ຂະແໜງສາມັນສຶກສາ ພະແນກສຶກສາທິການ ແລະ ກິລາ ນະຄອນຫລວງວຽງຈັນ

ໂຄງການສະກັດກັ້ນ, ຕ້ານຢາສູບໄຟຟ້າ

ກອງປະຊຸມຖອດຖອນບົດຮຽນປະຈຳເດືອນ 10-11 ປີ 2025, ພ້ອມປະກາດການແຕ່ງຕັ້ງ ຫົວໜ້າຂະແໜງ, ຮອງຂະແໜງ ແລະ ປະກາດໂຮງຮຽນຕົວແບບຄຸນນະພາບ ປະຈຳສົກຮຽນ 2024-2025

ກອງປະຊຸມຝຶກອົບຮົມຂໍຄູປະສົບການໃຫ້ແກ່ພະນັກງານຄູອາຈານ ທົ່ວນະຄອນຫຼວງວຽງ ປະຈຳສົກຮຽນ 2024-2025

ເນື່ອງໃນໂອກາດດີຂອງເດືອນຕຸລາ ທີ່ເປັນເດືອນຂອງວັນຄູທາງຄະນະພະແນກສຶກສາທິການ ແລະ ກິລາ ພ້ອມດ້ວຍການຈັດຕັ້ງໄດ້ໄປອວຍພອນຢ້ຽມຍາມຖາມຂ່າວການນຳພະນັກງານບຳນານ ເຊີງບັນຍາກາດເຕັມໄປດ້ວຍຄວາມອົບອຸ່ນປາບປືມໃຈ

👏ປ້າຄູ ຄູນວິໄລ: ຜູ້ໄດ້ຮັບນາມມະຍົດ ຄູປະຊາຊົນ ຄົນທໍາອິດ ໃນປະຫວັດສາດຂອງຊາດລາວ !

ເຖິງວ່າຈະມີເງິນເດືອນບໍ່ສູງ ເຖິງວ່າຈະມີສິ່ງທ້າທາຍນັບບໍ່ຖ້ວນ ແຕ່ເມື່ອເຫັນລູກສິດລູກຫາປະສົບຜົນສໍາເລັດ ມັນເປັນຄ່າຕອບແທນທີ່ຍິ່ງໃຫຍ່ທີ່ສຸດໃນຊີວິດ." ນີ້ແມ່ນຄໍາເວົ້າຂອງຜູ້ຍິງຄົນໜຶ່ງ ທີ່ໄດ້ອຸທິດຊີວິດ 47 ປີ ຢືນຢູ່ເບື້ອງຫຼັງຄວາມສໍາເລັດຂອງເດັກນ້ອຍລາວ ຫຼາຍພັນຄົນ. ມື້ນີ້ ປ້າຄູ ຄູນວິໄລ ເຄນກິຕິສັກ ໄດ້ກາຍເປັນ "ຄູປະຊາຊົນ" ຄົນທໍາອິດໃນປະຫວັດສາດຂອງຊາດລາວ - ຫຼຽນນາມມະຍົດທີ່ສູງສຸດສໍາລັບຄູ ທີ່ບໍ່ໄດ້ມອບໃຫ້ແບບງ່າຍໆ.

ໃນຫ້ອງຮຽນ ຢູ່ໂຮງຮຽນປະຖົມສົມບູນ ທົ່ງກາງ ເມືອງສີສັດຕະນາກ ນະຄອນຫຼວງວຽງຈັນ ມີສຽງຫົວ ຂອງເດັກນ້ອຍ ທີ່ກໍາລັງຮຽນວິຊາ ທີ່ປ້າຄູ ຄູນວິໄລ ກໍາລັງສອນ ດັງຂຶ້ນ. ທ່າມກາງທີ່ເດັກນ້ອຍ ກໍາລັງຕັ້ງອົກຕັ້ງໃຈຮຽນ ດ້ວຍຄວາມມ່ວນຊື່ນ ມີຮູບຊົງຂອງຜູ້ຍິງຄົນໜຶ່ງ ທີ່ຢືນສິດສອນດ້ວຍຄວາມອົດທົນ ແລະ ຄວາມຮັກ. ນີ້ແມ່ນ ປ້າຄູ ຄູນວິໄລ ເຄນກິຕິສັກ - ແມ່ຍິງບ້ານທົ່ງກາງ - ປະຊາຊົນຄົນທຳມະດາ ທີ່ບໍ່ທຳມະດາເລີຍ.

🟢 ຈາກຄວາມຝັນໃນໄວເດັກ ສູ່ການອຸທິດຕົນເຕັມຊີວິດ
ເມື່ອຍ້ອນເວລາກັບໄປ 47 ປີກ່ອນ, ເດັກນ້ອຍຍິງຄົນໜຶ່ງ ຈາກບ້ານທົ່ງກາງ ໄດ້ກ້າວເຂົ້າສູ່ວິຊາຊີບຄູ ດ້ວຍຄວາມຝັນທີ່ງ່າຍດາຍ ແຕ່ເລິກເຊິ່ງ. "ຕອນຍັງນ້ອຍ ຮູ້ສຶກວ່າການເປັນຄູ ແມ່ນມີຄວາມ ສະຫງ່າລາສີ," ປ້າຄູ ຄູນວິໄລ ອາຍຸ 64 ປີ ເລົ່າດ້ວຍຮອຍຍິ້ມທີ່ອົບອຸ່ນ. ແຕ່ສິ່ງທີ່ເຮັດໃຫ້ປ້າຄູ ຍຶດໝັ້ນໃນອາຊີບນີ້ຕະຫຼອດມາ ບໍ່ແມ່ນແຕ່ສະເພາະຄວາມສະຫງ່າລາສີຢ່າງດຽວ ແຕ່ແມ່ນຍ້ອນຄວາມມັກຮັກ ແລະ ຄວາມປະທັບໃຈ ທີ່ຄູ ໄດ້ເອົາໃຈໃສ່ເບິ່ງແຍງສິດສອນ ລູກສິດທຸກຄົນ.

🔵 ຈາກຄູສອນທຳມະດາ ປ້າຄູ ຄູນວິໄລ ໄດ້ກ້າວຂຶ້ນມາເປັນຜູ້ອໍານວຍການໂຮງຮຽນປະຖົມສົມບູນ ທົ່ງກາງມາໄດ້ 28 ປີ. ແຕ່ຜົນງານຂອງປ້າຄູ ບໍ່ໄດ້ຈໍາກັດຢູ່ພຽງແຕ່ຫ້ອງຮຽນ ພຽງຢ່າງດຽວ. ປ້າຄູຍັງເຮັດວຽກໃຫ້ກະຊວງສຶກສາ ແລະ ກິລາ, ຂຽນຫຼັກສູດວິຊາພາສາລາວ, ເປັນຄູຝຶກໃຫ້ກະຊວງ, ສິດສອນທາງອອນລາຍ ແລະ ເປັນຄູຊໍານານງານ ແລະ ຄູວິຊາການ. ຄວາມອຸທິດຕົນແບບບໍ່ຮູ້ອິດຮູ້ເມື່ອຍນີ້ ເຮັດໃຫ້ປ້າຄູ ໄດ້ຮັບລາງວັນຄູດີເດັ່ນ ຈາກເຈົ້າຟ້າມະຫາຈັກກີ ແຫ່ງປະເທດໄທ ໃນປີ 2017 ອີກດ້ວຍ.

🟡 ການຕໍ່ສູ້ທ່າມກາງສິ່ງທ້າທາຍ
ການເປັນຄູໃນໂຮງຮຽນລັດ ມີສິ່ງທ້າທາຍນັບບໍ່ຖ້ວນ - ຈາກສະພາບ ອຸປະກອນທີ່ຈໍາກັດ ໄປເຖິງຄ່າຕອບແທນທີ່ບໍ່ສູງ. ແຕ່ປ້າຄູ ຄູນວິໄລ ບໍ່ເຄີຍຜ່າຍແພ້. "ເຖິງວ່າຈະສອນຢູ່ໂຮງຮຽນລັດ ມີສິ່ງທ້າທາຍຫຼາຍຢ່າງ ແຕ່ກໍ່ໄດ້ເອົາໃຈໃສ່ໃນການສິດສອນ," ປ້າຄູກ່າວດ້ວຍສຽງທີ່ເຕັມໄປດ້ວຍຄວາມໝັ້ນໃຈ. ຜົນຂອງຄວາມອຸທິດຕົນນີ້ ເຮັດໃຫ້ໂຮງຮຽນທົ່ງກາງ ໄດ້ຮັບຄວາມນິຍົມຊົມຊອບ ແລະ ມີນັກຮຽນເຂົ້າຮຽນເພີ່ມຂຶ້ນ ເປັນຈໍານວນຫຼາຍໃນແຕ່ລະປີ.

"ເຮົາເຮັດວຽກເພື່ອປະເທດຊາດແທ້ໆ," ປ້າຄູ ຄູນວິໄລ ກ່າວດ້ວຍຄວາມພາກພູມໃຈ. ຄໍາເວົ້ານີ້ ບໍ່ແມ່ນພຽງຄໍາເວົ້າ ທີ່ອອກຈາກປາກ ແຕ່ມັນແມ່ນການປະຕິບັດຕົວຈິງ ທີ່ປ້າຄູ ໄດ້ພິສູດມາຕະຫຼອດເກືອບເຄິ່ງສະຕະວັດ !

🔴 ຄູປະຊາຊົນ: ຫຼຽນນາມມະຍົດທີ່ມີຄວາມໝາຍ
ໃນປີນີ້ ປ້າຄູນວິໄລ ໄດ້ກາຍເປັນຄູຄົນທໍາອິດ ໃນປະຫວັດສາດຂອງຊາດລາວ ທີ່ໄດ້ຮັບຫຼຽນນາມມະຍົດ "ຄູປະຊາຊົນ" ຮ່ວມກັບ ປ້າຄູ ບຸນມາ ໂພທິລາດ ຜູ້ອໍານວຍການໂຮງຮຽນປະຖົມສົມບູນ ຈັນສະຫວ່າງ- ລາງວັນທີ່ໄດ້ ສະແດງເຖິງຄຸນງາມຄວາມດີ ແກ່ຄູທີ່ມີຜົນງານໂດດເດັ່ນ.

ລາງວັນນີ້ບໍ່ແມ່ນການຍອມຮັບ ພຽງແຕ່ຄວາມເກັ່ງກ້າ ທາງດ້ານວິຊາການ ແຕ່ແມ່ນການຍອມຮັບ ໃນສິນທໍາປະຕິວັດ, ຄຸນນະທໍາ, ຫົວຄິດປະດິດສ້າງ, ນໍ້າໃຈຮັບໃຊ້ປະຊາຊົນ, ຄວາມເປັນແບບຢ່າງ ຄູສອນທີ່ໂດດເດັ່ນ, ຄວາມເປັນຜູ້ບໍລິຫານທີ່ເຂັ້ມແຂງ, ຄວາມພາກພຽນອົດທົນ ແລະ ນໍ້າໃຈເສຍສະຫຼະອັນສູງສົ່ງ.

"ຕົນເອງມີຄວາມຮູ້ສຶກດີໃຈ ແລະ ພາກພູມໃຈທີ່ສຸດ ໃນຊີວິດຄູ," ປ້າຄູ ຄູນວິໄລ ກ່າວເຖິງລາງວັນນີ້. ແຕ່ສໍາລັບປ້າຄູ ແລ້ວ ລາງວັນທີ່ແທ້ຈິງ ບໍ່ແມ່ນແຕ່ຫຼຽນນາມມະຍົດ, ແຕ່ແມ່ນຄວາມສໍາເລັດຂອງລູກສິດລູກຫາທຸກຄົນ.

🟢 ໃຫ້ແຮງບັນດານໃຈແກ່ຄູຍຸກໃໝ່
"ການເຫັນຜົນສໍາເລັດຂອງນັກຮຽນຄົນໜຶ່ງ ອາດຈະໃຊ້ເວລາຕັ້ງແຕ່ປະຖົມຂຶ້ນໄປ ຈົນຮຽນຈົບວິທະຍາໄລ ມະຫາວິທະຍາໄລ," ປ້າຄູ ຄູນວິໄລ ເລົ່າ. "ແຕ່ເມື່ອເຫັນລູກສິດລູກຫາ ປະສົບຜົນສໍາເລັດ ໄດ້ວຽກ ເຮັດການ ເຮັດງານ ແລະ ມີຕໍາແໜ່ງທີ່ດີ ຈະເຮັດໃຫ້ຕົນເອງຍິ້ມອອກ ແລະ ພາກພູມໃຈໃນຊີວິດຄູຕະຫຼອດມາ."

ປ້າຄູ ຄູນວິໄລ ຝາກຂໍ້ຄວາມເຖິງຄູອາຈານທຸກຄົນ ທີ່ກໍາລັງສິດສອນ ຫຼື ມີຄວາມຝັນຢາກເປັນຄູສອນວ່າ: "ອາຊີບຄູແມ່ນມີຄວາມສໍາຄັນທີ່ສຸດ ສໍາລັບການພັດທະນາປະເທດຊາດ. ປະເທດຊາດມີບຸກຄະລາກອນທີ່ເກັ່ງ ແລະ ເຂັ້ມແຂງ ລ້ວນແລ້ວແຕ່ຢູ່ເບື້ອງຫຼັງມີຄູ ທີ່ຄ່ອຍສັງສອນທັງນັ້ນ."

⭐️ ມໍລະດົກທີ່ຍືນຍົງ
ຜົນງານຂອງປ້າຄູ ຄູນວິໄລ ບໍ່ແມ່ນພຽງຕົວເລກ 47 ປີ ຂອງການສິດສອນ. ມັນແມ່ນເລື່ອງຂອງຄວາມຮັກ, ການອຸທິດຕົນ ແລະ ຄວາມເຊື່ອໝັ້ນວ່າ ການສຶກສາແມ່ນກຸນແຈ ແຫ່ງອະນາຄົດຂອງຊາດ. ທຸກໆເຊົ້າທີ່ປ້າຄູ ກ້າວເຂົ້າໄປສອນໃນຫ້ອງຮຽນ ປ້າຄູບໍ່ພຽງແຕ່ຖ່າຍທອດຄວາມຮູ້ ວິຊາຕ່າງໆໃຫ້ນັກຮຽນ ແຕ່ປ້າຄູ ກໍາລັງບົ່ມເພາະ ແລະ ປູກຝັງອະນາຄົດ ທີ່ເປັນໜໍແໜ່ງ ທີ່ສໍາຄັນຂອງຊາດ.

ມື້ນີ້ ລູກສິດຂອງປ້າຄູນວິໄລ ບາງຄົນອາດກາຍເປັນທ່ານໝໍ ວິສະວະກອນ ຄູອາຈານ ຫຼື ຜູ້ນໍາປະເທດ ໃນຫຼາຍໆດ້ານ. ແຕ່ພວກເຂົາທຸກຄົນ ຈະຈົດຈໍາຄູຄົນໜຶ່ງ ຈາກບ້ານທົ່ງກາງ ຜູ້ທີ່ໄດ້ເຊື່ອໝັ້ນໃນຕົວພວກເຂົາ ແລະ ຊີ້ທາງໃຫ້ເມື່ອພວກເຂົາ ຫຼົງຢູ່ໃນຄວາມມືດ.

ປ້າຄູ ຄູນວິໄລ - ຄູປະຊາຊົນຄົນທໍາອິດຂອງລາວ - ແມ່ນຫຼັກຖານທີ່ມີຊີວິດວ່າ ຄົນໜຶ່ງ ທີ່ສາມາດສ້າງການປ່ຽນແປງອັນຍິ່ງໃຫຍ່ໄດ້ ເມື່ອມີຄວາມຮັກ ຄວາມອຸທິດຕົນ ແລະ ຄວາມເຊື່ອໝັ້ນໃນພະລັງຂອງການສຶກສາ. ປ້າຄູ ບໍ່ພຽງແຕ່ສອນຫນັງສື ແຕ່ປ້າຄູ ໄດ້ສິດສອນ ວິທີດໍາລົງຊີວິດ ທີ່ມີຄຸນຄ່າ ແລະ ມີຄວາມໝາຍ.

ນີ້ແມ່ນເລື່ອງລາວຂອງຄູປະຊາຊົນ - ຜູ້ທີ່ສະແດງໃຫ້ເຫັນວ່າ ອາຊີບຄູບໍ່ແມ່ນພຽງແຕ່ວຽກງານ ແຕ່ມັນແມ່ນພາລະກິດແຫ່ງຊີວິດ ທີ່ຍິ່ງໃຫຍ່ທີ່ສຸດ.

ສໍາພາດໂດຍ: Lao Youth Radio

ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ຈັດງານພິທີສະເຫຼີມສະຫຼອງວັນຄູແຫ່ງຊາດທີ 7 ຕຸລາ 31 ປີ ແລະ ວັນວິທະຍາສາດແຫ່ງຊາດຄົບຮອບ 38 ປີ ທີ່ໂຮງຮຽນ ມສ ວຽງຈັນ. ຄັ້ງວັນທີ 10/10/2025.

https://youtu.be/lFoVU8l1T6o?si=OdghsHVs-EkpcSa-

ວິດີໂອສົ່ງເສີມການສຶກສາ, ບົດເລື່ອງ: ຄຸນຄ່າຂອງຄູ Enjoy the videos and music you love, upload original content, and share it all with friends, family, and the world on YouTube.

ສຳເລັດການຝຶກອົບຮົມການປ້ອນຂໍ້ມູນໃນລະບົບ laoedu ໃຫ້ແກ່ໂຮງຮຽນຊັ້ນມັດທະຍົມສືກສາໃນບັນດາ 5 ແຂວງໃນທົ່ວປະເທດ ໃນຊຸດທີ 2 ທີ່ນະຄອນຫຼວງໄດ້ເຂົ້າຮ່ວມຈຳນວນ 06 ໂຮງຮຽນ. ໃນຄັ້ງວັນທີ25-27/10/2025 ທີ່ແຂວງ ຫຼວງພະບາງ.

ກອງປະຊຸມປຶກສາຫາລືທ່ານຜອ ທົ່ວນະຄອນຫຼວງວຽງຈັນ ປະຈຳເດືອນ 9 ຄັ້ງວັນທີ 1/10/2025
ດຳເນີນໄປດ້ວຍຄວາມຟົດຝືນ ພ້ອມແລກປ່ຽນຖອດຖອນວຽກສົກຮຽນຜ່ານມາ ທີ່ຍັງຄົງຄ້າງ ແລະ ສືບຕໍ່ໜ້າວຽກງານການສຶກສາໃຫ້ໄດ້ຮັບຜົນສຳເລັດດີຂື້ນ.

ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳສົກຮຽນ 2024-2025. ຄັ້ງວັນທີ 18/09/2025 ທີ່ ໂຮງຮຽນ ມສ ນາຊາຍທອງ

❤️ ເປີດຮັບສະໝັກແລ້ວ! ທຶນ SCG Sharing the Dream 2025 ສຳລັບນັກຮຽນມັດທະຍົມຕອນປາຍ ແລະມະຫາວິທະຍາໄລ

ເອັດສຊີຈີ ເປີດຮັບສະໝັກທຶນສະໜັບສະໜູນການສຶກສາ ເພື່ອສະໜັບສະໜູນນັກຮຽນ ທີ່ກຳລັງສຶກສາໃນລະດັບ ມັດທະຍົມຕອນປາຍ ແລະ ລະດັບມະຫາວິທະຍາໄລ ຂອງລັດ ໃນ ສປປ ລາວ ໃຫ້ມີໂອກາດໃນການສຶກສາ ແລະ ພັດທະນາຕົນເອງ.

ການມອບທຶນສະໜັບສະໜູນການສຶກສາ ໃນໂຄງການ SCG Sharing the Dream ຄັ້ງນີ້ ຈັດຂຶ້ນມາເປັນປີທີ 14 ໂດຍເປີດຮັບສະໝັກນ້ອງໆ ນັກຮຽນ ທີ່ກຳລັງສຶກສາຢູ່ ໃນລະດັບມັດທະຍົມສຶກສາຕອນປາຍ (ມໍ5 - ມໍ7) ຈາກໂຮງຮຽນລັດ ໃນ ນະຄອນຫຼວງ ວຽງຈັນ ແລະ ໃນເມືອງມະຫາໄຊ ແຂວງຄຳມ່ວນ ແລະ ນັກຮຽນລະດັບປະລິນຍາຕີ ໃນມະຫາວິທະຍາໄລ ເຊິ່ງມີຄຸນສົມບັດທີ່ດີໃນດ້ານຄວາມກະຕືລືລົ້ນ ແລະ ໃສ່ໃຈຕໍ່ບັນຫາສິ່ງແວດລ້ອມ, ເປັນຄົນດີຂອງສັງຄົມ, ກະຕັນຍູ ຮູ້ບຸນຄຸນຕໍ່ພໍ່ແມ່, ຄູບາອາຈານ ແລະ ມີຄວາມມຸ່ງໝັ້ນໃນການສຶກສາ

ນ້ອງໆ ທີ່ສົນໃຈສະໝັກທຶນສະໜັບສະໜູນການສຶກສາໃນໂຄງການ SCG Sharing the Dream 2025 ສາມາດສົ່ງໃບສະໝັກໄດ້ຈົນເຖິງ ວັນທີ 30 ກັນຍາ 2025 ໂດຍຕິດຕໍ່ຄູຜູ້ຮັບຜິດຊອບໂຄງການ ປະຈຳໂຮງຮຽນຂອງນ້ອງ ຫຼື ດາວໂຫຼດໃບສະໝັກ ເພື່ອອ່ານລາຍລະອຽດໄດ້ທີ່ລິ້ງນີ້:

ທຶນລະດັບມັດທະຍົມຕອນປາຍ
- ນະຄອນຫຼວງ ວຽງຈັນ: tiny.cc/SCG2025V
- ແຂວງຄຳມ່ວນ (ສະເພາະ ເມືອງ ມະຫາໄຊ): tiny.cc/SCG2025K
ທຶນລະດັບມະຫາວິທະຍາໄລທົ່ວປະເທດ: tiny.cc/SCG2025U