School5 Kapchagay

Мектепалды даярлықтың 0 «А» сыныбында «Абайлаңыз – өрт! Өрт қауіпсіздігі ережелері» атты танымдық сабақ өтті. Ойын түрінде балалар өрт кезінде өзін-өзі ұстау ережелерін меңгеріп, өрт сөндіруші мамандығымен және өрттің шығу себептерімен танысты. «От – дос. От – жау», «Өрт сөндірушіге не қажет?» ойындары мен эвакуациялық ойын балалардың маңызды білімдерін бекітуге көмектесті.

Жеңіс күніне орай оқушыларымыз батырлар ескерткішіне гүл шоқтарын қою рәсіміне қатысты.
Бұл — бейбіт өмір сыйлаған ерлердің ерлігіне тағзым етіп, құрмет пен алғыс білдіретін маңызды сәт.
Ерлік ешқашан ұмытылмайды. Біз мақтанамыз. Жеңіс күні құтты болсын!

Салауатты өмір салтын насихаттау мақсатында Қонаев қалалық ауруханасы қызметкерлері А. Жұбанов атындағы №5 орта мектеп КММ-нің 10-сынып оқушыларына «Экстренді дәрігерге дейінгі алғашқы көмек көрсету» тақырыбында шеберлік сағатын өткізді.
Іс-шара барысында мамандар төтенше жағдай кезінде алғашқы көмек көрсетудің негізгі тәсілдерін түсіндіріп, практикалық түрде көрсетті. Оқушылар түрлі жағдайларда дұрыс әрекет ету жолдарын үйреніп, тәжірибелік тапсырмалар орындады.
Шараның басты мақсаты – оқушылардың денсаулыққа деген жауапкершілігін арттыру, салауатты өмір салтын қалыптастыру және алғашқы көмек көрсету дағдыларын дамыту.

«Болашақты бірге отырғызайық» акциясы аясында мектебіміздің 11-сынып оқушылары ағаш көшеттерін отырғызды.
Іс-шараға ардагер ұстаз қатысып, оқушыларға табиғатты қорғау мен туған жерді аялаудың маңыздылығы туралы тағылымды әңгіме айтты.
Акцияның мақсаты – оқушылардың экологиялық мәдениетін қалыптастыру, «адал адам – адал еңбек – адал табыс» құндылықтарын дәріптеу және табиғатты қорғауға баулу.
Жас түлектер мектеп ауласының көркеюіне өз үлестерін қосып, игі іске белсене атсалысты.

2026 жылдың 5 мамыр күні мектебіміздің 10 «А» сыныбында «Ерлік – елге мұра, ұрпаққа ұран» тақырыбында тағылымы мол ерлік сабағы өтті.
Сабаққа ардагерлер арнайы қонақ болып келіп, оқушылармен өмірлік тәжірибелерімен бөлісті. Кездесу барысында жастарға патриоттық тәрбие, Отанға деген сүйіспеншілік, үлкенді құрметтеу туралы құнды әңгімелер айтылды.
Оқушылар ардагерлерге алғыстарын білдіріп, әсерлі кездесуге белсенді қатысты. Осындай тағылымды шаралар жас ұрпақтың елін, жерін сүюіне және рухани құндылықтарды бойына сіңіруіне үлкен әсер етеді. 🇰🇿✨

«Батырдың ұрпағымын» челленджі аясында Ахмет Жұбанов атындағы №5 орта мектептің «Жас сарбаз» ұйымының оқушылары елін қорғаған ержүрек ата-бабалар рухына тағзым етті.
Жас ұрпақ ата-баба аманатына адал болып, білім мен еңбекті басты құндылық санап, ел дамуы үшін аянбай қызмет етуге дайын екендерін білдірді. Батырлардың ерлігі – тек тарих бетінде қалатын мұра емес, бүгінгі және келешек ұрпаққа бағыт-бағдар беретін мәңгілік өнеге екенін айқын жеткізді.