easypeasyenglish0

28/08/2022

🌷١٠ مهارات حيكتسبها طفلك من خلال لوحة حروفي العربيّة:

١.الإشارة بالإصبع لكل حرف أثناء الإستماع/غناء أغنية الحروف الأبجديّة المُقترحة.

٢.تمييز شكل،إسم، والصّوت الذي يُمثّله الحرف.

٣.نُطق الصّوت بشكل صحيح.

٤.التّفريق بين الألف والهمزة.

٥.تمييز شكل الهمزة على الألف ( أ ) ومعرفة الخطأ الشّائع بينها وبين حرف الألف.

٦.تمييز أحرُف العِلّة.

٧. إكتساب مفردات جديدة من خلال الصّور ومعرفة الكلمات التي تمثّلها .

٨.الإشارة بالإصبع على الحرف داخل الكلمة والتّعرّف على شكله في أوّل الكلمة بشكل غير مُباشر.

٩.التّمييز السّمعي للصوت في الكلمة (وعي صوتي/فونيمي).

١٠.إعطاء أمثلة لكلمات أخرى تبدأ بالصّوت/الحرف.

🌷حتّى يكتسب طفلك هل مهارات كلها بشكل صحيح، لازم تشتغل معه خطوة خطوة وبطريقة صحيحة.يعني كتير غلط نشتغل عكذا مهارة مع بعض ،لأ بدنا نستهدف مهارة وحدة فقط وبس يكتسبها مننتقل لمهارة أُخرى...

وكرمال هيك رح يطلع مع اللوحة هديّة وهيّي عبارة عن ملف رقمي pdf مجّاني بيحتوي على دليل للأهل/المُعلّمة لتعرف الطّريقة الصّحيحة بتعليم طفلك زائد أشياء تانية مفيدة و مُكمّلة للّوحة حإحكي عنهم قريباً...

خبّرني إذا حبّيت اللوحة👇

14/08/2022

🦋عرفت هل معلومة لأوّل مرّة من صفحة liltofola.walaa للآنسة ولاء دركل لمّا كنت ضايعة وما عارفة كيف بلّش تعليم لغة عربيّة لبنتي.

وهل معلومة هيّي اللي عطتني الدّافع والإلهام لصمّم لوحة حروف لبنتي يكون فيها حرف الألف والهمزة منفصلين لإنّو بتعرفوا هوسي بالتّعليم بالطّرق الصّحيحة.😊

وكرمال هيك بحثت أكتر عن هل موضوع اللي طلع في خلاف عليه من قبل العلماء بس الرّأي الصّحيح بالمنطق بعد كل هل إختلافات هوّي إنّو الألف والهمزة حرفين منفصلينن.

ومن أشهر أعلام هذا الرأي سيبويه الذي قال: "أصل حروف العربية تسعة وعشرون حرفًا الهمزة، الألف، الهاء، العين....".

ملاحظة:بعض المعلومات أُخذت من مقال للكاتب المصري د. محمّد الجوادي.

🦋المشاكل اللي ممكن يعاني منها الطّفل إذا تعلّم إنّو الهمزة هيّي الف متل ما هو شائع:
١.عدم القدرة على التّمييز بين شكل حرف الألف والهمزة ---> مشاكل في القراءة.
٢.عدم القدرة على التّمييز السّمعي بين الصّوت اللي بمثله حرف الألف والهمزة ---> أخطاء إملائيّة
٣.مشاكل في كتابة الهمزة لأنّ لها أشكالاً متعدّدة.(أنا وعدد كبير من الأشخاص منرتكب اخطاء إملائية بكتابة الهمزة. مين هيك كمان ؟🙂)
٤. إرتباك الطّفل بسبب عدم معرفته انّهما حرفين .مرّة بشوف عالألف في همزة ومرّة لأ ومرّة همزة بلا ألف أو عأحرف تانية متل الواو والياء ( كنت عاني من هل مشكلة أنا وبالمدرسة.)

شارك هل فيديو لتفيد اللي بتحبهم وتعرّفهم عهل معلومات المهمّة

🦋ملاحظة: أيّ صفحة بتصمّم كتب تعليميّة وعجبا هل رأي واقتنعت فيه، فيها بكل بساطة بس تزيد حرف الهمزة بوسائلها التّعليميّة وتصحّح شكل الألف.

🌸هل منشور أخد منّي كتير شغل ومجهود لحضرُه لهيك إذا حبّيته واستفدتِ منّو ما تنسى تدعمني لأعرف هل شي وتفرحني، و تتفاعل عليه بلايك، كومنت، أو تشاركه مع أحبابك اللي بتحبّ تفيديهم بهل معلومات❤

12/08/2022

إذا علّمت طفلك إسم الحرف وصوته سوا مش رح يرتِبك إذا لقى الصّوت مُمثَّل بحرف تاني بنفس اللّغة(c,s) أو بلغة تانية (س،s) لإنّو بيعرِف أسماء الحروف وقادر على تمييزهم وهيدي فقط وحدة من الفوائد الكتيرة لهل طريقة اللي بلّشت تبيّن نتائجها المُذهِلة عبنتي...

🦋 بلّشت عن جديد بتعليم بنتي الحروف العربيّة وطبعاً عم طبّق الخطوات اللي كتبتا ببوست "تعليم الحروف الأبجديّة"

وضمن الخطوات ذكرت إنّو لازم تركزي عالحروف اللي بإسم طفلك وكرمال هيك بلّشت بالتّركيز عأوّل حرف بإسم بنتي كخطوة أولى وهيدي كانت أوّل مرّة بعلّما هل حرف.

🦋فاجأتني لمّا قدرِت تميّز سمعيّاً بفضل الوعي الصّوتي(اللي هوّي من مهارات ما قبل القراءة) إنّو حرف السّين وال s بمثلوا نفس الصوت

وهل شي ما عِمِلّا مشكلة أو إرتباك بس شو السّبب؟
١. لإنّي بعلّم إسم الحرف والصّوت سوا .
٢.لإنّي بقول إنّو الحرف بمثّل أو بفرجينا الصّوت بدل ما هوّي شائع إنّو الحرف عنده او بيصدر صوت.

هل شي بِساعد الطّفل ليعرف العلاقة الحقيقيّة بين الحرف والصّوت وإنّو الصّوت ممكن يتمثّل بأكتر من حرف وبحروف تانية باللّغات التّانية وما بيعمل مشاكل وإرتباك للطفل.

نشالله قريباً رح إشرح اكتر عن هل موضوع بس بلّش سلسلة "أخطاء شائعة نرتكبها أثناء تعليم الفونِكس"

حبّيت/ي هل طرق الجديدة والصّحيحة بتعليم الفونِكس أو بتفضل/ي الطّرق التّقليديّة ؟

19/07/2022

🌸ملاحظة: هيدا المنشور أخد منّي كتير شغل ومجهود لحضرُه لهيك إذا حبّيتيه واستفدتِ منّو ما تنسي تدعميني لتفرحيني و تتفاعلي عليه بلايك، كومنت، أو تشاركيه مع أحبابك اللي بتحبّي تفيديهم بهل معلومات❤
🦋هيدا لينك الصفحة عالإنستا لتشوفوا ال slides النّاقصين لإن ما بينحطّوا عالفيسبوك
https://instagram.com/easypeasyenglish0?igshid=YmMyMTA2M2Y=

🦋منكفّي مع مهارات ما قبل القِراءة وهل مرّة حإحكي عن خطوات تقديم الحروف الأبجديّة للطفل باللّغة العربيّة والإنجليزيّة.

🦋تقديم الحروف هوّي آخر خطوة بمهارات ما قبل القِراءة بس أنا اخترت إحكي عنّو قبل ما كفّي بباقي المهارات لإن في كتير منكم بدّو يشتغل عأطفاله اللي عندن مشاكل بهل موضوع هل صيفيّة ويقوّيهم أو بدّو يأسّسهم صح لهيك فضّلت حطّلكن الخطوات الصّحيحة (حسب طريقتي) اللي عم بتّبعها مع بنتي بالإنجليزي وحاليّاً حبلّش بالعربي كمان.

🦋تعليم الحروف كتير بدّو صبر ومتل ما شفتوا بالفيديو بنتي غلطت بحرف وهل شي كتير طبيعي و مع الإستمرار بشكل صحيح الطّفل حيقوى ويكتسب الحروف وتخِف أغلاطه. ما تنسوا إنّو عم يكتسبن هوّس وبس عم يشتغل علوحة الحروف والبطاقات وبعده ما تعلّم كل حرف لحاله بكتاب فهيدا لحاله شي عظيم...

🦋حتلاحظوا إنتوا وعم تقرأوا بالبوست إنّو رأيي مخالف للمتعارف عليه وإنّي بقدّم إسم الحرف والصّوت اللي بمثله مع بعض، بي لمّا تشوفوا علميّاً شو هيّي عمليّة القراءة الفعليّة رح تستنتجوا إنّو تعليم الصوت والإسم سوا هوّي الأصح وهيدا الشّي اللي برهنته الدّراسات الحديثة. لمعلومات اكتر عن الموضوع شوفوا بالصّفحة في سلسلة من جزئين بعنوان "ماذا أعلّم طفلي أوّلاً إسم الحرف أو الصّوت"

يتبع في الجزء التّاني للتعليم الفعلي للحرف...
كتير بهمني أعرف رأيكم حبّيتوا الطّريقة وحتطبقوها مع أطفالكم ؟وحبّيتوا الشّرح بالتّفصيل؟ وفي شي نقطة مش كتير واضحة؟

#الحروف

22/06/2022

كيف منأسّس طفلنا صح ومن الصّفر بمرحلة ما قبل الرّوضة ومرحلة الرّوضة:

١.لازم نبلّش بمهارات ما قبل الكتابة اللي لازم نشتغل عليها مع طفلنا قبل ما نبلّش بتعليمه كتابة الأحرف والأرقام والرّسم.

سبق وحكيت عن هل مهارات بسلسلة مهارات ما قبل الكتابة بالبوستات السّابقين، ورح إحكي عنّن أكتر بعد قريباً...
وطبعاً عندي كتيّبات لتدريب طفلك على أشكال ما قبل الكتابة كمان ححُط تفاصيل عنهم بهايلايت "Our products".

لمعلومات أكتر عن تقوية طفلنا بالعطلة الصّيفيّة وتأسيسه من الصّفر، شوفوا هايلايت "كيف منقوّي طفلنا".

إذا استفدتوا من المعلومات ما تنسوا تفرجوني حبكم❤

03/04/2022

.
🦋القِصّة وراء صُنع لوحة الحروف:🦋
🦋صراحة ما كنت أبداً مفكرة إنّي أعمل لوحة حروف وقلت مليان عالإنترنت إشيا مجّانيّة ببقى بِختار شي وحدة وبطبعها.
بس لمّا كتبت أهداف تعلُّم الحروف لأعمل قِصّة الحروف وكتاب تعلُّم الأحرف ومن بعدا شفت الإشيا الموجودة عالإنترنت، قلت لازم الّلوحة اللي بدّي عرّف بنتي عالحروف من خلالها تكون عالقليلة بتتوافق مع أهداف باقة الحروف اللي عم بعملا.
وأهم شي يكون فيها نُقط لتحط إصبعها عليهم وتدل عكل حرف لتشوفه كرمال فعلاً تحفظ شكله. وهل شي كان فكرة مُبتكرة مش مأخوذة ولا مُستوحاة من أيّ حدا.
(الإشارة بالإصبع كتير مهم عندي لأنّو كتير مفيد بالتّعلّم)
لهيك قرّرت أعمل اللّوحة وكانت أصعب شي عملته لأن صنع كل بطاقة أخد منّي كتير وقت ومجهود.
كنت فيق كل يوم من ال ٧ الصّبح للحّق إشتغل فيها قبل ما تفيق بنتي وإقدر لحّق عكل شي...

صعوبة اللّوحة كانت إنّي بكل بطاقة عم بشتغل على ٦ أهداف وإنّو اللّوحة بتعرّف عالحروف وبنفس الوقت بتعرّف عأصواتهم (بعلم الفونكس لتحضّر الطّفل لمرحلة القِراءة)، وتعذّبت كتير لحتّى لاقي الشخصيّات الكرتونيّة لكل حرف واللي هدفها تساعد الطفل على فهم إنّو إسم العلم مميّز و ببلّش بحرف كبير ... فعنجد هل لوحة أصعب شي عملته لهلّأ.

بس تعبي كلّه نسيته لمّا شفت بنتي أدّيه حبّتا وأدّيش هل لوحة عم بتساعدها عتعلّم الحروف والأصوات هيّي ومبسوطة وعم ترغّبا بالتّعلّم...

كتير بهمني تعطوني رأيكم فيا لأعرف إذا عجبتكم😊

#الحروف #تعلم

18/03/2022

.
🦋يُعتبر جولي فونكس من أقوى و أشهر المناهج لتدريس أصوات الحروف وهو يُعتمد في الكثير من المدارس البريطانيّة والعالميّة.
🦋يُعلّم هذا المنهج ٤٢ صوتاً. هذه الأصوات مقسّمة إلى ٧ مجموعات بترتيب ممنهج ليستطيع الطّفل دمج الأصوات التي تعلّمها لقراءة الكلمات في أقرب وقت.
🦋يتم تعليم الطفل ٥ مهارات مهمة للقراءة والكتابة في جولي فونكس:
١.تعلُّم ٤٢ صوت (أصوات الحروف المفردة و ال digraphs أي المجموعات المكوّنة من حرفين والتي تُمثّل صوتاً واحداً.)
٢. طريقة كتابة الحروف عبر العديد من الأنشطة الحِسّيّة.
٣. دمج الأصوات لقراءة وكتابة الكلمات.
٤.تقطيع الأصوات في الكلمات .
٥. الكلمات المخادعة.
🦋يتم تعليم الطفل هذه المهارات بطريقة ممتعة وتفاعليّة باستخدام القصص، الحركات، الأغاني، والألعاب.
🦋في الجولي فونكس يتعلّم الطّفل صوت الحرف وليس إسمه،ثمّ يتعلّم طريقة كتابته،ثمّ يتعلّم دمج وتقطيع الأصوات لقراءة الكلمات، بعدها يتعلّم الكلمات المخادعة (الكلمات البصريّة) التي لا تتّبع قواعد علم الصّوتيّات...
🦋يوجد تطبيق مجّاني على الهاتف للجولي فونكس يحتوي على قصّة عن الصّوت، طريقة نطقه،الحركة المساعدة على حفظه، والأغنية المرافقة له. بالإضافة إلى أوراق عمل مجّانيّة لتطبيق ما تمّ تعلّمه.
#فونكس

07/03/2022

.
🦋بلّشنا بتجربة تعلّم شكل الحرف،صوته، وطريقة كتابته بواسطة كتاب
"My Alphabet"
اللي بعده قيد التّنفيذ، لتفاصيل أكتر شوفوا هايلايت "تعلّم الحرف L".
🦋وأثناء تفتيشي عفيديوهات تعليميّة مفيدة عن الحروف، ما لقيت أحلى من قناة مس دُعاء

🦋طريقتا كتير مُحبّبة للأطفال، بتخلّيهن يتفاعلوا معا وبتضل مستحوذة على إهتمامن فما بيشعروا بالملل أبداً.
وبيتعلّموا عن الحرف هنّي ومبسوطين ومتل ما صار مع بنتي بصيروا يطلبوا منكن يرجعوا يحضروها 😊
🦋وأنا كأم كتير استفدت بإنّو بخلّيها تحضر وتتعلّم وأنا بفوت بكفّي شغل بالأعمال المنزليّة لمّا يكون ما عندي وقت علّمها وإشتغل معها...
🦋ملاحظة: بنتي عمرها سنتين و ٩ أشهر.
🦋ملاحظة تانية: بكتابة الأحرف عاملة أغنية لكل حرف هيّي عبارة عن توجيهات لكتابة الحرف حسب أشكال ما قبل الكتابة (| _○\□...)لتساعد الطّفل يكتبه بطريقة صحيحة ويحفظ كتابته بسهولة أكتر لهيك عم نقول:
(Go straight down, left to right)
🦋ملاحظة تالتة: بس يتعلّم طفلكم كتابة أيّ حرف دايماً علموه يبلّش بكتابته بمكان بدأه الصحيح (مثلاً حرف ال "L" من فوق لتحت ومش من تحت لفوق)، لأن أي حرف بيبدأه بمكان غلط بصير عادة عنده والعادات الخطأ صعب التّخلّص منها بسهولة وهل شي بأثّر كمان عكتابة باقي الأحرف وبصير في إرتباك عنده ويلخبط...
🦋رح حط رابط قناتها عاليوتيوب بالستوري لحتّى تستفيدوا وحَفظه بهايلايت مع كل شي بلاقي مفيد عاليوتيوب.
شو رأيكن لهلّأ بتعلم الحروف؟

15/02/2022

03/02/2022

🎀أغنية الأحرف الأبجديّة المُقترحة مع لوحة الأحرف الأبجدية الخاصة بنا:
هي من قناة
Super Simple Songs
▪️أحببت كيف أن الأحرف المغناطيسية ترقص و تُرتّب نفسها على الّلوح وهذا ما أعطى سحر وحياة للفيديو.
هذه الحركة ستشد إهتمام الأطفال وتذهلهم كما أذهلتني.▪️تتألف الأغنية من ٣ مقاطع:
📍المقطع الأول يُعرّف كل الأحرف الأبجدية بشكل بطيء وواضح.
📍المقطع الثاني يسمح للأطفال بالغناء مع الأغنية بإيقاع بطيء.
📍أما المقطع الثالث فيعطي فرصة للأطفال بالغناء لوحدهم على وقع الموسيقى.
▪️إنّ إيقاع الأغنية البطيء يسمح للأطفال غناء كل حرف و الإشارة عليه بالإصبع على لوحة الأحرف الأبجدية أثناء الإستماع لها مما يساهم بحفظ شكل كل حرف.
▪️ لوحة الأحرف الخاصّة بنا تسهّل على الأطفال الإشارة للحروف عبر وضع إصبعهم على النقطة السّوداء الموجودة تحت كل حرف.

24/01/2022

This story introduces children to the alphabet letters. It explains the "six objectives" of our "My Alphabet" bundle in a simple and creative way.
📢Original ideas:
You mustn't copy or use these ideas without our permission.
Thank you for respecting our copyrights.
هذه القصَّة تُعرّف الطفل على الأحرف الأبجديّة وتشرح بطريقة مُبسّطة ومُبتكرة "الأهداف السّتة" الموجودة في مجموعة "My Alphabet".

📢أفكار أصليّة:
يُمنع نسخ أو استخدام الأفكار الواردة في القصّة دون استئذان.
شُكراً لاحترامك حقوقنا الفكريّة.
#قصة #الأحرف #تعليم