Sri Saddhananda Dhamma School

"හෙට ලොව දිනන පෞරුෂයකට කලාව සහ මාධ්‍යයේ අරුමය"

අප සදනද දම් පියසේ දරුවන්ගේ මාධ්‍ය හැකියාවන් සහ පෞරුෂත්ව සංවර්ධනය සදහා සංවිධානය කරන ලද මාධ්‍ය වැඩමුළුව ඊයේ දින ඉතාමත්ම සාර්ථකව පවත්වන ලදී.

ඒ සදහා සම්පත් දායකත්වය ලබාදුන් "Thrending TV Digital Academy" ආයතනයට බෙහෙවින් ස්තූතිවන්ත වන අතර එහි අධිපතිනි ප්‍රවීණ මාධ්‍යවේදිනි ගයනි අබේවර්ධන මහත්මියට,ප්‍රවීණ මාධ්‍යවේදි උදයශාන් ඉඩමේගෙදර මහතාට, ජ්‍යේෂ්ඨ රංගධර සුදත් ඇන්තනී මහතාට,නාට්‍ය හා රංගකලා උපදේශිකා ප්‍රවීන වෙදිකා නාට්‍ය රංගවෙදීනී ගංගා පරනවිතාන මහත්මියට සහ ප්‍රවීණ මාධ්‍යවේදී විදුරන්ග සිරිමාන්න මහතාට ද බෙහෙවින්ම ස්තූතිවන්ත වනවා කිසිදු අයකිරීමකින් තොරවම තම වටිනා කාලය සහ ශ්‍රමය අප දරුවන් වෙනුවෙන් කැප කිරීම වෙනුවෙන්.

එමෙන්ම හැමදාමත් වගේම අවශ්‍ය ප්‍රතිපාදන ලබා දෙමින් අප දරුවන්ට මෙම අගනා අවස්තාව උදාකර දුන් අප ගෞරවණීය ගොම්බද්දල දමිත ස්වාමීන් වහන්සේට ද ගෞරව පූර්වක ස්තූතිය පුද කර සිටින්නෙමු🙏

අප දම් පියසේ ආදරණීය දරුවන්ගේ පෞරුෂත්ව වර්ධනය සහ මාධ්‍ය හැකියාවන් ඔප්නංවනු වස් පවත්වනු ලබන පලමු මාධ්‍ය වැඩමුළුව හෙට දින උදෑසන 8.00සිට....

රටේ පැවති අයහපත් කාලගුණ තත්ත්වය නිසා ආපදාවට පත්ව අසරණ වූ අපේම සහෝදර සහෝදරියන්ට පුංචි හෝ ශක්තියක් වීමට අපටත් හැකිවුනා.

කටුවාවල පරම ධම්ම විසුද්ධාරාම විහාරාධිපති ගරු සීනි පැල්ලේ චන්ද්‍රාරාම නාහිමිපාණන් වහන්සේගේ අනුශාසනා මත ආරම්භ වූ මෙම වැඩසටහන ගරු ගොම්බද්දල දමිත හිමියන්ගේ සහ කතරගම ධම්මාරාම හිමියන්ගේ මග පෙන්වීම යටතේ සාර්ථක අවසානයක් කරා ගමන් කෙරුණි. ඒ ගමන් මගේදී තමන්ගේ කාලය, ශ්‍රමය කැප කරමින් ශ්‍රී සද්ධානන්ද දහම් පාසලේ ආචාර්ය මණ්ඩලයේ ගුරු මව්වරැ හා පියවරුන් මෙන්ම විශේෂයෙන්ම W D නෙල්සන් මහතා චමෝද් ජයසිංහ මහතා සහ චන්ද්‍රිකා ඥානාදරී මහත්මිය වැඩි බරක් කරට ගත්තා.ඒ වගේම ශ්‍රී සද්ධානන්ද දහම් පාසල් ආදි ශිෂ්‍ය සංගමයේ උප භාණ්ඩාගාරික හිරන්‍ය කෝකිල සහෝදරයා ඇතුළු ආදි ශිෂ්‍ය සංගමයේ සහෝදර සහෝදරියන්, දහම් පාසල් ශිෂ්‍ය නායක නායිකාවන් වගේම අනෙකුත් දරු දැරියන් මෙම කටයුත්ත සාර්ථක කර ගැනීම සඳහා කැපවුණා.

අවසානයේ ලක්ෂ විසි හතකට ආසන්න මුදලක වියළි ආහාර ද්‍රව්‍ය, සනීපාරක්ෂක ද්‍රව්‍ය, පාසල් උපකරණ සහ පොත්පත් අපේම ආදරණීය මිනිසුන් වෙනුවෙන් බෙදා හැරීමට අපට හැකි වුණා.

ඒ අතරින් පාසල් උපකරණ සහ පොත්පත් අපේම පුංචි මල් කැකුළු වෙත බෙදා දීම සඳහා කත්නෝරුවේ සිරධම්ම හිමියන් වෙතද, අනෙකුත් වියළි ආහාර සහ සනීපාරක්ෂක ද්‍රව්‍ය අතුරින් ලක්ෂ පහක් පමණ වටිනා භාණ්ඩ බොරලැස්ගමුව නගර සභාවේ නගරාධිපතිතුමාගේ ඉල්ලීම මත බෙදා හැරීම සඳහා බොරලැස්ගමුව නගර සභාවටද , අනෙක් සියලු වියළි ආහාර සහ සනීපාරක්ෂක ද්‍රව්‍ය පහසුවෙන් ළඟා වීමට නොහැකි අපේම අසරණ මිනිසුන් සිටින ස්ථාන සොයා රැගෙන ගොස් භාර දෙන මනුසත් දෙරණ වැඩසටහන මෙහෙයවන දෙරණ නාලිකාව වෙතද භාරදීමට කටයුතු කළා. මෙවන් වූ සාර්ථක සහන සේවා වැඩසටහනක් සිදු කිරීම සඳහා නන් අයුරින් දායක වූ නම් ගම් සඳහන් නොකළ සැමට තුති.ඒ වගේම අසරණ වූ අපේම මිනිසුන් වෙනුවෙන් සහෝදරත්වයේ දෑත් දිගුකොට වැල නොකැඩී ගමේ පන්සලට පැමිණ තමන්ට හැකි අයුරින් දායක වූ සැමට අප්‍රමාණ පින්.

"මිනිසාගේ පරම යුතුකම මිනිසාට සේවය කිරීමයි"

සැමට තෙරුවන් සරණයි..

- මනුෂ්‍යත්වය පෙරදැරිව -
විපතට පත් අපේම මිනිසුන් වෙනුවෙන්...

- මනුෂ්‍යත්වය පෙරදැරිව -

විපතට පත් අපේම මිනිසුන් වෙනුවෙන් ඔබගේ සහය ඇවැසිම මොහොතයි මේ...

දෙසැම්බර් මස 05 වෙනිදා ට පෙර
උදෑසන 8.00 සිට දහවල් 1.00 දක්වා කාලය තුළ පහත සඳහන් ද්‍රව්‍යමය ආධාර තමන්ට හැකි අයුරින් කටුවාවල විහාරස්ථානයට ගෙනැවිත් බාරදෙන්න.

විමසීම් -
0714442927 ගොම්බද්දල දමිත හිමි
0715308595 කතරගම ධම්මාරාම හිමි
0773797150 නාත් ඉන්දික මයා

මෙහෙයවීම - කටුවාවල පරම ධම්ම විසුද්ධාරාමය

ශ්‍රී සද්ධානන්ද දහම් පාසල් මාධ්‍ය ඒකකයේ සෙනසුරාදා උදා වැඩසටහන "සදනද අරුණලු උදා විකාශය" අභිමානවත් 100වන වැඩසටහන අද දින මහත් අභිමානයෙන් යුතුව පැවැත්වුණි.💙💛

ගරු ගොම්බද්දල දමිත ස්වාමීන්වහන්සේගේ නිර්මාණ සංකල්පයකට අනුව සෙනසුරාදා දහම් පාසල් ආචාර්‍ය මණ්ඩලයේ මාර්ගෝපදේශය සහ ආශිර්වාදය ඇතිව ආරම්භ වී, අපේ සිඟිති දුවාපුතුන්ගේ මාහැඟි හැකියාවෙන් වර්ණවත් වී පුරා වසර දෙකහාමාරක කාලයක් පුරා අප ආ ගමන් මඟ පිළිබඳව අපි නිහතමානීව සතුටට පත්වෙමු.💙💛

අප අරුණලු උදා විකාශය සෙනසුරාදා අපේ දුවා දරුවන් සියයකට අධික ප්‍රමාණයක නිවේදන හැකියාවන්, ඉදිරිපත් කිරීමේ කුසලතාවන් මෙන් ම ගායන කුසලතාවන් ද ඔප් නැංවීමට දායක වූ වැඩසටහනක් ලෙස මෙලෙස අඛණ්ඩව පවත්වා ගෙන ඒම අභියෝගාත්මක කාර්‍ය්යක් වුව ද එය සුන්දර මාධ්‍ය චාරිකාවක් ම විය.💙💛

මෙම සාර්ථක ගමන්මඟ පියමනින්නට අපට දිරිදුන්, අවවාද මෙන්ම මඟපෙන්වීම ලබාදුන් ගරු ගොම්බද්දල දමිත හිමියන්ට ගෞරවපූර්වක ස්තුතිය..!🙏

සාර්ථක වැඩසටහන් 100ක් පසු කිරීමට තම නිර්මාණ දායකත්වය ලබාදුන් අපේ ආදරණීය දුවලා පුතාලට ද බෙහෙවින් ස්තුතියි. 💙💛

අනේකවිධ වැඩරාජකාරි මධ්‍යයේ තම දරුවන් මෙම වැඩසටහන් සඳහා උනන්දුවෙන් සහභාගී කළ දෙමාපියන්ට ද ස්තුතියි.💙💛

වැඩසටහන සාර්ථක කරගැනීමට දරුවන් යොමු කරමින් නිබඳ සහයෝගය ලබාදුන් සෙනසුරාදා ආචාර්‍ය් මණඩලයේ ගුරු මාපියවරුන්ට ද ස්තුතියි💙💛

අවසාන වශයෙන් 100වන වැඩසටහන දක්වා පියමැනීමට උපකාර කළ සියලුම දෙනාට ස්තුතියි.💙💛

මෙය විජයග්‍රාහී අවසානයක් නොව, ජයග්‍රාහී ආරම්භයක් කොට ගනිමින් තවත් අරුණලු උදා වැඩසටහන් ගණනාවකින් අප දුවා දරුවන්ගේ හැකියා ඔප් නංවීම අපගේ එක ම අභිලාෂයයි.💙💛

- සෙනසුරාදා සඳනද අරුණලු මාධ්‍ය ඒකකය භාර චමෝද් ගුරුතුමා සහ ඉසුරි ගුරුතුමිය -

දිනය අදයි. එන්න ලේ දෙන්න...

තව දින 1 යි 🙏🙏🙏

තව දින 2 යි...