HVTO Free Education Center

#អត្ថបទអប់រំ ៖ ជីវិតគឺជាខ្សែចង្វាក់នៃគុណូបការៈ គ្មាននរណាម្នាក់មិនជំពាក់គុណគេឡើយ 🙏🌿

ក្នុងលោកនេះ មនុស្សម្នាក់ៗមិនអាចរស់នៅដោយដាច់ដោយឡែកពីគេបានឡើយ។ ចាប់តាំងពីដង្ហើមដំបូងរហូតដល់ដង្ហើមចុងក្រោយ ជីវិតយើងម្នាក់ៗសុទ្ធតែជំពាក់គុណអ្នកដទៃ និងមជ្ឈដ្ឋានជុំវិញខ្លួនជានិច្ច គ្រាន់តែគុណនោះ "តិច ឬច្រើន" ទៅតាមកាលៈទេសៈតែប៉ុណ្ណោះ។

១. ការជំពាក់គុណ៖ ជារឿងដែលជៀសមិនផុត
អ្នកមិនអាចនិយាយថា "ខ្ញុំមិនជំពាក់គុណនរណាឡើយ" បានទេ៖
- ទោះអ្នកមានលុយទិញអាហារ ក៏អ្នកនៅជំពាក់គុណកសិករដែលដាំដុះ និងអ្នកដឹកជញ្ជូន។
- ទោះអ្នករៀនសូត្រដោយខ្លួនឯង ក៏អ្នកនៅជំពាក់គុណអ្នកបង្កើតតួអក្សរ និងអ្នកចងក្រងសៀវភៅ។
- ចាប់តាំងពីគុណមាតាបិតា គ្រូបាអាចារ្យ រហូតដល់គុណញាតិកា និងសង្គមជាតិ គឺសុទ្ធតែជាចំណែកដែលជួយឱ្យយើងមានជីវិតមកដល់ថ្ងៃនេះ។ សូម្បីតែសត្រូវដែលធ្វើបាបយើង ក៏មានគុណក្នុងការបង្រៀនឱ្យយើងរឹងមាំ និងស្គាល់ពីទុក្ខដែរ។
២. វិសាលភាពនៃគុណ៖ តិច ឬច្រើន គឺសុទ្ធតែជា "ជំពាក់"
ទោះបីជាការជួយខ្លះមានសភាពតូចតាចក៏ដោយ ក៏វាគឺជាចំណែកមួយដែលបំពេញនូវកង្វះខាតរបស់យើង។ ការដឹងគុណមិនមែនមើលលើទំហំនៃអ្វីដែលគេផ្ដល់ឱ្យនោះទេ ប៉ុន្តែមើលលើ "ទឹកចិត្ត" និង "ពេលវេលា" ដែលគេបានលះបង់ដើម្បីយើង។ ការដឹងថាខ្លួនឯងកំពុងជំពាក់គុណគេ គឺជាការចាប់ផ្ដើមនៃភាពចាស់ទុំ និងភាពថ្លៃថ្នូរ។
៣. ទ្រឹស្ដីព្រះពុទ្ធ៖ សង្សារវដ្ដ និងការអស់ជំពាក់៖
ព្រះពុទ្ធសាសនាបានបង្រៀនថា ដរាបណាយើងនៅតែមាន "ជាតិកំណើត" ក្នុងភពទាំង ៣ នេះ យើងនឹងនៅតែបន្តវដ្ដនៃកតញ្ញូ និងការជំពាក់គុណមិនចេះចប់មិនចេះហើយ។
- រាល់ការចាប់កំណើតថ្មី គឺនាំមកនូវការជំពាក់ថ្មីជានិច្ច។
- មានតែការឈានទៅដល់ "ព្រះនិព្វាន" ដែលជាការស្លាប់ទៅដោយមិនកើតមកវិញប៉ុណ្ណោះ ទើបអស់ទុក្ខ និងអស់ជំពាក់គុណទាំងពួងយ៉ាងពិតប្រាកដ។
៤. ការរស់នៅដោយមានមនសិការ៖
ខណៈពេលដែលយើងនៅមានជីវិត និងនៅតែត្រូវជំពាក់គុណគេជារៀងរាល់ថ្ងៃនេះ អ្វីដែលយើងគួរធ្វើគឺ៖
- ទទួលស្គាល់៖ កុំអំនួតថាខ្លួនឯងខ្លាំងដោយមិនជំពាក់នរណា។
- តបស្នង៖ ព្យាយាមសងគុណវិញតាមលទ្ធភាព ទោះជាពាក្យអរគុណ ឬការជួយត្រឡប់វិញបន្តិចបន្តួចក៏ដោយ។
- ចែករំលែក៖ បើអ្នកជំពាក់គុណគេច្រើនហើយ ចូរផ្ដល់ "គុណ" ទៅឱ្យអ្នកដទៃវិញ ដើម្បីបង្កើតជាចរន្តនៃអំពើល្អក្នុងសង្គម។

#សរុបមក៖
ជីវិតដែលគ្មានការដឹងគុណ គឺជាជីវិតដែលស្ងួតហួតហែង។ ការដឹងថាខ្លួនឯងជំពាក់គុណគេ មិនមែនជាបន្ទុកឡើយ ប៉ុន្តែវាគឺជា "ពន្លឺ" ដែលដាស់តឿនយើងឱ្យរស់នៅដោយការដាក់ខ្លួន និងមានមេត្តាធម៌ចំពោះមនុស្សគ្រប់គ្នានៅជុំវិញខ្លួន។

អត្តបទដោយ៖ សៀកណាំ

🏫មជ្ឈមណ្ឌលអប់រំដោយឥតគិតថ្លៃ អេច វី ធី អូ
Soft Skills Classes - HVTO Free Education Center I
............................................
🌱 ថ្នាក់បង្រៀនជំនាញទន់
បណ្តុះបណ្តាលចំណេះដឹងទូទៅ ប្រវត្តិសាស្រ្ត ភាពជាអ្នកដឹកនាំ ជំនាញទំនាក់ទំនង និងការងារជាក្រុម ។
🌱 Soft Skills Classes
Training in general knowledge, history, leadership, communication, and teamwork.

🏫នៅមជ្ឈមណ្ឌលអប់រំឥតគិតថ្លៃ HVTO កុមារក្រីក្រនៅជនបទមានឱកាសស្វែងយល់ពីការប្រើកុំព្យូទ័រ និងរៀនភាសាអង់គ្លេសស្របពេលតែមួយ ដើម្បីបង្កើនជំនាញគ្រឹះសម្រាប់ការសិក្សាបន្ត និងទទួលបានការងារល្អនៅទីក្រុង។
🌐 Learn more: www.hvto.org

📘 ថ្នាក់រៀនភាសាអង់គ្លេស
បង្កើនសមត្ថភាពប្រើប្រាស់ភាសាអង់គ្លេសក្នុងជីវិតប្រចាំថ្ងៃ និងអាជីពអនាគត ។
...................................
📝 English Language Classes
Enhancing the ability to use English in daily life and future careers.
Join us in giving local children a brighter future by supporting or volunteering with us! 🙌✨

✨📚 ចង់ពង្រឹងភាសាអង់គ្លេស? ចូលរួមជាមួយ HVTO ដើម្បីបង្កើតអនាគតភ្លឺស្វាង!
☎️ សូមទាក់ទងមជ្ឈមណ្ឌល HVTO I & II សម្រាប់ព័ត៌មានបន្ថែម។
#រៀនភាសាអង់គ្លេសប្រចាំថ្ងៃ #សិក្សាភាសាអង់គហលេសដោយឥតគិតថ្លៃ

✨📚 ថ្នាក់រៀនបណ្ណាល័យ - Library Class
ក្មេងៗបានសិស្សរៀនសូត្រទាំង​ភាសាខ្មែរ និងភាសាអង់គ្លេស ដោយការអាន និងស្ដាប់ការនិទានពីលោកគ្រូ អ្នកគ្រូ។

📌 ចង់ពង្រឹងភាសាអង់គ្លេស? ចូលរួមជាមួយ HVTO ដើម្បីបង្កើតអនាគតភ្លឺស្វាង!
☎️ សូមទាក់ទងមជ្ឈមណ្ឌល HVTO I & II សម្រាប់ព័ត៌មានបន្ថែម។
#រៀនភាសាអង់គ្លេសប្រចាំថ្ងៃ #សិក្សាភាសាអង់គហលេសដោយឥតគិតថ្លៃ

🎉 អបអរសាទរចំពោះសិស្សានុសិស្សទាំង ៩ នាក់ ក្នុងឱកាសទទួលបានអាហារូបករណ៍ថ្មី! 🎓✨

នៅថ្ងៃទី ២៦ ខែមករា ឆ្នាំ ២០២៦ នេះ មជ្ឈមណ្ឌលអប់រំឥតគិតថ្លៃ HVTO (HVTO Free Education Center) មានសេចក្តីរំភើបយ៉ាងក្រៃលែងក្នុងការអបអរសាទរដល់ប្អូនៗសិស្សានុសិស្សចំនួន ៩ នាក់បន្ថែមទៀត ដែលត្រូវបានជ្រើសរើសឱ្យចូលរួមក្នុងកម្មវិធីអាហារូបករណ៍របស់យើង! 🌟

ការទទួលបានការឧបត្ថម្ភនេះ គឺជាផ្លែផ្កានៃការខិតខំប្រឹងប្រែងរៀនសូត្ររបស់ប្អូនៗ ហើយវាក៏បានធ្វើឱ្យចំនួនសិស្សសរុបដែលទទួលបានការឧបត្ថម្ភកើនឡើងដល់ ៧៣៥ នាក់ ផងដែរ។

🎁 អត្ថប្រយោជន៍ដែលប្អូនៗទទួលបានរួមមាន៖
- ថវិកាឧបត្ថម្ភ ១២០,០០០៛ ក្នុងមួយខែ សម្រាប់ការសិក្សានៅសាលារដ្ឋ។
- ការសិក្សាភាសាអង់គ្លេស និងកុំព្យូទ័រដោយឥតគិតថ្លៃនៅមជ្ឈមណ្ឌល HVTO។

យើងខ្ញុំសូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ លោកបណ្ឌិត ស៊ិម ពិសិដ្ឋ ដែលជាស្ថាបនិក ក៏ដូចជាសប្បុរសជន និងម្ចាស់ជំនួយទាំងអស់ ដែលបានផ្តល់ឱកាសមាសនេះដល់កុមារនៅតាមជនបទពិសេសសិស្សានុសិស្សនៅក្នុងមជ្ឈមណ្ឌលរបស់យើង។

សង្ឃឹមថាអាហារូបករណ៍នេះ នឹងក្លាយជាកម្លាំងចិត្តបន្ថែមទៀតសម្រាប់ប្អូនៗក្នុងការបន្តដើរតាមក្តីស្រមៃ និងកសាងអនាគតដ៏ភ្លឺស្វាងសម្រាប់ខ្លួនឯង និងគ្រួសារ! ❤️🇰🇭