akmi_mektep

√2 Арнайы мектеп-интернатының базасында "Ұстаздар күні" мерекесіне орай мұғалімдердің қатысуымен Үстел теннисінен ерлер және әйелдер арасында турнир өтті. Турнирге аудан мектептерінен және Арнайы мектеп-интернаттан ең таңдаулы теннисшілер қатысып, өзара бақ сынады. Турнирдің ашылуына қатысып, сөз алған аудан әкімінің орынбасары Светлана Ертілеуқызы әріптестерді кәсіби мерекемен құттықтап сәттілік тіледі. Сонымен қатар іскер әйелдерді қолдай келген Махамбет ауданының депутаты Джумагалиева Гулмира Сабырқызы шараға қатысып, өзінің ізгі тілегін арнады. Шараны өткізуге атсалысқан мектеп-интернаттың кәсіподақ ұйымы атынан және турнирдің жоғары деңгейде өтуіне ықпал еткен Облыстық Іскер Әйелдер Қауымдастығының төрайымы Фатима Набидуллаевнаның бастамасымен ЖК "Тусекенова", ЖК "Сулейменов", ЖК "Есенгалиев", ЖК "Елгондиев", ЖК "Кощанов" және ЖК "Туманова" атынан демеушілік жасалып, жарыс қорытындысы бойынша жүлделі орын алған жеңімпаздарға І, ІІ, ІІІ дәрежелі дипломдар мен жарыста белсенділік танытқан үздік ойыншыларға "Алғыс хаттар" және бағалы сыйлықтар табысталды.
Жарыс соңында мектеп басшысы Ү.Үмбетқызы игі шараға мұрындық болған игі жақсыларға өз ризашылығын білдіріп, мектебімізге Үстел теннисін тарту еткен Облыстық Іскер Әйелдер Қауымдастығының белді мүшесі Байдуллиева Нұргул Нұржанқызына ерекше ықыласын "Алғыс хат" арқылы жеткізіп, естелік сыйлық табыс етті. Шараны ұйымдастырушы мектеп-интернаттың дене шынықтыру пәнінің мұғалімі, Іскер Әйелдер Қауымдастығының белді мүшесі, жеке кәсіпкер Н.Туманованың еңбегін ерекше атап өткен жөн. Кәсіпкерлік пен үстаздық еңбекті ұштастыра білген әріптесіміз Нұргүлге биік белестер мен шығармашылық табыстар тілейміз!

"Мұражайға саясат"

Мектебімізде жылдық жоспарға сай 2022 жылдың 22-29 сәуір аралығында Еңбек пәндері бірлестігі мұғалімдерінің ұйымдастыруымен "Көп еңбек еткенге бақыт басын иеді" тақырыбында апталық өтуде. Апталықтың мақсаты- теория мен тәжірибені ұштастыра отырып, оқушыларды еңбекке баулу және әлеуметтік-тұрмыстық бағдар беру арқылы өз бетінше өмір сүруге бейімдеу болып табылады. Апталық аясында 5-9 сыныптар арасында ашық сабақтар, қолөнер көрмесі, практикалық сабақтар, шеберлік сыныптар және мамандықтар туралы тәрбиелік шаралар өткізілу жоспарлануда. Мектебіміздің оқушыларын апталыққа белсене қатысуға шақырамыз. Бірлестік жетекшісі: Сидеғалиева Айсұлу Зинорқызы.

♦️"Бастауыш сыныптар және түзету технологиясы" бірлестігінің апталығы аясында 3 қазақ "а" сыныбында зерттеуші мұғалім Бисенғалиева Жаңагүл Қайырбергенқызының математика пәні бойынша "16 санын қосу және азайту" тақырыбында ашық сабақ берді. Сабақ барысында оқушылар қосу және азайту амалдарын бағандап орындауды меңгеріп, бірнеше тәсілдерді қолдана отырып, берілген тапсырмаларды орындап, есептер шығарды. Сергіту ойыны өте сәтті шықты. Мұғалім оқушылардың пәнге деген қызығушылығын оята білді. Сабақ тартымды өтті.

♦️"Бастауыш сыныптар және түзету технологиясы" бірлестігінің апталығы аясында зерттеуші мұғалім Қойбақова Ұлболсын Қабсәлімқызы 3 "б" сыныппен Жазу, оқу және тіл дамыту пәнінен "Ө әрпі мен дыбысы" атты ашық сабақ өткізді. Сабақ барысында өтілген дыбыстарды қайталау арқылы оқушылардың есте сақтау, ойлау қабілеттерін арттырып қана қоймай, жаңа тақырыпты сурет бойынша ауызша сөйлеу тілін дамыта отырып, оқушылардың пәнге қызығушылығын арттыра түсті. Әр оқушымен жеке жұмыс жасап, тапсырмаларды бірге орындады. Сабақ соңында кері байланыс жасалып, оқушылар смайликтер арқылы көңіл-күйлерін жеткізді. Сабақ өз деңгейінде өтті.