UFuture

*5 ນິໄສທ່ີທຳລາຍປະສິດທິພາບໃນການເຮັດວຽກຈາກບ້ານ
-ການເຮັດວຽກທີ່ບ້ານຕ້ອງໃຊ້ລະບຽບຢ່າງສູງ ມັນເບິ່ງຄືມີສິ່ງທີ່ກວນໃຈຢູ່ຕະຫຼອດເວລາຈາກ ໂທລະພາບ, ຈາກບ່ອນນອນນຸ້ມໆ. ຫາກທ່ານມີເພື່ອນຮ່ວມຫ້ອງບາງທີ່ອາດຖືກຂັດຈັງຫວະໂດຍບໍ່ຮູ້ໂຕ ແລະ ເປັນການຫຼຸດຜ່ອນປະສິດທິພາບໃນການເຮັດວຽກ, ຕໍ່ໄປຄື 5ນິໄສທີ່ຄວນຫຼີກລ້ຽງເພື່ອຈະໄດ້ປະສິດທິພາບໃນການເຮັດວຽກຫຼາຍຂື້ນ
1. ບໍ່ປັບເວລາໃຫ້ກົງກັບຜູ້ອຶ່ນ: ຄວາມທ້າທາຍທ່ີສຸດເມື່ອຕ້ອງເຮັດວຽກຈາກບ້ານກໍຄືຄົນອ້ອມຮອບຕົວເພື່ອຫຼີກລ້ຽງບັນຫາຄວນຈັດເວລາເຮັດວຽກໃຫ້ກົງກັບຄົນອຶ່ນໆ
2. ເລືອກຈຸດເຮັດວຽກຜິດ: ການເຮັດວຽກຈາກບ້ານໃຫ້ມີປະສິດທິພາບຄືຕ້ອງແນ່ໃຈວ່າສະຖານທີ່ທີ່ເໝາະສົມເຊັ່ນພື້ນທີ່ມີຄວາມເປັນສ່ວນຕົວຫາກທາ່ານຕ້ອງມີການສົນທະນາ ຫຼື ປະຊຸມອອນລາຍ
3. ບໍ່ໄດ້ວາງແຜນປະຈຳວັນ: ການວາງແຜນປະຈຳວັນກ່ອນທີ່ມັນຈະເລີ່ມບໍ່ໄດ້ມາຍຄວາມວ່າມັນຈະບໍ່ມີສິ່ງທີ່ເໜືອຄາດໝາຍ ແຕ່ມັນຊ່ວຍໃຫ້ເຈົ້າຈົດຈໍ່ກັບເປົ້າໝາຍໄດ້ດີຂື້ນ
4.ບໍ່ຈັດລຳດັບຄວາມສຳຄັນ: ການຈັດລຳດັບຄວາມສຳຄັນຈະຊ່ວຍໃຫ້ເຈົ້າຈັດການແຜນການໄດ້ງ່າຍຂື້ນເຊັ່ນ ເຮັດວຽກທີ່ໜັກໃນຕອນທີ່ມີພະລັງງານ ແລະ ເມື່ອຮູ້ສຶກເມື່ອຍກໍຍັງມີວຽກທີ່ງ່່າຍ
5. ການບໍ່ຢຸດພັກ: ຄວາມເມື່ອຍຄືສັດຕູແຫ່ງການເຮັດວຽກ ໜ້າເສຍດາຍທີ່ບໍ່ມີໃຜໃນໂລກນີ້ມີພູມຄຸ້ມກັນຄວາມເມື່ອຍ ຫາກທ່ານບໍ່ມີການພັກຜ່ອນແນ່ນອນວ່າມັນມີຜົນຕໍການເຮັດວຽກແນ່ນອນ

ຂໍ້ມູນ https://www.businessinsider (.) com/mistakes-ruining-your-productivity-and-efficiency-working-remotely-from-home-2021-9




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ພະຍາດແຫ່ງຂໍ້ອ້າງ?
-ຄົນທີ່ບໍ່ໄປໃສ ແລະ ບໍ່ມີແຜນການທີ່ຈະໄປມັກຈະມີເຫດຜົນຢ່າງຫຼວງຫຼາຍທີ່ຈະອະທິບາຍວ່າເປັນຫຍັງພວກເຂົາຈຶ່ງບໍ່ໄປ, ເປັນທີ່ໜ້າສັງເກດວ່າຜູ້ທີ່ປະສົບຜົນສຳເລັດນ້ອຍໆມັກຈະອະທິບາຍວ່າເປັນຫຍັງພວກເຂົາຈຶ່ງບໍ່ເຮັດມັນ?, ເປັນຫຍັງພວດເຂົາເຮັດບໍ່ໄດ້?... ມັນອາດເປັນຂໍ້ອ້າງສຳຫຼັບຜູ້ທີ່ປະສົບຜົນສຳເລັດໄດ້ເຊັ່ນກັນ ແຕ່ພວກເຂົາເລືອກທີ່ຈະບໍ່ໃຊ້ມັນ

-ການມັກແກ້ຕົວມັກເກີດໃນຮູບແບບທີ່ຕ່າງກັນແຕ່ຮູບແບບທີ່ພົບເລື່ອຍທີ່ສຸດກໍຄື: ບັນຫາສຸຂະພາບ, ຄວາມຮູ້, ອາຍຸ ແລະ ໂຊກລາບ, ມາເບິ່ງກັນວ່າເຈົ້າຈະປ້ອງກັນຕົວເອງຈາກພະຍາດແຫ່ງຂໍ້ອ້າງ 4ປະການນນີ້ແນວໃດ

*ບັນຫາສຸຂະພາບ:
-ຈົ່ງປະຕິເສດທີ່ຈະເວົ້າເຖິງເລື່ຶງສຸຂະພາບ
-ປະຕິເສດທີ່ຈະເປັນທຸກກັບມັນ
-ຈົ່ງຮູ້ສຶກດີທີ່ສຸຂະພາບຂອງເຈົ້າດີເທົ່າກັບຄົນອຶ່ນໆ
-ເຕືອນຕົວເອງວ່າ ເຫຼັກງໍດີກວ່າເຫຼັກຂີ້ໝ້ຽງ

*ຄວາມຮູ້:
-ຢ່າປະເມີນຕົວເອງຕໍ່າ ແລະ ຄົນອຶ່ນສູງເກີນໄປ
-ທັດສະນະຄະຕິສຳຄັນກວ່າຄວາມຮູ້
-ຄວາມສາມາດໃນການຄິດສຳຄັນກວ່າການຈື່ຈຳ

*ອາຍຸ:
-ບອກຕົວເອງວ່າເຈົ້າຍັງໜຸ່ມ
-ຄຳນວນເວລາທີ່ເຈົ້າສາມາດເຮັດວຽກໄດ້ຢ່າງຈິງຈັງ
-ຈົ່ງເລີ່ມເຮັດບາງສິ່ງໃນຕອນນີ້!!!

*ໂຊກລາບ:
-ຍອມຮັບເຫດ ແລະຸ ຜົນ: ລອງພິຈາລະນາຄຳວ່າໂຊກດີຂອງຄົນອຶ່ນ ບາງທີ່ມັນອາດມາຈາກການສຶກສາ, ຕຽມການ, ການວາງແຜນ ແລະ ທັດສະນະຄະຕິຂອງຜູ້ກ່ຽວ
-ຢ່າເປັນຄົນເພີ້ຝັນ: ຄວາມສຳເລັດມາຈາກລົງມືເຮັດ ຢ່າຖ້າໂຊກລາບໃດໆ ແຕ່ເນັ້ນທີ່ການພັດທະນາຕົວເອງເພື່ອໃຫ້ໄປເຖິງຈຸດນັ້ນ

ຂໍ້ມູນ The magic of thinking. chapter II. page 32




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ສາເຫດຂອງການໂກນ ແລະ ວິທີບັນເທົາ
-ການໂກນເກີດຂື້ນຍ້ອນເນື້ອເຫຍື່ອໃນທາງເດີນຫາຍໃຈສັ່ນໃນຂະນະທີ່ຫາຍໃຈ ແລະ ເກີດສຽງໃນຕອນທີ່ນອນຫຼັບ ມັນເປັນຜົນກະທົບຕໍ່ຄົນສ່ວນໃຫຍ່ໃນບາງຄັ້ງ, ແຕ່ການໂກນມັນອາດບົ່ງບອກບັນຫາສຸຂະພາບບາງຢ່າງໄດ້

*ສາເຫດຂອງການໂກນມີມາຈາກຫຼາຍປັດໄຈ:
-ການສູບຢາ
-ການດື່ມສິ່ງມຶນເມົາ
-ໃຊ້ຢາກ່ອມປະສາດ
-ນອນຫງາຍ
-ເປັນຫວັດ ຫຼື ພູມແພ້
-ການຖືພາ
-ສ່ວນໃຫຍ່ການໂກນເກີດກັບເພດຊາຍ
-ພາວະຢຸດຫາຍໃຈ

*ຜົນການວິໄຈຍັງສະແດງໃຫ້ເຫັນເຖິງວ່າຜູ້ທີ່ໂກນມັກມີບັນຫາກ່ຽວກັບ:
-ບັນຫານ້ຳໜັກ
-ຄວາມຄຽດສູງ
-ມີລະດັບໄຂມັນທີ່ດີຕ່ຳ

*ວິທີການທີ່ຈະຊ່ວຍໃນບັນຫາການໂກນຂອງທ່ານໄດ້:
-ຫຼຸດຜ່ອນການດື່ມສິ່ງມຶນເມົາ
-ເພີ່ມຄວາມຊຸ່ມຊື່ນໃນຫ້ອງ
-ປ່ຽນທ່ານອນ
-ຄວບຄຸມນ້ຳໜັກ
-ຢຸດສູບຢາ
-ຮັກສາຄວາມສະອາດໃນຫ້ອງ

ຂໍ້ມູນ https://www . medicalnewstoday (.) com/articles/303834 -remedies




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

6 ນິໄສທີ່ຈະຊ່ວຍໃຫ້ເຈົ້າແຂງແຮງທາງຈິດໃຈ:
-ການຫຼີ້ນກິລານັ້ນເປັນທີ່ນິຍົມຫຼາຍ ຍັງເຮັດໃຫ້ຮ່າງກາຍແຂງແຮງ ແລະ ປ້ອງກັນພະຍາດຫຼາຍຊະນິດເຮັດໃຫ້ເຮົາມີສຸຂະພາບທີ່ດີ. ແຕ່ຫຼາຍເທື່ອທີ່ສຸຂະພາບທາງດ້ານຈິດໃຈບໍ່ໄດ້ຮັບການອອກກຳລັງກາຍ, ສຸຂະພາບທີ່ດີຕ້ອງມາພ້ອມກັບຮ່າງກາຍ ແລະ ຈິດໃຈທີ່ແຂງແຮງນັ້ໜເອງ😊

*ວິທີຝຶກຝົນຄວາມແຂງແຮງຂອງຈິດໃຈ
1. ໃສ່ໃຈໃນເທື່ອລະວຽກ: ການເຮັດວຽກຫຼາຍຢ່າງພ້ອມໆກັນ ຫຼາຍເກີນໄປນັ້ນບໍ່ດີຕໍ່ສຸຂະພາບ, ບາງທີສະໝອງເຮົາອາດຕ້ອງການຄວາມຜ່ອນຄາຍເຊັ່ນ ການຍ່າງຊົມວິວ ຫຼື ລົມກັບໝູ່ເພື່ອນ
2. ຫາເວລາເພື່ອອອກກຳລັງກາຍ: ການອອກກຳລັງກາຍສາມາດເພີ່ມລະດັບ serotonin, dopamine ແລະ norepinephrine ໃນສະໝອງ ແລະ ຍັງມີປະໂຫຍດເຊັ່ນເຮັດໃຫ້ ມີອາລົມດີ, ພະລັງງານທີ່ເພີ່ມຂື້ນ
3. ນັ່ງສະມາທິ: ການນັ່ງສະມາທິທຸກວັນເປັນເວລາ 1ອາທິດຊ່ວຍເພີ່ີມພະລັງງານ ແລະ ລຸດຄວາມຄຽດຢ່າງສາມາດເຫັນໄດ້ ເຊິ່ງຍັງລວມເຖິງລະບົບພູມຄຸ້ມກັນ ແລະ ຄວາມຈື່ຈຳອີກດ້ວຍ
4. ມີເວລາແກ່ຕົວເອງ: ບໍ່ວ່າຈະເປັນຕອນສວາຍ ຫຼື ຕອນແລງໃຊ້ເວລາກັບຕົວເອງໃນສິ່ງທີ່ທ່ານມັກບໍ່ວ່າຈະອອກກຳລັງກາຍ, ອ່ານໜັງສື ຫຼື ຟັງເພັງທີ່ທ່ານມັກ
5. ກຳນົດຂອບເຂດແກ່ຕົວເອງ: ບາງເທື່ອທ່ານອາດຮູ້ສຶກເບື່ອໜ່າຍກັບສິ່ງທີ່ເຮັດຊ້ຳທເປັນປະຈຳບໍ່ວ່າຈະເປັນເລື່ອງວວຽກງານ, ໝູ່ເພື່ອນ ຫຼື ຄອບຄົວ, ກຳນົດຂອບເຂດສຳຫຼັບວຽກງານ ແລະ ຊີວິດປະຈຳວັນເພື່ອທ່ານຈະບໍ່ໄດ້ຫັກໂຫມເກີນໄປ
6. ຢ່າຢ້ານທີ່ຈະຂໍຄວາມຊ່ວຍເຫຼືອ: ບາງເທື່ອມັນເປັນເລື່ອງຍາກທີ່ຈະຂໍຄວາມຊ່ວຍເຫຼືອອາດເຍື່ອງມາຈາກຄວາມບໍ່ໝັ້ນໃຈ, ແຕ່ທ່ານຫາກຂໍຄວາມຊ່ວຍເຫຼືອຈາກຄົນທີ່ໄວ້ໃຈໄດ້ນອກຈາກຈະມີຜູ້ຊ່ວຍແກ້ໄຂບັນຫາ ແລະ ຍັ #ສ້າງສັນຜົນງານໃຫ້ຄວາມຮູ້

ຂໍ້ມູນ: https://advice(.)theshineapp (.) com/articles/6-habits-that-will-help-you-build-mental-strength/




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ການເປັນຜູ້ຟັງທີ່ດີ
-ການຟັງເປັນສ່ວນສຳຄັນໃນການເຊື່ອມຕໍ່ກັບຜູ້ອຶ່ນ ແລະ ຮຽນຮູ້ບໍ່ວ່າຈະເປັນໝູ່ເພື່ອນ, ຫົວໜ້າ, ຄອບຄົວ. ການເປັນຜຸ້ຟັງທີ່ດີຈະຕຽມພ້ອມເຮົາໃຫ້ເຂົ້າໃຈ ແລະ ຮູຸ້ເຖິງຄວາມຕ້ອງການຂອງຜູ້ອຶ່ນ, ການຟັງມັນມີຫຼາຍກວ່າການໄດ້ຍິນເຖິງວ່າສ່ວນໃຫຍ່ຈະນັ່ງຟັງຢ່າງມິດໆ ແຕ່ຈະມີການໂຕ້ຕອບດ້ວຍພາສາກາຍ ຫຼື ມີຄຳຖາມ

*13ລັກສະນະຂອງການເປັນຜູ້ຟັງທີ່ດີ:
1. ມີການສົບຕາສະແດງຄວາມຈິງໃຈ
2. ສະແດງຄວາມເຂົ້າໃຈໂດຍພາສາກາຍ
3. ຟັງໂດຍບໍ່ຫວັງຜົນຕອບແທນ
4. ບໍ່ຟ້າວຂ້າມໄປຂັ້ນໃຫ້ຄຳແນະນຳ
5. ພວກເຂົາບໍ່ຂັດຈັງຫວະ
6. ຖາມຄຳຖາມຕາມສະຖານະການ
7. ພວກເຂົາຟັງຫຼາຍກວ່າເວົ້າ
8. ສະແດງໃຫ້ເຫັນວ່າກຳລັງຕັ້ງໃຈຟັງ
9. ພວກເຂົາມີຄວາມອົດທົນ
10. ຟັງແລ້ວຮຽນຮູ້ກັບເລື່ອງນັ້ນ
11. ສາມາດສະຫຼຸບເລື່ອລາວນັ້ນໄດ້

*ຜົນປະໂຫຍດຂອງການເປັນຜູ້ຟັງທີ່ດີ
-ມີສະມາທິສູງຂື້ນ
-ສ້າງຄວາມສຳພັນທີ່ດີ
-ໄດ້ປະສົບການຫຼາຍດ້ານ


ຂໍ້ມູນ https://fairygodboss (.) com/career-topics/good-listener



#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*7 ອາຊີບທີ່ອາດຖືກຫຸ່ນຍົນຍາດວຽກໃນອີກ 20ປີ:
1. ຜູ້ບໍລິຫານຝ່າຍບໍລິການລູກຄ້າ: ອາຊີບນີ້ບໍ່ຕ້ອງການຄວາມມີປະຕິສຳພັນສັງຄົມ ຫຼື ອາລົມໃນລະດັບສູງໃນການດຳເນີນການ, ປັດຈຸບັນບໍລິສັດຫຼາຍແຫ່ງເລີ່ມມີການເພິ່ງພາ AI ເພື່ອຕອບຄຳຖາມ ແລະ ໃຫ້ບໍລິການລູກຄ້າດ້ວຍລະບົບ Chatbot
2. ບັນຊີ ແລະ ເອກະສານ: ມັນມີຄວາມສົມເຫດສົມຜົນຫຼາຍດ້ານທີ່ສະໜັບສະໜຸນ AI ແລະ ML(ການຮຽນຮູ້ຂອງເຄືື່ອງຈັກ) ນັ້ນໃນວົງຈອນຂອງຜະລິດຕະພັນ
3. ພະນັກງານຕ້ອນຮັບ: ໂຮງແຮມຂະໜາດໃຫຍ່ ແລະ ຂະໜາດນ້ອຍຫຼາຍແຫ່ງທີ່ມີການເຊັກອິນອັດຕະໂນມັດ ຄວາມຕ້ອງການພະນັກງານຕ້ອນຮັບອາດຫຼຸດລົງໃນອະນາຄົດ
4. ວຽກງານການຜະລິດ ແລະ ການຢາ: ມັນຄືພາກສ່ວນທີ່ຄົນສ່ວນຫຼາຍມີການຄາດການລ່ວງໜ້າໄວ້ວ່າ AI ຈະເຂົ້າມາແທນທີ່ເຊິ່ງໃຫ້ຜົນຜະລິດທີ່ດີ ແລະ ຄວາມສ່ຽງໜ້ອຍລົງ
5. ທະຫານ: ວິຊາການທາງການທະຫານມີການຄາດຄະເນວ່າໃນອະນາຄົດນັ້ນໃນສະໜາມຮົບຈະເຕັມໄປດ້ວຍຫຸ່ນຍົນທີ່ຮັບຄຳສັ່ງທາງໄກໄດ້ໂດຍບໍ່ຈຳເປັນຕ້ອງມີາກນຄວບຄຸມຢ່າງຕໍ່ເນື່ອງ
6. ຄົນຂັບແທັກຊີ ແລະ ລົດເມ: ມີໂອກາດ 98% ທີ່ອາຊີບນີ້ຈະກາຍເປັນລະບົບອັດຕະໂນມັດ, ລົດທີ່ໄຮ້ຄົນຂັບຈະມາແທນທີ່
7. ຮັກສາຄວາມປອດໄພ: AI ມີຄວາມກ້າວໜ້າຫຼາຍໃນດ້ານຄວາມປອດໄພເຊັ່ນຫຸ່ນຍົນຮັກສາຄວາມປອດໄພທີ່ກວດສອບອາຄານດ້ວຍກ້ອງຄວາມລະອຽດສູງ, ການຮັບສຽງ, ເຊັນເຊີຈັບຄວາມຮ້ອນ ແລະ ອີກອື່ນໆທີ່ມັນຈະກາຍເປັນລະບົບອັດຕະໂນມັດ


ຂໍ້ມູນ https://www.saviom (.) com/blog/12-jobs-that-robots-ai-will-replace-in-the-future-and-12-that-wont/




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ດື່ມກາເຟໃຫ້ຖືກວິທີເພື່ອສຸຂະພາບຫົວໃຈທີ່ດີ
-ສຳຫຼັບບາງຄົນຖືວ່າການດື່ມກາເຟຄືຊີວິດຈິດໃຈ ແລະ ຂາດບໍ່ໄດ້ກັນເລີຍ, ແຕ່ກໍມີຫຼາຍຄົນທີ່ບອກວ່າມັນຄືເຄື່ອງດື່ມທີ່ມີບັນຫາເຊິ່ງອາດເປັນອັນຕະລາຍຕໍ່ສຸຂະພາບໄດ້. ຄວາມຈິງແລ້ວກາເຟມີຄວາມອັນຕະລາຍ ຫຼື ຜົນກະທົບຕໍ່ຫົວໃຈຂອງທ່ານແນວໃດ???

ັນກວິໄຈທີ່ຊ່ຽວຊານດ້ານສຸຂະພາບຫົວໃຈ ແລະ ຫຼອດເລືອດໄດ້ພົບວ່າການດື່ມກາເຟເປັນປະຈຳມີວຄວາມກ່ຽວຂ້ອງກັບຄວາມສ່ຽງທີ່ຫຼຸດລົງຂອງພະຍາດຫົວໃຈ ແລະ ຫຼອດເລືອດ. ນັກວິໄຈໄດ້ສຶກສາຂໍ້ມູນຈາກຜູ້ຮ່ວມທົດລອງທັງຊາຍ ແລະ ຍິງກວ່າ 1000ຄົນ ທີ່ມີອາຍຸລະຫວ່າງ 39-67ປີ. 30% ຂອງຜູ້ຮ່ວມທົດລອງໃນກຸ່ມທີ່ດື່ມກາເຟສຳເລັດຮູບເປັນປະຈຳສາມາດຫຼຸດຄວາມດັນເລືອດ ແລະ ມັນຍັງມີຄວາມກ່ຽວຂ້ອງກັບຄວາມຢືດຢຸ່ນຂອງຫຼອດເລືອດແດງທີ່ເພີ່ມຂື້ນ

ເຖິງວ່າການສຶກສາຈະສະແດງໃຫ້ເຫັນວ່າການດື່ມກາເຟເປັນປະຈຳສາມາດຫຼຸດຄວາມສ່ຽງຂອງພະຍາດຫົວໃຈ ແຕ່ກໍບໍ່ໄດ້ໝາຍຄວາມວ່າມັນຈະບໍ່ສົ່ງຜົນທີ່ບໍ່ດີເລີຍ, ບໍ່ວ່າສິ່ງໃດທີ່ຫຼາຍເກີນໄປຍ່ອມບໍ່ດີເຊັ່ນດຽວກັບການດື່ມກາເຟ. ການບໍລິໂພກຄາເຟອີນໃນລະດັບສູງອາດສົ່ງຜົນຕໍ່ລະດັບ cholesterol ແລະ ຫົວໃຈເຕັນໄວຂື້ນ

ຂໍ້ມູນ https://www.thehealthsite (.) com/diseases-conditions/heart-health/coffee-connoisseurs-prepare-your-coffee-this-way-for-a-healthy-heart-842299/




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ຜົນປະໂຫຍດຂອງເປືອກກ້ວຍ
-ກ້ວຍເປັນໝາກໄມ້ຣົດຊາດຫວານທີ່ໄດ້ຮັບຄວາມນິຍົມໄປທົ່ວໂລກ ແຕ່ເປືອກທີ່ໜາ ແລະ ເປັນເສັ້ນໆຂອງມັນນັ້ນພັດເປັນແຫຼ່ງສານອາຫານທີ່ຄົນບໍ່ນິຍົມກັນ, ແຕ່ກົງກັນຂ້າມກັບອີກຫຼາຍຄົນທີ່ກິນກ້ວຍທັງເປືອກດ້ວຍຄວາມເຊື່ອວ່າມັນມີປະໂຫຍດໃນຫຼາຍດ້ານ ທັງຍັງເປັນວັດຖຸດິບທີ່ດີຕໍ່ສິ່ງແວດລ້ອມອີກດ້ວຍ

*ຄຸນປະໂຫຍດທາງໂພສະນາການ:
-ທັງກ້ວຍ ແລະ ເປືອກກ້ວຍໃຫ້ຄຸນຄ່າທາງໂພສະນາການແຕກຕ່າງກັນຕາມລຳດັບຄວາມສຸກຂອງກ້ວຍ, ກ້ວຍດິບສີຂຽວອາດໃຫ້ປະສິດທິພາບທີ່ດີຕໍ່ທາງເດີນອາຫານ ໃນຂະນະທີ່ກ້ວຍສຸກໄດ້ຮັບການພິສູດແລ້ວວ່າຊ່ວຍໃຫ້ເມັດເລືອດແດງສູ້ກັບພະຍາດ ແລະ ການຕິດເຊື້ອ, ຜົນປະໂຫຍດອຶ່ນໆຂອງກ້ວຍມີດັ່ງນີ້:

-ບັນເທົາຄວາມເສົ້າ: ລະດັບtryptophan ໃນກ້ວຍນັ້ນມີສູງ ລວມກັບ ວິຕາມິນB6 ຈາກເປືອກກ້ວຍເຊິ່ງສາມາດບັນເທົາອາການເສົ້າ ແລະ ຄວາມຜິດປົກກະຕິທາງອາລົມບາງຢ່າງໄດ້

-ດີຕໍ່ທາງເດີນອາຫານ: ກ້ວຍເຕັມໄປດ້ວຍໄຟເບີ ຫຼື ໄຍອາຫານ, ບັນເທົາອາການທ້ອງບິດ ແລະ ຖອກທ້ອງໄດ້ ນີ້ຄືຜົນປະໂຫຍດທີ່ສຳຄັນຂອງເປືອກກ້ວຍ

-ດີຕໍ່ສາຍຕາ: ວິຕາມິນA ຈາກກ້ວຍນັ້ນດີຕໍ່ສາຍຕາເຮັດໃຫ້ສາຍຕາແຂງແຮງ ແລະ ມີສຸຂະພາບດີ, ມັນມີທັງໃນກ້ວຍ ແລະ ເປືອກກ້ວຍ

-ຫຼຸດຄວາມສ່ຽງຂອງມະເຮັງ: ເປືອກກ້ວຍປະກອບດ້ວຍ polyphenols, carotenoids ແລະ ສານຕ້ານອະນຸມູນອິດສະລະອຶ່ນໆທີ່ກໍ່ໃຫ້ເກີດມະເຮັງ ໂດຍສະເພາະເປືອກກ້ວຍທີ່ມີສີຂຽວປະສົມຢູ່




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

"ວິທີພັດທະນາຕົວເອງ"
1. ນັ່ງສະມາທິ
2. ຕັ້ງເປົ້າໝາຍ
3. ອ່ານທຸກວັນ
4. ຕັດສິນໃຫ້ໜ້ອຍລົງ
5. ກິນອາຫານສຸຂະພາບ
6. ຮັກຕົວເອງ
7. ຕື່ນເຊົ້າຂື້ນ
8. ເລີ່ມບັນທຶກ
9. ຢຸດພຶດຕິກຳທີ່ບໍ່ດີ
10. ຖາມຫາຄຳແນະນຳ
11. ຮຽນຮູ້ສິ່ງໃໝ່ໆ
12. ເຊື່ອໃນຕົວເອງ
13. ປ່ຽນແປງກິດຈະວັດ
14. ວາງແຜນຊີວິດ
15. ຮຽນຮູ້ການລົງທຶນ
16. ຢ່າມີຂໍ້ອ້າງ
17. ຢຸດເລື່ອນມື້ເລື່ອນວັນ
18. ທົບທວນລາຍຈ່າຍ
19. ຄິດບວກ
20. ປັບບາງທັດສະນະຄະຕິ
21. ຮຽນພາສາຕ່າງປະເທດ
22. ຢ່າປຽບທຽບຕົວເອງ
23. ຮູ້ຈຸດອ່ອນຂອງຕົວເອງ
24. ອອກຈາກ comfort zone
25. ບໍ່ພົວພັນກັບຄົນບາງປະເພດ
26. ເລີ່ມຕົ້ນຈັດລະບຽບ
27. ຮຽນຮູ້ຈາກຄວາມຜິດພາດ
28. ປ່ຽນແປງກິດຈະວັດ
29. ໃສ່ໃຈເທື່ອລະສິ່ງ
30. ເບິ່ງວີດີໂອທີ່ມີສາລະ




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ການມີໝູ່ເພື່ອນທີ່ດີເຮັດໃຫ້ອາຍຸຍືນຂື້ນ??!!
-ການອອກກຳລັງກາຍ ແລະ ເຊົາສູບຢາຄືຂັ້ນຕອນສຳຄັນທີ່ຈະເຮັດໃຫ້ທ່ານມີອາຍຸທີ່ຍືນຍາວ ແລະ ສຸຂະພາບດີ, ແຕ່ການສຶກສາໃໝ່ໄດສະແດງໃຫ້ເຫັນວິທີທີ່ຈະເຮັດໃຫ່ທ່ານມີອາຍຸຍືນຄື ການສ້າງມິດຕະພາບ ຫຼື ໝູ່ເພື່ອນນັ້ນເອງ

*ເປັນຫຍັງ?
-ຄວາມສຳພັນນັ້ນສົ່ງຜົນຕໍ່ສຸຂະພາບຂອງເຮົາໃນຫຼາຍດ້ານຕົວຢ່າງເຊັ່ນ: ພວກເຂົາຊ່ວຍກຳຈັດຄວາມຄຽດເຊິ່ງເຄີຍເປັນບັນຫາທີ່ຮ້າຍແຮງເຖິງຊີວິດ, ໃນຂະນະທີ່ເຮົາຕ້ອງພົບກັບເຫດການທີ່ສົ່ງຜົນຕໍ່ຄວາມຄຽດ ການທີ່ໄດ້ຮູ້ວ່າເຮົາຍັງມີຄົນທີ່ໄວ້ໃຈໄດ້ ເຮົາອາດຈະເບິ່ງບັນຫານັ້ນນ້ອຍລົງໄດ້

-ມິດຕະພາບນັ້ນສົ່ງເສີມດ້ານສຸຂະພາບໃນດ້ານທີ່ດີ (ດ້ານທີ່ບໍ່ດີກໍມີເຊັ່ນກັນ) ເຊັ່ນ ໝູ່ເພື່ອທີ່ຊວນກັນກິນອາຫານທີ່ດີຕໍ່ສຸຂະພາບ, ອອກກຳລັງກາຍ, ກະຕຸ້ນກັນໃຫ້ໄປກວດສຸຂະພາບ... ການມີຄວາມສຳພັນ ແລະ ການມີສັງຄົມຍັງໃຫ້ຄວາມໝາຍແກ່ຊີວິດສຳຫຼັບບາງທ່ານ ແລະ ຊັກຈູງໃຫ້ດູແລຕົວເອງດີຂື້ນອີກດ້ວຍ

ຂໍ້ມູນ https://www . livescience (.) com/6769-live-longer-friends.html




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ຜົນກະທົບຈາກແສງຕາເວັນ
-ດວງຕາເວັນນັ້ນສົ່ງແສງທີ່ສາມາດທຳຮ້າຍເຮົາໄດ້ສິ່ງນີ້ມັນຄື: ລັງສີ ultraviolet ຫຼື UV ເຊິ່ງມີຢູ່ 3ປະເພດຄື: UVA, UVB ແລະ UVC
-UVA ຄືສິ່ງທີ່ພົບໄດ້ທົ່ວໄປໃນແສງແດດ, UVB ເຊິ່ງໃຫ້ແສງໜ້ອຍກວ່າແຕ່ມີຄວາມເຂັ້ມສູງກວ່າ ແລະ UVCຄືສິ່ງທີ່ອັນຕະລາຍທີ່ສຸດ ແຕ່ໂຊກດີທີ່ເຮົາບໍ່ມີຄວາມສ່ຽງກັບມັນຍ້ອນຊັ້ນໂອໂຊນຂອງໂລກນີ້ກຳລັງປົກປ້ອງເຮົາຢູ່

-ເມລານິນຄືເມັດສີທີ່ຊ່ວຍປົກປ້ອງຜິວຂອງເຮົາ ເມື່ອຮ່າງກາຍເຮົາຖືກກະທົບດ້ວຍ UV ຜິວຂອງເຮົາຈະເລີ່ມເປັນສີເຂັ້ມຂື້ນ ແຕ່ການຖືກແສງ UV ຫຼາຍເກີນໄປຈະເຮັດໃຫ້ UV ເຂົ້າສູ່ຜິວໜັງຊັ້ນໃນເຊິ່ງເຮັດໃຫ້ເຊວຜິວໜັງຕາຍ ຫຼື ພັດທະນາໄປສູ່ມະເຮັງໄດ້, ສັນຍານຂອງອາການຖືກແດດເຜົາມີ:

-ຜິວໜັງຈະປ່ຽນເປັນສີແດງເນື່ອງຈາກການໄຫຼວຽນເລືອດທີ່ເພີ່ມຂື້ນ ມັນສາມາດເກີດໄດ້ທັນທີຫາກຖືກແດດທີ່ຮ້ອນແຮງ, ທ່ານອາດຈະບໍ່ຮູ້ິສຶກຮ້ອນຈົນກວ່າຈະກັບເຂົ້າໃນບ້ານ
-ຜິວຮ້ອນ
-ມີອາການເຈັບແສບ
-ຜິວເຄັ່ງ
-ໜັງລອກ





#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້

*ຂະບວນການທີ່ສຳຄັນທີ່ເກີດຂື້ນໃນຮ່າງກາຍອີກຢ່າງໜຶ່ງກໍຄືການໄຫຼວຽນຂອງເລືອດ ເຊິ່ງມັນມີຫຼັກຖານວ່າມັນຄືບົດບາດສຳຄັນສຳຫຼັບສຸຂະພາບທີ່ດີ, ຫົວໃຈຂອງເຮົາມີໜ້າທີ່ສູບສີດເລືອດ ແລະ ສົ່ງອົກຊີແຊນ ແລະ ສານອາຫານຕ່າງໆໄປທີ່ເຊວ, ເມັດເລືອດຂາວເຊິ່ງປຽບເໝືອນພູມຄຸ້ມກັນຂອງຮ່າງກາຍຈະເຄື່ອນຍ້າຍສູ່ສ່ວນຕ່າງໆກໍຂື້ນກັບການໄຫຼວຽນຂອງເລືອດ

*ວິທີເພີ່ມອັດຕາການໄຫຼວຽນຂອງເລືອດ
-ອອກກຳລັງກາຍເປັນປະຈຳ
-ຝຶກຄວາມຢືດຢຸ່ນຂອງຮ່າງກາຍ
-ດື່ມຊາ
-ກິນອາຫານໃຫ້ມີຄວາມສົມດຸນກັນ
-ຢ່າລືມດື່ມນ້ຳ
-ນວດ
-ຫາຍໃຈເລິກໆ
-ຄວບຄຸມຄວາມຄຽດ
-ຢຸດສູບຢາ
-ອາບນ້ຳເຢັນ




#ກົດຕິດຕາມ
#ເພື່ອເປັນກຳລັງໃຈໃຫ້ທີມງານ
#ສ້າງສັນຜົນງານໃຫ້ຄວາມຮູ້