Delta_Talk

ម្ដាយឳពុក ជាអ្នកដើរតួយ៉ាងសំខាន់លើសីលធម៌ និង សុជីវធម៌ មុននឹងដល់គ្រូ👍

អំពីចេក
ចេកចែកចេញជាពីរប្រភេទគឺ ផ្លែចេកមានគ្រាប់ និង ចេកឥតគ្រាប់។ ចេកមានច្រើនប្រភេទច្រើនទម្រង់ប្រើប្រាស់បានសម្បូរបែបទាំងអាហារ លំអរ និងឱសថ ព្រមទាំងជីផងដែរ។
១.ចេកអំបូងខៀវ អំបូងលឿង
២.ចេកណាំវ៉ា
៣.ចេកជ្វា
៤.ចេកក្រពុំឈូក
៥.ចេកទេស
៦.ចេក១០០ស្និត
៧.ចេកប្រណម
៨.ចេកភ្លុកដំរី
៩.ចេកល័ក្ខណ៍
១០.ចេកមាស
១១.ចេកសំបកក្រាស់
១២.ចេកពងមាន់
១៣.ចេកស្នាប់មុខ
១៤.ចេកក្រហម
១៥.ចេកនួន
១៦.ចេកមាសស្ងួន
១៧.ចេកអំបូងស្រាល
១៨.ចេកហេមពាន្ត
១៩.ចេកមហាថ្លៃ
២០.ចេកស្នែង
២១.ចេកអត់ត្រយ៉ូង
២២.ចេកនាងក្លាយ
២៣.ចេកក្រមួន
២៤.ចេកទឹក
២៥.ចេកចាំប្តី
២៦.ចេកណាគ្រី
#ដោយ រតនាសូរ្យពេជ្រ

តើ​ពិន្ទុ​ប្រឡង​ឆមាស​តាម​មុខវិជ្ជា​នៅ​សាលា​យក​មក​បូក​ជាមួយ​ពិន្ទុប្រឡង​សញ្ញាបត្រ​មធ្យម​សិក្សា​ទុតិយភូមិ​ដែរឬ​ទេ?

🧐 ទិដ្ឋភាពបែបនេះយើងហៅថា «Optical Illusion» ឬការបំភាន់ភ្នែក (ឆ្ពិនភ្នែក) ដោយមើលមួយភ្លែតអ្នកនឹងស្មានថានោះជា «ដុំថ្មអណ្តែតលើអាកាស» តែបើមើលមួយសន្ទុះ នោះទើបអ្នកដឹងថាជា...😁៕
រូបអ្វី?
(រូបភាពពីបរទេស)

ខិតខំបានដែរទេប្អូនទី១២ឆ្នាំនេះ?

ប្រឡងទី១២ ជាជោគជ័យមួយសម្រាប់ជីវិតអ្នកសិក្សាពិសេសប្អូនៗ ប្រឡងថ្ងៃទី០៨ តុលា ២០២៤នេះ តែវាមិនមែនជាជោគជ័យពិតប្រាកដក្នុងជីវិតអ្នករៀនទេ។ វាជាជំហានមួយ តែវាមានរឿងលំបាកៗជាច្រើនរាប់មិនអស់ បន្ទាប់ពីប្អូនបានបញ្ចប់ទី១២ទៅ។ ជីវិតក្នុងសាលាដែលមានអ្នកទំនុកបម្រុង ខុសពីជីវិតដែលត្រូវតស៊ូខ្លួនឯងនៅខាងក្រៅ រៀនរស់ រៀនម្ចាស់ការដោយខ្លួនឯងទើបជាជីវិតដែលលំបាកពិតប្រាកដ លំបាករហូតស្អប់ការសិក្សា លំបាករហូតបោះបង់ក្តីសុបិន ជំនាញដែលខ្លួនប៉ងប្រាថ្នា។ មកដល់ម៉ោងនេះ វិនាទីនេះទៅហើយ គ្មានពាក្យឡើយថាស្តាយក្រោយ គ្មានពាក្យថាខ្លួនគ្មានចេះអ្វីសោះ ប្រយោគទាំងនេះវាមិនគួរស្ថិតនៅក្នុងខ្លួនយើងឡើយ។ ពីរថ្ងៃវាបញ្ជាក់គ្រប់គ្រាន់ហើយសម្រាប់១២ឆ្នាំ ហើយវាកាន់តែបញ្ជាក់គ្រប់គ្រាន់ហើយសម្រាប់អ្នកដែលចិញ្ចឹម និងខំរកលុយឲ្យយើងរៀនដែលមិនគិតពីការនឿយហត់ ទោះបីជាពេលខ្លះយើងបែរជាហត់ចំពោះការសិក្សា តែយើងភ្លេចគិតថាមានអ្នកដែលហត់នៅពីក្រោយយើង ចាំមើលថែយើង និងផ្គត់ផ្គងយើងគ្រប់បែបយ៉ាង គ្រប់កាលៈទេសៈទាំងអស់។ វាគួរឲ្យស្តាយណាស់ដែលត្រឹមតែមួយជាប់ E យើងមិនអាចទទួលយកបាន។ ហើយហួសពេលទៅហើយដែលយើងនិយាយពាក្យថាស្តាយក្រោយ។ មកដល់ម៉ោងនេះ គ្មានគន្លឹះ គ្មានរូបមន្ត និងវិធីល្អណាមួយដែលអាចជួយប្អូនៗបានទេ។ ពាក្យថាចេះ គឺជាប់វា ​នៅតែមានអត្ថន័យ និងខ្លឹមសារល្អដដែល៕

ស្វែងយល់ពីសំណង់ «បុរី១០០ខ្នង»៖ ស្នាដៃរបស់បិតាស្ថាបត្យករខ្មែរដ៏ល្បីឈ្មោះលោក វណ្ណ ម៉ូលីវណ្ណ!

សំណង់បុរី ១០០ខ្នងគឺជាស្នាដៃរបស់បិតាស្ថាបត្យករខ្មែរដ៏ល្បីឈ្មោះលោក វណ្ណ ម៉ូលីវណ្ណ ដែលបានទទួលមរណភាពកាលពីខែកញ្ញា ឆ្នាំ ២០១៧។

សំណង់បុរី ១០០ខ្នងត្រូវបានសាងសង់ចាប់ពីឆ្នាំ ១៩៦៥ ដល់ ១៩៦៧។ បើតាមឯកសារប្រវត្តិបុរីនេះធនាគារជាតិនៃ កម្ពុជាបានជ្រើសរើសយកលោក វណ្ណ ម៉ូលីវណ្ណ ដើម្បីអនុវត្តគម្រោងឯកជនមួយគឺសាងសង់លំនៅឋានសម្រាប់បុគ្គលិករបស់ខ្លួននៅទឹកថ្លា តាមបណ្ដោយផ្លូវទៅកាន់អាកាសយានដ្ឋានអន្តរជាតិភ្នំពេញ។

ពាក្យថាបុរី ១០០ខ្នងគឺកើតចេញពីការសាងសង់ផ្ទះចំនួន ១០០ខ្នងនៅលើផ្ទៃដីចំនួន ៦.៥ហិកតា។ បុរី ១០០ខ្នងផ្តល់នូវប្រភេទសំណង់លំនៅឋានសម័យថ្មី បែបផ្ទះល្វែង។ ប្លង់ផ្ទះធ្វើទៅតាមលំនាំផ្ទះឈើ បែបខ្មែរ ដែលមានបន្ទប់គេងតូចមួយ មានបន្ទប់ទទួលភ្ញៀវធំ ដែលខណ្ឌដាច់ពីបន្ទប់ផ្សេងៗទៀត ដូចជាផ្ទះបាយ និងបន្ទប់ទឹកដោយយ៉មួយ។ ដំបូលលៀនចេញពីជញ្ជាំងផ្ទះដើម្បីការពារភ្លៀង និងថ្ងៃ។

សសរធ្វើឲ្យផ្ទះខ្ពស់ពីដី ចៀសផុតទឹកជំនន់ និងធ្វើឲ្យមានម្លប់នៅខាងក្រោមផ្ទះ។ ផ្ទះនីមួយៗ ក្នុងចំណោមផ្ទះទាំងអស់ គឺដូចៗគ្នា និងមានព្រំកំណត់ច្បាស់លាស់។ ដំបូលធ្វើយ៉ាងណាឲ្យមានខ្យល់ចូលតាមក្រោម ហើយចេញទៅវិញតាមប្រឡោះមួយនៅខាងលើ។ នេះបើតាមប្រវត្តិរបស់បុរី ១០០ខ្នងដែលត្រូវបានចងក្រង ដោយស្ថាបត្យករជំនាន់ក្រោយ ក្រោមគម្រោងវណ្ណ ម៉ូលីវណ្ណ។

លក្ខណៈពិសេសមួយទៀតគឺនៅទីធ្លាផ្ទះគឺត្រូវមានស្រះទឹកមួយ ដែលនេះជាការគិតគូរទៅដល់អាងស្តុកទឹកភ្លៀង និងកន្លែងស្តុកទឹកសម្រាប់ប្រើប្រាស់។

ចំពោះទិដ្ឋភាពប្លង់រួមបុរី ១០០ខ្នង គឺវាមានលក្ខណៈពិសេសយ៉ាងខ្លាំងដោយសារតែជួរផ្ទះរត់ឆ្លះគ្នាដែលធ្វើឲ្យមានលំហូរចរន្តខ្យល់រត់កាត់ទៅតាមទីតាំងនីមួយៗ។ ការរចនានេះវាបានធ្វើឲ្យពន្លឺធម្មជាតិជ្រាបចូលទៅក្នុងផ្ទះព្រោះមិនមានផ្ទះដែលនៅជិតបាំងឡើយ ហើយវាបានជួយរក្សាឯកជនភាពរបស់ម្ចាស់ផ្ទះដែរ ព្រោះនៅពេលដែលបើកបង្អួចគឺមិនឃើញបង្អួចផ្ទះដែលនៅជិតបានដោយផ្ទាល់ទេ។

ផ្ទះនីមួយៗ មានបណ្ដោយទំហំប្រមាណ ១១ម៉ែត្រ និងទទឹង ៨ម៉ែត្រ។ ចំណែកការរចនា ផ្ទះនេះវិញ គឺផ្អែកទៅលើគោលគំនិតផ្ទះឈើប្រពៃណីខ្មែរ ដែលមានជាន់លើសង់លើសសរខ្ពស់ផុតពីដី និងមានផ្នែកទូលាយនៅជាន់ផ្ទាល់ដី ដោយធ្វើទំនើបកម្មផ្ទះបុរាណខ្មែរនិងច្នៃប្រឌិតឲ្យសមស្របទៅនឹងបរិបទខ្មែរសម័យទំនើបផងដែរ។

គោលគំនិតទាំងអស់នោះមានដូចជា ការប្រើប្រាស់បេតុងជាគ្រឿងបង្គុំសំខាន់ជំនួសឲ្យឈើធ្វើឲ្យគុណភាពសំណង់គង់វង្សបានយូរ។ ការរចនាបង្អួចអោយមានទំហំធំជាងមុនដើម្បីឲ្យពន្លឺនិងខ្យល់ធម្មជាតិចូលក្នុងលំហផ្ទះគ្រប់គ្រាន់ផងដែរ។

ទម្រង់ដំបូលមានរាងប្លែកលក្ខណៈជាដំបូលប៉ិត។ ផ្នែកដំបូលនេះក៏បានដើរតួយ៉ាងសំខាន់ផងដែរក្នុងការរក្សាសីតុណ្ហភាពខាងក្នុងផ្ទះឲ្យត្រជាក់ ព្រោះជាធម្មតាខ្យល់ក្តៅតែងតែនៅលើខ្យល់ត្រជាក់ ដូចនេះធ្វើឲ្យកម្តៅមានច្រើននៅផ្នែកខាងដំបូល ហើយបានធ្វើឲ្យលំហខាងក្នុងផ្ទះកើនឡើងកម្តៅ។

ដូច្នេះលោកវណ្ណ ម៉ូលីវណ្ណបានរចនាដំបូលឲ្យមានប្រហោងស្លាបព្រិលឈើនៅផ្នែកចុងដំបូលដើម្បីឲ្យខ្យល់ក្តៅហូរចេញបាន។ លើសពីនេះទៀតគម្លាតដំបូលមានប្រវែងវែងជាងគម្លាតដំបូលផ្ទះធម្មតាដែលការរចនានេះបានកាត់បន្ថយកម្តៅពីព្រះអាទិត្យដោយផ្ទាល់ដែលជ្រាបចូលទៅខាងក្នុងផ្ទះ។ នៅលើដំបូលក៏ត្រូវបានបំពាក់បំពង់ផ្សែងនៅលើផ្ទះបាយដើម្បីអាចស្រូបយកផ្សែងនិងក្លិនដែលចម្អិនអាហារចេញពីផ្ទះផងដែរ។

ការរចនារៀបចំមុខងារនៅខាងក្នុងផ្ទះបានបែងចែកលំហជាពីរផ្នែកគឺ៖ ផ្នែកចម្បងនិងផ្នែកធម្មតា។ លំហផ្នែកចម្បងគឺមានកន្លែងដូចជា បន្ទប់ជួបជុំគ្រូសារ បន្ទប់គេង និងមានជណ្តើរសម្រាប់ផ្នែកនេះផងដែរ ហើយវាក៏ខ្ពស់ជាងផ្នែកធម្មតាហើយត្រូវបានក្រាលដោយឈើធម្មជាតិ។

ចំណែកឯផ្នែកធម្មតាគឺមានកន្លែងដូចជា បន្ទប់ទឹក បន្ទប់ចម្អិនអាហារ រានហាល និងមានជណ្តើរសម្រាប់ផ្នែកនេះផ្ទាល់ដែរ ដោយសារតែផ្នែកនេះងាយប៉ះពាល់នឹងទឹកដូចនេះលោក វណ្ណ ម៉ូលីវណ្ណ បានប្រើបេតុងជំនួសវិញ ព្រោះតែបេតុងអាចធន់នឹងទឹកបាន។ ផ្នែកទាំងពីរនេះមានជណ្តើររៀងៗខ្លួន ដែលការរចនានេះបានបញ្ជាក់ឲ្យយើងឃើញពីការគិតគូរទៅលើភាពងាយស្រួលក្នុងការប្រើប្រាស់។ ចំណុចដែលគួរឲ្យចាប់អារម្មណ៏មួយទៀតនោះគឺការដាក់បង្អួចមិនឲ្យចំគ្នា គឺដើម្បីឲ្យចរន្តខ្យល់ធម្មជាតិបានរត់កាត់ពាសពេញលំហខាងក្នុងផ្ទះបានល្អ។

គួរបញ្ជាក់ផងដែរថាបច្ចុប្បន្នសំណង់បុរី ១០០ខ្នងមួយចំនួនធំ គឺត្រូវបានផ្លាស់ប្តូររូបរាងដើមអស់ទៅហើយ។ ទោះជាយ៉ាង ណាក៏ដោយធាតុដើមនៃសំណង់បុរី ១០០ខ្នង គឺជាបុរីគំរូចំណាស់មួយដែលបានគិតគូរយ៉ាងល្អខ្លាំងទៅលើការប្រើប្រាស់ មុខងារ សោភ័ណភាព ការឆ្លើយតបទៅនឹងអាកាសធាតុក្នុងប្រទេសកម្ពុជា និងបានបង្ហាញពីអត្តសញ្ញាណខ្មែរផងដែរ៕

Cr:
ឯកសារយោង ៖ a+u Architecture and Urbanism 17:12 No. 567, Vann Molyvann 1926-2017

ព្រះនាមព្រះមហាក្សត្រខ្មែរ🙏😍😍

#ជាការសំណូមពរ
គ្រប់សាលាគួរតែធ្វើការប្រឡងស្ដងដាថ្នាក់ជាតិនៅតាមអង្គភាពរៀងៗខ្លួនយ៉ាងតិច២ដង (ឆមាសទី១ និងទី២) ក្នុងមួយឆ្នាំសម្រាប់ប្អូនៗសិស្សានុសិស្សថ្នាក់ទី១២ ដោយប្រើក្រដាសA3 ឬ A4 (ទម្រង់ដូចA3) ដើម្បីបាន៖
១.ណែនាំគាត់អំពីការសរសេរ ដូចជា
៚សម័យប្រឡង( 8 តុលា 2024 )(ត្រូវ) ជៀសវាង(8 11 2024) ។ ខែ គួរតែជាអក្សរ កុំសរសេរជាលេខ
៚មណ្ឌលប្រឡង
៚ឈ្មោះ លេខតុ លេខបន្ទប់
៚វិញ្ញាសាសរសេរ(កុំរំលងបន្ទាត់)
៚សញ្ញាសម្គាល់ គូសវៀសបន្ទាត់ កន្លែងផ្សេងក្រៅពីចម្លើយ
២.ការចុះហត្ថលេខាលើបញ្ជីវត្តមាន តាមមុខវិជ្ជា
៣.ខ្ទាស់ក្រដាសកិច្ចការ(ករណីតក្រដាស) ដោយមួយចំទ្រណុងកណ្ដាល និងមួយទៀតក្បែរមណ្ឌលប្រឡង (ករណីខ្លះអាចផ្សេង តែដឹងតែស្ថិតត្រង់បរវេនព័ត៌មានបេក្ខជន) ហើយក្រដាសរៀបតាមលំដាប់ដែលបានសរសេរ។
៤.ចេះសុំហត្ថលេខាពីលោកគ្រូអនុរក្ស(ករណីគាត់ភ្លេច)
៤.កត្តាផ្សេងៗទៀត អាស្រ័យលើលោកគ្រូអ្នកគ្រូធ្លាប់ជួបប្រទះ។ បើមានសូមជួយចែកcommentចែករំលែកផង។
#នេះជាអ្វីដែលខ្ញុំជួបប្រទះ
សូមអរគុណ។

ប្រទេសយើងជាប្រទេសកសិកម្ម ហើយសត្វជន្លេននៅលើដីខ្មែរយើងក៏សម្បូរតែមនុស្សមួយចំនួនមិនបានដឹងថាសត្វប្រភេទនេះមានគុណប្រយោជន៍យ៉ាងណានោះទេ។ ខាងក្រោមនេះជាអត្ថបទខ្លីអំពីគុណប្រយោជន៍នៃសត្វជន្លេនដែលខ្ញុំបកប្រែពីអត្ថបទជាភាសាអង់គ្លេស។

តើជន្លេនជាសត្វគួរឱ្យខ្ពេីមឬ?

សត្វជន្លេនជាឧទាហរណ៍ពិតប្រាកដមួយនៃប្រភេទសត្វគួររឱ្យខ្ពេីមដែលបានដើរតួនាទីយ៉ាងសំខាន់នៅក្នុងប្រព័ន្ធអេកូឡូស៊ី។ ខាងក្រោមនេះគឺជាសារប្រយោជន៍របស់វា៖

១- ជួយបន្សុទ្ធដី៖ សត្វជន្លេនជួយបំផុសដីបង្កើតរន្ធក្នុងដីដែលធ្វើឱ្យប្រសើរឡើងនូវការបន្សុទ្ធដី ការចម្រោះទឹក និងជួយឱ្យឫសដំណាំលូតលាស់ល្អ។

២- បង្កើតវដ្តនៃអាហារូបត្ថម្ភ៖ សត្វជន្លេនជួយបំបែកសារធាតុអកខានិក បង្កើតវដ្តនៃសារជាតិចិញ្ចឹម ហើយនាំសារជាតិចិញ្ចឹមផ្តល់ទៅដល់ដំណាំ។

៣- បង្កើតរចនាសម្ព័ន្ធដី៖ សត្វជន្លេនជួយធ្វើឱ្យប្រសើរឡើងរចនាសម្ព័ន្ធដី បង្កើនសមត្ថភាពរក្សាទឹក និងជី។

៤- ធ្វើវិស្វកម្មអេកូឡូស៊ី៖ សត្វជន្លេនកែប្រែបរិស្ថានរបស់ពួកវាដោយការបង្កើតជម្រកសម្រាប់សត្វមានជីវិតដទៃទៀត។

៥- ជីវៈចម្រុះ៖ សត្វជន្លេនរួមចំណែកដល់ជីវៈចម្រុះដោយការគាំទ្រទៅដល់បណ្តាញអាហារដែលមានភាពស្មុគស្មាញ។

៦- វិស័យកសិកម្ម៖ សត្វជន្លេនត្រូវបានគេប្រើប្រាស់សម្រាប់ផលិតជីកំប៉ុស ដែលសម្បូរដោយសារជាតិចិញ្ចឹមសម្រាប់យកទៅប្រើប្រាស់ក្នុងវិស័យកសិកម្ម។

៧- សូចនាករអេកូឡូស៊ី៖ សត្វជន្លេនត្រូវបានគេប្រើប្រាស់ជាសូចនាករនៃសុខភាពដី និងគុណភាពប្រព័ន្ធអេកូឡូស៊ី។

តម្លៃ៖

១- ការចម្រោះដី៖ សត្វជន្លេនរួមវិភាគទានដល់ការចម្រោះដីដោយការកាយរន្ធក្នុងដី ធ្វើឱ្យដីងាយជ្រាបទឹក និងងាយបន្សុទ្ធខ្យល់។

២- ការបំផ្លាញដំណាំ៖ ជាករណីកម្រ សត្វជន្លេនអាចបំផ្លាញដំណាំដូចជាប្រភេទដំណាំអាល់ហ្វាល់ហ្វា និងដើមបីសន្លឹក (រុក្ខជាតិម៉្យាង) ដោយការកាយរន្ធទៅក្នុងឫសដំណាំ។

ជារួម សត្វជន្លេនមានសារៈ​ប្រយោជន៍ដល់សេដ្ឋកិច្ច និងប្រព័ន្ធអេកូឡូស៊ីដែលមិនអាចរៀបរាប់អស់។ សត្វប្រភេទនេះជាសមាសភាពដ៏មានតម្លៃនៃប្រព័ន្ធអេកូឡូស៊ីរបស់ដី ជួយគាំទ្រផលិតភាពកសិកម្ម និងសុខភាពនៃប្រព័ន្ធអេកូឡូស៊ី។

ប្រភព៖ Teacher Michael Gold
បកប្រែដោយ៖ ព្រះបិតុលា លីវប៉ី

ត្រឹមតែស្ពានចម្លង កុំមកចងពៀរជាមួយគ្រូ។
ជាធម្មតា គ្រូបង្រៀន​ជា​អ្នក​បង្រៀន និង​បង្កើត​អាជីព​ដ៏ទៃ​ទាំងអស់​ ប៉ុន្តែ គំនិត​យល់​ខុស​មួយចំនួន​បានលើកឡើង​ថា បើ​គ្រូបង្រៀន​ពូកែ ហេតុអ្វី​បានជា​គ្រូបង្រៀន​(​បរិបទ​កម្ពុជា​)​មិនសូវមាន​ទ្រព្យ​ច្រើន​? នេះ គឺជា​ការយល់​ខុស​។ និយាយ​ជារួម មុខរបរ​គ្រូបង្រៀន​មិនអាច​ក្លាយទៅជា​អ្នកមាន ឬ​មហាសេដ្ឋី​បានឡើយ ក៏ប៉ុន្តែ​សូម​កុំភ្លេចថា មុខរបរ​នេះ គឺជា​មុខរបរ​ដែល​បង្កើត​ឲ្យ​ក្រុមមនុស្ស​ដ៏ទៃទៀត​ក្លាយជា​អ្នកមាន ឬ​មហាសេដ្ឋី​។ ចុះបើ​គ្រូ​ទាំងអស់​ឈប់​បង្រៀន តើ​អាជីព​ដទៃទៀត​អាច​ដំណើរ​ការល្អ​បាន​ឬទេ​? តើ​ការកសាង​ប្រទេស​នឹង​ទៅជា​យ៉ាងណា​? ដូច្នេះ ចូរ​កុំ​មើលងាយ​គ្រូ​ឲ្យ​សោះ​! បើ​អត់​គ្រូ មនុស្ស​គ្រប់គ្នា​អត់​ចំណេះ​៕

"ដើរឱ្យមាន៣ ស្រដីឲ្យមាន៤" ជាសុភាសិតខ្មែរដ៏មានតម្លៃ ហើយមានទស្សនៈខុសគ្នាជាច្រើនដែលបានវិភាគ និងបកស្រាយចំពោះសុភាសិតនេះ
ប្រភពៈ Facebook

សិស្សខ្ញុំថ្នាក់វិទ្យាសាស្រ្តខ្លះ!

មិនចង់វែងឆ្ងាយ ៖
•រឿងខ្លះព្រោះមិនចង់វែងឆ្ងាយ ក៏ព្រមស្ងាត់ទាំងដែរយើងអត់
បានធ្វើខុស..
•រឿងខ្លះព្រោះមិនចង់វែងឆ្ងាយ ឱ្យគេនិយាយអីនិយាយទៅ
បើគេហត់គេឈប់ដោយឯកឯង..
•រឿងខ្លះព្រោះមិនចង់វែងឆ្ងាយ តែងតែដើរចេញមិនចង់និយាយ
តបត មិនចង់ស្តាប់..
•រឿងខ្លះព្រោះមិនចង់វែងឆ្ងាយ តែងតែធ្វើល្ងង់ទាំងដឹងគ្រប់រឿង..
•រឿងខ្លះព្រោះមិនចង់វែងឆ្ងាយ ក៏ព្រមមិននិយាយអ្វីច្រើនព្រោះ
ខ្លាចបាត់បង់មិត្តភាព ..ឬខ្លាចម្ខាងទៀតអន់ចិត្ត..
•រឿងខ្លះព្រោះមិនចង់វែងឆ្ងាយ ក៏ព្រមចាញ់គ្រប់រឿងដែលគេ
បានធ្វើដាក់ ..
Credit: ក្ដីស្រឡាញ់

📌អត្ថបទនេះពិតជាសំខាន់ណាស់ ទើបខ្ញុំបាទធ្វើការបកប្រែរហើយផុសជូនបងប្អូនទាំងអស់គ្នាអោយបានជ្រាប។
🙏សូមចែករំលែកបន្តប្រសិនបើអ្នកគិតថាវាពិតជាចាំបាច់
📖នេះគឺជាបញ្ចីនៃរឿងដែលលោកអ្នកគួរបង្រៀនកូនប្រុសស្រីរបស់អ្នកនៅពេលដែលពួកគេមានអាយុនូវតិចនៅឡើយ៖

១. ណែរនាំកូនស្រីរបស់អ្នកមិនត្រូវអោយអង្គុយលើភ្លៅនរណាម្នាក់ឡើយ គ្រប់កាលៈទេសៈ រួមបញ្ចូលទាំងពូៗរបស់ពួកគេផងដែរ។

២. ចៀសវាងមិនអោយកូនៗរបស់អ្នក ឃើញលោកអ្នកផ្លាស់ប្តូរសំលៀកបំពាក់នៅពេលដែលពួកគេមានអាយុចាប់ពី២ឆ្នាំឡើងទៅ។ អ្នកគួរព្យាយាមគេចចេញ លាក់បាំងទាំងពេលដែលអ្នកស្លៀកសំលៀកបំពាក់ ឬក៏ពួកគេកំពុងស្លៀកសំលៀកបំពាក់។

៣. មិនត្រូវអោយនរណាម្នាក់ក្នុងវ័យជំទង់គិតឬហៅកូនៗរបស់អ្នកថា "ជាប្តីខ្ញុំ" ឬ "ប្រពន្ធ" របស់ពួកគេឡើយ ទោះបីជាក្នុងន័យនិយាយលេង។

៤. គ្រប់ពេលវេលាដែលកូនៗរបស់អ្នកទៅលេងនៅខាងក្រៅ សូមមេត្តាតាមដានពួកគេអោយដឹងថា តើប្រភេទល្បែងអ្វីដែលពួកគេកំពុងលេង។ ក្មេងៗសព្វថ្ងៃនេះអាចទទួលរងការរំលោភបំពានផ្លូវភេទទាំងដែលគេមានអាយុនៅតូចនៅឡើយ។

៥. មិនត្រូវបង្ខំកូនរបស់អ្នកអោយនៅជាមួយ ឬក៏ទៅលេងជាមួយមនុស្សវ័យជំទង់ដែលពួកគេមានអារម្មណ៍មិនកក់ក្តៅជាមួយឡើយ ហើយឧស្សាហ៍សង្កេតមើលកូនៗរបស់អ្នកប្រសិនបើពួកគេចូលចិត្តមនុស្សពេញវ័យ និងវ័យជំទង់ជ្រុលខ្លាំងពេក។

៦. នៅពេលដែលកូនៗរបស់អ្នកផ្លាស់ប្តូរការរស់នៅរបស់ពួកគេ ហើយក្លាយជាមនុស្សដែលមិនចង់ជួប ឬនិយាយជាមួយអ្នកដ៏ទៃ អ្នកត្រូវព្យាយាមអត់ធ្មត់សាកសួរសំណួរគ្រប់បែបយ៉ាងទៅដល់កូនរបស់អ្នក។

៧. បង្រៀនកូនៗរបស់អ្នកដោយប្រុងប្រយ័ត្នអំពីតម្លៃនៃច្បាប់ផ្លូវភេទ ប្រសិនបើអ្នកមិនបង្រៀនទេ សង្គមដែលគេរស់នៅនឹងបង្រៀនពួកគេអោយដើរផ្លូវខុសខាងច្បាប់នៃតម្លៃផ្លូវភេទ។

៨. អ្នកគួរតែណែនាំសម្ភារៈថ្មីៗ និងបង្រៀនពីច្បាប់នៃការលេងរបស់ទាំងនោះអោយបានត្រឹមត្រូវ ដូចជារូបតុក្កតាដែលអ្នកទើបតែទិញសម្រាប់ពួកគេមុនពេលពួកគេចាប់ផ្តើមឃើញនិងកាន់លេងវា។

៩. គួរប្រើរប្រាស់កម្មវិធីតាមដានកូនរបស់អ្នកទៅលើបណ្តាញប្រព័ន្ធណេតវើក ( Parent Control) ដូចជាអ៊ីនធើណិត ទូសរព្ទដៃ ឬទូរទស្សន៍ខ្សែរកាប ហើយណែរនាំមិត្តភក្កិរបស់អ្នកដែលកូនរបស់អ្នកឧស្សាហ៍ទៅលេងជាមួយអោយប្រើប្រាស់កម្មវិធីនោះផងដែរ។

១០. បង្រៀនកូនៗរបស់អ្នកដែលមានអាយុចាប់ពី ៣ឆ្នាំឡើងទៅ អោយចេះសំអាតកន្លែងសំងាត់ ឬកន្លែងខ្មះអៀនរបស់ពួកគេអោយបានត្រឹមត្រូវ។ ហាមប្រាមពួកគេមិនអោយនរណាម្នាក់ប៉ះតំបន់ទាំងនោះឡើយសូម្បីតែអ្នកជាម្តាយឳពុកក្តី (ត្រូវចងចាំថាសេចក្តីសប្បុរសធម៌ចាប់ផ្តើមពីក្នុងផ្ទះជាមួយនឹងអ្នក)។

១១. ហាមឃាត់សម្ភារៈខ្លះៗ ឬរបស់ដែលអ្នកគិតថាទាក់ទងនិងការគំរៀមកំហែងដល់កូនៗរបស់អ្នក (រួមបញ្ចូលទាំង តន្រី្ត ភាពយន្ត មិត្តភក្កិ ឬក្រុមគ្រួរសារ)

១២. បង្រៀនកូនរបស់អ្នកអោយចេះឈរអោយឆ្ងាយពីហ្វូងមនុស្សកកកុញ ដោយអោយហេតុផលសមស្របទៅពួកគេ។

១៣. នៅពេលដែលកូនរបស់អ្នកត្អូញត្អែរអំពីនរណាម្នាក់សូមកុំនៅស្ងៀមអំពីរឿងនេះអោយសោះ។ លើកយកករណីនេះមកពិភាក្សាហើយបង្ហាញថាអ្នកអាចការពារពួកគេបាន។

ដើម្បីក្លាយជាឳម្តាយល្អអ្នកត្រូវបង្រៀនកូនៗរបស់អ្នកអោយបានត្រឹមត្រូវ ហើយត្រូវចងចាំជានិច្ចថា “ជីវិតមនុស្សគឺវែងឆ្ងាយ បើមានបញ្ហាតាំងពីគេនៅក្មេងគឺវាអាចជាស្រមោលអន្ទោលតាមប្រាណរហូតដល់ពួគេចាស់ទៅ”។

SOURCE: Smarties "The Fitness Studio" Thank you for sharing a value article.
បកប្រែរ: weone shop

បទបង្ហាញពីសារៈសំខាន់នៃការរៀនគណិតវិទ្យា

គ្រាន់តែបង្រៀនកាត់កោណកូនសិស្សខ្លះគិតដល់ណាណី (អេលីប)

បុរសជនជាតិឥណ្ឌាម្នាក់បានដើរចូលទៅក្នុងធនាគារមួយក្នុងទីក្រុងញូវយ៉ក។ គាត់បានប្រាប់បុគ្គលិកធនាគារថា គាត់ត្រូវទៅអឺរ៉ុប ២ សប្តាហ៍ហើយត្រូវការខ្ចីលុយ ៥ពាន់ដុល្លា។
ភ្នាក់ងារធនាគារបានប្រាប់បុរសនោះថា ធនាគារតម្រូវអោយគាត់មានរបស់បញ្ចាំ ដើម្បីអាចខ្ចីលុយបាន។ ដូច្នេះគាត់ក៏បានហុចឯកសារពាក់ព័ន្ធ ព្រមទាំងសោរឡាន Ferrari តម្លៃ ៧៥០ពាន់ដុល្លា ដែលចតនៅមុខធនាគារ។ បន្ទាប់ពីត្រួតពិនិត្យឯកសារ ព្រមទាំងរថយន្តសព្វគ្រប់ហើយ ធនាគារក៏សំរេចចិត្តអោយបុរសនោះខ្ចី។
ពេលដែលបុរសនោះចេញផុត បុគ្គលិកធនាគារ ព្រមទាំងប្រធានធនាគារនោះបានសើចចំអកបុរសនោះថាជាមនុស្សល្ងង់ដែលយកឡានតម្លៃ រយពាន់ដុល្លាមកបញ្ចាំយកលុយតែ៥ពាន់ដុល្លា។
ពីរសប្តាហ៍ ក្រោយមកបុរសនោះ ក៏ត្រលប់មកយកឡានវិញ ព្រមទាំងយកមកសងវិញនូវលុយដែលបានខ្ចីចំនួន ៥ពាន់ដុល្លា បូកនិងការប្រាក់ ១៥ដុល្លាផងដែរ។ បុគ្គលិកធនាគារម្នាក់បានសួរបុរសនោះថា ពេលដែលលោកទៅបាត់ យើងបានឆែកប្រវត្តិរូបរបស់លោកហើយដឹងថាលោកជាសេដ្ឋីមានលុយរាប់លានដុល្លា ប៉ុន្តែយើងមិនយល់ថាហេតុអ្វីបានជាលោកយកឡានតម្លៃ៧៥០ពាន់ដុល្លាមកបញ្ចាំយកលុយត្រឹមតែ៥ពាន់ដុល្លាសោះ។ បុរសនោះបានសួរទៅបុគ្គលិកធនាគារវិញថា តើមានកន្លែងណានៅទីក្រុងញ៉ូវយ៉កនេះ ដែលអាចមើលថែរក្សាឡានគាត់យ៉ាងល្អរយៈពេល២សប្តាហ៍ដោយគិតថ្លៃតែ១៥ដុល្លានោះ?