28/12/2025
- පිරිහීමේ දොරටු (පරාභව සූත්රය) -
1. ධර්මයට ද්වේෂ කිරීම.
2. අසත්පුරුෂයන්ට ප්රිය වීම, සත්පුරුෂයන්ට ප්රිය නොකිරීම හා අසත්පුරුෂ දහම් කැමති වීම.
3. නිතර නිදන සුලු බව, සභාවෙහි ඇලුණු බව (පිරිසක් හා එක්ව, නිතර දොඩමළු වීමෙහි යෙදීම), උට්ඨාන වීර්යයෙන් තොර වීම (වෙනත් කෙනෙකුන් විසින් දොස් නගනු ලැබූ කල්හි ගිහියෙක් නම්, ගිහි ජීවිතයට අදාල කටයුතුවලදී ද, පැවිද්දෙක් නම්, පැවිදි බවට අදාල කටයුතුවලදීද උනන්දු නොවීම), අලසකම, ක්රෝධ බහුල වීම.
4. මහලු දෙමව්පියන් පෝෂණය නොකිරීම.
5. මහණ බමුණන් හා යාචකයන් බොරු කියා රැවටීම. (යමක් දෙන බව කියා, ඒ භාරගත් දෙය නොදී මුළාකොට රවටා බොරු කීම)
6. හොදින් ධන වස්තුව තිබියදීත් මිහිරි බොජුන් තනියම අනුභව කිරීම. සංග්රහශීලී නොවීම.
7. තම ඥාතීන් පහත් කොට සැලකීම. (යමෙකු ජාතියෙන්, කුලයෙන්, ධනයෙන් නෑයන්ට, අන්යන්ට වඩා උසස් යන්නෙන් උඩඟු බවක් උපදවාගැනීම)
8. ස්ත්රීන් කෙරෙහි, සුරාව කෙරෙහි, සූදුව කෙරෙහි ලොල් බව. (මේ කරුණු තුනෙන් කිසියම් වාසිදායක දෙයක් ලැබුවේද, එය වැනසීමට, විපතට පත්වීමටම හේතු වේ)
9. සිය බිරිඳගෙන් සතුටු නොවී වෙසඟනන් හා පර අඹුවන් සොයා යාම.
10.මහලු මිනිසෙකු නව යොවුන් තරුණියක පාවා ගැනීම
(වෙනත් තරුණයන් විසින් ඈ නොපැතිය යුතුයැයි, ඉරීසියාවෙන් ඇය රැකගැනීමට අවදියෙන් සිටී. ආදායමක් ගෙන දෙන කටයුත්තක හෝ නොයෙදෙමින් පිරිහේ)
11.මස් මාංශ, මත්වන දේට ගිජු වූ ඒ සඳහාම ධනය නාස්ති කරනු ලබන ගැහැනියක හෝ පිරිමියෙකු මුල්තැන තබා වගකීම් පැවරීම.
12. ක්ෂත්රීය කුළයේ වුවද දිළිඳුව ඉපිද, දැඩි තණ්හාවෙන් වැරදි ආකාරයෙන්, සම්පත් ලබාගැනීමේ ආසාවෙන් යුතුව නායකත්වයට පත් වීමට උත්සාහ කිරීමෙන් තමා සතු සම්පත් විනාශ කර ගැනීම.
