HNDAsu Dehiwala

ාධි_සමානාත්මතාව_නැවත_බලගැන්වී_අදට__වසර_10_යි..

සමාහාර ඒකක 132 ක්ව පැවති HNDA පාඨමාලාව සමාහාර ඒකක 60 දක්වා පහත දැමීම 2012 වර්ශයේ SLQF (Sri Lanka Qualify Framework) මගින් නිර්දේශ විය.මෙම තත්වය නිවැරදි කරනවා වෙනුවට මෙම පාඨමාලාවට හිමිව තිබූ උපාධි සමානාත්මතාවය 2014/04/23 වන දින රා.ප.ච.අංක 10/2014 යටතේ අහෝසි කරන ලදී.

එතැන් සිට සියළු උසස් තාක්ෂණ ආයතනවල HNDA සිසුන් එක්ව අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව (HNDACSU) ගොඩ නගමින් ප්‍රථාපවත් අරගලයක් දියත් කරන ලදී. ශිෂ්‍යයන් විසින් 2014/12/05 වන දින අධ්‍යාපන අමාත්‍යංශයට හා 2014/12/22 වන දින උසස් අධ්‍යාපන අමාත්‍යංශයට පාගමනින් ගැටළුව රැගෙන යන ලදී. එහිදී කාකි ඇඳුමට වසන් වූ කෲර පොලිස් නිලධරයන්ගේ අමානුෂික ප්‍රහාර වලින් බැට කෑ සිසුන්ගෙන් 27 දෙනෙකු රෝහල් ගත කල අතර සිසු ක්‍රියාකාරීන් 4 දෙනෙකු අත් අඩංගුවට ගන්නා ලද අතර ශිෂ්‍ය ක්‍රියාකාරීන් 13 දෙනෙකුගෙන් කොළඹ අපරාධ විමර්ශන කොට්ඨාශය මගින් ප්‍රශ්න කිරීම් සිදු කරන ලදි

මෙම මර්දනයන් හමුවේ අරගලය අත්නොහරින ලද ශිෂ්‍යයන් අඛන්ඩව අරගලය දියත් කල අතර 2015/10/29 වන දින මහාමාර්ග හා උසස් අධ්‍යාපන අමාත්‍යංශය වෙත නැවත පාගමනින් ගමන් කරන ලදී. එහිදීද අනාගත පරපුරක වටිනාකම් නොදත් පොලිස් නිළධාරින් සිසුන් 39 දෙනෙකු අත්අඩංගුවට ගත් අතර ඔවුන්ගේ ප්‍රහාර හේතුවෙන් 9 දෙනෙකු රෝහල් ගත කර ඇත.

ආණ්ඩුව හා පරිපාලනය එල්ල කල බලපෑම් හමුවේ පසුබට නොවූ සිසුන්ගේ අඛණ්ඩ අරගල ක්‍රියාමාර්ග හමුවේ 2015 වර්ෂයේ අදවන් දිනක රා.ප.ච.අංක 22/2015 මගින් HNDA උපාධි සමානාත්මතාවය නැවත බලගන්වන ලදී.

මෙම අරගල ක්‍රියාමාර්ග සදහා HNDA සිසුන් මෙන්ම HND අනෙකුත් පාඨමාලා හා විශ්ව විද්‍යාල ශිෂ්‍යයන්ගේ (අ.වි.ශි.බ.ම) නොමද සහය ලබාදිමට කටයුතු කරන ලදි

*කකියන ලෙයින් හැදී වැඩුනු ඔවුන් සැම දහඩිය, ලේ බිදක්ම වැගිරූයේ හුදෙක් ඔවුන්ගේ සුභසිද්ධිය උදෙසා නොව නිදහස් අධ්‍යාපනයේ ඉදිරි පැවැත්ම උදෙසාම බැව් පසක් කරලමු.ඒ සා ඇප කැප වූ සොයුරු සොයුරියනි, අප ඔබට සදා ණයගැති බැව් ඉදුරාම මෙයින් සටහන් තබමු.*

*අපගේ උත්තමාචරය.......*

-අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව-

🛑HNDA ඩිප්ලෝමාධාරීන් රාජ්‍ය ගුරු සේවයට බඳවා නොගැනීම හා කළමනාකරණ සේවා දෙපාර්තමේන්තුව විසින් අනුමත කරන ජාතික ජල සම්පාදන මණ්ඩලයේ විගණන තනතුරු සඳහා HNDA ඩිප්ලෝමාධාරීන් බදවා නොගැනීම සම්බන්ධයෙන් 2025/10/22 වන දින අන්තර් උසත් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව අධ්‍යාපන අමාත්‍යංශයට ලිපියක් භාරදී අමාත්‍යාංශ ලේඛම් සමඟ මෙම ගැටළුව පිළිබඳ සාකච්ඡා කරන ලදී.

මෙහිදී අමාත්‍යාංශ බලධාරීන් කියා සිටියේ ආයතන මට්ටමින් අධ්‍යක්ෂ ජනරාල්වරයා දැනුවත් කරන ලෙසත් ඉන් පසුව අධ්‍යාපන අමාත්‍යතුමිය අදාළ පාර්ශ්වයන් සමඟ සාකච්ඡාවක් පවත්වා මෙම ගැටලු පිළිබඳ නිසි විසඳුමක් ලබාදෙන බවයි.

අප ශිෂ්‍ය එකමුතුව විසින් උසස් තාක්ෂණ අධ්‍යාපන ආයතනයේ අධ්‍යක්ෂ ජනරාල්වරයාට මෙම ගැටළුව පිළිබඳ දැනුවත් කර අධ්‍යාපන අමාත්‍යංශයට ලබා දුන් ලිපියේ පිටපතක් ලබා දෙන ලදී.

ඉන් පසුව 2025/10/27 දින ශ්‍රී ලංකා උසස් තාක්ෂණ අධ්‍යාපන ආයතනයේ අධ්‍යක්ෂ ජනරාල්වරයා මෙම ගැටළුව සම්බන්ධයෙන් අධ්‍යාපන අමාත්‍යංශයට ලිපියක් ලබා දෙන ලදී.එහිදී අධ්‍යක්ෂ ජනරාල්වරයා ශ්‍රී ලංකා උසස් තාක්ෂණ අධ්‍යාපන ආයතනයේ සිව් වසරක ගණකාධිකරණ ඩිප්ලෝමා පාඨමාලාව (HNDA) රාජ්‍ය ගුරුසේවයට බඳවා ගැනීමේ ක්‍රියාවලියේදී සුදුසුකමක් ලෙස පිළිගැනීමට කටයුතු කරන ලෙස ඉල්ලීම් කර ඇත.

නමුත් තවමත් මේ සඳහා විසඳුම් ලබාදීමට හෝ අදාළ පාර්ශවයන් සමඟ සාකච්ඡා කිරීමටද අධ්‍යාපන අමාත්‍යාංශ බලධාරීන් අසමත්ව සිටී.මේ ගැටළු සම්බන්ධයෙන් ඉදිරියේදී ගනු ලබන ක්‍රියාමාර්ග සම්බන්ධයෙන් අප ශිෂ්‍ය එකමුතුව අවධානයෙන් ඉන්නා අතර මේ සඳහා ඉක්මනින් නිසි විසඳුම් ලබා දීමට කටයුතු නොකළහොත් අදාළ බලවේග සමග එක්ව අප ශිෂ්‍ය එකමුතුව ඉදිරි ක්‍රියාමාර්ගවලට යාමට තීරණය කරන්නෙමු...!🚩✊🏻

-අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව-

• විභාග ප්‍රතිඵල නිකුත් කිරීම කඩිනම් කිරීම හා ඩිප්ලෝමා ප්‍රධාන උත්සවය සම්බන්දයෙන් 2025/10/14 වන දින අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව විසින් ශ්‍රී ලංකා උසස් තාක්ෂණ අධ්‍යාපන ආයතනයේ අධ්‍යක්ෂ ජනරාල් වරයාට එහි ප්‍රධාන කාර්යාලයේදී ලිපියක් භාර දෙන ලදී .

මෙහිදී තවදුරටත් ශිශ්‍යන් ගේ විභාග ප්‍රතිඵල නිකුත් කිරීම කල් දැමීමෙන් ශිෂ්‍යන්ට එල්ල වන දැඩි තර්ජන සම්බන්ධයෙන් හා මෙසේ ප්‍රතිඵල ලබා දීම කල් ගොස් ඩිප්ලෝමා ප්‍රධාන උත්සවයද කල් යෑමෙන් ශිෂ්‍යයන්ට ඉතා දිගු කාලයක් නිකරුණේ බලා සිටීමට සිදුවීම වැනි කරුණු අවධාරණය කරන ලදී .

මීට පෙර පවත්වන ලද පළමු සමාසිකයේ විභාග ප්‍රතිඵල මෑතකදී පැවැත්වූ දෙවන සාමාසික විභාගය ආරම්භ වූ පසු එනම් සති 10 කටත් වැඩි කාලයක් ගත වූ පසු ලබාදීමට SLIATE ආයතනය කටයුතු කරන ලදී .

ආයතන මගින් ශිෂ්‍යන්ට ලබා දෙන ශිෂ්‍ය අත්පොතේ පැහැදිලිව විභාගය අවසන් වී සති 4 ක කාලයක් ඇතුලත විභාග ප්‍රතිඵල ලබා දිය යුතු බවට සදහන් කරද තවමත් උසස් තාක්ෂණ ආයතන කිහිපයකට විභාග ප්‍රතිඵල ලබා නොදීම කනගාටුවට කරුණකි

ඉහත කරුණු සැලකිල්ලට ගනිමින් ශිෂ්‍යන්ගේ වටිනා කාලය අපතේ නොයවා විභාග ප්‍රතිඵල කඩිනමින් සියලු උසස් තාක්ෂණ ආයතන වල ශිෂ්‍යන්ට ලබා දී ඩිප්ලෝමා ප්‍රධාන උත්සවය ඉක්මනින් පවත්වන ලෙස මින් අවධාරණය කරන ලදී .

-අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව _

🛑2025/09/24 දින ශ්‍රී ලංකා උසස් තාක්ෂණ අධ්‍යාපන ආයතනයේ ප්‍රධාන කාර්යාලයේ බලධාරීන් සමග අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුවේ ශිෂ්‍යයන් සාකච්ඡාවක් සිදු කරන ලදී.මෙහිදි මේ වන විට උසස් තාක්ෂණ ආයතන කිහිපයක තිබෙන පොදු ගැටලු කිහිපයක් සාකච්ඡා කරන ලදී.

🛑මෙම සාකච්ඡාවේදී දෙහිවල උසස් තාක්ෂණ ආයතනයේ,රත්නපුර උසස් තාක්ෂණ ආයතනයේ,නුවර උසස් තාක්ෂණ ආයතනයේ, කුරුණෑගල උසස් තාක්ෂණ ආයතනයේ හා කෑගල්ල උසස් තාක්ෂණ ආයතනයේ මේ වනවිට පවතින ගැටලු සාකච්ඡා කරන ලදී.

🛑 දෙහිවල උසස් තාක්ෂණ ආයතනයේ ගැටලු ලෙස,
⭕මේ වන විට සිදුකර ඇති පන්ති තහනම ඉවත් කිරීම පිළිබඳ.

⭕පැරණි නේවාසිකාගාරය ශිෂ්‍ය අයිතියට පත් කිරීම.

⭕ආයතනය තුළ මේ වනවිට පවතින සුභසාධන ගැටලු(ක්‍රීඩා පහසුකම් නොමැති වීම,දේශන ශාලා පහසුකම් නොමැති වීම,ආපනශාලා පහසුකම් නොමැති වීම.)

⭕මේ වනවිට විට ආයතනයට ශිෂ්‍යයන් බඳවා ගැනීමේ දී සිදුකර ඇති ශිෂ්‍ය කප්පාදුව.

🛑රත්නපුර උසස් තාක්ෂණ ආයතනයේ ගැටලු ලෙස,

⭕නිශ්චිත ආපන ශාලාවක් නොමැති වීම.
⭕පරිගණක ශාලාවල ඇති පරිගණක ප්‍රතිසංස්කරණය කිරීම්.
⭕ආයතනය තුළ පවතින සුභසාධන ගැටළු.
⭕නේවාසිකාගාර නොමැතිවීම.

🛑නුවර උසස් තාක්ෂණ ආයතනයේ ගැටලු ලෙස,
⭕ආයතනයේ අනධ්‍යයන කාර්ය මණ්ඩලයේ පවතින දුර්වලතා.
⭕දේශන ශාලා වල ඉඩ ප්‍රස්ථාව ප්‍රමාණවත් නොමැති වීම.
⭕පුස්තකාල පහසුකම් ප්‍රමාණවත් නොවීම.
⭕නේවසිකාගාර පහසුකම් නොමැතිවීම.

🛑කෑගල්ල උසස් තාක්ෂණ ආයතනයේ ගැටලු ලෙස
⭕නේවාසිකාගාර පහසුකම් නොමැති වීම.
⭕දේශන ශාලා පහසුකම් අඩුවීම.
⭕ක්‍රීඩා උපකරණ නොමැති වීම.
⭕ශිෂ්‍යයන්ගේ නිදහස නැතිවන අන්දමින් පරිපාලනය සිදුකරන ක්‍රියාවන්.

🛑කුරුණෑගල උසස් තාක්ෂණ ආයතනයේ ගැටලු ලෙස,
⭕ආපනශාලා පහසුකම් නොමැතිවීම.
⭕පැරණි ආපනශාලාව ප්‍රතිසංස්කරණය කිරීම.
⭕ක්‍රීඩා පිටියක් නොමැතිවීම.
⭕ශිෂ්‍ය නිදහස නොමැතිවන අන්දමින් පරිපාලනය සිදුකරන ක්‍රියාකාරකම්.

🛑මීට අමතරව උසස් ජාතික ගණකාධිකරණ ඩ්ප්ලෝමා පාඨමාලාවේ පොදුවේ පවතින ගැටලු ලෙස,
⭕පුහුණු කාලය හතරවන වසරේ සිට සිදුවීම.

⭕යල් පැනගිය මෘදුකාංග විෂය පථය තුළ ඉගැන්වීම.

⭕මහපොළ ශිෂ්‍යාධාරය කඩිනමින් ලබා නොදීම වැනි ගැටලු සාකච්ඡා කරන ලදී.

පැවති සාකච්ඡාවේදී සඳහන් කරන ලද උසස් තාක්ෂණ ආයතන වල පවතින ගැටලු පුළුල්ව සාකච්ඡා කරන ලදී. මේ පිළිබඳව අදාළ උසස් තාක්ෂණ ආයතනවල අධ්‍යක්ෂකවරුන් ශ්‍රී ලංකා උසස් තාක්ෂණ ආයතනයේ ප්‍රධාන කාර්යාලයට සිකුරාදා දින කැඳවා සාකච්ඡා කරන බවත් ඉතා ඉක්මනින් මෙම ගැටලු සඳහා නිශ්චිත විසඳුම් ලබා දෙන බලධාරින් පවසන ලදී.

🛑මෙම ගැටලු සඳහා ඉදිරියේදී නිශ්චිත විසඳුම් ලබා නොදුන්නහොත් අප අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව හා ශිෂ්‍ය බලවේග සමග එක්ව ඉදිරි ක්‍රියාමාර්ග ගන්නා බව මින් අවධාරණය කරන්නෙමු.

🛑මෙම ගැටලු පමණක් නොව අනිකුත් උසස් තාක්ෂණ ආයතන වලද ගැටලු පවතින අතර ඉදිරියේදි එම ගැටලු සදහා ක්‍රියාමාර්ග ගැනීමට අප සූදානම්.

-අන්තර් උසස් ජාතික ගණකාධිකරණ ඩිප්ලෝමා පාඨමාලාව සුරැකීමේ ශිෂ්‍ය එකමුතුව-