27/08/2026
පොහෝ දින දහම් සිතුවිල්ල. 🙏
පිංබර නිකිණි පොහෝ දිනයක් වේවා!. 🍀🌼🌿🌸
නිකිණි පුන් පොහෝ දින ඓතිහාසික හා ශාසනික වැදගත්කම 🌸🙏
ශාසන ඉතිහාසයේ පර්යාප්ති ධර්මයේ චිරස්ථිතිය උදෙසා මෙන්ම ශාසනික විනය කර්මයන්හි වැදගත් සන්ධිස්ථාන රැසක් සනිටුහන් වූ දිනයක් ලෙස නිකිණි පුර පසළොස්වක පොහොය දිනය සැලකේ.🙏
🌸ප්රරථම ධර්ම සංගායනාව:
බුදුරජාණන් වහන්සේගේ පිරිනිවන් පෑමෙන් තෙමසකට පසු, මහා කාශ්යප මහරහතන් වහන්සේගේ මූලිකත්වයෙන් හා අජාසත් රජුගේ රාජ්ය අනුග්රහයෙන් රජගහනුවර සප්තපණ්ණී ගුහා ද්වාරයේදී පන්සියයක් මහරහතන් වහන්සේලාගේ සහභාගිත්වයෙන් ප්රථම ධර්ම සංගායනාව ආරම්භ කෙරුණේ නිකිණි පොහෝ දිනයකදීය.
🌸ආනන්ද හිමියන් රහත්භාවයට පත්වීම
ධර්ම භාණ්ඩාගාරික ආනන්ද තෙරණුවන් ප්රථම ධර්ම සංගායනාවට එක්වීමට පෙර දින, එනම් නිකිණි පොහෝ දිනයේදී සිව් ඉරියව්වෙන් තොරව අරහත් ඵලයට පත්විය.
🌸පසුවස් සමාදානය:
ඇසළ පුර පසළොස්වකට පසුදින (පෙරවස්) වස් විසීමට නොහැකි වූ භික්ෂූන් වහන්සේලා සඳහා නිකිණි පොහොය දිනට පසුදින 'පසුවස්' විසීමට බුදුරදුන් විනය ප්රඥප්තියක් පනවන ලදී.
🌸රාහුල තෙරණුවන්ගේ රහත්භාවය
බුදුරජාණන් වහන්සේ 14 වන වස් කාලයේදී ශ්රාවස්තිපුර ජේතවනාරාමයේ වැඩ වසද්දී දේශනා කළ මහාරාහුලෝවාද සූත්රය ශ්රවණය කළ රාහුල හිමියන් අරහත්භාවය ලබාගත්තේ ද නිකිණි පොහෝ දිනකය.
🌸ශ්රී දළදා පෙරහර මංගල්යය:
ඓතිහාසික මහනුවර ඇසළ පෙරහර මංගල්යයේ අවසන් රන්දෝලි මහා පෙරහර වීදි සංචාරය කරනු ලබන්නේ ද නිකිණි පුර පසළොස්වක පොහෝ දින රාත්රියේදීය.🙏
පින්බර ඇසළ පොහෝ දිනයක් වේවා.🙏
මාධ්ය ඒකකය
ක්ෂේත්රාරාම මහ පිරිවෙණ
කන්දෙවිහාරය
අළුත්ගම
