20/05/2026
RTTC Kandal
Share
Contact information, map and directions, contact form, opening hours, services, ratings, photos, videos and announcements from RTTC Kandal, Education Website, Prek Samrong Village, Sangkat Ta Khmau , Ta Khmau Municipality, Kandal Provinces, Ta Khmau.
ទំព័រផ្លូវការរបស់មជ្ឈមណ្ឌលគរុកោសល្យភូមិភាគ ហ៊ុន សែន ខេត្តកណ្ដាល សម្រាប់គាំទ្រ ផ្សព្វផ្សាយ សមទ្ធផលរបស់រាជរដ្ឋាភិបាល ក្រសួងអប់រំ យុវជន និងកីឡា ដំណើរប្រព្រឹត្តសាមីអង្គភាព ពិសេសចែករំលែកព័ត៌មានពិតនូវសភាពការព្រំដែនកម្ពុជាបច្ចុប្បន្ន
20/05/2026
29/04/2026
ការអភិវឌ្ឍវិជ្ជាជីវៈជាប្រចាំ | ដំណាក់កាលជួបមុខផ្ទាល់លើកទី២ នៃវគ្គបណ្ដុះបណ្ដាលស្ដីពី «ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch»
ខេត្តកណ្ដាល៖ ថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦ មជ្ឈមណ្ឌលគរុកោសល្យភូមិភាគ ខេត្តកណ្ដាល បានរៀបចំ វគ្គបណ្ដុះបណ្ដាលស្ដីពី «ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch» ជូនដល់គ្រូបង្រៀនមុខវិជ្ជា ICTដែលកំពុងបំពេញការងារនៅសាលាគោលដៅទាំង៥ក្នុងខេត្តកណ្ដាល ដែលស្ថិតនៅក្រោមគម្រោង ការពង្រឹងសមត្ថភាពការអប់រំ ICT នៅមធ្យមសិក្សាបឋមភូមិ នៅកម្ពុជា ដូចជា៖ អនុវិទ្យាល័យអនុវត្ត ក្រុងតាខ្មៅ វិទ្យាល័យ ហ៊ុន សែន តាខ្មៅ វិទ្យាល័យ ហ៊ុន សែន សេរីភាព វិទ្យាល័យ ហ៊ុន សែន ថ្នល់ទទឹង និងវិទ្យាល័យទេពប្រណម សរុប១១នាក់ ។
នេះជាដំណាក់កាលជួបមុខផ្ទាល់លើកទី២ ដើម្បីធ្វើការឆ្លុះបញ្ចាំងចំណេះដឹងនិងបំណិនដែលទទួលបានពីវគ្គសិក្សា។ ក្នុងវគ្គនេះយើងសម្គាល់ឃើញថា សិក្ខាកាមស្ទាត់ជំនាញជាមួយការសិក្សាជាមួយថ្នាល CDP និង ភាសាសរសេរកម្មវិធី scratch ជាមួយ AI ។ គម្រោងបញ្ចប់វគ្គរបស់គាត់មានលក្ខណៈបង្កើតថ្មី ច្នៃប្រឌិតខ្ពស់ ។ពិសេសមានគម្រោងបីលេចធ្លោគឺ (១)គម្រោងបង្ហោះប៉ោងៗ របស់លោក ផុន វណ្ណៈ នាយករងនៃវិទ្យាល័យ ទេពប្រណម្យ ដោយ អនុវត្តលើ Teachable Machine ម៉ូដែលសំឡេង (Audio Model) បញ្ជាឱ្យតួអង្គបង្ហោះប៉ោងតាមសំឡេងហៅពណ៌។ (២)គម្រោងបែកចែកប្រភេទសំរាមរបស់ លោកស្រី ហៀង រស្មី គ្រូបង្រៀននៃវិទ្យាល័យ ហ៊ុន សែន សេរីភាព អនុវត្តលើ Teachable Machine ម៉ូដែលរូបភាព (Image Model) ការបង្រៀន AI ឱ្យអាចបែងចែក រូបភាពតាមក្រុមនៃប្លាស្ទិក ដប-កែវ និងសរីរាង្គ បានច្បាស់លាស់នៅពេលយើងបង្ហាញរូបភាព។ (៣)គម្រោង Play Dinosaur Hunt Crystal with arrow key របស់លោកស្រី ឡូវ លីអ៊ី
អនុវត្តលើ Teachable Machine ម៉ូដែលសំឡេង (Audio Model) បញ្ជាឱ្យតួអង្គផ្លាស់ទីចាប់ត្បូងដោយប្រើសំឡេងបញ្ជាជំនួសគ្រាប់ចុចព្រួញ។ សិក្ខាកាមនៃវិទ្យាល័យ ហ៊ុន សែន ថ្នល់ទទឹង និងអនុវិទ្យាល័យ អនុវត្ត ក៏បានបង្ហាញស្នាដៃលើការបង្កើតសម្ភារឧបទេស ជាសន្លឹកកិច្ចការ និងកាតជាច្រើនផងដែរសម្រាប់ ម៉ូដែលអក្សរ (Text model) និងម៉ូដែលលេខ (Numeric Model)។
សិក្ខាកាមបានចំណាយរយៈពេលពីរថ្ងៃនៃការបណ្ដុះបណ្ដាលនេះ គឺជាដំណាក់កាលជួបមុខផ្ទាល់លើកទី១ រួចមកហើយ កាលពីថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ ដល់ថ្ងៃពុធ ៦កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែមេសា ឆ្នាំ២០២៦ និងបានបន្តស្វ័យសិក្សាអនឡាញនៅលើថ្នាលអភិវឌ្ឍសមត្ថភាពវិជ្ជាជីវៈ CDP នៃវគ្គបណ្ដុះបណ្ដាលការសរសេរកម្មវិធីបញ្ញាសិប្បនិម្មិត AI ជាមួយ Scratch គឺជាកម្មវិធីបណ្ដុះបណ្ដាលដែលផ្ដោតលើការប្រែក្លាយទ្រឹស្ដី AI និង Machine Learning ទៅជាការអនុវត្តជាក់ស្ដែងតាមរយៈវិធីសាស្ត្រ "Leaning-by-Doing"។ សិក្ខាកាមនឹងអភិវឌ្ឍការគិតបែបកុំព្យូទ័រ និងក្រមសីលធម៌បច្ចេកវិទ្យា តាមរយៈការបង្កើតគម្រោងឆ្លាតវៃដូចជា ប្រព័ន្ធទទួលស្គាល់រូបភាព សំឡេង និងការបង្កើត Chatbot។ វាគឺជាទម្រង់ការសិក្សាដ៏រស់រវើក និងសមស្របបំផុតសម្រាប់គ្រូបង្រៀន ICT និងអ្នកចាប់ផ្ដើមដំបូង ដើម្បីពង្រីកលទ្ធភាពច្នៃប្រឌិតក្នុងយុគសម័យឌីជីថល។
វគ្គបណ្ដុះបណ្ដាលនេះធ្វើឡើងស្របគ្នាជាមួយនឹងមជ្ឈមណ្ឌលគរុកោសល្យភូមិភាគ ខេត្តតាកែវ ព្រៃវែង និង វិទ្យាស្ថានគរុកោសល្យ ខេត្តកំពង់ចាម តាមលំនាំនៃផែនការរបស់ RTTC PLC-Based ឆ្នាំ២០២៦។
រៀបចំឡើងដោយ៖ សហគមន៍សិក្សាវិជ្ជាជីវៈមជ្ឈមណ្ឌលគរុកោសល្យភូមិភាគ (មជ្ឈមណ្ឌលគរុកោសល្យភូមិភាគ ខេត្តកណ្ដាល តាកែវ ព្រៃវែង និងវិទ្យាស្ថានគរុកោសល្យ ខេត្តកំពង់ចាម)
សម្របសម្រួលដោយ៖ នាយកដ្ឋានកិច្ចការវិក្រឹតការ នៃក្រសួងអប់រំ យុវជន និងកីឡា
ឧបត្ថម្ភគាំទ្រនៃការគម្រោងការពង្រឹងសមត្ថភាពការអប់រំ ICT នៅមធ្យមសិក្សាបឋមភូមិនៅកម្ពុជា (ទីភ្នាក់ងារKOICA )
ស្ដង់ដាទី២ ៖ ធនធានបណ្ដុះបណ្ដាល | ២.២.ធនធានមនុស្ស | ២.២.៣.ការអភិវឌ្ឍវិជ្ជាជីវៈជាប្រចាំ ២.២.ការចូលរួមក្នុងសហគមន៍សិក្សាវិជ្ជាជីវៈ ៤.វិក្រិតការគ្រូបង្រៀន
ស្តង់ដាសាលាគរុកោសល្យគំរូ
27/04/2026
ក្រសួងអប់រំ យុវជន និងកីឡា បានរៀបចំកិច្ចប្រជុំពិនិត្យពិភាក្សាលើសេចក្ដីព្រាងឯកសារណែនាំស្ដីពី ការកំណត់ និងការពិពណ៌នាមុខតំណែង.
-គេហទំព័រ និងបណ្ដាញសង្គម៖ https://linktr.ee/moeyscambodia
24/04/2026
ការអភិវឌ្ឍវិជ្ជាជីវៈជាប្រចាំ | វគ្គបណ្ដុះបណ្ដាលស្ដីពី «ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch»
ខេត្តកណ្ដាល៖ ថ្ងៃអង្គារ ៥កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ ដល់ថ្ងៃពុធ ៦កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែមេសា ឆ្នាំ២០២៦ មជ្ឈមណ្ឌលគរុកោសល្យភូមិភាគ ខេត្តកណ្ដាល បានរៀបចំវគ្គបណ្ដុះបណ្ដាលស្ដីពី «ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch» ជូនដល់គ្រូបង្រៀនមុខវិជ្ជា ICTដែលកំពុងបំពេញការងារនៅសាលាគោលដៅទាំង៥ក្នុងខេត្តកណ្ដាល ដែលស្ថិតនៅក្រោមគម្រោង ការកសាងសមត្ថភាពបច្ចេកវិទ្យាព័ត៌មានសម្រាប់ការអប់រំ ដែលគាំទ្រដោយKOICA នៅមធ្យមសិក្សាបឋមភូមិ នៅកម្ពុជា ដូចជា៖ អនុវិទ្យាល័យអនុវត្ត ក្រុងតាខ្មៅ វិទ្យាល័យ ហ៊ុន សែន តាខ្មៅ វិទ្យាល័យ ហ៊ុន សែន សេរីភាព វិទ្យាល័យ ហ៊ុន សែន ថ្នល់ទទឹង និងវិទ្យាល័យទេពប្រណម សរុប១១នាក់ ។
វគ្គបណ្ដុះបណ្ដាលវគ្គសិក្សា AI ជាមួយ Scratch គឺជាកម្មវិធីបណ្ដុះបណ្ដាលដែលផ្ដោតលើការប្រែក្លាយទ្រឹស្ដី AI និង Machine Learning ទៅជាការអនុវត្តជាក់ស្ដែងតាមរយៈវិធីសាស្ត្រ "Leaning-by-Doing"។ សិក្ខាកាមនឹងអភិវឌ្ឍការគិតបែបកុំព្យូទ័រ និងក្រមសីលធម៌បច្ចេកវិទ្យា តាមរយៈការបង្កើតគម្រោងឆ្លាតវៃដូចជា ប្រព័ន្ធទទួលស្គាល់រូបភាព សំឡេង និងការបង្កើត Chatbot។ វាគឺជាទម្រង់ការសិក្សាដ៏រស់រវើក និងសមស្របបំផុតសម្រាប់គ្រូបង្រៀន ICT និងអ្នកចាប់ផ្ដើមដំបូង ដើម្បីពង្រីកលទ្ធភាពច្នៃប្រឌិតក្នុងយុគសម័យឌីជីថល។ រយៈពេលពីរថ្ងៃនៃការបណ្ដុះបណ្ដាលនេះ គឺជាដំណាក់កាលជួបមុខផ្ទាល់លើកទី១ បន្ទាប់មកសិក្ខាកាមត្រូវបន្តស្វ័យសិក្សាអនឡាញនៅលើថ្នាលអភិវឌ្ឍសមត្ថភាពវិជ្ជាជីវៈ CDP ចុងក្រោយនាថ្ងៃទី២៨ ខែមេសា ឆ្នាំ២០២៦ ខាងមុខជាដំណាក់កាលជួបមុខផ្ទាល់លើកទី២ ដើម្បីធ្វើការឆ្លុះបញ្ចាំងចំណេះដឹងនិងបំណិនដែលទទួលបានពីវគ្គសិក្សា។ សិក្ខាកាមនឹងទទួលបាន ១ ក្រេឌីត បន្ទាប់ពីបំពេញគ្រប់លក្ខខណ្ឌ។
វគ្គបណ្ដុះបណ្ដាលនេះធ្វើឡើងស្របគ្នាជាមួយនឹងមជ្ឈមណ្ឌលគរុកោសល្យភូមិភាគ ខេត្តតាកែវ ព្រៃវែង និង វិទ្យាស្ថានគរុកោសល្យ ខេត្តកំពង់ចាម តាមលំនាំនៃផែនការរបស់ RTTC PLC-Based ឆ្នាំ២០២៦។
រៀបចំឡើងដោយ៖ សហគមន៍សិក្សាវិជ្ជាជីវៈមជ្ឈមណ្ឌលគរុកោសល្យភូមិភាគ (មជ្ឈមណ្ឌលគរុកោសល្យភូមិភាគ ខេត្តកណ្ដាល តាកែវ ព្រៃវែង និងវិទ្យាស្ថានគរុកោសល្យ ខេត្តកំពង់ចាម)
សម្របសម្រួលដោយ៖ នាយកដ្ឋានកិច្ចការវិក្រឹតការ នៃក្រសួងអប់រំ យុវជន និងកីឡា
ឧបត្ថម្ភគាំទ្រដោយ៖ គម្រោងការកសាងសមត្ថភាពបច្ចេកវិទ្យាសម្រាប់ការអប់រំនៅមធ្យមសិក្សាបឋមភូមិនៅកម្ពុជា (ទីភ្នាក់ងារKOICA )
ស្ដង់ដាទី២ ៖ ធនធានបណ្ដុះបណ្ដាល | ២.២.ធនធានមនុស្ស | ២.២.៣.ការអភិវឌ្ឍវិជ្ជាជីវៈជាប្រចាំ ២.២.ការចូលរួមក្នុងសហគមន៍សិក្សាវិជ្ជាជីវៈ ៤.វិក្រិតការគ្រូបង្រៀន
ស្តង់ដាសាលាគរុកោសល្យគំរូ
21/04/2026
31/03/2026
សកម្មភាពវាយតម្លៃបូកសរុបលទ្ធផល ដំណាក់កាលបង្រៀនពេញលេញ
អនុវិទ្យាល័យអនុវត្តន៍ ក្រុងតាខ្មៅ៖ ថ្ងៃចន្ទ ១២កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣០ ខែមីនា ឆ្នាំ២០២៦ គណៈកម្មការកម្មសិក្សាថ្នាក់ខេត្ត រួមជាមួយគណៈកម្មការដឹកនាំកម្មសិក្សាគរុកោសល្យថ្នាក់អនុវិទ្យាល័យ អនុវត្ត ក្រុងតាខ្មៅ ការវាយតម្លៃបូកសរុបលទ្ធផលកម្មសិក្សា ដំណាក់កាលបង្រៀនពេញលេញ ឆ្នាំទី២ ឆមាសទី២ របស់កម្មសិក្សាការី-ការិនី ជំនាន់ទី៣២ ឯកទេស រូបវិទ្យា-គីមីវិទ្យា សរុប១៤នាក់ និង អង់គ្លេស-ICT សរុប៤នាក់នៃមជ្ឈមណ្ឌលគរុកោសល្យភូមិភាគ ខេត្តកណ្ដាល នៅមណ្ឌលកម្មសិក្សាអនុវិទ្យាល័យអនុវត្ត ក្រុងតាខ្មៅ ។
ស្ដង់ដាទី១ ៖ លទ្ធផលបណ្ដុះបណ្ដាល | ១.២ លទ្ធផលសិក្សារបស់គរុសិស្ស | ១.២.២ លទ្ធផលវាយតម្លៃកម្មសិក្សាគរុកោសល្យ ។
ស្តង់ដាសាលាគរុកោសល្យគំរូ
30/03/2026
សកម្មភាពវាយតម្លៃបូកសរុបលទ្ធផលកម្មសិក្សាគរុកោសល្យ ដំណាក់កាលបង្រៀនពេញលេញ
វិទ្យាល័យ ហ៊ុន សែន តាខ្មៅ៖ ថ្ងៃចន្ទ ១២កើត ខែចេត្រ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣០ ខែមីនា ឆ្នាំ២០២៦ គណៈកម្មការកម្មសិក្សាថ្នាក់ខេត្ត រួមជាមួយគណៈកម្មការដឹកនាំកម្មសិក្សាគរុកោសល្យថ្នាក់វិទ្យាល័យ ហ៊ុន សែន តាខ្មៅ រៀបចំការវាយតម្លៃបូកសរុបលទ្ធផលកម្មសិក្សា ដំណាក់កាលបង្រៀនពេញលេញ ឆ្នាំទី២ ឆមាសទី២ របស់កម្មសិក្សាការី-ការិនី ជំនាន់ទី៣២ នៃមជ្ឈមណ្ឌលគរុកោសល្យភូមិភាគ ខេត្តកណ្ដាល នៅមណ្ឌលកម្មសិក្សាវិទ្យាល័យ ហ៊ុន សែន តាខ្មៅ ។
ជាលទ្ធផល ភាគរយកម្មសិក្សាការី-ការិនី ទទួលបានពិន្ទុចាប់ពី៧៥-១០០ លើការវាយតម្លៃកម្មសិក្សាគរុកោសល្យឆ្នាំចុងក្រោយនៃកម្មវិធីបណ្ដុះបណ្ដាលទទួលបាន ៩៤.៧៣% >=៩០%នៃកម្រិតផ្ទៀងផ្ទាល់លទ្ធផល ដែលឯកទេស៖
-ភាសាខ្មែរ-សីលធម៌ ពលរដ្ឋវិជ្ជា សរុប៧នាក់ ស្រី៣នាក់ ល្អប្រសើរ ទាំង៧នាក់ ស្មើនឹង១០០%
-ជីវវិទ្យា-ផែនដីវិទ្យា សរុប៤នាក់ ស្រី៤នាក់ ល្អប្រសើរទាំង៤នាក់ ស្មើនឹង១០០%
-ប្រវត្តិវិទ្យា-ភូមិវិទ្យា សរុប៦នាក់ ស្រី១នាក់ ល្អប្រសើរទាំង៦នាក់ ស្មើនឹង១០០% និង
-ICT-អង់គ្លេស សរុប២នាក់ ស្រី០នាក់ ល្អប្រសើរ ១នាក់ ស្មើនឹង៥០% ល្អណាស់ ១នាក់ ស្មើនឹង៥០% ។
ស្ដង់ដាទី១ ៖ លទ្ធផលបណ្ដុះបណ្ដាល | ១.២ លទ្ធផលសិក្សារបស់គរុសិស្ស | ១.២.២ លទ្ធផលវាយតម្លៃកម្មសិក្សាគរុកោសល្យ ។
ស្តង់ដាសាលាគរុកោសល្យគំរូ
28/03/2026
សកម្មភាពវាយតម្លៃបញ្ចប់មុខវិជ្ជា «ការសិក្សាពីវប្បធម៌(Cultural Studies)»
ខេត្តកណ្ដាល ៖ ថ្ងៃសុក្រ ៩កើត ខែចេត្រ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ គ្រូឧទ្ទេស និងគរុសិស្សថ្នាក់ឯកទេស ICT-អង់គ្លេស ជំនាន់ទី៣២ នៃមជ្ឈមណ្ឌលគរុកោសល្យភូមិភាគ ខេត្តកណ្ដាល បានអនុវត្តសកម្មភាពវាយតម្លៃបញ្ចប់មុខវិជ្ជា «ការសិក្សាពីវប្បធម៌(Cultural Studies)»។
ក្នុងអនុវត្តសកម្មភាពវាយតម្លៃបញ្ចប់មុខវិជ្ជានេះ គរុសិស្សម្នាក់ៗត្រូវ ប្រឡងបញ្ចប់ ធ្វើបទបង្ហាញ និងពិសេសការប្រគល់កិច្ចការ អំពីការធ្វើការឆ្លុះបញ្ចាំងរបស់ពួកគាត់ដែលបានសិក្សាតាំងពីសប្ដាហ៍ទី១ ដល់សប្ដាហ៍ទី១៥ ដែលជាការសរសេរតាមបែបសិក្សា(Academic Writing) ដូចជាតម្រូវឱ្យមានការសង្ខេប (Summarizing) ការសរសេរឡើងវិញ ឬការសម្រួលអត្ថបទ ឬការកែសម្រួលឃ្លា ឬអត្ថបទដើមដោយប្រើពាក្យពេចន៍ថ្មី ប៉ុន្តែនៅតែរក្សាអត្ថន័យដដែល(Paraphrasing) ការប្រើប្រាស់សម្រង់សម្ដី (Quotation) ការផ្ដល់ប្រភពឯកសារ (Citation) ពីឯកសារយោងដែលយកមកប្រើប្រាស់ ទាំងនេះជាដើមទុនចាប់ផ្ដើមស្គាល់ពីការរក្សាកម្មសិទ្ធិបញ្ញាក្នុងផ្នែកស្រាវជ្រាវ។ បើយើងធៀបនឹងស្ដង់ដាវិជ្ជាជីវៈគ្រូបង្រៀន ឆ្នាំ២០១៦ សកម្មភាពទាំងនេះបានឆ្លើយតបពីសមត្ថភាពគរុសិស្សរបស់យើងលើលំនាំ សមាសភាគ៖ «៣.ការសិក្សាវិជ្ជាជីវៈ» អនុសមាសភាគ៖ «ស្វ័យសិក្សា» ពណ៌នាស្ដង់ដា៖ «៣-១ វាយតម្លៃការបង្រៀន ការអភិវឌ្ឍខ្លួន និងការប្រើប្រាស់ផែនការសម្រាប់ដឹកនាំស្វ័យសិក្សាវិជ្ជាជីវៈបានទៀងទាត់» សមត្ថភាព៖ «កំណត់បានពីចំណុចខ្លាំង ចំណុចដែលត្រូវការកែលំអ និងតម្រូវការក្នុងមុខវិជ្ជាជីវៈផ្ទាល់ខ្លួន និងសមត្ថភាពមួយទៀត ស្វែងយល់ពីការប្រើប្រាស់សៀវភៅកំណត់ត្រាប្រចាំថ្ងៃ ដើម្បីឆ្លុះបញ្ចាំងការងាររបស់ខ្លួន។»
កិច្ចការឆ្លុះបញ្ចាំងរបស់គរុសិស្សនឹងត្រូវបោះពុម្ពតម្កល់ក្នុងបណ្ណាល័យនៃមជ្ឈមណ្ឌលគរុកោសល្យភូមិភាគ ខេត្តកណ្ដាល ។
ដឹកនាំដោយ ៖ លោក វ៉ាន់ វ៉ា គ្រូឧទ្ទេស ឯកទេសភាសាអង់គ្លេស នៃមជ្ឈមណ្ឌលគរុកោសល្យភូមិភាគ ខេត្តកណ្ដាល
ស្ដង់ដាទី១ ៖ លទ្ធផលបណ្ដុះបណ្ដាល | ១.២ លទ្ធផលសិក្សារបស់គរុសិស្ស | ១.២.៧ សមត្ថភាពគរុសិស្សដែលបញ្ចប់ការបណ្ដុះបណ្ដាលធៀបនឹងស្ដង់ដាវិជ្ជាជីវៈគ្រូបង្រៀន។
ស្តង់ដាសាលាគរុកោសល្យគំរូ
28/03/2026
កិច្ចប្រជុំស្ដីពី ការពិនិត្យលទ្ធផលនៃការរៀបចំផែនទីបង្ហាញផ្លូវការអភិវឌ្ឍវិជ្ជាជីវៈជាប្រចាំ លើការរៀបចំវគ្គបណ្ដុះបណ្ដាល ICT-AI និងសំណើរៀបចំវគ្គបណ្ដុះបណ្ដាល ICT-AI ចំនួន ៥ វគ្គ ដែលស្របទៅតាមក្របខ័ណ្ឌសមត្ថភាព ICT-AI
រាជធានីភ្នំពេញ ៖ នាព្រឹកថ្ងៃសុក្រ ៩កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ តំណាងមជ្ឈមណ្ឌលគរុកោសល្យភូមិភាគ ខេត្តកណ្ដាល បានចូលរួមក្នុងកិច្ចប្រជុំក្រោមការដឹកនាំដោយ លោក ចាន់ តុលា ប្រធាននាយកដ្ឋានកិច្ចការវិក្រឹតការ និងមានការចូលរួមពីតំណាងនាយកដ្ឋានបរិវត្តកម្មឌីជីថល តំណាងវិទ្យាស្ថានគរុកោសល្យរាជធានីភ្នំពេញ តំណាងអង្គការយូណេស្កូ និងមន្ត្រីជំនាញនៃនាយកដ្ឋានកិច្ចការវិក្រឹតការ ដើម្បីពិនិត្យរបាយការណ៍ប្រមូលព័ត៌មានពីអង្គភាពក្រោមឱវាទក្រសួងអប់រំ យុវជន និងកីឡា លើការរៀបចំវគ្គបណ្ដុះបណ្ដាលពាក់ព័ន្ធនឹងបច្ចេកវិទ្យា និងបញ្ញាសិប្បនិម្មិត ព្រមទាំងពិភាក្សាលើផែនទីគំនិតដើម្បីរៀបចំកម្មវិធីបណ្ដុះបណ្ដាល ICT-AI និងគន្លងស្របទៅតាមក្របខ័ណ្ឌសមត្ថភាព របស់ក្រសួងអប់រំ យុវជន និងកីឡា។
24/03/2026
(វគ្គជួបមុខផ្ទាល់លើកទី២ | ក្រុម PVH 18092025)
ការងារវិក្រឹតការគ្រូបង្រៀន | វគ្គបណ្ដុះបណ្ដាលស្ដីពី ការអភិវឌ្ឍវិជ្ជាជីវៈបែបចម្រុះសម្រាប់គ្រូបង្រៀននៅសាលាបឋមសិក្សាគោលដៅ» លើប្រធានបទ ទី២-ផល់ប៉ះពាល់នៃបទពិសោធគ្រោតគ្រាត និងរបួសផ្លូវចិត្តពីកុមារភាពលើការលូតលាស់ខួរក្បាល និងអាកប្បកិរិយា ។
ខេត្តព្រះវិហារ ៖ ថ្ងៃអង្គារ ៦កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ មជ្ឈមណ្ឌលគរុកោសល្យភូមិភាគ ខេត្តកណ្ដាល បានអនុញ្ញាតឱ្យបុគ្គលិកអប់រំ ០២ រូប ចូលរួមជាគ្រូឧទ្ទេស វគ្គបណ្ដុះបណ្ដាលស្ដីពី «ការអភិវឌ្ឍវិជ្ជាជីវៈបែបចម្រុះសម្រាប់គ្រូបង្រៀននៅសាលាបឋមសិក្សាគោលដៅ» ដែល ផ្ដោតលើប្រធានបទ ផល់ប៉ះពាល់នៃបទពិសោធគ្រោតគ្រាត និងរបួសផ្លូវចិត្តពីកុមារភាពលើការលូតលាស់ខួរក្បាល និងអាកប្បកិរិយា រយៈពេល ០២ថ្ងៃ ចាប់ពីថ្ងៃទី២៤-២៥ ខែមីនា ឆ្នាំ២០២៦ នៅសាលាគរុកោសល្យ និងវិក្រិតការ ខេត្ត ព្រះវិហារ
វគ្គបណ្ដុះបណ្ដាលនេះជា វគ្គជួបមុខផ្ទាល់លើកទី២។ បន្ទាប់ពីវគ្គជួបមុខផ្ទាល់លើកទី២នេះ សិក្ខាកាមទាំងអស់ត្រូវអនុវត្តស្វ័យសិក្សា វគ្គអនឡាញលើកទី២ ព្រមទាំងកិច្ចការឆ្លុះបញ្ចាំងបញ្ចប់ ដើម្បីអាចបំពេញគ្រប់លក្ខខ័ណ្ឌក្នុងការស្នើសុំក្រេឌីត វិជ្ជាជីវៈ។
រៀបចំឡើងដោយ នាយកដ្ឋានកិច្ចការវិក្រឹតការ នៃក្រសួងអប់រំ យុវជន និងកីឡា
ស្ដង់ដាទី២ ៖ ធនធានបណ្ដុះបណ្ដាល | ៤.វិក្រិតការគ្រូបង្រៀន
ស្តង់ដាសាលាគរុកោសល្យគំរូ
24/03/2026
(វគ្គជួបមុខផ្ទាល់លើកទី២ | ក្រុមKep 29012026 )
ការងារវិក្រឹតការគ្រូបង្រៀន | វគ្គបណ្ដុះបណ្ដាលស្ដីពី ការអភិវឌ្ឍវិជ្ជាជីវៈបែបចម្រុះសម្រាប់គ្រូបង្រៀននៅសាលាបឋមសិក្សាគោលដៅ» លើប្រធានបទ ទី២-ផល់ប៉ះពាល់នៃបទពិសោធគ្រោតគ្រាត និងរបួសផ្លូវចិត្តពីកុមារភាពលើការលូតលាស់ខួរក្បាល និងអាកប្បកិរិយា ។
ខេត្តកែប៖ ថ្ងៃអង្គារ ៦កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ មជ្ឈមណ្ឌលគរុកោសល្យភូមិភាគ ខេត្តកណ្ដាល បានអនុញ្ញាតឱ្យបុគ្គលិកអប់រំ ០៣ រូប ដែល ០១ រូបជាអ្នកគាំទ្របច្ចេកវិទ្យាព័ត៌មាន និង០២ រូប ចូលរួមជាគ្រូឧទ្ទេស វគ្គបណ្ដុះបណ្ដាលស្ដីពី «ការអភិវឌ្ឍវិជ្ជាជីវៈបែបចម្រុះសម្រាប់គ្រូបង្រៀននៅសាលាបឋមសិក្សាគោលដៅ» ដែល ផ្ដោតលើប្រធានបទ ផល់ប៉ះពាល់នៃបទពិសោធគ្រោតគ្រាត និងរបួសផ្លូវចិត្តពីកុមារភាពលើការលូតលាស់ខួរក្បាល និងអាកប្បកិរិយា រយៈពេល ០២ថ្ងៃ ចាប់ពីថ្ងៃទី២៤-២៥ ខែមីនា ឆ្នាំ២០២៦ នៅសាលាបឋមសិក្សាពងទឹក ស្រុកដំណាក់ចង្អើរ ខេត្តកែប។
វគ្គបណ្ដុះបណ្ដាលនេះជា វគ្គជួបមុខផ្ទាល់លើកទី២ សម្រាប់ក្រុមសិក្ខាកាម(Kep 29012026 ) បន្ទាប់ពីអនុវត្តវគ្គជួបមុខលើកទី១ កាលពីថ្ងៃទី ២៩-៣១ ខែមករា ឆ្នាំ២០២៦ នៅសាលាបឋមសិក្សា ប៊ុនរ៉ានី ហ៊ុន សែន ដំណាក់ចង្អើរ ក្រុងកែប ខេត្តកែប និងសិក្សាក្នុងវគ្គអនឡាញលើកទី១រួចមកហើយ។ បន្ទាប់ពីវគ្គជួបមុខផ្ទាល់លើកទី២នេះ សិក្ខាកាមទាំងអស់ត្រូវអនុវត្តស្វ័យសិក្សា វគ្គអនឡាញលើកទី២ ព្រមទាំងកិច្ចការឆ្លុះបញ្ចាំងបញ្ចប់ ដើម្បីអាចបំពេញគ្រប់លក្ខខ័ណ្ឌក្នុងការស្នើសុំក្រេឌីត វិជ្ជាជីវៈ។
រៀបចំឡើងដោយ នាយកដ្ឋានកិច្ចការវិក្រឹតការ នៃក្រសួងអប់រំ យុវជន និងកីឡា
ស្ដង់ដាទី២ ៖ ធនធានបណ្ដុះបណ្ដាល | ៤.វិក្រិតការគ្រូបង្រៀន
ស្តង់ដាសាលាគរុកោសល្យគំរូ
Want your school to be the top-listed School/college in Ta Khmau?
Click here to claim your Sponsored Listing.
Click here to claim your Sponsored Listing.
Location
Category
Website
Address
Prek Samrong Village, Sangkat Ta Khmau , Ta Khmau Municipality, Kandal Provinces
Ta Khmau
081104
Ta Khmau
081104