Better Me ທີ່ປຶກສາຄອບຄົວແລະໄວໜຸ່ມ

ເປັນຕາແພງຄົນນ້ອຍເດ້
#ກິດຈະກຳກະຕຸ້ນພັດທະນາການ
#ທີ່ປຶກສາຄອບຄົວແລະໄວໜຸ່ມ

ການສອນໃຫ້ລູກຮູ້ຄຸນຄ່າໃນຕົວເອງ ຮູ້ຂອບເຂດໃນການຍອມຮັບແລະປະຕິເສດ ຄືພື້ນຖານທີ່ສຳຄັນໃນການປົກປ້ອງຕົວເອງ
#ທັກສະອາລົມແລະສັງຄົມ

📌 ລູກຮ້ອງໄຫ້ໂວຍວາຍ... ຍອມຕາມໃຈເພື່ອໃຫ້ຢຸດ,
ຫຼື ໃຈແຂງເພື່ອປັບພຶດຕິກຳ?

ເຊື່ອວ່າພໍ່ແມ່ທຸກທ່ານຄົງເຄີຍເຈິສະຖານະການ "ວັດໃຈ"
ໃນຫຼາຍສະຖານະການ, ຫຼື ກາງຮ້ານສັບພະສິນຄ້າ:
ເມື່ອລູກຢາກໄດ້ສິ່ງໃດສິ່ງໜຶ່ງ ແລ້ວບໍ່ໄດ້ດັ່ງໃຈ
ກໍຈະຮ້ອງໄຫ້ປານຈະຂາດໃຈ, ໂວຍວາຍ, ຫຼື
ສະແດງອາລົມໂມໂຫອອກມາຢ່າງຮຸນແຮງ.
ໃນເວລານັ້ນ, ວິທີທີ່ງ່າຍ ແລະ ໄວທີ່ສຸດ
ເພື່ອໃຫ້ທຸກຢ່າງສະຫງົບ ຄືການ
"ຍອມຍື່ນສິ່ງທີ່ລາວຕ້ອງການໃຫ້".

ແຕ່ຮູ້ບໍ່ວ່າ... ນັ້ນອາດເປັນການສ້າງ
"ກັບດັກພຶດຕິກຳ" ໄລຍະຍາວໂດຍທີ່ເຮົາບໍ່ຮູ້ຕົວ.

Better Me ມີຫຼັກການສຳຄັນໃນຂັ້ນຕອນທຳອິດ
ຂອງການປັບອາລົມລູກມາຝາກ:
⚠️ ພວກເຮົາຈະບໍ່ໃຫ້ສິ່ງທີ່ລູກຕ້ອງການ
ໃນເວລາທີ່ລູກກຳລັງຮ້ອງໄຫ້ໃສ່ອາລົມໂມໂຫ

💡 ເປັນຫຍັງຈຶ່ງຕ້ອງເຮັດແນວນັ້ນ?
1. ເພື່ອບໍ່ໃຫ້ສະໝອງລູກຈົດຈຳວິທີຜິດໆ:
ຖ້າລູກຮ້ອງໄຫ້ແລ້ວໄດ້ຂອງຫຼິ້ນຫຼື ໄດ້ກິນເຂົ້າໜົມ,
ສະໝອງຂອງລາວຈະຮຽນຮູ້ທັນທີວ່າ "ອາລົມໂມໂຫ
ແລະ ພະລັງສຽງຮ້ອງໄຫ້ ຄືເຄື່ອງມືຄວບຄຸມພໍ່ແມ່".
ຄັ້ງໜ້າລາວຈະເຮັດອີກ ແລະ ເຮັດແຮງກວ່າເກົ່າ.

2. ສອນໃຫ້ລູກຮູ້ວ່າ ອາລົມ ບໍ່ສາມາດປ່ຽນກົດກະຕິກາ ໄດ້:
ເຮົາຕ້ອງເຮັດໃຫ້ລູກເຫັນວ່າ ເຖິງລາວຈະຮ້ອງໄຫ້ດັງສໍ່າໃດ,
ກົດເກນທີ່ປອດໄພ ແລະ ເໝາະສົມ
ທີ່ພໍ່ແມ່ວາງໄວ້ກໍຈະຍັງຄົງຄືເກົ່າ.

🎯ວິທີຮັບມື 3 ຂັ້ນຕອນ ຕາມຫຼັກ Better Me:
- ຂັ້ນຕອນທີ 1: ໃຊ້ຄວາມສະຫງົບສະກົດອາລົມ:
ບໍ່ຮ້າຍສວນກັບ, ບໍ່ຕີ, ບໍ່ບັງຄັບໃຫ້ຢຸດຮ້ອງທັນທີ.
ໃຫ້ພໍ່ແມ່ຫາຍໃຈເຂົ້າເລິກໆ ແລະ ຮັກສາຄວາມສະຫງົບ
ຂອງຕົນເອງໄວ້. ການທີ່ເຮົາສະຫງົບຈະເປັນການ
ສົ່ງສັນຍານໃຫ້ລູກຮູ້ວ່າ "ພື້ນທີ່ນີ້ປອດໄພ".
- ຂັ້ນຕອນທີ 2: ຢູ່ຄຽງຂ້າງ ແລະ ສະທ້ອນອາລົມ:
ນັ່ງລົງໃຫ້ຢູ່ໃນລະດັບສາຍຕາດຽວກັນກັບລູກ,
ອາດຈະຈັບມື ຫຼື ໂອບກອດ (ຖ້າລູກຍອມ)
ແລ້ວເວົ້າດ້ວຍນ້ຳສຽງທີ່ອົບອຸ່ນແຕ່ໝັ້ນຄົງ:
"ແມ່/ພໍ່ ຮູ້ວ່າລູກກຳລັງເສຍໃຈ/ໂມໂຫ ທີ່ບໍ່ໄດ້ສິ່ງນີ້...
ຮ້ອງໄຫ້ໄດ້ເດີ້, ແມ່/ພໍ່ ຈະນັ່ງຖ້າຢູ່ບ່ອນນີ້
ຈົນກວ່າລູກຈະສະຫງົບ".
- ຂັ້ນຕອນທີ 3: ເຈລະຈາເມື່ອສະໝອງເປີດ:
ເມື່ອລູກຢຸດຮ້ອງ ແລະ ສະຫງົບລົງແລ້ວເທົ່ານັ້ນ
(ເຊິ່ງສະໝອງສ່ວນເຫດຜົນເລີ່ມກັບມາເຮັດວຽກ),
ເຮົາຈຶ່ງຄ່ອຍໆສອນ, ອະທິບາຍເຫດຜົນ, ແລະ
ຕົກລົງເງື່ອນໄຂກັນໃໝ່.

✨ ຈື່ໄວ້ສະເໝີວ່າ:
ເຮົາອະນຸຍາດໃຫ້ລູກປົດປ່ອຍອາລົມເສຍໃຈໄດ້,
ແຕ່ເຮົາຈະບໍ່ຍອມຮັບພຶດຕິກຳການໂວຍວາຍ
ເພື່ອເອົາຊະນະທີ່ລູກສະແດງອອກມາ.

ການລ້ຽງລູກບໍ່ແມ່ນການເປັນພໍ່ແມ່ທີ່ສົມບູນແບບ
ແຕ່ເປັນການສົ່ງເສີມການຈະເລີນເຕີບໂຕຂອງລູກ
ທັງກາຍແລະຈິດໃຈ 💙

ມາຮ່ວມກັນສ້າງວິໄນທາງບວກ
ເພື່ອໃຫ້ລູກຫຼານຂອງພວກເຮົາເຕີບໃຫຍ່
ເປັນເດັກທີ່ມີຄວາມສະຫຼາດທາງອາລົມ (EQ)
ໄປພ້ອມໆ ກັນ.

#ທີ່ປຶກສາຄອບຄົວແລະໄວໜຸ່ມ

💥🎯❤️ຂ່າວດີສຳລັບຜູ້ປົກຄອງທີ່ລໍຖ້າ
ກິດຈະກຳເສີມພັດທະນາການວັນອາທິດ
ຮອບທີ 9 ເປີດໃຫ້ລົງທະບຽນແລ້ວ
ກິດຈະກຳເລີ່ມຕົ້ນເດືອນ 7 ນີ້

ສອບຖາມເພີ່ມເຕີມໄດ້ 020 99 733 099

#ກິດຈະກຳກະຕຸ້ນພັດທະນາການ
#ທີ່ປຶກສາຄອບຄົວແລະໄວໜຸ່ມ

🌈Better Me ພູມໃຈສະເໜີ:
ຄອສພິເສດເພື່ອການເຕີບໂຕທາງອາລົມຂອງລູກຮັກ!

ພໍ່ແມ່ຜູ້ປົກຄອງກຳລັງປະເຊີນກັບຄວາມທ້າທາຍ
ເຫຼົ່ານີ້ກັບລູກຫຼານອາຍຸ 8-10 ປີ ຢູ່ຫຼືບໍ່?

😠ເວລາບໍ່ໄດ້ດັ່ງໃຈ ກໍສະແດງອາລົມຮຸນແຮງ,
ຮ້າຍງ່າຍ ຫຼື ບາງເທື່ອກໍເກັບກົດ ບໍ່ຍອມເວົ້າ?
📱 ລູກເລີ່ມຕິດໜ້າຈໍ, ໃຈຮ້ອນ ແລະ
ຂາດສະມາທິກັບສິ່ງອ້ອມຂ້າງ?
🤝 ຢາກໃຫ້ລູກເຂົ້າກັບໝູ່ເພື່ອນໄດ້ດີ,
ຮູ້ຈັກແບ່ງປັນ ແລະ ມີຄວາມເຫັນອົກເຫັນໃຈຜູ້ອື່ນ?

ໄວອາຍຸ 8-10 ປີ ຄືຊ່ວງເວລາໃນການ
ວາງຮາກຖານພຶດຕິກໍາ ແລະ ຈິດໃຈ!
ຢ່າປ່ອຍໃຫ້ອາລົມທາງລົບກາຍເປັນອຸປະສັກ
ຕໍ່ການເຕີບໂຕຂອງເຂົາເຈົ້າ.

ຂໍເຊີນຊວນພໍ່ແມ່ພາລູກໆມາຮ່ວມຊຸດອົບຮົມ
"ທັກສະສັງຄົມ ແລະ ອາລົມ"
ຕະຫຼອດ 4 ອາທິດ ທີ່ຈະປ່ຽນຄວາມສັບສົນ
ໃຫ້ເປັນຄວາມສະຫຼາດທາງອາລົມ! 🚀

🌟 ພາລະກິດແຫ່ງຮອຍຍິ້ມ 4 ອາທິດ
ທຸກໆເຊົ້າວັນເສົາທີ 4,11,18,25/7/2026
(ເວລາ 09:00 - 12:00ໂມງ) ມີດັ່ງນີ້:
1. ຮູ້ຈັກຕົນເອງ ແລະ ເຂົ້າໃຈອາລົມ:
ເພື່ອໃຫ້ເດັກຮູ້ເທົ່າທັນ ແລະ ບອກຄວາມຮູ້ສຶກ
ຂອງຕົນເອງໄດ້ຢ່າງຖືກຕ້ອງ.
2. ຈັດການອາລົມ ແລະ ສ້າງສະມາທິ:
ເພື່ອຄວບຄຸມຕົນເອງ ແລະ ສະຫງົບສະຕິອາລົມ
ເມື່ອປະເຊີນກັບສິ່ງທີ່ບໍ່ໄດ້ດັ່ງໃຈ.
3. ຮຽນຮູ້ການເຫັນອົກເຫັນໃຈກັນ
ເພື່ອໃຫ້ເດັກເຂົ້າໃຈຄວາມຮູ້ສຶກຂອງຄົນອ້ອມຂ້າງ
ແລະ ສ້າງມິດຕະພາບທີ່ດີ.
4. ການແກ້ໄຂບັນຫາ ແລະ ເຮັດວຽກຮ່ວມກັນ
ຝຶກການສື່ສານບອກຄວາມຕ້ອງການຢ່າງສ້າງສັນ
ເພື່ອການຢູ່ຮ່ວມກັນຢ່າງສັນຕິ

💥ເປັນຫຍັງຄອສນີ້ຈຶ່ງຄຸ້ມຄ່າທີ່ສຸດສຳລັບລູກຂອງທ່ານ?
- ຮຽນຮູ້ຜ່ານການລົງມືເຮັດ, ເກມ, ສິລະປະ, ແລະ ນິທານ
(ບໍ່ມີການນັ່ງຟັງບັນຍາຍໜ້າເບື່ອ).
- ເປັນພື້ນທີ່ປອດໄພ: ດູແລໂດຍທີມງານຊ່ຽວຊານທີ່ເຂົ້າໃຈ
ຈິດຕະວິທະຍາເດັກ, ເນັ້ນການຊົມເຊີຍທີ່ຄວາມພະຍາຍາມ
ແລະ ສ້າງພື້ນທີ່ໃຫ້ເດັກເປັນຕົວຂອງຕົວເອງ ໂດຍບໍ່ມີການຕັດສິນ.
- ມີລະບົບອັບເດດຜູ້ປົກຄອງ: ພໍ່ແມ່ຈະໄດ້ຮັບຂໍ້ຄວາມ
ສະຫຼຸບການຮຽນຮູ້ຂອງລູກໃນທຸກໆອາທິດ
ພ້ອມເຕັກນິກການນຳໄປຕໍ່ຍອດຮ່ວມກັນຢູ່ເຮືອນ.

ເພາະທັກສະອາລົມແລະສັງຄົມຄືຂອງຂວັນທີ່ດີທີ່ສຸດ
ທີ່ພໍ່ແມ່ສາມາດມອບໃຫ້ລູກໄດ້ຕະຫຼອດຊີວິດ

ຕິດຕໍ່ສອບຖາມເພີ່ມເຕີມ ແລະ ລົງທະບຽນໄດ້ທີ່
020 99 733 099

#ທັກສະອາລົມແລະສັງຄົມ

#ທັກສະອາລົມແລະສັງຄົມ

Better Me ກໍາລັງຂະຫຍາຍທີມງານ
ແລະ ຊອກຫາບຸກຄະລາກອນທີ່ມີຄວາມມຸ່ງໝັ້ນ,
ຮັກເດັກ ແລະ ຢາກເຕີບໂຕໄປກັບພວກເຮົາ
ໃນຕໍາແໜ່ງ: ຄູຜູ້ຊ່ວຍຝຶກກະຕຸ້ນພັດທະນາການເດັກ

​ຖ້າທ່ານເປັນຄົນໜຶ່ງທີ່ຢາກຮຽນຮູ້
ເຕັກນິກການພັດທະນາສັກກະຍະພາບເດັກ
ຢ່າງຖືກວິທີ ແລະ ພ້ອມທີ່ຈະສ້າງສັງຄົມ
ຄອບຄົວທີ່ອົບອຸ່ນໄປນໍາກັນ...
ໂອກາດດີໆມາຮອດແລ້ວ!

ສອບຖາມລາຍລະອຽດໄດ້ທີ່ 020 99 733 099


#ທີ່ປຶກສາຄອບຄົວແລະໄວໜຸ່ມ

ໂຄ້ງສຸດທ້າຍກ່ອນຈະໝົດເວລາສຳລັບລາຄາໂປຣໂມຊັ້ນ ຄອສອົບຮົມທັກສະສັງຄົມ-ອາລົມ ສຳລັບເດັກ 8-10ປີ ແລະ ໄວລຸ້ນ 11-15ປີ ຍັງວ່າງອີກ 3 ບ່ອນ

👩‍❤️‍💋‍👩ຄວາມຮູ້ດີໆ ສຳລັບຜູ້ປົກຄອງ
ເພື່ອໃຫ້ເດັກສາມາດຂຽນໜັງສືໄດ້ດີ,
ຮ່າງກາຍຕ້ອງມີຄວາມພ້ອມ 5 ດ້ານຄື:
1. ຄວາມແຂງແຮງ ແລະ ການຄວບຄຸມ:
ການພັດທະນາກ້າມເນື້ອມື ແລະ ຄວາມທົນທານ
ຂອງກ້າມເນື້ອ ເຊັ່ນ ການປັ້ນດິນນ້ຳມັນ
ຫຼິ້ນດິນຊາຍ ໃຊ້ມີດຕັດ
2. ການເຮັດວຽກປະສານງານ:
ການໃຊ້ສອງມືເຮັດວຽກຮ່ວມກັນຢ່າງລື່ນໄຫຼ
ແລະ ມີປະສິດທິພາບ ເຊັ່ນ: ການຮ້ອຍລູກປັດ.
3. ການເຮັດວຽກຮ່ວມກັນຂອງສາຍຕາ ແລະ
ກ້າມເນື້ອ: ການຄວບຄຸມໃຫ້ມືເຄື່ອນໄຫວ
ໄປຕາມສິ່ງທີ່ຕາແນມເຫັນ ເຊັ່ນ:
ການຕໍ່ບລ໋ອກ ເລໂກ້ ຈິກຊໍ
4. ຄວາມໝັ້ນຄົງຂອງທ່າທາງ ແລະ
ກ້າມເນື້ອແກນກາງຮ່າງກາຍ: ຫຼັງ ແລະ
ແກນກາງລຳໂຕທີ່ແຂງແຮງ ຈະຊ່ວຍ
ຊັບພອດທ່າທາງການນັ່ງ, ຄວາມໝັ້ນຄົງ
ຂອງບ່າໄຫຼ່ ແລະ ການຄວບຄຸມແຂນ.
5. ສະມາທິ ແລະ ການຄວບຄຸມອາລົມ:
ການມີສະມາທິຈົດຈໍ່, ການຄວບຄຸມອາລົມ,
ແລະ ຄວາມພະຍາຍາມ ເຊິ່ງຄວບຄຸມໂດຍ
ສະໝອງສ່ວນໜ້າ ເພື່ອສະໜັບສະໜູນການຮຽນຮູ້

ສະຫຼຸບ: ກ່ອນທີ່ເດັກຈະຂຽນໜັງສືໄດ້ດີ,
ຮ່າງກາຍທຸກສ່ວນ ຕັ້ງແຕ່ກ້າມເນື້ອແກນກາງລຳໂຕ,
ບ່າໄຫຼ່, ຈົນເຖິງປາຍນິ້ວມື ແລະ ລະບົບປະສາດ
ຕ້ອງໄດ້ຮັບການພັດທະນາ ແລະ ເຮັດວຽກຮ່ວມກັນ
ຢ່າງເປັນລະບົບ ໂດຍມີການຫຼິ້ນເປັນເຄື່ອງມືຫຼັກ
ໃນການສ້າງພື້ນຖານເຫຼົ່ານັ້ນ.

#ກິດຈະກຳກະຕຸ້ນພັດທະນາການ
#ທີ່ປຶກສາຄອບຄົວແລະໄວໜຸ່ມ