22/08/2026
សិស្សានុសិស្សសាលា អាយ ធី ស៊ី បានចូលរួមពិធីផ្សព្វផ្សាយស្ដីពី"ការទប់ស្កាត់ការប្រើប្រាស់គ្រឿងញៀន និងច្បាប់ចរាចរណ៍ផ្លូវគោក" ជូនដល់ស.ស.យ.ក. ក្រុងប៉ោយប៉ែត
…………………..
ប៉ោយប៉ែត៖ លោក គ្រុយ គឹមលន ប្រធានសហភាពសហព័ន្ធយុវជនកម្ពុជា ក្រុងប៉ោយប៉ែត បានដឹកនាំលោក លោកស្រី អនុប្រធាន សមាជិក សមាជិកាស.ស.យ.ក. សង្កាត់-ក្រុងប៉ោយប៉ែត រៀបចំសហការជាមួយអាជ្ញាធរមូលដ្ឋានខេត្ត ក្រុង សង្កាត់ទាំង៥ និងកងកម្លាំងទាំងបី រៀបចំពិធីផ្សព្វផ្សាយស្ដីពី"ការទប់ស្កាត់ការប្រើប្រាស់គ្រឿងញៀន និងច្បាប់ចរាចរណ៍ផ្លូវគោក" ជូនដល់ស.ស.យ.ក. ក្រុងប៉ោយប៉ែត ក្រោមអធិបតីភាពលោក យឹម សំណាង សមាជិកអចិន្ត្រៃយ៍ នៃស.ស.យ.ក. ខេត្តបន្ទាយមានជ័យ តំណាងលោក កែ សួន សុភាព ប្រធានស.ស.យ.ក. ខេត្ត។
ដោយមានការអញ្ជើញចូលរួមពីលោក ឈាន ចំរើន ប្រធានក្រុមប្រឹក្សាក្រុង លោក ញឹម ផឿង អភិបាលរង នៃគណៈអភិបាលក្រុងប៉ោយប៉ែត កងកម្លាំងទាំបីប្រភេទ រដ្ឋបាលសង្កាត់អូរជ្រៅ លោកមេភូមិ ការិយាល័យអប់រំ លោកគ្រូ-អ្នកគ្រូ ព្រមទាំងសិស្សានុសិស្ស នៅក្នុងក្រុងប៉ោយប៉ែតផងដែរ ស្ថិតនៅបរិវេណវត្តស្រះត្រាច ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត។
បន្ថែមពីនេះក៏បានប្រគេនទេយ្យទាន និងបច្ច័យជូនព្រះគ្រូចៅអធិការវត្តផងដែរ៕
ប៉ោយប៉ែត, ថ្ងៃទី ២២ ខែសីហា ឆ្នាំ ២០២៦
