ දන්නෙ නැත .
ඔබේ ගෙවත්තේ මල් සුවද
සුළඟ කොහේ ගෙන යනවාදැයි
ඔබ දන්නේ නැත .
මේ මොහොතේ ඔබ සිතනා සිතුවිලි
ඔබව කොහේ ගෙන යනවාදැයි
ඔබ දන්නේ නැත .
විෂබීජ , ලෙඩ රෝග, මාරයා
කොහේ සිට කොයි මොහොතේ
පැමිණෙනවා දැයි ඔබ දන්නේ නැත .
යුද්ධයේ ගිනිදැල් කොහෙත් මතුවුණාත්
කොහෙන් කෙලවර වෙනවාදැයි
කවුරුත් දන්නේ නැත .
මහපොළොවෙන් යැපෙන අපි
මහ පොළොවට ම පස් වන බැවින්
පොළොවේ පය ගසා සිටින
සමාන අවශ්‍යතා ඇති
සමාන සත්ත්වයන් බව
අමතක වීම පුදුමයකි .
ජීවිතය අවිනිශ්චිතයි .
විනිශ්චය කිරීමෙන් වලකින්න .
උ ගැ - නොපෙනෙන ලෝකය.
