18/08/2026
منهج إيه ده اللي حضرتك بتسحبي ابنك من التأسيس علشانه؟ 🤦🏾♀️
يا ست الكل، أنا عاوزة أقولك حاجة والله من قلبي ❤️
التأسيس هو اللي هيمشّي ابنك في المنهج 👍🏾
مش المنهج هو اللي هيأسّس ابنك!
بس عاوزاكي تهدي كده وتقعدي تقري البوست ده بتمعن 🤌🏾
إزاي ابنك هيمشي في المنهج وهو أصلاً مش بيعرف يقرأ إنجليزي؟
دي أول نقطة.
ثاني نقطة بقى 👇🏾
المنهج بيعدي…
وابنك بينجح…
والسنة بتخلص…
وبعدها ترجعي لنفس الدوامة من تاني! 😩
ابنك مستواه واقع، مش بيعرف يقرأ، وكل سنة الحل بيكون إنك تبعتيه ياخد درس في المنهج وخلاص.
طب قوليلي بصراحة…
ابنك استفاد إيه من المنهج لو هو لسه مش قادر يقرأ؟ 🤔
يا ست الكل، ابنك محتاج الأول تأسيس فونكس ❤️
وبعده تأسيس جرامر ومحادثة 🤌🏾
ساعتها هتلاقيه ماشي في المنهج مرتاح وزي الفل 👌🏾
هيقرأ الكلمات بدل ما يحفظها صم،
ويفهم اللي بيقرأه،
ويقدر يكوّن جمل من الكلمات اللي اتعلمها،
ومع الوقت يوصل للكتابة وتكوين الـ Paragraph بنفسه 👍🏾
وبالمناسبة يا ماما… متقلقيش من التأسيس وقت الدراسة! ❤️
التأسيس مش هيعطل ابنك عن المنهج، ولا هيضيع عليه السنة، ولا هيأخره عن زمايله.
بالعكس والله 🤌🏾
حتى لو ابنك مش بياخد درس في المنهج، لما يتأسس صح هيبقى أشطر في المنهج نفسه! 👌🏾
لأنه هيعرف يقرأ الكلمات بنفسه، ويفهم القاعدة، ويكوّن الجملة، ويتعامل مع أسئلة المنهج بدل ما يكون كل اعتماده على الحفظ والتلقين.
فبدل ما كل سنة نفضل نجري ورا المنهج ونبدأ من الصفر من جديد…
خلّي ابنك يتأسس صح، وهتلاقي المنهج بعد كده بقى أسهل عليه بكتير. ❤️
التأسيس مش ضد المنهج…
التأسيس هو اللي هيخلّي ابنك يعرف يمشي في المنهج. 👑
