NaturePreneur

21/08/2026

ການເດີນທາງຂອງ Local Conference of Youth (LCOY) 2026 ທີ່ໄດ້ຈັດຂື້ນຢູ່ UN house ຜ່ານການສະໜັບສະໜຸນຈາກ UNDP Lao PDR 🇺🇳

18/08/2026

ເປັນຄັ້ງທຳອິດທີ່ສຽງຂອງຊາວໜຸ່ມຈາກກອງປະຊຸມຊາວໜຸ່ມທ້ອງຖິ່ນ (LCOY) ລາວ ໄດ້ກ້າວຂຶ້ນສູ່ເວທີໂລກ! 🇱🇦✨

ພວກເຮົາຮູ້ສຶກຕື່ນເຕັ້ນເປັນຢ່າງຍິ່ງທີ່ໄດ້ເປັນເຈົ້າພາບຈັດງານ LCOY ຄັ້ງທຳອິດຂຶ້ນຢູ່ ສປປ ລາວ ເພື່ອນຳເອົາເດັກ ເເລະຊາວໜຸ່ມທີ່ມີຫົວຄິດສ້າງສັນມາເຕົ້າໂຮມກັນ ເພື່ອຍົກໃຫ້ການອະນຸລັກທຳມະຊາດ ແລະ ການເຕີບໂຕສີຂຽວເປັນວາລະຫຼັກ ໂດຍໄດ້ຮັບການສະໜັບສະໜູນຫຼັກຈາກ UNDP Lao PDR 🇺🇳

ຈຸດໝາຍສຳຄັນທາງປະຫວັດສາດນີ້ ຈະເປັນໄປບໍ່ໄດ້ ຖ້າບໍ່ມີຄວາມທຸ່ມເທຂອງທີມງານ, ອາສາສະໝັກ, ພາກສ່ວນທີ່ກ່ຽວຂ້ອງ, ວິທະຍາກອນ ແລະ ຜູ້ເຂົ້າຮ່ວມຂອງພວກເຮົາ. ຂໍຂອບໃຈຢ່າງສູງຕໍ່ຜູ້ສະໜັບສະໜູນ ແລະ ອົງການຄູ່ຮ່ວມງານຂອງພວກເຮົາ—ລວມທັງທີມງານສະຫະປະຊາຊາດ, ຄູ່ຮ່ວມງານທາງການທູດ, ອົງການອະນຸລັກ ແລະ ຄູອາຈານທາງວິຊາການ—ສຳລັບການສະໜັບສະໜູນ, ການໃຫ້ຄຳປຶກສາ ແລະ ການຊ່ວຍເຫຼືອອັນລ້ຳຄ່າຂອງແຕ່ລະທ່ານ! 💛

ຂໍ້ສະຫຼຸບ, ຄວາມຄິດເຫັນ ແລະ ວິທີແກ້ໄຂ ທີ່ໄດ້ຈາກການມີສ່ວນຮ່ວມຂອງໄວໜຸ່ມໃນກອງປະຊຸມຄັ້ງນີ້ຈະໄດ້ຖືກຮຽບຮຽງເປັນຖະແຫຼງການຊາວໜຸ່ມແຫ່ງຊາດລາວ ເຊິ່ງຈະຖືກລວມເຂົ້າໂດຍກົງໃນຖະແຫຼງການຊາວໜຸ່ມໂລກ ທີ່ຈະນຳສະເໜີຕໍ່ກອງເລຂາ UNFCCC ແລະ ປະທານ COP ເຊິ່ງພວກເຮົາຕື່ນເຕັ້ນຫຼາຍທີ່ໄດ້ມີໂອກາດສ້າງປະຫວັດສາດນີ້ໃຫ້ກັບ ສປປ ລາວ 🙏🏻

10/08/2026

🎉 ເຖິງເວລາທີ່ຫຼາຍຄົນຄອຍຖ້າມາຮອດແລ້ວ! ✨

ພວກເຮົາມີຄວາມຍິນດີທີ່ຈະແນະນຳ ວິທະຍາກອນຜູ້ຊ່ຽວຊານ 👨‍🏫👩‍🏫 ແລະ ຊາວໜຸ່ມຜູ້ສ້າງແຮງບັນດານໃຈ 🌟 ທີ່ຈະມາຮ່ວມແບ່ງປັນປະສົບການ 💡 ແລະ ເປີດມຸມມອງດ້ານການຮັບມືກັບການປ່ຽນແປງສະພາບພູມອາກາດ 🌍💬 ຜ່ານການເລົ່າເລື່ອງ🔥

ພວກເຮົາມີຄວາມຕື່ນເຕັ້ນຫຼາຍທີ່ຈະໄດ້ຕ້ອນຮັບຊາວໜຸ່ມທີ່ໄດ້ຮັບການຄັດເລືອກເຂົ້າຮ່ວມງານໃນຄັ້ງນີ້! 🥳🙌

📍 ງານ LCOY 2026 ຈະຈັດຂຶ້ນທີ່ UN House 🏛️

📅 ໃນວັນທີ 14 ຂອງເດືອນນີ້ 🗓️

07/08/2026

07/08/2026

ຂະບວນການນີ້ໄດ້ຂະຫຍາຍຕົວໄປຫຼາຍກວ່າ 100 ປະເທດໃນທົ່ວໂລກ ດ້ວຍຄວາມເຊື່ອທີ່ວ່າ ເດັກ ແລະ ໄວໜຸ່ມຄວນໄດ້ຮັບໂອກາດໃນການມີສ່ວນຮ່ວມໃນການຮັບມືກັບການປ່ຽນແປງດິນຟ້າອາກາດ💛

ພ້ອມດຽວກັນນີ້, ມັນຍັງໄດ້ຊ່ວຍດຶງສັກກະຍະພາບຂອງເດັກ ແລະ ໄວໜຸ່ມອອກມາ ເພື່ອກ້າວຂຶ້ນມາເປັນຜູ້ນຳໃນການນຳພາການປ່ຽນແປງລະດັບໂລກ.

06/08/2026

ຂໍຂອບໃຈທາງ Lao Youth Radio ທີ່ໃຫ້ໂອກາດຜູ້ກໍ່ຕັ້ງ NaturePreneur ໃນການເປັນສ່ວນໜື່ງຂອງການເເບ່ງປັນເລື່ອງລາວຂອງພວກເຮົາ 🙏🏻💛

👏 ຈາກເດັກນ້ອຍຕ່າງແຂວງຄົນໜຶ່ງ ທີ່ເກີດຢູ່ສາລະວັນ ຜູ້ເຄີຍຕັ້ງຄຳຖາມກັບໂຕເອງວ່າ 'ເມື່ອເຕີບໃຫຍ່ ເຮົາຈະມີສ່ວນຮ່ວມໃນການປົກປັກຮັກສາປະເທດຊາດໄດ້ແນວໃດ?' ...ມື້ນີ້ ລາວໄດ້ກາຍເປັນໄວໜຸ່ມລາວຄົນທຳອິດ ທີ່ນຳເອົາໂຄງການລະດັບໂລກຈາກອົງການສະຫະປະຊາຊາດ UN ມາຈັດຢູ່ປະເທດລາວໄດ້ສຳເລັດ!

ຫຼາຍຄົນອາດຈະເບິ່ງວ່າການປ່ຽນແປງລະດັບຊາດ ຫຼື ການບໍລິຫານຊັບພະຍາກອນທຳມະຊາດ ເປັນເລື່ອງຂອງຜູ້ໃຫຍ່ ຫຼື ຜູ້ມີອຳນາດ... ແຕ່ສຳລັບໄວໜຸ່ມຄົນນີ້, ເຂົາເຈົ້າເລີ່ມຕົ້ນຈາກ "ຄຳຖາມໃນໃຈ" ຂອງເດັກນ້ອຍຕ່າງແຂວງຄົນໜຶ່ງ ທີ່ຢາກເຫັນຜືນປ່າ ແລະ ທຳມະຊາດຂອງບ້ານຂຽວງາມ ແລະ ຢູ່ລອດຢ່າງຍືນຍົງ.

ມາຣິນາ ຫຼື ລັດດາວັນ ແກ້ວດາລາ ໄດ້ໃຫ້ສໍາພາດ ຕໍ່ທີມງານ Lao Youth Radio ວ່າ: "ນ້ອງເປັນເດັກຕ່າງແຂວງຄົນໜຶ່ງທີ່ເກີດຢູ່ເເຂວງສາລະວັນ ໂດຍພໍ່ແມ່ໄດ້ຕັດສິນໃຈພາມາຢູ່ນະຄອນຫຼວງວຽງຈັນ ຈົນເກີດຄວາມຫຼົງໄຫຼໃນວຽກງານການບໍລິຫານຄຸ້ມຄອງຊັບພະຍາກອນທຳມະຊາດ ແລະ ການອະນຸລັກ, ເຊິ່ງກາຍເປັນແຮງບັນດານໃຈ ແລະ ເປັນຄຳຖາມໃນໃຈມາຕະຫຼອດວ່າ ເມື່ອເຕີບໃຫຍ່ຂຶ້ນມາ ນ້ອງຈະມີສ່ວນຮ່ວມໃນການປົກປັກຮັກສາ, ຟື້ນຟູ ແລະ ຊ່ວຍເຫຼືອລັດຖະບານໃນການບໍລິຫານປະເທດໄດ້ແນວໃດ."

ຄວາມມຸ່ງໝັ້ນນັ້ນບໍ່ໄດ້ຢຸດຢູ່ພຽງແຕ່ຄວາມຝັນ. ຫຼັງຈາກສຳເລັດການສຶກສາຊັ້ນສູງ ສາຍການບໍລິຫານ ແລະ ຄຸ້ມຄອງລະບົບນິເວດ ຈາກ TAFE NSW ປະເທດອົດສະຕຣາລີ ດ້ວຍທຶນການສຶກສາ Australia Awards, ນ້ອງໄດ້ນຳເອົາຄວາມຮູ້ ແລະ ສັກກະຍະພາບກັບມາຂັບເຄື່ອນວຽກງານຢ່າງເປັນຮູບປະທຳ.

ຄວາມຝັນທີ່ໃຫຍ່ກວ່າໂຕເອງ: ການເປັນໄວໜຸ່ມລາວຄົນທຳອິດ ຜູ້ສ້າງປະວັດສາດ LCOY

"ນ້ອງມີຄວາມຝັນຢາກເປັນນັກເຈລະຈາທີ່ເກັ່ງ ເພື່ອສາມາດດຶງໂອກາດ ແລະ ທຶນຫຼາຍລ້ານໂດລາ ມາໃຫ້ໄວໜຸ່ມ ເເລະ ຊຸມຊົນທີ່ຕິດພັນກັບທຳມະຊາດ, ພ້ອມທັງເປີດໂອກາດໃຫ້ເຂົາເຈົ້າມີສ່ວນຮ່ວມ ໃນການບໍລິຫານຊັບພະຍາກອນທຳມະຊາດ."
ຈາກເປົ້າໝາຍທີ່ຊັດເຈນ, ເຂົາເຈົ້າໄດ້ກາຍເປັນ ໄວໜຸ່ມລາວຄົນທຳອິດ ທີ່ນຳເອົາງານລະດັບໂລກ LCOY (Local Conference of Youth) ມາຈັດຢູ່ປະເທດລາວໄດ້ສຳເລັດ. ງານນີ້ໄດ້ຮັບການຮັບຮອງ ຢ່າງເປັນທາງການຈາກ YOUNGO ເຊິ່ງເປັນເຄືອຂ່າຍເດັກນ້ອຍ ແລະ ໄວໜຸ່ມຂອງ ອົງການສະຫະປະຊາຊາດ ວ່າດ້ວຍການປ່ຽນແປງສະພາບພູມອາກາດ (UNFCCC).

ເວທີ LCOY ນີ້ ບໍ່ພຽງແຕ່ເປັນງານປະຊຸມ, ແຕ່ແມ່ນ "ພື້ນທີ່" ທີ່ເປີດໃຫ້ໄວໜຸ່ມລາວໄດ້ຮ່ວມມືກັບອົງການ UN ໃນລະດັບໂລກ ເພື່ອແລກປ່ຽນຄຳຄິດເຫັນ ແລະ ຊອກຫາແນວທາງໃຫ້ປະເທດລາວສາມາດບັນລຸເປົ້າໝາຍ NDCs ໂດຍສະເພາະແມ່ນ ການຟື້ນຟູປ່າໄມ້ໃຫ້ຮອບຄຸມ 70%. ທີ່ສໍາຄັນ, ຂໍ້ມູນ ແລະ ສຽງຂອງໄວໜຸ່ມລາວຈາກງານນີ້ ຈະຖືກຮ່າງເປັນບົດຄົ້ນຄວ້າ ເພື່ອສົ່ງຕໍ່ໄປຍັງກອງປະຊຸມ COP31 ຢູ່ປະເທດ ຕວກກີ (Turkey) ເຊິ່ງເປັນງານກອງປະຊຸມດິນຟ້າອາກາດທີ່ໃຫຍ່ທີ່ສຸດໃນໂລກ.

ເມື່ອຖາມເຖິງເຫດຜົນທີ່ນ້ອງ ເລືອກສະໝັກເຂົ້າເປັນສະມາຊິກ YAB (Youth Advisory Board), ນ້ອງໄດ້ໃຫ້ມຸມມອງທີ່ສະທ້ອນເຖິງຄວາມອ່ອນນ້ອມ ແລະ ວິໄສທັດທີ່ກວ້າງໄກ:
"ການບໍລິຫານລະບົບນິເວດ ແລະ ທຳມະຊາດຂອງປະເທດ ຕ້ອງອາໄສການຮ່ວມມືຈາກຫຼາຍພາກສ່ວນ. ໃນຖານະໄວໜຸ່ມຄົນໜຶ່ງ, ນ້ອງເຊື່ອວ່າທຸກໆ ບັນຫາຕ້ອງເລີ່ມຕົ້ນຈາກການຟັງຄຳຄິດເຫັນຂອງທຸກຝ່າຍ ເພື່ອຊອກຫາວິທີແກ້ໄຂຮ່ວມກັນ. ນີ້ຈຶ່ງເປັນໂອກາດສຳຄັນທີ່ນ້ອງຢາກຮັບຟັງ ແລະ ເຮັດໜ້າທີ່ເປັນ 'ຂົວຕໍ່' ໃນການນຳເອົາປະສົບການຂອງໄວໜຸ່ມເພື່ອໄປຊ່ວຍບັນລຸເປົ້າໝາຍລະດັບຊາດ."

ຄວາມພະຍາຍາມນີ້ເຮັດໃຫ້ອົງການສະຫະປະຊາຊາດ (UN) ແລະ ທະນາຄານໂລກ (World Bank) ປະຈໍາ ສປປ ລາວ ເຫັນຄຸນຄ່າ ແລະ ຄັດເລືອກໃຫ້ນ້ອງ ເຂົ້າມາເຮັດໜ້າທີ່ນີ້ ເພື່ອຮ່ວມກັນຊຸກຍູ້ໃຫ້ປະເທດລາວ ບັນລຸເປົ້າໝາຍການພັດທະນາທີ່ຍືນຍົງ (SDGs).

ໃນອີກ 2 ປີຂ້າງໜ້າ, ມາຣິນາ ກ່າວວ່າ ຕົນເອງ ມີຄວາມຫວັງ ຢາກເຫັນການຂັບເຄື່ອນໃນ "ດ້ານການສ້າງໂອກາດ" ໂດຍເປັນໂອກາດທີ່ໄວໜຸ່ມລາວ ຈະໄດ້ຮຽນຮູ້ ແລະ ເຂົ້າມາມີສ່ວນຮ່ວມຢ່າງແທ້ຈິງ ໃນການພັດທະນາປະເທດຊາດ ໂດຍຍຶດໝັ້ນການອະນຸລັກທຳມະຊາດ ແລະ ສັດປ່າ ເຊິ່ງເປັນຫົວໃຈສຳຄັນຂອງຊາດ.

ແລະ ນີ້ຄືຂໍ້ຄວາມສັ້ນໆ ແຕ່ຊົງພະລັງ ທີ່ນ້ອງຢາກຝາກເຖິງເດັກນ້ອຍ ແລະ ໄວໜຸ່ມລາວທຸກຄົນ:

"ຈົ່ງພ້ອມທີ່ຈະຊ່ວຍເຫຼືອໝູ່ເພື່ອນ ແລະ ໃຫ້ໂອກາດໄວໜຸ່ມດ້ວຍກັນໃນການພັດທະນາຕົນເອງ ເພາະປະເທດຊາດ ຈະພັດທະນາຢ່າງຍືນຍົງໄດ້ ແມ່ນຂຶ້ນກັບຊັບພະຍາກອນມະນຸດ. ນອກຈາກນັ້ນ, ຈົ່ງເປັນ 'ນັກຮຽນຮູ້' ທີ່ພ້ອມຈະກາຍເປັນ 'ຜູ້ນຳ' ໂດຍເລີ່ມຕົ້ນຈາກການຮັບຟັງ, ຄວາມເຫັນອົກເຫັນໃຈ, ຄວາມເຄົາລົບ ແລະ ຄວາມເມດຕາ... ເຊິ່ງສິ່ງທີ່ສຳຄັນທີ່ສຸດແມ່ນ ຈົ່ງເລືອກເຮັດສິ່ງທີ່ຖືກຕ້ອງ ແລະ ມີຄວາມສັດຊື່ຕໍ່ວຽກງານຂອງຕົນເລີ່ມຕັ້ງແຕ່ຕອນຍັງເປັນໄວໜຸ່ມ."

ເລື່ອງລາວຂອງໄວໜຸ່ມຄົນນີ້ ເປັນຫຼັກຖານທີ່ຊັດເຈນວ່າ "ບໍ່ວ່າເຮົາຈະມາຈາກໃສ, ແຕ່ຖ້າເຮົາມີຄວາມຕັ້ງໃຈ ແລະ ມີຄວາມສັດຊື່ຕໍ່ຄວາມຝັນ, ໄວໜຸ່ມລາວກໍສາມາດສ້າງຜົນກະທົບ ທາງບວກ ລະດັບໂລກໄດ້ເຊັ່ນກັນ.

✍️ Lao Youth Radio

04/08/2026

ເຖິງ ຜູ້ເຂົ້າຮ່ວມງານ LCOY ທຸກຄົນ,

ຂໍສະແດງຄວາມຍິນດີນຳທຸກຄົນທີ່ໄດ້ຮັບການຄັດເລືອກ ພ້ອມທັງມີການຖືກເຊີນເຂົ້າຮ່ວມງານ LCOY ຄັ້ງທຳອິດ ທີ່ຈະຈັດຂຶ້ນຢູ່ທີ່ ຫ້ອງການອົງການສະຫະປະຊາຊາດ (UN House) ໃນວັນທີ 14 ຂອງເດືອນນີ້! 🌱

ພວກເຮົາມີຄວາມຕື່ນເຕັ້ນຫຼາຍທີ່ຈະໄດ້ຕ້ອນຮັບ ແລະ ໄດ້ຮ່ວມງານກັບທຸກໆຄົນ. ເພື່ອຮັບປະກັນວ່າຄົນຈະບໍ່ພາດຂ່າວສານ ແລະ ແຈ້ງການທີ່ ສຳຄັນ, ກະລຸນາຕິດຕາມກຸ່ມ WhatsApp ຂອງພວກເຮົາຢ່າງໃກ້ຊິດ, ເຊິ່ງພວກເຮົາຈະແບ່ງປັນວາລະກອງປະຊຸມສຸດທ້າຍ ແລະ ລາຍລະອຽດດ້ານການຈັດຕັ້ງຕ່າງໆໃນນັ້ນ.

ຂໍສະເເດງຄວາທຍິນດີອີກຄັ້ງ—ພວກເຮົາຕື່ນເຕັ້ນທີ່ຈະໄດ້ພົບກັບທຸກຄົນໃນງານ!

31/07/2026

ມີໃຜພ້ອມເເລ້ວບໍ? ດຽວເຮົາຈະປະກາດຜູ້ເຂົ້າຮ່ວມອີກບໍ່ດົນເດີ້! 🌱

24/07/2026

ມີຜູ້ໃດພາກັນສະໝັກເເລ້ວບໍ? ທ່ານສາມາດເບີ່ງຂໍ້ມູນລາຍລະອຽດເພີ່ມເຕີມໄດ້ທີ່ນີ້!

https://www.facebook.com/share/17teuonqe4/?mibextid=wwXIfr

20/07/2026

ເບື້ອງຫຼັງຂອງທຸກໆກິດຈະກຳຄືທີມງານນັກເລົ່າເລື່ອງທີ່ມີຄວາມຕັ້ງໃຈກຽມຄວາມພ້ອມສຳລັບ LCOY, ແລະນີ້ກໍຄືໂສມໜ້າຂອງທີມງານອາສາທີ່ເຮັດວຽກທີ່ຢູ່ເບື້ອງຫຼັງການຈັດກອງປະຊຸມໃນປີນີ້.

ມາຮ່ວມມືກັນສ້າງຄວາມປ່ຽນແປງນຳກັນ! 🤝