හිත ගාව HITHA GAWA

එකෝමත් එක කලෙක සසරේ
යෙහෙළිය ද නුඹ
සොයුරිය ද නුඹ
අම්මා ද නුඹ දියණිය ද…

පිරිමි හැමෝගෙම ජීවිත වල එක එක කාල පරිච්ඡේද වල අපේ ජීවිතය ගාලාගන යන්නේ එක ගැහැණියක් නිසා. නැත්නම් ඒක හරි අසම්පූර්ණයි. . විටෙක අම්මා නිසා. සොයුරියක් බිරිදක් දියණියක් මේ ඕන කෙනෙක් වෙන්න පුලුවන්.

හැබැයි ගැහැනියක් වුනාම ඒක වෙනස් වෙනවද!
නෑ. ඒක තේරෙන්නේ නැවත හැරිලා තමන් ආපු මඟ නැවත බලද්දි. දියණියකගෙන් ආරම්භ වෙන ගමන විවිද කාල රාමු පහු කරගන ඉදිරියට ගලනවා. ගැහැනිය කියන්නෙම කවියක් වෙන්නේ අන්න ඒ නිසයි.

ඇය නාදුනන ගැහැනියක්…

සඳ දෙ පලු වී බිම වැටුණු දා
ඇහිඳ ළය තුළ හොවා ඇවිදින
අඳුර මිහිරි ද මේ තරම්
කිසාගෝතම හිනාවකි මුව…

අසා දුක සැප වැළැඳ ගනු බැරි
වළප ගීයක අකුරු දෝ අපි
එකම අහසක එකම තරු යට
ගී ගයන මම
ගී අසන නුඹ

ගැහැනී . . .

නාඳුනන ගැහැනී.........

දූලි විස
කළුදුම් මැදිනී
පාට සල්පිල්
ළඟ නැවතී
බලා මොහොතක්
නුඹැ රුසිරී
පලා යමි මම
නුඹ නො හඳුනන බැවිනී!
නාඳුනන ගැහැනී
නුඹ නාඳුනන ගැහැනී. . .

එකෝමත් එක කලෙක සසරේ
යෙහෙළිය ද නුඹ
සොයුරිය ද නුඹ
අම්මා ද නුඹ දියණිය ද
නාඳුනන ගැහැනී
නුඹ නාඳුනන ගැහැනී . . .

සඳ දෙ පලු වී බිම වැටුණු දා
ඇහිඳ ළය තුළ හොවා ඇවිදින
අඳුර මිහිරි ද මේ තරම්
කිසාගෝතම හිනාවකි මුව
නාඳුනන ගැහැනී
නුඹ නාඳුනන ගැහැනී . . .

දනන් සයුරේ ගිලී නොම යන
නැඟී දඬුවෙක උඩට මතුවන
උකුසු බැල්ම ට දෑස වන වන
පටාචාරා ප්‍රේමය ද හද
නාඳුනන ගැහැනී
නුඹ නාඳුනන ගැහැනී . . .

අසා දුක සැප වැළැඳ ගනු බැරි
වළප ගීයක අකුරු දෝ අපි
එකම අහසක එකම තරු යට
ගී ගයන මම
ගී අසන නුඹ

ගැහැනී . . .

https://youtu.be/xcFdSIkvTmo