18/11/2023
_ ازاي تعرف /تعرفي ان ابنك محتاج جلسات تخاطب:
1-لما تلاقي الحروف بتطلع غلط
2-لما تلاقي الطفل مش عارف يعبر عن احتياجاته بجملة
3-لما ابنك يوصل لسن سنتين ولسه مش بيتكلم
4-لما ابنك يقول كلام كتيير جدا وغير مفهوم
5-لما ابنك ميعرفش المفرد من الجمع
6-لما ابنك ميعرفش يسرد قصه او يسرد أحداث اليوم
7-لما ابنك ميعرفش يتكلم بطلاقة ( يتهته في الكلام)
8-لما ابنك يتكلم كلمات قليله جدا غير مناسبة لعمره
9-لما ابنك ميعرفش يستخدم الضمائر في جملة
10-لما ابنك ميعرفش يجاوب على الأسئلة التي تبدأ ب ( من/ أين / ماذا / لماذا )
_امتي الطفل يتكلم ؟وامتي أعرف انه متأخر عن الكلام ؟
1- من 8:6 شهور بيبدأ المناغاه .
2- من 10:9 شهور بيبدأ البأبأه و"هي بابابابا - ماماماما - داداداد" .3- 12شهر بيبدأ يقول أول كلمه ومثال: بابا.
5- من العام الثاني يقول جمله من كلمتين ويفهم جمله من ٣ كلمات
6- من العام الثالث يقول جمله من 3 كلمات ويفهم جمله من ٤ كلمات
غير كده يبقى متأخر في الكلام وفي جميع الحالات ممكن ننمى مهارة الكلام عند الطفل من الولادة لحد سنتين بعدة طرق منها؛
⬅️اتكلمى مع طفلك كتير وابتسمى فى وشه.
⬅️امنعى طفلك عن التليفزيون أول سنتين.
⬅️تابعى حركاته ونظراته وأصواته واشاراته وشاركيه فيها.
⬅️غيرى دايما نبرة صوتك مع طفلك.
⬅️نشطي عنده مهارة لفت الانتباه بأنك تعملي أصوات حواليه وتقلدي أصوات ويسمع صوت اخواته أو صوت موبايل أو صوت حيوانات أو طيور.
⬅️قلدى حركاته وأصواته عشان تشجعيه يكررها.
⬅️خلى عندك روح كدا وانتى بتلعبى معاه وكاريزما عشان تجذبى تركيزه وانتباهه.
⬅️العبى معاه بألعاب وأشكال مختلفه فى الشكل والحجم.
⬅️كل كلمة جديده ينطقها افرحي بيها أوى وحفزيه وشجعيه عشان يكررها ويزود عليها.
⬅️اديله فرصة عشان التعبير اللفظى يزيد عنده متقاطعيش كلامه وتقوليله اسكت دوشتنا.
⬅️خلى دايما عيونك فى عيونه وهو بيتكلم.
