Sri Bodhiraja Daham Pasala

හත්බෝධි රජමහ විහාරස්ථ ශ්‍රී බෝධිරාජ දහම් පාසලේ ආදි ශිෂ්‍ය ශිෂ්‍යාවන්ගේ සංගමය...

ශ්‍රී බෝධිරාජ දහම් පාසලෙන් දහම් අධ්‍යාපනය ලැබූ සියලුම සහෘද බෝධිරාජයන් එක්ව පිහිටුවන
"ශ්‍රී බෝධිරාජ ආදි ශිෂ්‍ය ශිෂ්‍යාවන්ගේ සංගමය"
සමග එක්වීමට සහෘද ඔබ සැමට ඉතා ගෞරවයෙන් ආරාධනා කර සිටින අතර නිලවරණය පිළිබඳ තොරතුරු සහ අනෙකුත් සියලුම දැනුවත්වීම් සඳහා සංගමයේ නිල *WhatsApp* සමූහය වෙත පහත සබැඳිය ඔස්සේ ඔබත් අදම සම්බන්ධ වන්න...

2026 වර්ෂය සඳහා වන නිලවරණ ළඟදීම...

https://chat.whatsapp.com/KReb9rjdrDyADfQW8BneOX?s=cl&p=a&mlu=1

තෙරුවන් සරණයි ! 🙏

සාරා අසංඛ්‍ය කල්ප ලක්ෂයක් දස පාරමිතාවන්, පාරමී - උපපාරමී - පරමත්ථ පාරමී වශයෙන් පූරණය කොට උතුම් වූ බුද්ධත්වය පතා සිදුහත් කුමරා මෙලොවට බිහි වී දසමරසෙන් පරදවා සියලු කෙලෙසුන් නසා ඇසතු බෝරුක මූලයේදී ලොව්තුරා බුද්ධත්වය අවබෝධ කරගත් සේක.
පන්සාළිස් වසක් පුරාවට ලෝවාසී සත්ත්වයාගේ සාංසාරික ගමනේ අනිත්‍ය වටහා දී කුසිනාරා නුවර මල්ල රජදරුවන්ගේ උපවත්තන සල් උයනේදී උතුම් වූ පරිනිර්වාණයට පත්ව නිර්වාණ සුවය අවබෝධ කරගත් සේක.
මෙම බුදු තෙමඟුල සිහිකෙරෙන උතුම් වූ වෙසක් පොහොය දිනය අදයි...
☸️🙏☸️

ඔබ සැමට පිංබර වෙසක් මංගල්‍යයක් වේවා...!
🙏🙏🙏

" ශ්‍රී බෝධිරාජ එරබදු වසන්තය 2026 "

හෙළ සිරිතට මුල් තැන දෙමින් සම්ප්‍රදායික සිංහලයාගේ චාරිත්‍ර වාරිත්‍ර වල යටගියාව බෝධිරාජයන්ගෙන් ඉස්මතු කරවනු පිණිස හත්බෝධි රජමහ විහාරස්ථ ශ්‍රී බෝධිරාජ දහම් පාසලේ ප්‍රධානාචාර්‍යය පූජ්‍ය කණවරැල්ලේ කස්සප නායක ස්වාමින්ද්‍රයන් වහන්සේගේ සහ ගුරු මණ්ඩලයේ අනුශාසනා පරිදි ජේෂ්ඨ ශිෂ්‍ය ශිෂ්‍යාවන් විසින් වාර්ෂිකව සංවිධානය කරන එරබදු වසන්තය මෙවරත් බක් මස 5 වන ඉරුදින පෙ.ව. 8.00 සිට දවස පුරා අතිසාර්ථකව පැවැත්වුණු වගයි...!

2026 වර්ෂයේත් හත්බෝධි රජමහා විහාරස්ථ ශ්‍රී බෝධිරාජ දහම් පාසලේ ශිෂ්‍ය ශිෂ්‍යාවන් විසින් සංවිධානය කරනු ලබන වසන්ත උදානයට ශ්‍රී බෝධිරාජ දරු දැරියන් වන ඔබ සැමට ආරාධනා...!

කළුබෝවිල හත්බෝධි රජමහ විහාරස්ථ, ශ්‍රී බෝධිරාජ දහම් පාසලේ 2026 වසරට 1 ශ්‍රේණිය සඳහා නවක සිසුන් බඳවා ගැනීම පෙබරවාරි 8 වන ඉරු දින සිට ඇරඹේ...

#මානිවත්ත අභික්කම

#2026.02.07

සබ්බ පාපස්ස අකරණං
කුසලස්ස උපසම්පදා
සචිත්ත පරියෝදපනං
ඒතං බුද්ධාන සාසනං...!

නවම් පුර පසළොස්වක පොහොය දිනය අදයි...!

1. ප්‍රථම මහා සංඝ සන්නිපාතය හා අගසව් තනතුරු පිරිනැමීම
2. ඕවාද ප්‍රාතිමෝක්ෂය දේශනා කිරීම
3. භාග්‍යවතුන් වහන්සේ ආයු සංස්කාරය අත්හැරීම
ඇතුළු බුදුසසුනේ වැදගත් සිදුවීම් රැසකට මුලපිරූ නවම් පුර පසළොස්වක පොහොය දිනය අදයි.☸️

ඔබ සැමට පිංබර නවම් පුන් පොහෝදිනයක් වේවා !🙏


#2026.02.01

බුදුසසුනේ වැදගත් සිදුවීම් රැසකට මුලපිරූ වසරේ මුල්ම පුන් පොහොය, දුරුතු පුරපසළොස්වක පොහොය දිනය අදයි...!

1. බුදුරදුන්ගේ ප්‍රථම ලංකා ගමනය සිදුවීම.
2. බුදුහිමි සමන් දෙවිඳුන්ට පූජා වස්තුවක් ලෙස කේශ ධාතු මිටක් පරිත්‍යාග කිරීම.
3. බුදුන් වහන්සේ වැඩ සිටි ස්ථානයේ කේශ ධාතු නිදන් කොට මහියංගන චෛත්‍යය ඉදි කිරීම.
4. බුදුහිමි ප්‍රමුඛ දහසක් ජටිල රහතන් වහන්සේලා රජගහ නුවරට වැඩම කිරීම.
5. බුදුසසුනේ ප්‍රථම ආරාම පූජාව ලෙස බිම්බිසාර රජු වේළුවනාරාමය බුදුසසුනට පූජා කිරීම
සිදුවූයේද දුරුතු පුන් පොහොය දිනයේ ය.
උදා වූ නව වසර ඔබ සැමට නිදුක් නීරෝගී ව ධාර්මිකව ගතකරන්නට ලැබෙන සුභ නව වසරක් වේවා !
පිංබර දුරුතු පුන් පොහෝදිනයක් වේවා !🙏

#2025.01.03

ලැබුවා වූ නව වසර ඔබසැමට සෞභාග්‍යසම්පන්න නිදුක් නීරෝගී සුභ නව වසරක් වේවා...!


#2026.01.01

හත්බෝධි රජමහ විහාරස්ථ ශ්‍රී බෝධිරාජ දහම් පාසලේ වාර්ෂික ත්‍යාග ප්‍රදානෝත්සවය 2025 දෙසැම්බර් මස 14 වන ඉරුදින දහම් පාසල් ප්‍රධාන ශාලා පරිශ්‍රයේදී ගුරුභවතුන්, දෙමාපියන් සහ බෝධිරාජ දරු දැරියන්ගේ සහභාගීත්වයෙන් සාර්ථකව පැවැත්වුණි.
එහිදි ශ්‍රේණි විභාගයන් වලින් සහ ශාසනාරක්ෂක බලමණ්ඩල සහ දිස්ත්‍රික් තරගාවලියේදි විශිෂ්ට දස්කම් දැක්වූ බෝධිරාජයන් ඇගයීම ද සිදු විය.

#2025.12.14

බුදුසසුනේ වැදගත් සිදුවීම් රැසකට මුලපිරූ උඳුවප් පුර පසළොස්වක පොහොය දිනය අදයි...!

1. දඹදිව සිට දහඅට ශ්‍රේණියක ශිල්ප ශ්‍රේණි ද රැගෙන සංඝමිත්තා තෙරණින් වහන්සේ විසින් ජය ශ්‍රී මහ බෝධියේ දක්ෂිණ ශාඛාව ලක්දිව ජම්බකෝලපට්ටන වරායට වැඩමවා මහමෙව්නා උයනේ රෝපණය කිරීමට කටයුතු කිරීම
2. අනුලා බිසව ඇතුළු කුල කුමරියන් පැවිදි කොට මෙරට භික්ෂුණී ශාසනයේ ආරම්භය සනිටුවහන් වීම සහ
3. ශ්‍රී පාද වන්දනා සමය ආරම්භ කිරීම
සිදුවන්නේද උඳුවප් පුන් පොහොය දිනයේ ය.

බෝසතාණන් වහන්සේට දස මරසෙන් පරදවා ලොව්තුරා බුද්ධත්වයට පත්වීමට සෙවණ දුන් ජය ශ්‍රී මහ බෝ සමිඳුන්ගේ පිහිට ආරක්ෂාවෙන් ලක්වාසීන් මුහුණ පා ඇති ආපදා තත්ත්වයන් වලින් මිදී නිදුක් නීරෝගී බව උදා වේවා...!
ඔබ සැමට පිංබර උඳුවප් පුන් පොහෝදිනයක් වේවා !🙏


#2025.12.04