R/Rathmalavinna National Collage ර/රත්මලවින්න ජාතික පාසල

2028 වර්ෂය උසස්පෙළ කලා හා වාණිජ විෂයධාරා සඳහා රත්මලවින්න මහා විද්‍යාලයට ශිෂ්‍ය ශිෂ්‍යාවන් බඳවා ගැනීමේ සම්මුඛ පරීක්ෂණය

2026.7.02 දින එනම්,හෙට දින 2028 උසස් පෙළ සඳහා ඉල්ලුම් කරන ලද සිසුන්ට සම්මුඛ පරීක්ෂණ රත්මලවින්න මහා විද්‍යාලයේ උසස් පෙළ කලා අංශයේදී පැවැත්වේ.උදෑසන 8.30 වන විට භාරකරුවකු සමග පාසලට පැමිණෙන්න.

සැලකිය යුතු :-

1.පාසලට සුදුසු වන ආකාරයට පාසල් නිල ඇඳුමින් සැරසී සිටිය යුතුය.

2.දෙමාපියන් හෝ භාරකරු පාසලට සුදුසු ඇඳුමකින් සැරසී පැමිණිය යුතුය.

3.උප්පැන්න සහතිකයේ පිටපතක් සහිතව ඔබගේ නම සඳහන් ෆයිල් කවරයක් රැගෙන ආ යුතුය.

4.ඔබ රත්මලවින්න මහා විද්‍යාලයේ පෙර සිටි සිසුවෙක් හෝ ශිෂ්‍යාවක් නොවේ නම් ඔබගේ පාසලෙන් ලබාගත් ශිෂ්‍ය කාර්ය දර්ශකය,සාමාන්‍ය පෙළ ප්‍රතිඵල ලේඛනය ද රැගෙන එන්න.

fans

2026 බලංගොඩ කලාප ක්‍රීඩා තරඟ පසුගිය දිනවල ආනන්ද මෛත්‍රී ජාතික පාසල් ක්‍රීඩා පිටියේ දී හා සබරගමු විශ්වවිද්‍යාල ක්‍රීඩා පිටියේදී පැවැත්වින. එහිදි විද්‍යාලීය ක්‍රීඩක ක්‍රීඩිකාවන් පහත ජයග්‍රහණ ලබා ගන්නා ලදී.

🥇S.දහම්සා තේවංජි
👉12න් පහළ බාලිකා උස පැනීම - ප්‍රථම ස්ථානය

🥉U.තාරින්ද්‍යා දෙව්මිණි
👉16න් පහළ බාලිකා උස පැනීම - තෙවන ස්ථානය

🥉K.G.තීක්ෂණ
👉16න් පහළ බාලක මී.100 - තෙවන ස්ථානය

🏅W.හර්ෂ කල්හාර
👉18න් පහළ බාලක උස පැනීම - සිව්වන ස්ථානය

🥉T.කෞෂාන්
👉20න් පහළ බාලක - උස පැනීම - තෙවන ස්ථානය

🥇M.A.බිම්සර අශාන් දේශප්‍රිය
👉20න් පහළ බාලක - මී.100, මී.200, තුන්පිම්ම පැනීම - ප්‍රථම ස්ථානය

🏆20න් පහළ දක්ෂතම ක්‍රීඩකයා- M.A.බිම්සර අශාන් දේශප්‍රිය

ඉහත ජයග්‍රහණ ලබා ගෙන සබරගමු පළාත් පාසල් ක්‍රීඩා තරඟ සඳහා සුදුසුකම් ලැබූ ක්‍රීඩක ක්‍රීඩිකාවන්ට හා විද්‍යාලීය ක්‍රීඩා අංශයට සුභාශිංෂණ එක් කරන අතර නන් අයුරින් සහය ලබා දුන් සියලු දෙනාට ස්තූතිය ප්‍රකාශ කර සිටිමු.. 💐👏👏👏👏

අ.පො.ස. උසස්පෙල විභාගයෙන් ජයග්‍රාහී ප්‍රතිඵල ලබා ගැනීමට පෙනී සිටින සියළුදෙනාට ශක්තිය ධෛර්යය මෙන්ම සියළුම දෙනාගේ ආශිර්වාදය ලැබේවා.

දකුණු ආසියානු මලල ක්‍රීඩා උළෙලේ රන් පදක්කම් ලාභී කීර්තිමත් ආදි ශිෂ්‍ය ඩී.ඩී.සඳුන් දියලවත්ත ක්‍රීඩකයා විද්‍යාලීය තූර්‍ය වාදක මධ්‍යයේ මහත් හරසරින් පිළිගැනීම පසුගිය දින දී සිදුවිය. ඔහුගේ පාසල් ක්‍රීඩා දිවිය ඒකාලෝකමත් කරන්නට කැපවුනු ශාරීරික අධ්‍යාපන ගුරු නිශා ද සේරම් මහත්මිය හා ඔහු ජාතික තලය දක්වා මලල ක්‍රීඩා අත්දැකීම් ලබා දෙමින් ජයග්‍රහණ සඳහා නිරතුරු පුහුණුවීම් කල, තරඟ සඳහා සහභාගී කරමින් විද්‍යාලීය නාමය ජාතික තලය දක්වා රැගෙන යාමට කටයුතු කළ ශාරීරික අධ්‍යාපන ගුරු නිසංසලා රාජපක්ෂ මහත්මියට හා සහය දැක්වූ ක්‍රීඩා පුහුණුකරු ඩබ්.සී.එස්.වාද්දූවගේ මහත්මාට, යුධ හමුදා ක්‍රීඩා කණ්ඩායම නියෝජනය සඳහා අවස්ථා සලසා දුන් අප විද්‍යාලීය ආදි ශිෂ්‍ය බලංගොඩ කොට්ඨාස ශාරීරික අධ්‍යාපන උපදේශක ප්‍රදීප් කුමාර ධර්මසේන මහත්මාටත් වර්තමාන පුහුණුකරු ජයලාල් රත්නසූරිය මහත්මා ප්‍රමුඛ යුද හමුදා ක්‍රීඩා කණ්ඩායම් භාර නිලධාරින්ටත් අපගේ කෘතඥ පූර්වක ස්තූතිය ප්‍රකාශ කරමින් ඩී.ඩී.සඳුන් දියලවත්ත ක්‍රීඩකයාගේ අනාගතය සර්වප්‍රකාරයෙන් සාර්ථක කරගෙන ඔලිම්පික් වරම් ලබමින් ලක්මව රනින් සැරසීමට හැකිවේවායි සුභාශිංෂණ එක් කරමු..!!! 👏👏👏

තවත් මෙවැනි ජාත්‍යන්තර මට්ටමේ ජයග්‍රහණ ලබා ගැනීමට වර්තමාන හා අනාගත දූදරු පරපුර මේ ක්‍රීඩකයා ආදර්ශයක් හා අභිප්‍රේරණයක් කරගනු ලබත්වා!!! යැයි හදවතිම්ම සුභ ප්‍රාර්ථනා කරමු.. 👏👏👏

හෙට දින එනම් 29 වන දින රන් පදක්කම් ලාභී රත්මලවිනි ආදි ශිෂ්‍ය ඩි.ඩි.සඳුන් දියලවත්ත ක්‍රීඩකයා රැගත් රථ පෙළපාලිය උදෑසන 9.00ට බලංගොඩ නගරයෙන් ආරම්භ වී ඔහු පදිංචි උළුපිටිය ග්‍රාමය දක්වා මහත් හරසරින් පිළිගැනීමට නියමිතයි.. ඔබත් මඟ දෙපස රැස්වී සුභ පැතුම් එක් කරමින් සහයෝගය දක්වන ලෙස ආවර්ජනය කර සිටිමු..

ගමන් මග පහත පරිදි වේ....

දකුනු ආසියා මලල ක්‍රීඩා උලෙලේ 100*4 සහාය දිවීමේ තරග ඉසවුවේ රන් පදක්කම්ලාභී සදුන් දියලවත්ත ක්‍රීඩකයාගේ පිලිගැනීමේ උත්සවයේ ගමන් මාර්ගයේදී
1. ර/විද්‍යාලෝක විද්‍යාලය අසල
2. ර/බුද්ධජයන්ති ම්.වි. අසල
3. ජීවිත මහතාගේ ඉන්ධන පිරවුම්හල අසල
4. ර/රත්මලවින්න ම්.වි අසල
5. මාමල්ගහ විහාරස්ථානය අසල
6. ර/මාමල්ගහ විද්‍යාලය අසල
යන ස්ථාන වලදී උපහාර උලෙලවල් සන්විධානය වන අතර අවසන් උත්සව සභාව උලුපිටිය ක්‍රීඩා පිටියේදී පැවැත්වේ. මේ සදහා ද ඔබ සැමට ආරාධනා කර සිටිමු.