مركز الأوائل للأستشارات

العطلة كبيرة و نبي نستثمر وقت اولادنا و ما نعطي فرصة للاجهزة الاكترونية تشغل وقتهم
سجل الان في النادي الصيفي المميز
( سباحة - جمباز - كيك بوكس - تاسيس - قران - اشغال يدوية - مسابقات )
اسعار لا تقبل المنافسة
خصم خاص للاخوة و العائلات
بداية البرنامج الاحد 30 / 5 / 2021
-------------------------------------
مركز الاوائل للاستشارات
18 عام من الخبرة المتواصلة
للتسجيل 97315062
حسابنا على الانستقرام
https://www.instagram.com/alawaelkw/

هاااام و عاااجل
و رجعنالكم من جديد ..

ترقبوا النادي الصيفي المميز
قريبا جدا

. #نصيحةمركزالاوائل

يا بابا .. 👨
يا جدو .. 👴
يا تيتة .. 👵
يا خالو وعمو .. 👨🏻
ويا خالتو و عمتو .. 😎 ارجوكم 🙏

احترموا قرار الأم في تربية أطفالها ، يعني بلاش تيجي لما ماما تقول موبايل أو شيبسي لأ... لطفل صغير وتيجي انت او انتي تديهوله من باب الحب و التدليل 🙄

انت كدة بتأذي الطفل مش بتفيده و بكدة هتتسبب في زعله و كراهيته لوالدته اللي هي أصلاً قاعدة معاه ٢٤ ساعة يومياً ٧ أيام في الأسبوع 😥

حرام و ربنا هيحاسبنا علي كدة ☝️
الام هى العارفة اسلوب اطفالها وعارفة مدخل تفكيرهم وهى العارفة أيه اليفيد اولادها وايه اليضرهم .

نفس الكلام للأب بلاش تيجي من شغلك عايز تدلع و تطبطب تقوم تهدم صورة الام وشخصيتها وحزمها مع ولادك وتهز صورتها بقرار بسيط ، متسمعش كلامها انا هنا اللي بقول....طيب وبعدان لما بابا يروح شغله الطفل حيعاند مع ماما وهو مطمن لرد فعل بابا 😏
لازم ندعم شخصية الام ادام اطفالنا ...والاطفال تحس بالدعم ده .
ولو حصل العكس حيحصل أيه ؟؟؟


بكرة لا هيسمع كلامك ولا كلامها ولا هيحترمها ولا هيحترمك ✋
عفانا الله واياكم
ياريت قبل متقرروا تدمروا قرارات وبالتالى شخصية الام قدام عين اطفالها اللي بتتقطع عقبال مبتعوده علي نظام أو عادة إيجابية تفكروا معاها او تستأذنوها لإن دي التربية الصحيحة و الايجابية مش اللي انتوا بتعملوه 👍
دمتم لنا بكل خير 😍

#نصيحةمركزالاوائل

☺☺..مشكلة الخجل..☺☺

.☺️ "وش كسوف" ☺️كلمة بتقولها نرسخ بها صفة عند اطفالنا ....صفة الخجل

❗كلنا شوفنا اطفال و شباب مراهقين فيهم صفة الخجل و بيعتمدوا علي اهاليهم اعتماد كامل في كل حاجة لدرجة انهم ساعات بيبقوا عندهم خجل او مكسوفين من اهلهم بحد ذاتهم.. من اول سنة في عمر الطفل بنقول ماهو طفل و بيتكسف عادي لكن المشكلة بتظهر لما يبتدوا يتعاملوا مع ناس بره البيت غير اهاليهم في الشارع و زمايلهم في المدرسة و النادي.. الاهل يستسلموا لفكرة انه خجول و يتعاملوا معاه علي كده و ان الخجل طبع مش هايتغير.. 🤷‍♀️

❓تعالوا نعرف الاول ايه هو الخجل.؟

💥الخجل ده في الغالب حاجة طبيعية جداً بتبدأ عند الأطفال من سن سنة لما نشوفه اول مايشوف حد غريب يدور وشه في ناحية تانية او او يغمض عيونه او يعيط.. ماهو غريب..
لكن لما موضوع الخجل ده يزيد و يستمر معاه لفترة طويلة نعرف انه عنده حالة نفسية اسمها ( الاضطراب التجنبي ) و دي ظاهرة بتظهر علي الطفل في صور كتير زي انه( وشه يحمر، ايده تسقع، ريقه ينشف، نبضات قلبه بتزيد )..

❓ايه تأثير الخجل علي الأطفال؟؟

1️⃣الخجل بيأثر علي الطفل و يعمله اضطراب في النطق و يتأخر في الكلام.. و ده مش هايخليه يتواصل بشكل طبيعي مع الناس و بالتالي هايبقي عايز ينعزل و عشان مايشوفش حد و يتكلم معاه ده غير انه ممكن يتأخر في الدراسة..

2️⃣الطفل الخجول دايماً بيبقي متردد و ماعندوش ثقة في نفسه و حابب الانطواء و العزلة و بيتكلم بصوت واطي جداً و بيبتسم كتير و بطئ في ردود الأفعال و الاقوال..

3️⃣في المدرسة دايماً يفضل يقعد علي الكراسي الخلفية عشان يستخبي من انظار زمايله و المدرسين..

4️⃣و لو اتحط في تجمع مع ناس غريبة عنه او حتي تجمع عائلي هاتلاقيه وشه ابتدي يحمر و اتضايق من كتر السلامات و الاسئلة عن اخباره و دايماً مشغول بتقييم الناس له..

❓طب مش ممكن ابني يكون بيتكسف عشان هو مؤدب؟!

💥هاقولك لازم تفرق بين الحياء اللي بيمنع الشخص من انه يعمل حاجات غلط عشان يحافظ علي كرامته..
و بين الخجل اللي بيمنع الشخص عن التعامل مع الناس و تفهمهم و يهيب الكلام معاهم من غير سبب ..

و هو موضوع الخجل ده منتشر ولا ابني بس اللي كده؟
في دراسة دولية نشرها د.علي الزهراني في مجلة كلمة الرياض اثبتت ان بين كل ١٠٠ طفل في ٢٤ طفل خجول،وإن النسب بين الجنسين اوضحت الدراسات ان البنات اكتر خجلا من الاولاد اي حوالي ٣٣% مقابل ٤٦ % .

❓طب اضرار الخجل ده ايه؟

1️⃣الخجل بيخلي قدرة الطفل ضعيفة اجتماعياً و بالتالي بيضعف مهاراته مع اسرته و زملائه..

2️⃣بيصيب الطفل بالكسل و الخمول عشان كده نشاطة بيكون محدود..

3️⃣الطفل الخجول بيبعد عن اي شخص بيلومه او بينتقده علي اي تصرف بيعمله و بيبقي مش بيتشجع يعمل اي حاجة جديدة عشان يتجنب النقد و بالتالي مش هايتعلم حاجة جديدة و هايبقي خبرته ضعيفة و هايبقي عالة علي اهله و يتكل عليهم في كل حاجة..

4️⃣بسبب اعتماد الطفل الخجول علي اهله و عدم علاجه من ظاهرة الخجل هاتبقي المرحلة الدراسية صعبة جداً عليه بالاضافة الي انه هايكبر و العلاقات الاجتماعية كمان هاتبقي صعبة لان الخجل هايمنعهم من المشاركة في التهنئة في المناسبات و الزيارات و التجمعات العائلية..

5️⃣الطفل الخجول ادائه في المدرسة بيبقي ضعيف عشان الخجل بيمنعه يسأل المدرسين عن الاجزاء اللي مش فاهمها في الشرح.. و لو حد من المدرسين سأل سؤال الخجل بيمنع الطفل انه يقوم يجاوب علي الرغم من انه عارف الاجابة الصح.. لكن موقف انه يجاوب و الانظار تبقي منصبه عليه تخليه يحس بالخجل..

❓طب ايه الاسباب اللي بتخلي الطفل خجول؟؟

1️⃣عوامل وراثية..
يعني الطفل الخجول غالباً بيكون ابوه نفسه خجول او عمه او خاله او جده.. جينات يعني..

2️⃣طريقة معاملة الاب و الام لطفلهم..
الناس اللي بتبقي قلقانة علي اطفالهم زيادة عن اللزوم و تفضل مرقباه دايماً بغرض الحماية.. بيمنعوا الطفل من الانطلاق في المجتمع و الاستمتاع باللعب و التواصل مع زمايله..
و برضه الشدة في التعامل مع الطفل و توبيخه علي اي خطأ و بالذات قدام زمايله بيخليه يحس بالنقص و يفقد ثقته في نفسه و بيلجأ انه يستخبي عن عيون الناس..

3️⃣لما تكون الاسرة نفسها منطوية و قافلين بيتهم عليهم هما و اطفالهم بعيد عن التعاملات الاجتماعية الصحية و مانعين اطفالهم من الاختلاط بجرانهم و زمايلهم و قرايبهم بشكل طبيعي.. هايخلي الأطفال تتعود علي العزلة و الانطواء..

4️⃣ضعف القدرات العقلية..
غالباً الخجل بيكون ناتج عن عدم قدرة الطفل علي التعبير.. لان احياناً جسمه بيكبر بسرعة و عقله مابيكبرش بنفس السرعة..
و التناقض في سرعة الجسم و العقل بيخلي استيعاب الطفل و قدرته في التعامل و التعبير عن شعوره ضعيفة.. لان عقله مش ناضج كفاية عشان يدور علي كلام و صيغة مناسبة يعبر بيها و ده بيخليه يحس بالخجل..

5️⃣الاحساس بالنقص..
اقوي سبب في ظهور الخجل عند الطفل هو الاحساس بالنقص.. ممكن يكون بسبب اعاقة في جسمه، عنده تقوص في رجله، قصير جداً، تخين جداً، رفيع جداً، سمعه ضعيف..
و ممكن يحس بالنقص بسبب مصروفه القليل عن زمايله في المدرسة او ادواته المدرسية و هدومه..

6️⃣الطفل لو متأخر في مستواه التعليمي و حس ان قدرته العقلية ضعيفة عن باقي زمايله سبب جوهري انه يحس بالخجل..
لكن ده مش شئ اساسي لان في اطفال متفوقين في الدراسة و برضه بيعانوا من الخجل بسبب حاجات تانية..

7️⃣المشاكل الأسرية..
لو الاب و الام عندهم مشاكل كتير مع بعض بيخلي الطفل خايف و مش حاسس بالامان و نفسيته تتأثر و يبعد عنهم و يفضل الانطواء و من هنا تيجي ظاهرة الخجل..

❓طب هانعمل ايه مع الطفل الخجول؟؟

💥في البداية كده لو اتكلمت مع طفلك الخجول عن الخجل او زعقتله و وبخته و اتريقت عليه النتيجة هاتبقي عكسية تماماً و هايزيد عنده الشعور بالخجل..

🔔عشان كده لازم نعمل التالي..

1️⃣الاب و الام يعرفوا مصدر الخجل عند طفلهم و ايه المواقف اللي بيخجل منها و يحاولوا ييشتغلوا علي انه يتجنبها..

2️⃣ الام تخبي قلقلها و خوفها المبالغ فيه عن الطفل.. و تديله فرصه يعتمد علي نفسه و يواجه شوية مواقف اجتماعية بثقه و هدوء..

3️⃣خليه يشترك مع مجموعات من جيرانه او زمايله في لعبه و يكتشف هوايته و يتعلم مهارات معاهم و ده هايخليه يحس بوجوده و كيانه و يخلصه من خجله لما يبتدي ينجح بين المجموعات دي..

4️⃣درب ابنك علي التعامل في المواقف الاجتماعية مع الأطفال و الكبار لكن بشويش و من غير اجبار.. يعني مثلاً خليه يدخل عليكم كده و انتم قاعدين بتتكلموا و سيبه يقعد شوية لحد مايحس بالامان و بعدين اسأله قوله اخبارك ايه في المدرسة النهارده؟
و اديله مساحة يتكلم و يحكي اللي حصل و لو عمل حاجة كويسة اديله مكافأة او حاجة حلوة تشجعه بيها او قوله كلمة تحفزه..

5️⃣شجع ابنك يطلب اللي هو عايزه بكل جراءة من غير خوف او احراج و علمه ازاي يعبر عن مشاعره و رغباته..

6️⃣احكيله قصص و مواقف عن اطفال بيتمتعوا بالشجاعة و كانوا مميزين بالجراءة في بعض المواقف..

❗ نصيحة: اوعي تفكر ان ابنك عشان بيحب يقعد في اوضة لوحده معزول و هادي يبقي طفل مثالي و مؤدب..
الحياء و الأدب صفات جميلة.. لكن الخجل سلوك سئ بيأخر نمو ابنك العقلي و تقدمه الدراسي و تعاملاته الاجتماعية..
لازم تساعده عشان يتخلص من الخجل و تعالجه لان التربية السليمة مش بتطلع طفل خجول و منطوي..
لازم توفر لابنك السعادة و تمنحه الثقة بالنفس و يفتخر بصالح اعماله.
دمتم لنا بكل خير 😍

#نصيحةمركزالاوائل

🌸 أهمية ذهاب الطفل المتأخر فى الكلام إلى الحضانة🌸.

يتأخر الطفل أحيانًا في الكلام بسبب الأهل الذين يلبّون كل رغباته من دون أن يتكلم، وهذا ما يجعله يقتصد في كلامه فهو ليس مضطرًا للكلام أو التعبير أو الدفاع عن نفسه طالما أن كل ما يريده يُنفّذ.
فإذا أراد الطفل مثلاً أن يشرب وأشار إلى أمه بيده يمكنها عوضًا عن تلبية رغبته فورًا، أن تسأله ماذا تريد؟ وإذا أعاد الإشارة تردّ: «لا أفهم عليك قل لي ماذا تريد».
تسأله «لماذا أحضرت الكوب؟ آه هل تريد ماء ؟ أنت عطشان». فمن السهل تلبية رغبته ولكن من الضروري تحفيزه على الكلام.
لذا فإنّ إرسال الطفل إلى الحضانة في هذه السن أمر جيد لأنه يعوّد الطفل على كل هذه الأمور. فالحضانة تضع الطفل في موقع أنه ليس ملكًا والكل في خدمته، بل هناك أطفال مثله والكل لديهم الحقوق نفسها. مثلاً إذا كان يلعب بالكرة وجاء طفل آخر أخذها منه في هذه الحال سوف يعترض...لكن ان كان وسط مجموعة من الاطفال فى نفس عمره سوف يتعلم اننا كلنا علينا اللعب معا ويتعلم المشاركة شيئا فشيئا .ويصبح طفل سوى اجتماعيا .سوف يتعلم الاستقلال والاعتماد على النفس ..انطق لكى أحصل على الشئ .يحاول النطق مع الوقت يصبح الطفل اقوى فى النطق ايضا مع التكرار للمواد التعليمية يوميا واستمتاعه بالانشطة والمشاركة فيها يعوده ويضع الطفل فى مواقف مختلفة يستطيع التعبير عنها..والتعايش معها ...بعيدا عن الاجهزة الالكترونية التى تتلف العقل وتشتت الانتباه وتاخر النطق لانها تجعل الطفل متلقى فقط فى كثير من الاحيان .
فالطفل الذى يدخل الحضانة يصبح اقوى فى الشخصية. اجتماعيا و تربويا وحتى سلوكيا لانه ايضا سوف يتعلم الانضباط والالتزام وان لكل شى وقته التعليم وقته والقصة وقتها والقران وقته وحتى للعب وقته ....فالحضانة لاغنى عنها للاطفال من سن سنتان الى ماقبل المدرسة
فهناااك فرق كبير بين طفل دخل الحضانة قبل المدرسة وبين طفل لم يخرج من المنزل الا فى سن المدرسة
شتان بين هذان الطفلان فى الشخصية والنطق والسلوك

🌸🌸🌸 دمتم لنا بكل خير 🌸🌸🌸

#نصيحةمركزالاوائل #الاسبوعية
.خلو بالكم متخلوش الدنيا تشغلكم عن أهم ما في حياتكم

بيتها مكركب 😒
بس أولادها لعبوا كتيير النهارده و انبسطوا 😍

أكلت هي وجوزها أكل بايت 🍱
بس عملت أكل صحي ومفيد للأولاد
🍎🍖🍵

سبت الغسيل إتملي هدوم 👕👖👔
بس الأولاد استحموا ولبسوا هدوم نضيفة وريحتها حلوة🛀🏻🚿

المواعين باتت في الحوض من امبارح 🍴
بس حكت قصص لأولادها

ملحقتش توضب السرير
بس مسابتش ابنها يعيط وحضنته كتيير و مصدقتش حد لما قالها سيبيه يتفلق👶🏼😫

ملحقتش تكنس و تلمع كل الشقة
بس الأولاد انهاردة اتعلموا حاجات كتيير مفيدة في مجالات كتير👍

مطبقتش كل الهدوم
بس خدت نص ساعة بعد ما الأولاد ناموا عشان تتفرج علي حاجة بتحبها و هي بتشرب حاجة سخنة ☕
عشان تقدر تكمل وتواصل
❤❤❤

لو زوجك قالك بتعملي إيه طول اليوم
قوليله بعمل إنسان له كيان
ببني بني آدم سوي
معندوش عقد ولا كلاكيع
بحاول استبدال ما هو أدني بالذي هو خير 😊

شغل البيت ممكن يتأخر شوية
والمواعين مش هتعيط في الحوض
ولا الدولاب عنده مشاعر وأحاسيس هتضايق لو الهدوم متطبقتش
بس الأولاد عندهم مشاعر وأحاسيس
عندهم كيان لازم نساعدهم يبنوه بدل ما نبقي أمهات أي كلام بتطلع جيل تانى من التوافه والامعات.
انتى أم ابتغى وجه الله فى أجمل وظيفة على وجه الارض

دمتم بخير امهاتنا الغوالى 💚💚

#معلومةمركزالاوائل #الاسبوعية 😍
*** إرشادات الوقاية من التعلثم ..

التهتهة .. التأتأة .. اللجلجة .. للاطفال
بين سن 3-15 سنه.

عزيزي الأب ، عزيزتي الأم و عزيزي المعلم ..
هناك بعض الاحتياطات التي يجب اتباعها لتجنيب أطفالنا مشاكل التلعثم
وهي الأتي :-
o
قلل من العوامل التي قد تؤدي إلى زيادة الضغط النفسي والتوتر العصبي لدي الطفل

o
اعط الطفل الفرصة الكافية للتعبير عن نفسه بدون
مقاطعه.
o
الابتعاد عن ما يؤدي إلى استعجال الطفل في الكلام .
o
لا توجه له أي كلمات و لا تساعده في الكلام و لا تحاول أن تقول ما يريد أن يقول.
o
لا تنظر بعيدا عنه أو تغير من تعابير وجك ولكن انظر و استمع اليه جيدا حتى ينتهي " كن مستمعا جيدا ".
o
لا تطلب و لا تجبر طفلك على أن يتحدث أمام الأشخاص الاخرين أو الذين لا يرغب في الكلام معهم.
o
لا تطلب من طفلك أن يبطىء أو يأخذ نفساً قبل الكلام فهذه الاقتراحات تزيد الحالة سؤاً في الغالب.
o
لا تهزأ منه و لا تدع أحدا يهزأ منه.
o
لا تعقابه و لا تشجعه على الكلام، لا تقل له أنت تتكلم بشكل جيد أو تقل له أنت كلامك فيه صعوبة أو خطاء كثير.
o
تجنب ذكر المشكلة والتحدث فيها أمامه.
o
إذا لاحظت أن الطفل لديه القدرة في التعبير بطلاقة حاول استغلالها أطول مده ممكنة باستمراره في الحديث معك.
o
إبعاد الطفل عن جو المشاحنات والخلافات والمواقف المؤلمة نفسياً .
o
عدم إعطاءه أي تنبيه حول مشكلة التلعثم.
o
إبعاده عن الأطفال الذين لا يمكن أن يفهموا التعليمات ويسخرون منه.
o
أبعاده عن الأطفال الذين يعانون من نفس المشكله.
o
عدم إحراج الطفل في الكلام أو إكثار الاسئله عليه عندما يكون محرج أو متعب أو مريض أو غاضب لان ذلك يؤدي ألي تلعثم أكثر في الكلا م.
o
لاتخلق الخوف في نفسه بل الثقة والتفاؤل.
o
يجب تعاون الجميع لتحقيق النجاح.
o
تجنب الحديث مع الطفل عندما تكون مشغولا باداء أي عمل أو مستعجل.
o
شجعه على ان يؤدي بعض الاعمال و زوده بالمديح الملائم.
o
اذا استمرت المشكلة اعرض الطفل على اخصائي تخاطب
دمتم لنا بكل خير 😍

#نصيحةمركزالاوائل 😍
أسرار زيادة تركيز الطفل والتفوق في الدراسه

اولا /النوم المنتظم ٩ ساعات يوميا يساعد على زيادة التركيز والانتباه لدي الطفل لما يفرزه الجسم من هرمونات الذكاء أثناء النوم وبخلص الجسم من المواد الضاره التي قد تعيق تركيزه

ثانيا / تنظيم الوقت /من أهم الأسرار التي قد تعمل على زيادة انتباه الطفل وتفوقه الدراسي..... بمعنى لابد من تحديد جدول زمني ليوميات الطفل... على سبيل المثال النوم ٩ساعات... المذاكره ساعتين من الساعه كذا الي الساعه كذا
ساعه لعب..... تلي المذاكره مباشرة..... ساعتين تليفزيون مقطعين على مدار اليوم نص ساعه كل فتره وده فى الوقت الحالى ...... فيكون الطفل مهيأ نفسيا بأن الساعه دي هي ساعة المذاكره وبس وانه هيلعب بعد ما يذاكر مباشرة..... بمعنى ان الطفل ميكونش بيذاكر وهو بيفكر في حاجه تانيه في لعبه او برنامج تلفزيوني.... هيكون مدرك تماما ان لكل حاجه وقتها المحدد

ثالثا /بعد الطفل عن المشتتات /بمعنى ان الطفل لابد أن يذاكر في غرفه بعيده عن صوت التليفزيون.... أثناء المذاكره يكون اي موبايل في البيت صامت.. الأخوات كلهم يذاكروا في وقت واحد... ميكونش واحد بيذاكر والتاني بيلعب جنبه

رابعا /ممارسة الرياضه... /من الوسائل الهامه جدا في تنشيط خلايا المخ.. العقل السليم في الجسم السليم..يعنى ممكن تقوليله اثناء المذاكرة ايه رايك ناخد بريك نعمل شوية رياضة ننشط بها مخنا وجسمنا 🤗

خامسا /الغذاء الجيد والمفيد /بمعنى البعد نهائيا عن المواد الحافظه... فمن الضروري ان يتناول الطفل الغذاء المفيد من كل الأنواع يأخذ شئ من كل نوع من النشويات.؛ البروتينات... السكريات المفيدة مثل الغسل الابيض والاسود .... لتنشيط خلايا المخ المسؤله عن عملية التركيز والانتباه

سادسا /تهيئة الطفل نفسيا قبل المذاكره واثناءها... عليكي عزيزتي الام ان تبتعدي نهائيا عن سلاح الام المفضل أثناء المذاكره (💪) ... صح ولا انا غلطانه
استبدلي هذا السلاح بمعزز أخر مثل أي شئ مفضل عند الطفل كلعبه.... شيكولاته.... خروجه حلوه....كنوع من انواع التحفيز المعنوى للطفل .... تمام،
يلا ننفذ ننفذ ...ونشوف نتيجة القولناه فووووق 👆👆حتكون ايه مع بعض ...
دمتم لنا بكل خير 😍

..💣 تخاطيف من الجلسة 💣

🤗انا : تيجى نلعب النهاردة لعبه حلوة
😍هو : الله يامس يلا نلعب

🤗انا : طيب يلا امسك ورقة وقلم واكتبلى اسمك
🤗هو : حاضر يامس اهووو ............. مازن
🤗انا : طيب يلا بقى اكتبلى حروف اسمك
😍هو : حاضر ..... (م ، ا ، ز ، ن )

🤗انا : طيب تعرف تاخد كل حرف فيهم وتكتبلى صفة بتتميز بيها وبتعبر عنك
😍هو ممممممم هاجرب يامس
_م....... ممل
_ ا....... ارخم ولد
_ ز ....... زنان
_ ن ...... نكدى

🤗انا : اى ده ليه كدة ليه كتبت الصفات دى
😍هو : اصلهم كلهم بيقولولى كدة فاكيد دى صفاتى
🤗انا : هما مين دوووول الى بيقولولك كدة
😍هو : ماما .. بابا .... خالتى ... اخواتى ... عمى

ياريت تكون الرسالة وصلت .
دائما
لاتعيبوا على شخص الاولاد
وانما
عيبوا الفعل الخطأ منهم فقط .
انتم مرآة يرون فيها انفسهم .

. #معلومةمركزالاوائل

❤️عن وقت الدراسه .. 👫💼

ساعدي ابنك ع تحسين انتباهه وتركيزه عند المذاكره
👈 البعد عن التشتت واستماع المشاكل وتخصيص مكان للمذاكره ف اخر الغرفه بعيداً عن باب الغرفه حتي لا ينتبه لتحركات وكلام افراد المنزل
👈 اثناء المذاكره كل ساعه يجب جعل 10 دقائق استرخاء بدون بذل اي مجهود ذهني
👈 لابد ان يربي الطفل ويدرك ان المذاكره هي مسؤليته الشخصيه هو وليس مسؤليتك ولا مسؤليه والده
هو وحده المسؤل عنها وعليكي الاشراف والمتابعه بعد الانتهاء من المذاكره بطرح بعض الاسئله عليه والتفتيش ع الواجبات وهل نسي شئ .. هل اداها بأتقان .. ام لا ....?
وعند عجره ع فهم شئ
هنا فقـط عليكي بالتدخل بمساعدته
ولا يجب ان تجلسي معه اثناء المذاكره حتي تتجنبي ما يلي
👆_ سيتعود ع ان تجلسي بجواره اثناء المذاكره ولن يستطيع ادائها بمفرده إذا انشغلتي عنه لأي سبب م الاسباب
ويصبح غير معتمد ع نفسه
✌_ سيصاب بالكسل العقلي ولا يستطيع ان يفكر وحده مثلا ف مسأله رياضيه صعبه شويه ..
اتعود انك بتفكري وبتديله المعلومه جاهزه سهله فيصبح فيما بعد سئ ف حل مشاكله او ف اختيار قراراته
👌_ سيتعلم ان المذاكره امر ف غايه الاهميه بالنسبه لكي انتي. وانها لا تمثل له اي اهميه واذا لم تلبي له أوامره. سيعترض عن المذاكره
👈فيجب ان لا تشعري ابنك بأنه صغير لا يستطيع فعل اي شئ بمفرده وانه يلهو ويلعب اذا انشغلتي عنه قليلاً ويجب أيضاً ان تجمعي كل فعل جميل وخبري به والده بعد العوده
👈 تكافئيه ع كل عمل حسن يعمله حتي لو بالتقبيل والاحتضان
او أى حاجة حلوة بيحبها .انتى عارفة ابنك بيحب ايه ..

منقول للافادة
دمتم لنا بكل خير 😍

❤ #معلومةمركزالاوائل❤
سوف نتكلم عن مشكلة الصمت الاختياري لدى الأطفال

😐 ماهو الصمت الاختياري ..😐

👈هو حالة من حالات الاضطراب النفسي الذي يصيب الاطفال ويظهر هذا الاضطراب في المدرسة او عندما يتعرض الى مواقف اجتماعية معينة ،
وكلما واجه الطفل توترا نفسيا كلما بدا عليه هذا النوع من الصمت ويكون عليه العكس عندما يكون مرتاحا وسعيدا فإنه ينطلق في الكلام والحركات .

👈يحدث هذا النوع من الصمت لدى الاناث الصغيرات اكثر مما يكون لدى الاولاد الصغار اي يحدث لهم مابين السن الثانية الى الثامنة .

👈كثيرا ما يصاب الاطفال بالصمت الاختياري ويعبرون عما يريدون بالاشارات او حركات الجسم خاصة عندما يواجهون الغرباء او الاشخاص الذين يثيرون عدم الراحة لديهم ،
وله علاقة ماسة بالخوف من الاتصال الاجتماعي .

👈كثيرا ما يؤثر هذا الصمت على التحصيل الدراسي كذلك الاصابة بالكآبة خاصة اذا واجه الطفل من يستهزأ به من الاخرين سواء الكبار او الاطفال في المدرسة او الحارة .

👈كما يعاني الطفل الصامت من صعوبة في تكوين علاقات اجتماعية مع الاطفال الاخرين ،
وقد تستمر هذه الحالة وتنمو مع نمو الطفل اذا لم يعالج في الوقت المناسب ،
تخدير ❌
اذا استمرت الحالة بعد سن العاشرة دون علاج قد تستمر الحالة وتكون مزمنة لدى الفرد .

يمكن ان نطلق على هذا الصمت الاختياري بصفة الصمت الاجباري وليس اختياري لانه جاء دون اختيار الطفل له .


* اسباب ظاهرة الصمت الاختياري : 👈

هناك اسباب عديدة منها ما ياتي :
1 ـ الخوف من الاتصال الاجتماعي
2 ـ ضعف الثقة بالنفس ويشتد ذلك عند الذهاب الى المدرسة لاول مرة .
3 ـ الشعور بالخجل الشديد نتيجة للتنشئة الاجتماعية الخاطئة .
4 ـ اضطراب اللغة ومشاكل اللفظ .
5 ـ الاتكالية التي يمارسها الطفل نتيجة لمعاملة الوالدين .
6 ـ الدلال الزائد الذي يتلقاه الطفل من الوالدين .
7 ـ الشعور بالقلق والاضطراب النفسي .
8 ـ المشاكل العائلية والشعور بعدم الاستقرار والامان .
9 ـ الحد من العلاقات الاجتماعية بحيث لا يسمح للطفل من الاتصال بالاخرين وتكوين الصداقات او العلاقات في المراحل الاولى من النمو وعندما يواجه الاطفال الاخرين خاصة في المدرسة للوهلة الاولى تظهر هذه الحالة .
10 ـ الصرامة في المعاملة وتسلط الوالدين او من يتعامل مع الطفل من الكبار .
11 ـ تعرض الطفل لمواقف من الاهانة والاستهزاء .

👈*مظاهر الصمت الاختياري :

تظهر على الاطفال بعض السلوكيات التي يمكن ملاحظتها للوهلة الاولى وقد تاتي تلك السلوكيات تدريجيا وتشتد كلما تعرض الطفل لمواقف تثير التوتر اليه .

يمكن تلخيص تلك المظاهر كما يأتي :
1 ـ يلتزم الطفل الصمت عندما يلتقي بالغرباء كالطبيب او المعلم .
2 ـ يلتزم الصمت عند وجود الاب المتسلط الشديد .
3 ـ يلتزم الصمت عندما يواجه موقفا يثير القلق لديه كترك الطفل مع الاخرين وابتعاد الوالدين عنه .
4 ـ العزوف عن الذهاب الى المدرسة .
5 ـ حالات العناد التي تظهر على الطفل .
6 ـ التوتر والعصبية من مواقف لا تحتاج الى تلك العصبية .


👈*علاج حالة الصمت الاختياري :

يتم علاج الصمت الاختياري بالعلاج النفسي والعلاج الدوائي

كما يأتي :

1 ـ العلاج بالادوية التي تعطى للمصابين بالكآبة وهذا طبعا لا يكون فى كثير من الاحوال والحالات .
2 ـ العلاج النفسي السلوكي الادراكي .
3 ـ التعاون بين الاسرة والمدرسة والاخصائي النفسي والاجتماعي .
4 ـ معاملة الطفل معاملة حسنة .
5 ـ تقوية الثقة بالنفس . وهذا اساسى وضرورى للطفل
6 ـ تدريبه على الاعتماد على النفس والابتعاد عن الاتكالية .
7 ـ تجنب الاستهزاء به عندما يتكلم واعطائه الفرصة للتعبير عن افكاره وما يريد . لتقوية الثقة بالنفس
8 ـ اتاحة الفرصة الكافية له لتكوين الصداقات والعلاقات التي يرغب بها مع التوجيه ان حدث خطا في تلك العلاقات بعيدا عن التوتر .
9 ـ تجنب التسلط والقسوة في المعاملة .
10 ـ الترفية ومساعدة الطفل على التخلص من التوتر والقلق قدر الامكان .
11 ـ اتاحة الفرصة له لتعلم المهارات المختلفة .
12 ـ تدريبه على اللغة السليمة وعلاجه ان كانت لديه صعوبات واضطرابات لغوية .
13 ـ اشراكه في النشاطات الرياضية والاجتماعية المناسبة مع سنه وجنسه .
14 ـ مراقبة سلوكه في المدرسة وحل مشاكله الدراسية .
15 ـ مساعدته في حل مشاكله بعيدا عن التدخل غير المنطقي .
16 ـ علاجه باللعب والرسم والاسترخاء ..
دمتم لنا بكل خير امهاتى الغاليين 😍

#معلومةمركزالاوائل ❤👈
توضيح للافادة امهاتى الغاليين
للان لسه ناس كتير مش عارفه يعني ايه تخاطب 📷
📷هقول لحضراتكم يعني ايه تخااااااااااااطب 📷
📷📷📷📷📷📷📷📷📷
التخاطب تواصل لغوى مش تواصل بس
التخاطب لازم يكون فيه لغه مفهومة ومنظمة
التخاطب لفظ له معنى يفهم لدى المستمع
لالتخاطب بيكون من فرد لفرد ومن فرد لجماعة مش من جماعة لفرد =يبقى التخاطب مجموعة كلمات مرتبطه ببعض تعطى معنى او جمله مفيدة يفهمها المستمع
=يبقى التخاطب له طرفان متحدث ومستمع
وعلشان تنجح عملية التخاطب يبقى لازم يكون المتحدث عندة جهاز كلامى كويس ويكون صوته واضح مفيش فيه اعاقات صوتيه وتكون البيئه جيدة لنقل الكلام
ولازم كمان يكون المستمع عنده جهاز سمع كويس وعندة قدرة عقليه علشان يقدر يفهم الكلام وتكون اللغه مشتركه بينهم
يبقى من كلامنا السابق نفهم ان فيه 3 محاور اساس عملية التخاطب
*الكلام
*الصوت
*اللغة
ايه دة هو فيه فرق بين الثلاثه ؟
اه طبعا
اضطرابات الكلام غير اضطرابات الصوت غير اضطرابات اللغه
طيب ايه هى اضطرابات الكلام؟
اضطرابات الكلام دى الخاصة بالجهاز الكلامى واعضائة الخاصة
زى ايه؟
زى
*اللدغات
*التهتهه
*الحبسة الكلاميه
*الخنف
*الابدال
*الحذف
*الاضافة
*التشويه
*الاقلاب
وايه هى اضطرابات الصوت ؟
زى
*البحه الصوتيه
*ضعف الصوت
*فقدان الصوت
*الصوت الرفيع لدى الذكور
*الصوت الغليظ لدى الاناث
وايه هى اضطرابات اللغه ؟
ودى بتكون اضطراباتها فى المخ لان المسئول عن اللغه (المخ)
واضطرابات المخ او اللغه دى نوعين
📷📷📷📷📷📷📷
بالنسبه (للكبار)
*العى
*تصلب الشرايين
*الزهايمر
بالنسبه (للاطفال)
*التوحد
*الداون
*الشلل الدماغى
*صعوبات التعلم
دمتم لنا بالف خير .😍