22/08/2026
සන්රේ ඇකඩමියේ ඩිප්ලෝමාධාරීන් ඇඳ පැළඳ සිටින අළු පැහැති ඩිප්ලෝමා ලෝගුව සහ ඩිප්ලෝමා හිස්වැස්ම පිළිබඳ නිල නිවේදනයයි!
අපගේ සන්රේ ඇකඩමිය (Sunray Academy) මගින් පැවැත්වූ ගුප්ත ශාස්ත්ර ඩිප්ලෝමා ප්රදානෝත්සව ඡායාරූප අස්සක් මුල්ලක් නෑර නිරීක්ෂණය කරමින්, අපගේ අභිමානවත් ඩිප්ලෝමාධාරීන් අළු පැහැති ලෝගුව සහ අළු පැහැති හිස්වැස්ම පැළඳ සිටීම "නීති විරෝධී බවත්, සම්ප්රදායට විරුද්ධ බවත්" පවසමින් අසත්ය වෛරී සහගත කමෙන්ට් යොදන, අධ්යාපන නීතිය පිළිබඳ කිසිදු දැනුමක් නැති ඊර්ෂ්යාකාරී අඥානයන් උදෙසාත්, අප කෙරෙහි අසීමිත විශ්වාසය තැබූ අපගේ ආදි සහ වත්මන් සිසුන් සහ සමස්ත ශ්රී ලාංකේය ජනතාව උදෙසාත් කරුණු පැහැදිලි කරමු.
ඩිප්ලෝමාධාරීන් අළු පැහැති ලෝගුව සහ හිස්වැස්ම පැළඳීම නීති විරෝධීද?
ශ්රී ලංකා ප්රජාතාන්ත්රික සමාජවාදී ජනරජයේ 1978 අංක 16 දරන විශ්වවිද්යාල පනත (Universities Act No. 16 of 1978) හෝ දණ්ඩ නීති සංග්රහයේ කිසිදු වගන්තියක හෝ අධ්යාපන අමාත්යාංශ නීතියක, රාජ්ය නොවන හෝ පෞද්ගලික ආයතනයක් විසින් තම ඩිප්ලෝමාධාරීන් උදෙසා යම් වර්ණයක ලෝගුවක් හෝ හිස්වැස්මක් (Mortarboard) භාවිත කිරීම නීති විරෝධී ක්රියාවක් හෝ තහනම් කළ දෙයක් ලෙස දක්වා නැත. අධ්යයන ඇඳුම් (Academic Dress Code) යනු යම් යම් ආයතන ස්වයංව සකස් කරගන්නා අභ්යන්තර ආචාරධර්ම මිස රාජ්ය අපරාධ නීති නොවේ. යම් පෞද්ගලික ආයතනයක් වෙනත් රාජ්ය විශ්වවිද්යාලයක නමක් හෝ ලාංඡනයක් ව්යාජ ලෙස භාවිත නොකරන්නේ නම්, තම සිසුන්ට ගෞරව පිණිස හිස්වැසුම් පැළඳවීමේ පූර්ණ නීතිමය නිදහස අදාළ ආයතනය සතුය.
ඩිප්ලෝමා සඳහා හිස්වැස්ම පැළඳීම ජාත්යන්තර සම්ප්රදායට විරුද්ධද?
බටහිර රටවල ශාස්ත්රීය ඇඳුම් පිළිබඳ මූලික නීති පද්ධතිය වන Academic Costume Code (American Council on Education - ACE) මගින් පැහැදිලිවම පෙන්වා දෙන්නේ අධ්යාපනික ආයතනයකට තම පාඨමාලා මට්ටම අනුව උත්සව ඇඳුම් (Caps and Gown) තීරණය කිරීමට පූර්ණ ස්වාධීනත්වය ඇති බවයි. එක්සත් රාජධානිය (UK) සහ ඇමරිකාව (USA): Community Colleges, Vocational Institutes සහ High Schools හි පැවැත්වෙන Associate Degrees, Higher Diplomas සහ Certificate courses සඳහා ද Mortarboard (හිස්වැස්ම) පැළඳීම සාමාන්ය සම්ප්රදායකි. ජාත්යන්තරව Degree, Master's, Diploma වෙන්කර හඳුනාගන්නේ හිස්වැස්ම තිබීම හෝ නැතිවීමෙන් නොවේ. එය වෙන්කරන්නේ ලෝගුවේ අත්වල හැඩය (Sleeve Shape) සහ ගෙල වටා පළඳින සේලයේ (Hood/Stole) වර්ණ පද්ධතියෙනි. හිස්වැස්ම පළඳවා ගැනීම සාපරාධී වරදක් යැයි පැවසීම ජාත්යන්තර අධ්යාපන ක්රමවේදය පිළිබඳ පවත්නා නොදැනුවත්කම ප්රදර්ශනය කිරීමකි.
ගුප්ත විද්යාවට ඩිප්ලෝමා දිය නොහැකිද?
ගුප්ත විද්යාව සහ පාරභෞතික විද්යාව යනු ලොව පුරාම විධිමත් ලෙස උගන්වන ශාස්ත්රයකි. ගුප්ත විද්යාව සහ පාරභෞතික විද්යාව යනු ලොව පුරාම විධිමත් ලෙස උගන්වන ශාස්ත්රයකි. ඉන්දියානු විශ්වවිද්යාල කිහිපයක පෙරදිග ගුප්ත ශාස්ත්ර සඳහාත් එක්සත් රාජධානිය, නෙදර්ලන්තය වැනි රටවල් වල බටහිර ගුප්ත ශාස්ත්ර සඳහාත් ඩිප්ලෝමා, උපාධි පාඨමාලා පවත්වා සහතික පිරිනමනු ලබයි. ජ්යොතිෂය හෝ ගුප්ත විද්යාව වැනි සාම්ප්රදායික විෂයයන් සඳහා ප්රසිද්ධියේ සම්මත වූ එකම නිශ්චිත අධ්යාපනික රාමුවක් හෝ මුද්රිත සහතික පත්ර ලබාදීමට නිල වශයෙන් ප්රතීතනය ලත් (Accredited) ජාතික හෝ ජාත්යන්තර මධ්යම නියාමන ආයතනයක් නොමැත. දෙස් විදෙස් රාජ්ය හා පෞද්ගලික විශ්වවිද්යාල මගින් මුදල් අරමුණු කරගනිමින් තම ආයතනික නාමය භාවිත කර පාඨමාලා පැවැත්වුවද, මෙම විෂයයන්හි සැබෑ පදනම ඇත්තේ එවැනි බාහිර මුද්රිත ලේබල් මත නොවේ. ගුප්ත විද්යා ඩිප්ලෝමාව සහතික පත්රයක් පදනම් කරගත් අධ්යාපනයකට වඩා වැදගත් වන්නේ, ඔබට උගන්වනු ලබන ප්රමාණවත් විෂය කරුණු, ගුරුවරයාගේ ප්රායෝගික පළපුරුද්ද සහ ඔබ මනසට පුරවා ගන්නා සැබෑ ශාස්ත්රීය දැනුමයි. අතීතයේ සිට පැවත ආ රහසිගත ගුරුකුල සම්ප්රදාය නූතන තාක්ෂණයට සහ කාලයට ගැලපෙන ලෙස නවීකරණය කරමින්, සන්රේ ඇකඩමි (Sunray Academy) මගින් සිදු කරනු ලබන්නේ Zoom තාක්ෂණය ඔස්සේ න්යායාත්මක (Theory) කොටස් නිවැරදිව ලබාදීම, භෞතිකව රැස්වී ප්රායෝගික පුහුණුව ලබාදී, විභාග සහ පර්යේෂණාත්මක නිබන්ධන (Thesis) මගින් සිසුන් ඇගයීම, විෂය ප්රගුණ කළ සිසුන්ට සුදුසුකම් ලත් ආචාර්ය මණ්ඩලයේ අත්සනින් යුතු අභිමානවත් ඩිප්ලෝමා සහතික පත්රයක් ලබාදීමයි.
අප ආයතනය කිසිවිටෙකත් මුදලට ඩිප්ලෝමා අලෙවි කරන්නේ නැත! අපගේ අළු පැහැති ලෝගුව සහ අළු පැහැති හිස්වැස්ම පළඳින්නේ Zoom ඩිජිටල් තාක්ෂණය ඔස්සේ න්යායාත්මක (Theory) දේශන සම්පූර්ණ කළ, ගුරුවරයා සමග වෙන් වෙන් වශයෙන් පෞද්ගලිකව වට්සැප් හරහා සම්බන්ධ වෙමින් අඩුපාඩු හඳුනාගනිමින් උපදෙස් ලබමින් එතෙකින් සීමා නොවී ශිෂ්යයාට අවශ්ය නම් ගුරුවරයා පෞද්ගලිකව හමුවී අසීමිතව උපදෙස් හා මගපෙන්වීම ලැබූ, භෞතිකව සංවිධානය කළ ප්රායෝගික පුහුණු වැඩමුළු, ආගමික පූජෝත්සව වලට සහභාගී වී දැඩි අධීක්ෂණය යටතේ ප්රායෝගික පුහුණුව ලබාගත්, ලිඛිත අවසන් විභාගයකට පෙනී සිට, කුසලතා තහවුරු කළ, ශාස්ත්රීය මාතෘකාවක් ඔස්සේ ශාස්ත්රීය නිබන්ධනයක් (Thesis) සකස් කර භාරදී සමත් වූ අභිමානවත් සිසුන් පමණි! මෙලෙස රාත්රී නිදිවරා මහන්සි වී, පර්යේෂණ නිබන්ධන ඉදිරිපත් කර විභාග සමත් වන සිසුවෙකුට අළු පැහැති ඩිප්ලෝමා ලෝගුව සහ හිස්වැස්ම පැළඳවීම ඔවුන්ගේ කැපවීමට අප ලබාදෙන උසස්ම ශාස්ත්රීය ගෞරවයයි!
ගෞරවනීය මහා සංඝරත්නය උදෙසා පිරිනැමූ ඩිප්ලෝමා මංජුසාව (Scroll Tube) පිළිබඳ පැහැදිලි කිරීම
අපගේ ඩිප්ලෝමා ප්රදානෝත්සවයේදී විධිමත් අධ්යාපනය සහ පර්යේෂණ සාර්ථකව නිම කළ ගෞරවනීය පූජනීය මහා සංඝරත්නය වෙත ඩිප්ලෝමා සහතික පත්රය බහාලූ අභිමානවත් මංජුසාව (Diploma Scroll Tube) පිළිගැන්වීම "විජිනිපතක් වෙනුවට බම්බුවක් අතට දීමක්" ලෙස හෑල්ලු කරමින් විවේචනය කරන අඥානයනි, ජාත්යන්තර විශ්වවිද්යාල මෙන්ම ශ්රී ලංකාවේ රාජ්ය විශ්වවිද්යාල (කොළඹ, පේරාදෙණිය, ශ්රී ජයවර්ධනපුර ආදී) මගින් පවත්වනු ලබන උපාධි හා ඩිප්ලෝමා ප්රදානෝත්සවයන්හිදී උපාධිධාරී හිමිවරුන් වෙත පිරිනමන්නේද මෙකී නිල Scroll Tube (සහතික මංජුසාව) මිස විජිනිපතක් නොවේ. සහතික පත්රයක් සුරක්ෂිතව සහ ගෞරවනීය ලෙස පිරිනැමීමට ලොව පුරා භාවිත වන නිල සම්මතය සහතික මංජුසාවයි. විජිනිපත යනු සාංඝික ආගමික කටයුතු හා දේශනා සඳහා භාවිත වන පූජනීය සංකේතයක් මිස, අධ්යාපනික පාඨමාලාවක ශාස්ත්රීය සහතිකයක් පිරිනමන මෙවලමක් නොවේ. ධර්මයට මෙන්ම ශාස්ත්රයටද මහන්සි වී කැපවූ ගෞරවනීය ස්වාමීන්වහන්සේලාගේ ශාස්ත්රීය කුසලතාව අගයමින්, ලොව පිළිගත් සම්මත අධ්යාපනික ක්රමවේදයට අනුව උන්වහන්සේලා වෙත ඩිප්ලෝමා මංජුසාව පිරිනැමීම උන්වහන්සේලාගේ උගත්කමට අප දැක්වූ උසස්ම ගෞරවයයි. අධ්යාපනික සංකේත සහ ආගමික මෙවලම් අතර වෙනසවත් නොදන්නා අඥානයන්ගේ පහත් විවේචනවලින් සිදුවන්නේ ඔවුන්ගේම අඥානකම සමාජයට ප්රදර්ශනය වීම පමණි.
වත්මන් සිසුන් වෙත කෙරෙන දැනුම්දීමයි!
අපගේ ආයතනයෙන් අධ්යාපනය ලබන කිසිදු ශිෂ්යයෙකු හෝ ශිෂ්යාවක, නීතිය හෝ ජාත්යන්තර සම්මතයන් පිළිබඳ කිසිදු අවබෝධයක් නැති, කුහකකමින් පෙළෙන විරුද්ධවාදීන්ගේ සටහන් දැක කිසිදු අවිශ්වාසයක් හෝ බියක් ඇති කරගත යුතු නැත. ඔබ යම් දිනෙක අප වෙතින් ලබාගන්නේ ශ්රී ලංකාව තුළ විධිමත්ව සහ ශාස්ත්රීයව නවීන ලෝකයට ගැලපෙන ආකාරයෙන් zoom සහ භෞතික ඉගැන්වීම් සමෝධානය කොට ගුප්ත ශාස්ත්ර උගන්වන නීත්යානුකූල සහ ප්රමිතියෙන් යුතු ඩිප්ලෝමා සහතිකයකි.
ආදි සිසුන් වෙත කෙරෙන දැනුම්දීමයි!
අප ආයතනයට එරෙහිව ද්වේෂසහගත ලෙස අසත්ය ප්රචාර පතුරුවන එක්තරා ගුප්ත ශාස්ත්රඥයෙකු යටතේ දැනට අධ්යාපනය ලබන, අතීතයේ සන්රේ ඇකඩමියෙන් සිප්සතර හැදෑරූ සිසුන් පිරිසක් යොදාගනිමින් අප ආයතනය වෙත බලපෑම් එල්ල කිරීමේ සංවිධානාත්මක උත්සාහයක් පසුගිය දින කිහිපය පුරා නිරීක්ෂණය විය. එකී ගුරුවරයාගේ උසිගැන්වීම් මත, අතීතයේ අප ආයතනයෙන් ලබාගත් ඩිප්ලෝමා ඡායාරූප අපගේ නිල ෆේස්බුක් පිටුවෙන් ඉවත් කරන ලෙස අදාළ සිසුන් කළ ඉල්ලීම්වලට සාමකාමී සහ ගෞරවනීය පියවරක් ලෙස ප්රතිචාර දක්වමින්, අප විසින් එම සිසුන්ගේ ඡායාරූප ඉවත් කිරීමට කටයුතු කළ බව පළමුවෙන්ම දැනුම් දෙන්නෙමු. ඔබ යම් දිනෙක අප වෙතින් ලබාගත්තේ ශ්රී ලංකාව තුළ විධිමත්ව සහ ශාස්ත්රීයව නවීන ලෝකයට ගැලපෙන ආකාරයෙන් zoom සහ භෞතික ඉගැන්වීම් සමෝධානය කොට ගුප්ත ශාස්ත්ර ඉගැන්වූ නීත්යානුකූල සහ ප්රමිතියෙන් යුතු ඩිප්ලෝමා සහතිකයකි.
අපට අපහාස උපහාස කරන ගුප්ත ශාස්ත්ර ගුරුතුමා ප්රමුඛ සිසුන් වෙත කෙරෙන දැනුම්දීමයි!
තම පටු වාණිජ අරමුණු වෙනුවෙන් සිසුන් උසිගන්වමින්, අපගේ නිල ෆේස්බුක් පිටුවේ පළවන පෝස්ට් සඳහා අපහාසාත්මක හා වෛරී සහගත කමෙන්ට් යෙදවීමට අනුබල දෙන අදාළ ගුප්ත ශාස්ත්ර ගුරුතුමා ඇතුළු සංවිධානාත්මක කණ්ඩායමට අප පැහැදිලිවම අවධාරණය කර සිටින්නේ දිගින් දිගටම මෙලෙස ආයතනයේ කීර්ති නාමයට හානි කිරීමට කටයුතු කරන්නේ නම්, ලංකාවේ සිවිල් හා අපරාධ නීතිය යටතේ ඇති අපහාස නීතිය (Law of Defamation) සහ සයිබර් අපරාධ නීති රෙගුලාසි ප්රකාරව තරාතිරම නොබලා තදින්ම නීතිමය ක්රියාමාර්ග ගැනීමට අප පසුබට නොවන්නෙමු. ඔබ විසින් ඔබේ සංවිධානයේ වට්සැප් සමූහවල අපට අපහාස වන ආකාරයට නිකුත් කළ ද්වේශ සහගත පණිවිඩ ඔබටත් හිතවත් අපටත් හිතවත් යම් යම් අය විසින් අප වෙත යොමුකොට තිබෙනවා. එම සාක්ෂිද සහිතව නීතිය ඉදිරියට යන්නට පෙර ඔබ මෙම විෂමාචාරය නැවැත්විය යුතුයි! ඔබගේ සිසුන් යැයි ඔබ සිතා සිටින ඇතැම් සිසුන් අපගේ පන්තිවලත් අපගේ සිසුන් ඔබගේ පන්තිවලත් සිටිය හැකි බව සිහිතබාගන්න, එය සිසුන්ගේ තෝරාගැනීමේ නිදහසයි, සිසුන්ට අවශ්ය වන්නේ දැනුම මිසෙක කඳවුරු ගතවීම නොවෙයි යන්න කරුණාකර තේරුම්ගන්න!
අදාළ ගුරුවරයාගෙන් දැනට ශාස්ත්රය හදාරන සිසුන්ගෙන් අප ඉතා මෛත්රී සහගතව ඉල්ලා සිටින්නේ තමන්ගේ ගුරුවරයා හෝ ආයතනය රැකගැනීමේ අන්ධ භක්තියෙන්, අප වැනි අනෙකුත් ආයතනවලට පහරදීමටත් අපහාස කිරීමටත් පෙළඹෙන්නේ නම් අහිංසක මානවකයා ප්රඥාව මෝරා නොමැතිකමින් නොමග ගිය අසත්පුරුෂ ගුරු උපදෙස් පිළිගෙන "අංගුලිමාල" බවට පත්වූ ඛේදනීය පුවතට නැවත සිදුවනු ඇත.
ගුප්ත ශාස්ත්ර ගුරුවරයෙකුගේ කාර්යභාරය විය යුත්තේ සිසුන් තුළ ශාස්ත්රීය ප්රඥාව, නීතිගරුක බව සහ ගෞරවය ඇතිකිරීම මිස අන් අයට අපහාස කිරීමට සිසුන් ආයුධ කරගැනීම නොවේ. ශාස්ත්රය යනු වෛරය වපුරන මෙවලමක් නොවේ. කාගෙන් හෝ වේවා ගුප්ත ශාස්ත්රය නිවැරදිව උගෙන, උගත් දෙයින් පීඩිත ශ්රී ලාංකේය ජනතාව සුවපත් කරමින්, පිහිටවෙමින්, තමන්ගේද ජීවිතය ගෞරවනීය ලෙස සැපවත් කරගන්නා ලෙසත් අසත්පුරුෂ ගුරු උපදෙස්වලට රැවටී අන් අයට අපහාස කරමින් සමාජය ඉදිරියේ විහිළුවක් නොවන ලෙසත් අප පසුපස ද්වේශ සහගත ලෙස පළිගැනීමේ චේතනාවෙන් හඹා එන ගුප්ත ශාස්ත්ර හදාරන සියලුම සිසුන්ගෙන් ගෞරවයෙන් ඉල්ලා සිටිමු.
සබුද්ධිකව මෙම නිවේදනය කියවා තේරුම් ගත් ඔබ සැමට ස්තූතියි!
පාලනාධිකාරිය,
සන්රේ ඇකඩමි - දිවුලපිටිය
