ໂຮງຮຽນ ມ.ສ ພູຄູນ

ຂໍປະຊາສໍາພັນເຖິງນ້ອງນັກຮຽນ ຊັ້ນ ມ.1-ມ.7 ມື້ວັນຈັນ ວັນທີ 09 ມິຖຸນາ (06) ປີ 2025 ທາງໂຮງຮຽນ ກໍຄືຄູປະຈໍາຫ້ອງຈະໄດ້ຢາຍປຶ້ມຕິດຕາມໃຫ້ກັບນັກຮຽນ ສະນັ້ນ, ໃຫ້ນ້ອງນັກຮຽນທຸກນ້ອງມາເອົາ ແລະ ເບິ່ງຜົນການສອບເສັງຂອງຕົນເອງພ້ອມດ້ວຍ.

ຂໍສະແດງຄວາມຮູ້ບຸນຄຸນ ແລະ ຂອບໃຈເປັນຢ່າງຍິ່ງທີ່ໄດ້ໃຫ້ການສະໜັບສະໜຸນຊ່ວຍເຫຼືອແກ່ນ້ອງນ້ອຍນັກຮຽນຂອງພວກເຮົາໃນຄັ້ງນີ້ 🙏🙏🙏

ທຶນການສຶກສາ ມູລະນິທິ ເກື້ອຝັນເດັກ ເປັນອີກໜຶ່ງໂຄງການດີດີ ນ້ອງນັກຮຽນ ຊັ້ນ ມ.7 ສາມາດຕິດຕໍ່ພົວພັນສອບຖາມລາຍລະອຽດໄດ້ຕາມລິ້ງ ແລະ ເບີໂທດ້ານລຸ່ມຂອງໂຄງການໄດ້ເລີຍ

📌 ຂ່າວດີ ຂ່າວດີ ຂ່າວດີ 📌
#ສຳຫລັບນ້ອງໆ ທີ່ກຳລັງຈະຈົບມັດທະຍົມຕອນປາຍໃນປີນີ້ 😍

• ທຶນການສຶກສາມູນນິທິເກື້ອຝັນເດັກເປັນທຶນການສຶກສາ 100% ສະຫນັບສະຫນູນຈົນຈົບປະລິນຍາຕີ ເພຶ່ອສົ່ງເສີມສຸຂະພາບ ແລະ ການພັດທະນາທີ່ຍືນຍົງ ສຳຫລັບນັກສຶກສາທົ່ວ ສ ປ ປ ລາວ 💖

• ທາງທຶນມູນນິທິເກື້ອຝັນເດັກສະຫນັບສະຫນູນຄ່າຕ່າງໆດັ່ງນີ້ :
- ຄ່າລົງທະບຽນຮຽນ
- ຄ່າເບ້ຍລ້ຽງ
- ຄ່າຫໍພັກ,ທີ່ຍູ່ອາໄສ
- ຄ່າອຸປະກອນການຮຽນ,ຊຸດນັກສຶກສາ
- ຄ່າປະກັນສຸຂະພາບ

ສາມາດເຂົ້າຮຽນຕໍ່ໄດ້ທຸກມະຫາວິທະຍາໄລໃນລາວໄດ້ດັ່ງນີ້ :
- ມະຫາວິທະຍາໄລແຫ່ງຊາດ ( ມຊ )
- ມະຫາວິທະຍາໄລວິທະຍາສາດສຸຂະພາບ ( ມວສ )
- ມະຫາວິທະຍາໄລສຸພານຸວົງ ( ມສ )
- ມະຫາວິທະຍາໄລຈຳປາສັກ ( ມຈ )
- ມະຫາວິທະຍາໄລສະຫວັນນະເຂດ ( ມຂ )

ເຊິ່ງຈະເປີດຮັບສະຫມັກສົກຮຽນປີ 2025 ໄວໆນີ້🫶🏻❤️
ຊ່ອງທາງການຕິດຕາມຂໍ້ມູນຕ່າງໆແມ່ນ ຕິດຕາມທາງເຟສນີ້ເລີຍຍ Child's Dream Laos Network ຝາກໃຫ້ທຸກຄົນແຊ ເພື່ອໃຫ້ຫມູ່ເພື່ອນໄດ້ຮູ້ຂໍ້ມູນນີ້ເພີ່ມເຕີມແນ່ເດີ💕

#ທຶນການສຶກສາມູນນິທິເກື້ອຝັນເດັກ
's Dream Laos Network

ການເທທາງເຂົ້າ-ອອກຮ່ອມບ້ານແສນສີ ແລະ ໂຮງຮຽນມັດທະຍົມສົມບູນພູຄູນ ຮອດວັນທີ 14 ມີນາ (03) 2025 ແມ່ນໄດ້ຮັບຜົນສໍາເລັດ
ອໍານາດການປົກຄອງບ້ານແສນສີ, ສະມາຄົມພໍ່ແມ່ນັກຮຽນ, ໂຮງຮຽນມັດທະຍົມສົມບູນພູຄູນ ຂໍສະແດງຄວາມຮູ້ບຸນຄຸນ ແລະ ຂອບໃຈເປັນຢ່າງຍິ່ງຕໍ່ກັບອົງການຈັດຕັ້ງພັກ-ລັດ, ຜູ້ປະກອບການ-ນັກທຸລະກິດ, ພໍ່ຄ້າຊາວຂາຍ, ອົງການຈັດຕັ້ງສາກົນ ພ້ອມດ້ວຍຜູ້ປົກຄອງນັກຮຽນທຸກພາກສ່ວນທີ່ໄດ້ໃຫ້ການອຸປະຖໍາຊ່ວຍເຫຼືອດ້ານເຮື່ອແຮງ ແລະ ຄຸນນະຊັບຂອງທ່ານເຂົ້າໃນການກໍ່ສ້າງ ( ເທເບຕົງ) ໃນຄັ້ງນີ້ຈົນໄດ້ຮັບຜົນສໍາເລັດ.
ຂໍໃຫ້ທຸກທ່ານຈົ່ງມີສຸຂະພາບເຂັ້ມແຂງ, ມີຄວາມສຸກໃນໜ້າທີ່ການງານ ທຸກປະການ. ສ່ວນບັນດາລາຍຊື່ຜູ້ປະກອບສ່ວນ ແລະ ງົບປະມານທາງຄະນະຮັບຜິດຊອບພວກເຮົາຈະຮີບເລັ່ງກວດກາຄວາມລະອຽດຄືນຈາກນັ້ນຈະໄດ້ອັບເດດ ສະເໜີການຍ້ອງຍໍ ໃຫ້ຕາມພາຍຫຼັງ.

ຫຼາຍພາກສ່ວນຍັງຄົງໃຫ້ການຊ່ວຍເຫຼືອໃນການປະກອບສ່ວນງົບປະມານເຂົ້າໃນການກໍ່ສ້າງເສັ້ນທາງເຂົ້າຮ່ອມບ້ານແສນສີ ແລະ ໂຮງຮຽນມັດທະຍົມສົມບູນພູຄູນ ມາຮອດ ປັດຈຸບັນ ວັນທີ 11 ມີນາ (03) 2025 ໄດ້ສໍາເລັດແລ້ວປະມານ 75 % ເຫຼືອພຽງ 25 % ແມ່ນຈະໄດ້ສືບຕໍ່ດຳເດີນໃຫ້ສໍາເລັດໃນມື້ວັນພະຫັດ ວັນທີ 13 ມີນາ (03) 2025 ນີ້. ເເຕ່ເຖິງຢ່າງໃດກໍຕາມ ພວກເຮົາກໍຍັງຄົງຂາດເຂີນທາງດ້ານງົບປະມານອີກຈໍານວນໜຶ່ງຈຶ່ງໄດ້ຂໍປະຊາສໍາພັນມາຍັງບັນດາທ່ານຜູ້ປະກອບການ, ນັກທຸລະກິດ, ພໍ່ຄ້າຊາວຂາຍ, ສິດເກົ່າ, ບຸກຄົນ-ນິຕິບຸກຄົນ, ການຈັດຕັ້ງທຸກພາກສ່ວນ ເພື່ອສືບຕໍ່ໃຫ້ການຊ່ວຍເຫຼືອ ເຮັດໃຫ້ເສັ້ນທາງດັ່ງກ່າວມີຜົນສໍາເລັດ 100%. ເຊິ່ງທ່ານສາມາດຕິດຕໍ່ມາໄດ້ທາງເພສຂອງໂຮງຮຽນ ມ.ສ ພູຄູນ ຫຼື ເບີໂທລະສັບ 020 591 33 591

ພິທີປິດການຮຽນ-ການສອນ ການຫັດແອບວິຊາພື້ນຖານສຶກສາປ້ອງກັນຕົວ ປະຈໍາສົກຮຽນ 2024-2025
ການຈັດຕັ້ງປະຕິບັດຫຼັກສູດການຮຽນ-ການສອນ ວິຊາພື້ນຖານສຶກສາປ້ອງກັນຕົວໃຫ້ແກ່ນ້ອງນັກຮຽນ ຊັ້ນ ມ.5 ມ.6 ແລະ ມ.7 ໃຫ້ແກ່ນ້ອງນັກຮຽນໂຮງຮຽນມັດທະຍົມສົມບູນພູຄູນ ປະຈໍາສົກຮຽນ 2024-2025 ໄດ້ເລີ່ມແຕ່ວັນທີ 24 - 28 ກຸມພາ (02) 2025 ລວມເປັນເວລາ 05 ວັນ ພາຍໃຕ້ການເຂົ້າຮ່ວມເປັນປະທານພິທີ ຂອງ ທ່ານ ສົມມະລີ ຄໍາເກັ່ງ ກຳມະການພັກແຂວງ ເລຂາພັກເມືອງ ເຈົ້າເມືອງເມືອງພູຄູນ, ມີ ທ່ານ ພັນໂທ ທອງເພັດ ນິທະວົງ ຮອງຫົວໜ້າກອງບັນຊາການທະຫານເມືອງພູຄູນ ພ້ອມດ້ວຍຄູເຝິກທີ່ມາຈາກກອງບັນຊາການທະຫານເມືອງພູຄູນ, ຫ້ອງການສຶກສາທິການ ແລະ ກິລາເມືອງພູຄູນ ແລະ ຄູ-ອາຈານ, ນ້ອງນັກຮຽນ ເຂົ້າຮ່ວມ ທັງໝົດ ຈໍານວນ 220 ຄົນ, ຍິງ 85 ຄົນ, ຜ່ານການຫັດແອບໃນ 4 ໝວດ ຜົນການຮຽນຂອງນັກຮຽນຢູ່ໃນລະດັບ 99.99 ເປີເຊັນ ແລະ ມີນັກຮຽນທີ່ມີຜົນການຮຽນ ຮຽນດີ - ຮຽນເກັ່ງ ຈໍານວນ 33 ນ້ອງ ເທົ່າກັບ 15.56 ເປີເຊັນ. ກາງເທົ່າກັບ 84.43 ເປີເຊັນ ບັນລຸຕາມລະດັບເປົ້າໝາຍທີ່ວາງໄວ້.

ນ້ອງນັກຮຽນໂຮງຮຽນມັດທະຍົມສົມບູນພູຄູນໄດ້ໃຫ້ການບໍລິຈາກເລືອດປະຈໍາສົກຮຽນ 2024-2025
ໃນຕອນເຊົ້າຂອງມື້ວັນພະຫັດ ວັນທີ 20 ກຸມພາ (02) 2025 ໂຮງຮຽນມັດທະຍົມສົມບູນພູຄູນໄດ້ຮັບຟັງການເຜີຍແຜ່ກ່ຽກັບວຽກງານການບໍລິຈາກເລືອດ ໂດຍການເຂົ້າຮ່ວມຂອງ ທ່ານ ດຣ ວຽງສະຫວັນ ກະເສີມສຸກ ຫົວໜ້າອົງການກາແດງ ແຂວງຫຼວງພະບາງ, ທ່ານ ນາງ ຄໍາບາງ ພົມມາວັນ ຮອງຜູ້ອໍານວຍການໂຮງຮຽນ, ທ່ານ ໄຊສະໝອນ ທະນາວັນ ພ້ອມດ້ວຍທີມງານແພດໝໍທີ່ມາຈາກອົງການກາແດງແຂວງ, ໂຮງໝໍເມືອງພູຄູນ ແລະ ຄູ-ອາຈານ, ນ້ອງນັກຮຽນ ຊັ້ນ ມ.5, ມ.6. ມ.7 ເຂົ້າຮ່ວມຈໍານວນ 247 ຄົນ, ຍິງ 95 ຄົນ ເຊິ່ງມີນ້ອງນັກຮຽນທີ່ຜ່ານເງື່ອນໄຂມາດຖານໃຫ້ການບໍລິຈາກເລືອດທັງໝົດຈໍານວນ
23 ນ້ອງ, ຍິງ 09 ນ້ອງ. ການບໍລິຈາກເລືອດໃນຄັ້ງນີ້ກໍແມ່ນເພື່ອເປັນການຊ່ວຍເຫຼືອນໍ້າໃຈມະນຸດສະທໍາໃນສັງຄົມ ແລະ ຮັບປະກັນໃຫ້ເລືອດໄດ້ນໍາໃຊ້ໃນກໍລະນີສຸກເສີນ

ໂຮງຮຽນມັດທະຍົມສົມບູນພູຄູນ ຂໍສະແດງຄວາມຂອບໃຈເປັນຢ່າງຍິ່ງຕໍ່ກັບໂຄງການ ADRF, ມູລະນິທິຮ່ວມໃຈທໍາ , ອາສາສະໝັກໂບລໍາ ທີ່ໄດ້ໃຫ້ການຊ່ວຍເຫຼືອເຄື່ອງກັນໜາວ ( ຜ້າຫົ່ມ, ຖົງຕີນ-ຖົງມື, ມຸ້ງ, ໝອນ ) ໃຫ້ແກ່ຄູ-ອາຈານ ແລະ ນ້ອງນ້ອຍນັກຮຽນທີ່ຢູ່ກຸ່ມເປົ້າໝາຍທຶນຊ່ວຍເຫຼືອຂອງໂຄງການ ແລະ ນ້ອງນັກຮຽນທີ່ອາໄສໃນຫໍພັກຈໍານວນ 130 ຄົນ ໃນຄັ້ງວັນທີ 13 ທັນວາ (12) 2024 ລວມມູນຄ່າ 34.000.000 (ສາມສິບສີ່ລ້ານກີບ)

ເລີ່ມຈັດຕັ້ງປະຕິບັດໂຄງການສ້ອມແປງທາງເຂົ້າ-ອອກທາງຮ່ອມບ້ານແສນສີ ຫາ ໂຮງຮຽນມັດທະຍົມສົມບູນພູຄູນ ຄັ້ງວັນທີ 21 ທັນວາ (12) 2024
ໂຄງການ ການສ້ອມແປງທາງເຂົ້າ-ອອກຮ່ອມບ້ານແສນສີ ຫາ ໂຮງຮຽນມັດທະຍົມສົມບູນພູຄູນ ເປັນວຽກຈຸດສຸມໜຶ່ງ ເພື່ອສ້າງເງື່ອນໄຂອໍານວຍຕາມສະດວກໃຫ້ແກ່ການສັນຈອນໄປໃນມາເວລາສິດສອນ, ຮໍ່າຮຽນຂອງຄູ-ອາຈານ ແລະ ນ້ອງນ້ອຍນັກຮຽນ ກໍຄືພໍ່-ແມ່ປະຊາຊົນໃນການທໍາການຜະລິດ. ໂຄງການດັ່ງກ່າວມີໄລຍະທາງປະມານ 550 ແມັດ ເຊິ່ງເປັນການປຸກລະດົມ ຈາກບັນດາພາກລັດ, ສະມາຄົມພໍ່-ແມ່ນັກຮຽນ (ແຕ່ລະບ້ານອ້ອມຂ້າງ) ຕະຫຼອດຮອດຜູ້ປົກຄອງນັກຮຽນ, ນັກທຸລະກິດ ເປັນຜູ້ໃຫ້ທຶນສະໜັບສະໜູນຊ່ວຍເຫຼືອ.
ລາຍລະອຽດເພີ່ມເຕີມ ຈະໄດ້ອັບເດດ ໃນໄລຍະຕໍ່ໄປ ແລະ ທ່ານ ຍັງສາມາດສອບຖາມຂໍ້ມູນຂ່າວສານ. ສົມທົບທຶນໃນການສ້ອມແປງເສັ້ນທາງຄັ້ງນີ້ໄດ້ທາງເພສຂອງໂຮງຮຽນ.

ສໍາເລັດການຈັດການຮຽນ-ການສອນ ວິຊາພື້ນຖານປ້ອງກັນຕົວໃຫ້ກັບນ້ອງນັກຮຽນ ຊັ້ນ ມ.7 ສົກຮຽນ 2023-2024
ພິທີເປີດການຮຽນ-ການສອນວິຊາສຶກສາປ້ອງກັນຕົວໃຫ້ກັບນ້ອງນັກຮຽນ ຊັ້ນ ມ.7 ສົກຮຽນ 2023-2024 ດຳເນີນໄປໃນໄລຍະ 03 ວັນ ຄື ລະຫວ່າງວັນທີ 03-05 ມິຖຸນາ (06) ປີ 2024 ພາຍໃຕ້ການເຂົ້າຮ່ວມເປັນປະທານ ເປີດຂອງ ທ່ານ ປທ ເພັດສະໝອນ ວົງສາປະເສີດ ຄະນະປະຈໍາພັກເມືອງ ຮອງເຈົ້າເມືອງ ພູຄູນ, ມີບັນດາທ່ານມາຈາກຫ້ອງການສຶກສາທິການ ແລະ ກິລາເມືອງພູຄູນ, ກອງບັນຊາການປ້ອງກັນຄວາມສະຫງົບເມືອງ, ຄະນະອໍານວຍການ, ຄູ-ອາຈານ ເຂົ້າຮ່ວມທັງໝົດ 55 ທ່ານ, ຍິງ 25 ຄົນ. ການຮຽນ-ການສອນໃນຄັ້ງນີ້ໄດ້ດຳເນີນໄປດ້ວຍຜົນສໍາເລັດຢ່າງຈົບງາມ.

ໂຮງຮຽນມັດທະຍົມສົມບູນພູຄູນ ຈັດພິທີມອບຂອງຂວັນລາງວັນນັກຮຽນເກັ່ງ, ປູກຕົ້ນໄມ້ເນື່ອງໃນໂອກາດສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
.......
ພິທີດັ່ງກ່າວໄດ້ຈັດຂຶ້ນໃນຕອນເຊົ້າຂອງມື້ວັນຈັນ ວັນທີ 03 ມິຖຸນາ (06) ປີ 2024 ໂດຍມີຄະນະອໍານວຍການ, ຄູ-ອາຈານ ພ້ອມດ້ວຍນ້ອງນັກຮຽນເຂົ້າຮ່ວມ ທັງໝົດ 357 ຄົນ, ຍິງ 163 ຄົນ. ໃນພິທີໄດ້ຮັບຟັງບົດສະຫຼຸບຜົນການສອບເສັງຫ້ອງເລື່ອນຊັ້ນ ມ.1 ມ.2 ມ.3 ມ.5 ມ.6 ຈາກນັ້ນ, ໄດ້ມອບຂອງຂວັນລາງວັນປະເພດທີ 1 ແລະ ປະເພດທີ 2 ໃຫ້ກັບນັກຮຽນເກັ່ງຊັ້ນ ມ.1-ມ.7 ຖືເອົາໂອກາດນີ້ຮ່ວມກັນປູກຕົ້ນໄມ້ ຈໍານວນ 115 ຕົ້ນພາຍໃນຂອບເຂດບໍລິເວນໂຮງຮຽນ ເຊິ່ງ ໄດ້ຮັບການແຈກຢາຍ ຊ່ວຍເຫຼືອຕົ້ນໄມ້ ປະເພດ ສົ້ມຝາດ, ໄມ້ດູ່ລາຍ, ຕົ້ນດອກຄູນ, ຕົ້ນຝາງແດງ... ຈໍານວນ 65 ຕົ້ນຈາກຫ້ອງການກະສິກຳເມືອງພູຄູນນໍາອີກ.