Faculty of Pharmacy UHS Laos

ຊົມເຊີຍນັກສຶກສາຄະນະເພສັຊສາດ ປະກອບສ່ວນສຽງເພງ ແພດປະຕິວັດ ໃນພິທີສະເຫລີມສະຫລອງ ວັນສາທາລະນະສຸກ (ວັນແພດລາວ) ຄົບຮອບ 61 ປີ

ວິໄສທັດ ຂອງຄະນະເພສັຊສາດແມ່ນ ມີເປົ້າໝາຍສ້າງຄວາມເຂັ້ມແຂງທາງດ້ານວຽກງານເພສັຊກັມເພື່ອພັດທະນາເພສັຊກອນທີ່ມີຄຸນນະພາບ ແລະຈັນຍາບັນທາງວິຊາຊີບ

ໃນວັນທີ 29/05/2026-10/06/2026 ທີ່ຜ່ານມານີ້ ທ່ານ ປອ. ອຈ. ສອນໄຊ ທຳມະວົງ ແລະ ທ່ານ ປທ. ອຈ. ນ. ວຽງໄຊ ໄຊຍະວົງ ອາຈານຈາກພາກວິຊາ ການຢາພື້ນເມືອງ ໄດ້ເຂົ້າຮ່ວມຝຶກອົບຮົມ ໃນຫົວຂໍ້ "ການແພດພື້ນເມືອງຈີນ ແລະວັດທະນະທຳການອະນຸລັກສຸຂະພາບໃຫ້ແກ່ບັນດາປະເທດພາກໃຕ້ຂອງໂລກ" ທີ່ Beijing Research Institute of Traditional Medicine and Medicinal Meterials, ປະເທດຈີນ.

ໂດຍໃນຄັ້ງນີ້ອາຈານຈາກພາກວິຊາການຢາພື້ນເມືອງທັງສອງທ່ານ ໄດ້ຮ່ວມຢ້ຽມຊົມໂຮງງານ YUWELL ຜະລິດອຸປະກອນການແພດ ແລະອຸປະກອນປັກເຂັມ, ຢ້ຽມຢາມສະຖານທີ່ສຳຄັນທາງປະຫວັດສາດຈີນ ແລະສວນອະນຸລັກວັດທະນະທຳຂອງປະເທດຈີນ.

ເຖິງ ອະດີດນັກສຶກສາອະນຸປະລິນຍາ (ທີ່ຮຽນຈົບລຸ້ນທີ 1 ເຖິງ ລຸ້ນທີ 8) ລົບກວນຊ່ວຍຕອບແບບສອບຖາມກ່ຽວກັບການເຮັດວຽກຫຼັງຮຽນຈົບ ໃຫ້ທາງຄະນະດ້ວຍ

https://docs.google.com/forms/d/e/1FAIpQLSdpYGKpJ1CRobGIIZuWi4RRq2L731W_pGixGC8Qiz5MJJC2Ng/viewform?usp=header

ຈຸດປະສົງການເກັບຂໍ້ມູນຄັ້ງນີ້ແມ່ນເພື່ອຢາກເກັບກຳສະຖິຕິສະຖານທີ່ເຮັດວຽກຂອງນັກສຶກສາທີ່ຮຽນຈົບໄປແລ້ວ

ຂອບໃຈໃນຄວາມຮ່ວມມືຂອງທຸກທ່ານ.

ແບບສອບຖາມກ່ຽວກັບການເຮັດວຽກຫຼັງຮຽນຈົບ ຂອງຜູ້ສໍາເລັດການສຶກສາຫຼັກສູດອະນຸປະລິນຍາເພສັຊສາດ Lorem ipsum dolor sit amet, consectetur adipiscing elit. Curabitur quis sem odio. Sed commodo vestibulum leo, sit amet tempus odio consectetur in. Mauris dolor elit, dignissim mollis feugiat maximus, faucibus et eros. Pellentesque venenatis odio nec nunc hendrerit commodo.

ໃນວັນທີ 05 ມິຖຸນາ 2026 ອາຈານ ແລະ ນັກສຶກສາຄະນະເພສັຊສາດ ໄດ້ເຂົ້າຮ່ວມພິທີສະເຫຼີມສະຫຼອງວັນອາຫານປອດໄພໂລກ ( Celebration World Food Safety Day ) ຈາກບັນຫາສູ່ການແກ້ໄຂ ເພື່ອໃຫ້ມີອາຫານປອດໄພທົ່ວທຸກແຫ່ງ ທີ່ ໂຮງແຮມ ລາວ ພຮາຊາ, ນະຄອນຫຼວງວຽງຈັນ.

ຊົມເຊີຍ ປອ. ອຈ. ນ. ຈິດດາວອນ ເຮີ, ປອ. ອຈ. ນ. ນິພົນ ມົງຄົນມາດ ແລະ ປທ. ອຈ. ຈັນສຸກ ວົງສານສຸວັນ ທີ່ໄດ້ເຂົ້າຮ່ວມນໍາສະເຫນີຜົນງານການຄົ້ນຄວ້າ ທີ່ກອງປະຊຸມນັກວິໄຈລຸ້ນໃຫມ່ ASEAN-NEXUS ຄັ້ງວັນທີ 2-6 ມີຖຸນາ 2026, ທີ່ປະເທດສິງກະໂປ.

ໃນວັນທີ 03 ມິຖຸນາ 2026 ອາຈານ ແລະ ນັກສຶກສາຄະນະເພສັຊສາດ ເຂົ້າຮ່ວມກອງປະຊຸມສຳມະນາ ໃນຫົວຂໍ້ ‘’ການໂຄສະນາ ເຜີຍແຜ່ ແລະ ປຸກລະດົມຂົນຂວາຍໃຫ້ແກ່ສາທາລະນະຊົນຮັບຮູ້ ແລະ ເຂົ້າໃຈ ຕໍ່ກັບໄພອັນຕະລາຍ ແລະ ຜົນຮ້າຍ ຈາກການບໍລິໂພກສີ່ງເສບຕິດ‘’ ທີ່ຫ້ອງປະຊຸມໃຫ່ຍ ໂຮງໝໍມິດຕະພາບ.

ອາຈານ ແລະນັກສຶກສາຄະນະເພສັຊສາດ ເຂົ້າຮ່ວມກິດຈະກຳວັນງົດຢາສູບແຫ່ງຊາດ ແລະງົດຢາສູບໂລກ ທີ່ ຫ້ອງປະຊຸມໂຮງຫມໍມະໂຫສົດ ໃນວັນທີ 30 ພຶດສະພາ 2026.
#ວັນງົດຢາສູບ31ພຶດສະພາ

ໃນລະຫວ່າງວັນທີ 17-23 ເດືອນ 5 ປີ 2026 ທີ່ຜ່ານມາ ນັກສຶກສາຄະນະເພສັຊສາດຈຳນວນ 21 ນ້ອງ ລວມມີນັກສຶກສາ ສາຂາວິທະຍາສາດເພສັຊກັມ, ສາຂາບໍລິບານເພສັຊກັມ, ແລະສາຂາການຢາພື້ນເມືອງລາວ ໄດ້ເດີນທາງເຂົ້າຮ່ວມຮຽນແລກປ່ຽນ ໃນໂຄງການ RxSU International Summer School 2026 ຢູ່ທີ່ຄະນະເພສັຊສາດ ມະຫາວິທະຍາໄລສິລະປະກອນ, ຈັງຫວັດນະຄອນປະຖົມ, ປະເທດໄທ. ໂດຍຕະຫລອດໄລຍະເວລາຂອງໂຄງການນ້ອງໆໄດ້ຮຽນຮູ້ກ່ຽວກັບບົດຮຽນດ້ານເພສັຊສາດເຊັ່ນ: Biological product, Advanced Therapy Medicinal Products, ຢາສະໝຸນໄພ, Al ເພື່ອພັດທະນາທັກສະການເຮັດບົດວິໄຈສຳລັບນັກສຶກສາເພສັຊສາດ, ໄດ້ເຮັດແລັບກ່ຽວກັບຜະລິດຕະພັນບຳລຸງຜິວ ແລະ ແລັບຢາສະໝຸນໄພ. ນອກຈາກນີ້ ນັກສຶກສາຍັງໄດ້ຮຽນຮູ້ລະບົບສາທາລະນະສຸກຂອງປະເທດໄທ ຜ່ານການລົງເບິ່ງວຽກຕົວຈິງໃນຫຼາຍສະຖານທີ່ເຊັ່ນ: ໂຮງໝໍໃນຈັງຫວັດນະຄອນປະຖົມ, ຮ້ານຂາຍຢາ, ໂຮງງານຜະລິດຢາ BIC Chemical Co., Ltd. ແລະ ໂຮງໝໍສົ່ງເສີມສຸຂະພາບຕຳບົນ.

ກິດຈະກຳເຫຼົ່ານີ້ໄດ້ເປີດໂອກາດໃຫ້ນັກສຶກສາເຫັນພາບການເຮັດວຽກຂອງເພສັຊກອນໃນສະຖານທີ່ຕົວຈິງ ແລະ ເຂົ້າໃຈບົດບາດຂອງເພສັຊກອນໃນລະບົບສຸຂະພາບຫຼາຍຂຶ້ນ.
ພ້ອມກັນນັ້ນ ນັກສຶກສາຍັງໄດ້ລົງພື້ນທີ່ຢ້ຽມຢາມຊຸມຊົນ ແລະ ຮ່ວມຮຽນຮູ້ການເບີ່ງແຍງຄົນເຈັບໃນລະດັບປະຖົມພູມ ເຊິ່ງເປັນປະສົບການທີ່ມີຄຸນຄ່າ ແລະ ສາມາດນຳໄປປັບໃຊ້ໃນການຮຽນ, ການເຮັດວຽກ ແລະ ການພັດທະນາວິຊາຊີບເພສັຊກັມໃນອະນາຄົດ.

ໂຄງການນີ້ບໍ່ພຽງແຕ່ເປັນເວທີໃນການພັດທະນາຄວາມຮູ້ດ້ານວິຊາການເທົ່ານັ້ນ ແຕ່ຍັງເປັນໂອກາດອັນດີໃນການແລກປ່ຽນຮຽນຮູ້ວັດທະນະທຳ, ມິດຕະພາບ ແລະ ປະສົບການລະຫວ່າງນັກສຶກສາຈາກຫຼາຍປະເທດ. ສິ່ງນີ້ໄດ້ຊ່ວຍເສີມສ້າງທັດສະນະຄະຕິ, ຄວາມກ້າໃນການສື່ສານ, ແລະ ເປັນການກຽມຄວາມພ້ອມໃນການກ້າວເຂົ້າສູ່ວິຊາຊີບເພສັຊກັມໃນລະດັບສາກົນ.

ຊົມເຊີຍນັກສຶກສາຄະນະເພສັຊສາດ ຊັ້ນປີທີ 4 ທີ່ເຂົ້າຮ່ວມໂຄງການ "The RxSU International Summer School 2026 program" ທີ່ ມະຫາວິທະຍາໄລສິລະປະກອນ, ປະເທດໄທ