Ecen Laos ສູນສຶກສາອະນຸລັກຮັກໂລກ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

ວັນຄຸ້ມຄອງໂລກ (22 ເມສາ) 🌍 Earth Day 🌱

ຄຳຂວັນປະຈຳປີ 2026 ມາໃນຫົວຂໍ້ (Our Power, Our Planet) ເຊິ່ງມີຄວາມໝາຍວ່າ ພະລັງເເຮງຂອງເຮົາ, ພະລັງແຮງຂອງໂລກ 💚

ຫົວຂໍ້ນີ້ເນັ້ນໜັກເຖິງຄວາມສຳຄັນຂອງການລົງມືຮ່ວມກັນ ແລະ ບົດບາດຂອງແຕ່ລະບຸກຄົນໃນການປົກປັກຮັກສາສິ່ງແວດລ້ອມ, ໂດຍສຸມໃສ່ເປົ້າໝາຍສະເພາະ:

✏️ກຳລັງເເຮງຂອງທຸກຄົນ: ເໜັ້ນໜັກໃຫ້ເຫັນວ່າຄວາມກ້າວໜ້າດ້ານສິ່ງແວດລ້ອມບໍ່ໄດ້ຂຶ້ນກັບບຸກຄົນ ຫຼື ອົງກອນໃດໜຶ່ງ ແຕ່ຂຶ້ນກັບຄວາມພະຍາຍາມຮ່ວມກັນຂອງຊຸມຊົນ, ບັນດາຫົວໜ່ວຍທຸລະກິດ ແລະ ລັດຖະບານໃນທົ່ວໂລກ.

🩵ການຫັນປ່ຽນເປັນພະລັງງານສະອາດ: ຮຽກຮ້ອງໃຫ້ມີການຫັນປ່ຽນໄປສູ່ພະລັງງານທົດແທນທີ່ເລັ່ງລັດ, ໂດຍມີເປົ້າໝາຍສະເພາະໃນການເພີ່ມການຜະລິດໄຟຟ້າທີ່ສະອາດທົ່ວໂລກເປັນສາມເທົ່າພາຍໃນປີ 2030.

🤚🏻ການກະທຳໂດຍກົງ: ປ່ຽນຈາກຄຳໝັ້ນສັນຍາໄປສູ່ການກະທຳຕົວຈິງໃນທ້ອງຖິ່ນເພື່ອປົກປ້ອງລະບົບນິເວດ ແລະ ຕອບສະໜອງຕໍ່ການປ່ຽນແປງຂອງດິນຟ້າອາກາດ.

🌱ການປົກປັກຮັກສາອະນາຄົດ: ເນັ້ນໜັກວ່າການປົກປ້ອງສິ່ງແວດລ້ອມໝາຍເຖິງການປົກປັກຮັກສາສຸຂະພາບຂອງປະຊາຊົນ, ຮັບປະກັນສະຖຽນລະພາບທາງເສດຖະກິດ, ແລະ ຮັບປະກັນຄວາມຢືດຢຸ່ນຕໍ່ກັບໄພພິບັດທາງທຳມະຊາດ.

🌏This message emphasizes the importance of collective action and the role of each individual in protecting the environment, focusing on specific goals:

Collective Power: Affirming that environmental progress does not depend on any single individual or organization but on the joint efforts of communities, businesses, and governments worldwide.

Clean Energy Transition: Calling for accelerated transition to renewable energy, with the specific goal of tripling global clean electricity production by 2030.

Direct Action: Shifting from commitments to practical local actions to protect ecosystems and respond to climate change.

Protecting the Future: Emphasizing that environmental protection is about protecting public health, economic stability, and ensuring resilience to natural disasters.

https://www.earthday.org/decoding-earth-day-2026-our-power-our-planet/

#ສູນສຶກສາອະນຸລັກຮັກໂລກ #ອີເຊັນລາວ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

ເປັນຫຍັງເດັກນ້ອຍລາວຄວນທີ່ຈະເຂົ້າເຖິງເເລະຮຽນຮູ້ກ່ຽວກັບທຳມະຊາດ-ສິ່ງເເວດລ້ອມໃຫ້ຫຼາຍກວ່ານີ້? 🧐

ເມື່ອເດັກນ້ອຍໄດ້ລອງຮຽນຮູ້ດ້ວຍຕົນເອງຜ່ານການທັດສະນະສຶກສາກ່ຽວກັບທຳມະຊາດຕັ້ງແຕ່ນ້ອຍ, ພວກເຂົາຈະຮັບຮູ້ເເລະເຂົ້າໃຈກ່ຽວກັບສິ່ງເເວດລ້ອມ, ສ້າງຄວາມຜູກພັນ,ຄວາມຮັກທຳມະຊາດເເລະມີຈິດສຳນຶກໃນການປົກປັກຮັກສາຊັບພະຍາກອນ. ພ້ອມດຽວກັນນັ້ນ, ບັນດາກິດຈະກຳທັດສະນະຍັງຊ່ວຍໃຫ້ເດັກນ້ອຍພັດທະນາທັກສະຊີວິດການເອົາຕົວລອດ,ສ້າງຄວາມໝັ້ນໃຈ, ສາມາດແກ້ໄຂສະຖານະການສະເພາະໜ້າ, ສ້າງທັດສະການເຮັດວຽກເປັນກຸ່ມກ້ອນເເລະປັບຕົວເຂົ້າກັບສະພາບສັງຄົມໄດ້ໄວ.

ອີເຊັນລາວຢາກເຊີນຊວນໃຫ້ບັນດາຄອບຄົວ, ໂຮງຮຽນ ແລະ ສັງຄົມ ຫັ້ນມາໃສ່ໃຈ, ຈັດຕັ້ງກິດຈະກຳ,ສ້າງໂອກາດໃຫ້ເດັກນ້ອຍໄດ້ອອກໄປທັດສະນະສຶກສາຕົວຈິງໃຫ້ຫຼາຍຂຶ້ນ, ຜ່ານສິ່ງດັ່ງກ່າວຈະເຮັດໃຫ້ເດັກນ້ອຍເປັນເຈົ້າຕົນເອງ ພ້ອມທັງມີຄວາມຮັບຜິດຊອບຕໍ່ກັບສັງຄົມເເລະສ້າງຄວາມຢືນຍົງໃຫ້ກັບສິ່ງເເວດລ້ອມ.

Why should Lao children have more opportunities to explore and learn about nature and the environment? 🧐

When children are exposed to nature at an early age, they develop a deeper understanding of the environment, build a love for nature, and become more aware of the need to protect it. At the same time, these experiences help them develop essential life skills such as confidence, problem-solving, teamwork, and adaptability.

ECEN LAOS wants to call for families, schools, and society to create more opportunities for experiential learning, helping raise a generation that is responsible and committed to a sustainable future.

#ສູນສຶກສາອະນຸລັກຮັກໂລກ #ອີເຊັນລາວ

ລາຍງານ ສະພາບຝຸ່ນລະອອງທີ່ມີຂະໜາດນ້ອຍກວ່າ 2.5 ໄມຄຣອນ (PM2.5) ປະຈໍາວັນທີ 20 ເມສາ 2026
ຂໍ້ມູນ: ກົມສີ່ງແວດລ້ອມ.
ເຜີຍແຜ່ : ພະແນກເຕັກໂນໂລຊີຂໍ້ມູນ-ຂ່າວສານ, ຫ້ອງການກະຊວງກະສິກຳ ແລະ ສິ່ງແວດລ້ອມ.
#ລາຍການກະສິກຳແລະສິ່ງແວດລ້ອມ.
ອອກອາກາດ ທາງໂທລະພາບແຫ່ງຊາດ ຊ່ອງ1:
- ວັນພະຫັດ ເວລາ 17:30-18:00 ໂມງ;
- ວັນສຸກ ເວລາ 14:25-14:55 ໂມງ;
- ວັນອາທິດ ເວລາ 10:00-10:30 ໂມງ.
ອອກອາກາດ ທາງໂທລະພາບແຫ່ງຊາດ ຊ່ອງ3:
- ວັນອາທິດ ເວລາ 6:30-07:00 ໂມງ;
- ວັນອາທິດ ເວລາ 13:10-13:40 ໂມງ;
- ວັນອາທິດ ເວລາ 20:45-21:15 ໂມງ.
ແຫຼ່ງຂ່າວ: ເພຈຂ່າວສານກະສິກຳສິ່ງເເວດລ້ອມ

ກົມປ່າໄມ້ ເຜີຍຄວາມຮ້ອນທົ່ວປະເທດທະລຸ 16 ພັນຈຸດ, ພ້ອມເຕືອນຝຸ່ນ PM 2.5 ຂ້າມແດນສົ່ງຜົນກະທົບໜັກ.

ກົມປ່າໄມ້ ກະຊວງກະສິກຳ ແລະ ສິ່ງແວດລ້ອມ ໄດ້ອອກຖະແຫຼງຂ່າວຊີ້ແຈງກ່ຽວກັບສະພາບໄຟໄໝ້ລາມປ່າ ແລະ ຜົນການຈັດຕັ້ງປະຕິບັດຄຳສັ່ງເລກທີ 11/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງປ່າໄມ້ ແລະ ຕ້ານໄຟໄໝ້ລາມປ່າ ໃນໄລຍະ 3 ເດືອນຜ່ານມາ (ມັງກອນ-ມີນາ 2026).

ທ່ານ ຄໍາເຟືອ ສີຣິວົງ ຮອງຫົວໜ້າກົມປ່າໄມ້ ໄດ້ເປີດເຜີຍຂໍ້ມູນຈາກປະຕິບັດການຕິດຕາມດ້ວຍລະບົບດາວທຽມ (PDMS) ພົບວ່າ: ໃນໄລຍະແຕ່ວັນທີ 1 ມັງກອນ ຫາ 31 ມີນາ 2026, ກວດພົບຈຸດຄວາມຮ້ອນທັງໝົດ 16,395 ຈຸດ ໃນຂອບເຂດທົ່ວປະເທດ. ເຖິງວ່າຕົວເລກດັ່ງກ່າວຈະເບິ່ງຄືວ່າມີຈຳນວນຫຼາຍ, ແຕ່ຫາກທຽບໃສ່ສະຖິຕິໃນໄລຍະດຽວກັນຂອງປີ 2023-2025 ແມ່ນຖືວ່າມີທ່າອ່ຽງຫຼຸດລົງ. ຊຶ່ງການກະຈາຍຕົວຂອງຈຸດຄວາມຮ້ອນຕາມປະເພດປ່າ ມີດັ່ງນີ້: ປ່າປ້ອງກັນແຫ່ງຊາດ 5,360 ຈຸດ, ປ່າຜະລິດແຫ່ງຊາດ 3,432 ຈຸດ, ປ່າສະຫງວນແຫ່ງຊາດ 1,389 ຈຸດ, ອຸທິຍານແຫ່ງຊາດ 580 ຈຸດ, ນອກ 3 ປະເພດປ່າ 5,634 ຈຸດ.

ສະເພາະໃນວັນທີ 1 ເມສາ 2026 ພຽງວັນດຽວ, ພົບຈຸດຄວາມຮ້ອນສູງເຖິງ 895 ຈຸດ. ໂດຍແຂວງທີ່ມີຈຸດຄວາມຮ້ອນສູງສຸດ 3 ອັນດັບທຳອິດແມ່ນ ແຂວງຫຼວງພະບາງ 220 ຈຸດ, ອຸດົມໄຊ 103 ຈຸດ, ແຂວງສະຫວັນນະເຂດ 80 ຈຸດ, ຊຽງຂວາງ 75 ຈຸດ, ຫົວພັນ (57 ຈຸດ), ຄໍາມ່ວນ 50 ຈຸດ, ແຂວງຄໍາມ່ວນ ຈໍານວນ 50 ຈຸດ, ບໍລິຄໍາໄຊ ຈໍານວນ 43 ຈຸດ, ແຂວງວຽງຈັນ 42 ຈຸດ, ເຊກອງ 41 ຈຸດ, ໄຊຍະບູລີ 35 ຈຸດ, ຜົ້ງສາລີ 33 ຈຸດ, ອັດຕະປື 31 ຈຸດ, ໄຊສົມບູນ 30 ຈຸດ; ບໍ່ແກ້ວ 19 ຈຸດ, ສາລະວັນ 15 ຈຸດ; ຫຼວງນໍ້າທາ 13 ຈຸດ, ຈໍາປາສັກ 7 ຈຸດ, ນະຄອນຫຼວງວຽງຈັນ ຈຳນວນ 1 ຈຸດ.

ທ່ານຮອງຫົວໜ້າກົມປ່າໄມ້ ລະບຸວ່າ: ສາເຫດຕົ້ນຕໍແມ່ນເກີດຈາກກິດຈະກຳຂອງມະນຸດ ເປັນຕົ້ນແມ່ນການຖາງປ່າເຮັດໄຮ່ ແລະ ການຈູດຫຍ້າເພື່ອລ້ຽງສັດ ແລະ ການຈຸດປ່າເພື່ອຫາເຄື່ອງປ່າຂອງດົງ ໂດຍບໍ່ມີການສ້າງແລວກັນໄຟທີ່ຖືກຕ້ອງ. ເຖິງຢ່າງໃດກໍຕາມ, ບັນຫາໝອກຄວັນທີ່ປົກຄຸມໜາແໜ້ນໃນນະຄອນຫຼວງວຽງຈັນ ແລະ ພາກເໜືອໃນໄລຍະນີ້ ແມ່ນມີສາເຫດຕົ້ນຕໍມາຈາກ "ໝອກຄວັນຂ້າມແດນ" ຈາກປະເທດເພື່ອນບ້ານ ທີ່ພັດເຂົ້າມາຕາມທິດທາງລົມ.
ສະພາບໄຟໄໝ້ປ່າ ແລະ ການຈຸດຂີ້ເຫຍື້ອຊະຊາຍ ໄດ້ເຮັດໃຫ້ຄ່າຝຸ່ນ PM 2.5 ໃນວັນທີ 1 ເມສາ 2026 ເກີນມາດຕະຖານເກືອບທຸກແຂວງ. ເຈົ້າໜ້າທີ່ໄດ້ແຈ້ງເຕືອນໃຫ້ປະຊາຊົນ: ໃສ່ຜ້າອັດປາກ-ດັງ ເວລາອອກນອກອາຄານ; ຫຼີກລ່ຽງການອອກກຳລັງກາຍກາງແຈ້ງ; ເຝົ້າລະວັງອາການຜິດປົກກະຕິທາງລະບົບຫາຍໃຈ ເຊັ່ນ: ຄັນຄໍ, ໄອ, ຈາມ ຫຼື ອັກເສບໂພງດັງ.

ໃນໄລຍະຜ່ານມາ, ກົມປ່າໄມ້ໄດ້ຍົກລະດັບຄວາມເຂັ້ມງວດໃນການຄຸ້ມຄອງ ໂດຍໄດ້ອອກແຈ້ງການເລກທີ 0120/ກສ ເພື່ອເພີ່ມທະວີການສະກັດກັ້ນໄຟປ່າ ແລະ ຄວາມຄຸມມົນລະພິດທາງອາກາດ, ການຝຶກອົບຮົມເຕັກນິກຕິດຕາມ-ດັບໄຟປ່າ, ການລົງກວດກາລາດຕະເວນ ແລະ ດຳເນີນຄະດີຕໍ່ຜູ້ບຸກລຸກປ່າສະຫງວນແຫ່ງຊາດ ເຊັ່ນ: ເຂດພູພະນັງ ແລະ ພູເຂົາຄວາຍ. ໃນຕໍ່ໜ້າ, ຈະເພີ່ມທະວີການເຝົ້າລະວັງຢູ່ບ້ານເປົ້າໝາຍທີ່ມີຄວາມສ່ຽງໄຟໄໝ້ສູງ,
ປະສານງານກັບກຳລັງ ປກສ, ປກຊ ແລະ ອາສາສະຫມັກເພື່ອຈັດສັນກຳລັງ ແລະ ອຸປະກອນເຂົ້າໃນການມອດໄຟປ່າ, ສືບຕໍ່ໂຄສະນາເຜີຍແຜ່ຜົນຮ້າຍຂອງໄຟປ່າ ແລະ ວິທີການຜະລິດກະສິກຳທີ່ປອດໄພ.

ໂອກາດດັ່ງກ່າວ ທ່ານ ຄໍາເຟືອ ສີຣິວົງ ໄດ້ຮຽກຮ້ອງມາຍັງທຸກພາກສ່ວນໃນສັງຄົມ ຈົ່ງຮ່ວມແຮງຮ່ວມໃຈກັນ ເປັນເຈົ້າການໃນການປົກປັກຮັກສາຊັບພະຍາກອນປ່າໄມ້ ແລະ ຢຸດເຊົາການຈູດປ່າ-ຈູດຂີ້ເຫຍື້ອຊະຊາຍ ເພື່ອຫຼຸດຜ່ອນມົນລະພິດທາງອາກາດ ແລະ ຮັກສາສິ່ງແວດລ້ອມທີ່ດີ ໃຫ້ແກ່ລູກຫຼານໃນອະນາຄົດ.

ແຫຼ່ງຂ່າວ: ຂ່າວສານກະສິກຳສິ່ງເເວດລ້ອມ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

ຫົວຂໍ້ປີ 2026: ສິ່ງເສດເຫຼືອຈາກອາຫານ

ປີ 2026 ແມ່ນໄດ້ສຸມໃສ່ສິ່ງເສດເຫຼືອຈາກອາຫານ, ເຊິ່ງເປັນບັນຫາສິ່ງແວດລ້ອມທີ່ສຳຄັນແຕ່ສາມາດປ້ອງກັນໄດ້.🍽️

ໃນທົ່ວໂລກ, ມີອາຫານເສດເຫຼືອເກືອບ 1 ຕື້ໂຕນໃນແຕ່ລະປີ, ເຊິ່ງກວມເອົາ 10% ຂອງການປ່ອຍອາຍພິດເຮືອນແກ້ວ ແລະ 14% ຂອງການປ່ອຍອາຍພິດມີເທນ. 🥗🥘🍝🍱

ການຫຼຸດຜ່ອນສິ່ງເສດເຫຼືອຈາກອາຫານແມ່ນວິທີແກ້ໄຂດ້ານສະພາບອາກາດທີ່ມີປະສິດທິພາບດ້ານຄ່າໃຊ້ຈ່າຍ, ສອດຄ່ອງກັບຫຼັກການຫຼຸດຜ່ອນສິ່ງເສດເຫຼືອໃຫ້ເປັນສູນ, ໂດຍເນັ້ນໃສ່ການປ້ອງກັນ, ປະສິດທິພາບໃນການນຳໃຊຶຂອງຊັບພະຍາກອນ, ແລະ ການປ່ຽນແປງລະບົບ.

2026 Theme: Food Waste
The 2026 observance focuses on food waste, a major yet preventable environmental issue.

Globally, nearly 1 billion tonnes of food are wasted annually, accounting for up to 10% of greenhouse gas emissions and 14% of methane emissions. 🥗🥘🍝🍱

Reducing food waste is a cost-effective climate solution aligned with zero-waste principles, emphasizing prevention, resource efficiency, and systemic change.

30/03/2026

#ສູນສຶກສາອະນຸລັກຮັກໂລກ #ອີເຊັນລາວ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

💧ຫົວຂໍ້ຂອງວັນນ້ຳໂລກປີ 2026 ແມ່ນ "ນ້ຳ ແລະ ເພດ," ພ້ອມດ້ວຍຄຳຂວັນ "ບ່ອນທີ່ມີນ້ຳໄຫຼຜ່ານ, ຄວາມສະເໝີພາບຈະມີການເຕີບໃຫຍ່". ສະເຫຼີມສະຫຼອງໃນວັນທີ 22 ມີນາ, ຈຸດສຸມແມ່ນຢູ່ທີ່ສາຍພົວພັນທີ່ສຳຄັນລະຫວ່າງການເຂົ້າເຖິງນ້ຳ ແລະ ຄວາມສະເໝີພາບລະຫວ່າງຍິງຊາຍ, ໂດຍເນັ້ນໃຫ້ເຫັນວ່ານ້ຳທີ່ປອດໄພ ແລະ ໜ້າເຊື່ອຖືຊ່ວຍໃຫ້ແມ່ຍິງ ແລະ ເດັກນ້ອຍຍິງມີສິດແລະສາມາດຫຼຸດຜ່ອນຄວາມບໍ່ສະເໝີພາບ.

💧The World Water Day 2026 theme is "Water and Gender," with the campaign slogan "Where Water Flows, Equality Grows". Celebrated on 22 March, the focus is on the crucial relationship between water access and gender equality, highlighting how safe, reliable water empowers women and girls while reducing inequalities.

#ສູນສຶກສາອະນຸລັກຮັກໂລກ #ອີເຊັນລາວ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

🌳ທັດສະນະສຶກສາທຳມະຊາດຊ່ວຍໃຫ້ເດັກນ້ອຍມີໄຫວພິບ,ສ້າງຄວາມໝັ້ນໃຈໃຫ້ - ຄວາມໝັ້ນໃຈແນວໃດ? 🤔

ເມື່ອເດັກນ້ອຍຂ້າມຜ່ານອຸປະສັກ- ສິ່ງກີດຂວາງນ້ອຍໆຄື ປີນເນີນພູ, ຂ້າມສາຍນ້ຳລຳທານນ້ອຍ ຫຼື ຕັ້ງເຕັ້ນ, ພວກເຂົາຈະຮູ້ສຶກມີຄວາມໝັ້ນໃຈ,ພູມໃຈໃນຕົວເອງພ້ອມທັງກ້າທີ່ຈະລອງສິ່ງໃໝ່ໆ.

ການທີ່ເດັກນ້ອຍມີຄວາມຈົດຈໍ່ກັບສິ່ງໃຫ້ສິ່ງໜຶ່ງທີ່ຢູ່ໃນທຳມະຊາດ,ໄດ້ສຳພັດກັບສິ່ງເເວດລ້ອມອ້ອມຕົວຈະເຮັດໃຫ້ພວກເຮົາມີສະມາທິຫຼາຍຂຶ້ນກວ່າການນອນຫຼິ້ນມືຖືໃຫ້ມື້ພັກ, ການທີ່ພວກເຂົາໄດ້ອອກມາເຮັດກິດຈະກຳຂ້າງນອກ, ຮຽນຮູ້ກ່ຽວກັບທຳມະຊາດຈະເຮັດໃຫ້ພວກເຂົາມີສະມາທິເເລະຮູ້ຈັກຄວບຄຸມອາລົມຫຼາຍຂຶ້ນ!

🌳How does nature-based experiential education help build children’s confidence?🪵

When children overcome small challenges—such as climbing hills, crossing streams, setting up tents, or participating in outdoor activities—they begin to recognize their own abilities.🏞️

These experiences foster self-confidence, a sense of pride, and the courage to try new things in life.

#ສູນສຶກສາອະນຸລັກຮັກໂລກ #ອີເຊັນລາວ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

❓ເປັນຫຍັງເດັກນ້ອຍຄວນຮຽນກ່ຽວກັບວິທີເອົາຕົວລອດເເລະຮຽນຮູ້ທຳມະຊາດໃຫ້ຫຼາຍຂຶ້ນ?

👉🏻ບໍ່ພຽງແຕ່ຮູ້ຫຼີກຫຼ່ຽງ, ແບ່ງເເຍກບັນດາຕົ້ນໄມ້ພຶດພັນທີ່ມີພິດ, ວິທີເເກ້ໄຂສະຖານະການເມື່ອຫຼົງໃນປ່າຫຼືສະຖານທີຕ່າງໆ ແຕ່ຍັງສ້າງຈິດໃຈ, ເຮັດໃຫ້ຈິດໃຈຂອງເດັກນ້ອຍມີຄວາມສະຫງົບ,ບໍ່ວິຕົກກັງວົນເເລະພ້ອມທີ່ຈະຫາທາງແກ້ໄຂເພື່ອພົບກັບສະຖານະການດັ່ງກ່າວ.

Why should children learn survival skills and explore nature?

Learning survival skills is not only about avoiding danger, identifying poisonous plants, or handling situations when getting lost in the forest or unfamiliar places.

It also helps build mental strength. Through nature-based learning, children learn to stay calm, reduce anxiety, avoid panic, and actively seek solutions when facing difficult situations.

#ສູນສຶກສາອະນຸລັກຮັກໂລກ #ອີເຊັນລາວ

[𝐄𝐧𝐠𝐥𝐢𝐬𝐡 𝐁𝐞𝐥𝐨𝐰]

ຊົມເຊີຍ ວັນສັດປ່າເເຫ່ງຊາດ ເເລະ ສາກົນ ທີ 03 ມີນາ 2026

ວັນສັດປ່າໂລກ ເປັນໂອກາດທີ່ຈະຍົກສູງໃຫ້ເຫັນເຖິງຄວາມສຳຄັນໃຫ້ກັບບັນດາສັດປ່າ ແລະ ພືດພັນນາໆຊະນິດທີ່ມີຄວາມສວຍງາມ ແລະມີຄວາມຫຼາກຫຼາຍຮູບແບບ, ເພື່ອເພີ່ມຄວາມຮັບຮູ້,ຄຳນຶງກ່ຽວກັບຜົນປະໂຫຍດຫຼາຍຢ່າງຂອງບັນດາສັດປ່າເເລະພຶດພັນ, ເພື່ອເຕືອນພວກເຮົາທຸກຄົນຕ້ອງຮີບດ່ວນທີ່ຈະເພີ່ມທະວີການຕໍ່ຕ້ານອາຊະຍາກຳສັດປ່າ ແລະ ການຫຼຸດຜ່ອນຊະນິດພັນທີ່ເກີດຈາກມະນຸດ, ເຊິ່ງມີຜົນກະທົບຢ່າງກວ້າງຂວາງທາງດ້ານເສດຖະກິດ, ສິ່ງແວດລ້ອມ ແລະ ສັງຄົມ.

ຫົວຂໍ້ຂອງປີ 2026 ນີ້ແມ່ນ, “ພືດທີ່ເປັນຢາ ແລະ ພືດທີ່ມີກິ່ນຫອມ: ການອະນຸລັກ ສຸຂະພາບ, ມໍລະດົກ ແລະ ວິຖີຊີວິດການເປັນຢູ່”, ເນັ້ນໃຫ້ເຫັນເຖິງບົດບາດສຳຄັນຂອງພືດເຫຼົ່ານີ້ໃນການຮັກສາສຸຂະພາບຂອງມະນຸດ, ມໍລະດົກທາງວັດທະນະທຳ ແລະ ວິຖີຊີວິດການເປັນຢູ່ໃນທ້ອງຖິ່ນ, ແລະ ສະແດງໃຫ້ເຫັນເຖິງຄວາມທ້າທາຍ,ຄວາມກົດດັນທີ່ເພີ່ມຂຶ້ນທີ່ພວກບັນດາສັດປ່າເເລະພຶດພັນໄດ້ປະເຊີນຄື: ການສູນເສຍຖິ່ນທີ່ຢູ່ອາໄສ, ການຂຸດຄົ້ນ,ບຸກລຸກເກີນຂອບເຂດ, ແລະ ການປ່ຽນແປງຂອງດິນຟ້າອາກາດ.

World Wildlife Day is an opportunity to celebrate the many beautiful and varied forms of wild fauna and flora, to raise awareness of their many benefits to reminds us of the urgent need to step up the fight against wildlife crime and human-induced reduction of species, which have wide-ranging economic, environmental and social impacts.

This 2026 the theme of the international day, “Medicinal and Aromatic Plants: Conserving Health, Heritage and Livelihoods”, highlights the vital role of these plants in sustaining human health, cultural heritage, and local livelihoods, and showcases the growing pressures they face from habitat loss, overharvesting, and climate change.

ຂໍ້ມູນຈາກ:
https://www.un.org/en/observances/world-wildlife-day #:~:text=World%20Wildlife%20Day%20is%20an,have%20wide%2Dranging%20economic%2C%20environmental

#ສູນສຶກສາອະນຸລັກຮັກໂລກ #ອີເຊັນລາວ

ແຈ້ງການ‼️ ການຈັດຕັ້ງປະຕິບັດໂຄງການຄວບຄຸນເເລະຕ້ານການລະບາດພະຍາດສັດໃຫຍ່ ຢູ່ ສປປ ລາວ 🐃🐂🐖….

ແຫຼ່ງຂໍ້ມູນ: ເພຈ ຂ່າວສານກະສິກຳເເລະສິ່ງເເວດລ້ອມ