ប៉ាសេអុី-Ning

"បន្តដំណើរជាមួយខែមិថុនា ដោយក្តីសង្ឃឹម "🍀

មួយភ្លែតសោះកន្លះឆ្នាំបាត់ រយៈពេល៥ខែមកនេះពួកយើងម្នាក់ៗបានជួបរឿងជាច្រើន រឿងល្អផង រឿងអាក្រក់ផង ប៉ុន្តែពួកយើងនៅតែឆ្លងផុតដោយជោកជ័យ។

រយៈពេលជិតកន្លះឆ្នាំមកនេះ ពួកយើងតស៊ូដើម្បីជីវិត និងក្រុមគ្រួសារ ធ្វើការងារដើម្បីជីវភាពផង រៀនបន្តដើម្បីហ្វឹកហាត់ជំនាញផង និងស្តាប់ធម៌ដើម្បីអោយចិត្តជ្រះថ្លាផង ប៉ុន្តែកុំភ្លេចខ្លួនអោយសោះ ខែថ្មីនេះត្រូវតែបន្តអភិវឌ្ឍន៍ខ្លួនឯងគ្រប់ផ្នែក ក៏ប៉ុន្តែកុំភ្លេចមើលថែខ្លួនឯង និងស្រលាញ់ខ្លួនឯង ព្រោះគ្រប់យ៉ាងសុទ្ធសឹងតែសំខាន់សម្រាប់ជីវិត...។

ជាចុងក្រោយ ចាប់ពីពេលនេះតទៅអ្នកត្រូវតែបន្តដំណើរជាមួយខែមិថុនា ដោយក្តីសង្ឃឹម និងអារម្មណ៍វិជ្ជមាន ចង់ធ្វើអ្វីដើម្បីខ្លួនឯងត្រូវតែធ្វើ កុំចាំគេមកលើទឹកចិត្ត ព្រោះក្តីសុខរបស់យើងមិនរំពឹងលើអ្នកដទៃទេ ក្តីសុខរបស់ខ្លួនយើង គឺយើងគឺជាអ្នកផ្តល់អោយ មិនមែនគេជាអ្នកផ្តល់អោយនោះទេ...។ Bye 🙃🙂

អត្ថបទដោយ: ប៉ាសេអុី-Ning

#ឧបសគ្គគឺជាមេរៀន #ក្តីសុខផ្លូវចិត្ត #ក្តីស្រមៃនិងក្តីសង្ឃឹម #ជីវិតគឺជាការតស៊ូ #ចិត្តអំណត់គឺជាអំណាច

ដែកអត់ដែលខ្លាចភ្លើង និងការលត់ដុំរបស់ញញួរនោះទេ ព្រោះវាដឹងថាភ្លើងដែលដុត និងញញួរដែលលត់វានោះ នឹងនាំអោយវាទៅជាដាវមួយដ៏មុតស្រួត របស់មនុស្សពាសពេញពិភពលោក...។ ការមិនខ្លាចភ្លើងនិងការលត់ ប្រៀបបីដូចជាមនុស្សដែលមានចិត្តនឹងធឹង ចិត្តអំណត់ ហ៊ានប្រឈមមុខនឹងឧបសគ្គ ការរិះគន់ពីអ្នកដទៃ និងទទួលយកការនិយាយដើមពីអ្នកដ៏ទៃដោយស្ងៀមស្ងាត់...។

ឧបសគ្គប្រៀបដូចជាភ្លើងដែលកុំពុងដុតយើង ជារឿយៗមនុស្សយើងតែងតែខ្លាចការរិះគន់ ឬការនិយាយដើមពីអ្នកដទៃ។ ប៉ុន្តែការរិះគន់ទាំងនោះ មិនអាចបំផ្លាញគុណតម្លៃពិតប្រាកដរបស់យើងបានឡើយ។

"ការរៀនរស់ជាមួយការលត់ដុំ" អ្នកត្រូវរៀនផ្លាស់ប្តូរការគិតពីការរត់ចោលការលំបាក មកជាការទទួលយកការលត់ដុំ ការដុសខាត់ខ្លួនឯងតាមរយៈបញ្ហា និងការតស៊ូ ព្រមទាំងរៀបចំផែនការអភិវឌ្ឍន៍ខ្លួនឯងជាប្រចាំ។

(ដែកអាចក្លាយជាដាវបានទាល់តែទទួលការលត់ដុំនិងភ្លើង ប្រៀបបីដូចជាមនុស្សទាល់តែប្រឈបមុខនឹងបញ្ហាទើបដឹងថាខ្លួនឯងខ្លាំង និងរឹងមាំប៉ុណ្ណា...។)

Credit: ប៉ាសេអុី-Ning
(ហាមចម្លងបន្តដោយគ្មានការអនុញ្ញាត)

#ជីវិតគឺជាការតស៊ូ #ចិត្តអំណត់គឺជាអំណាច

ថ្ងៃលិច គឺជានិមិត្តសញ្ញា និងអត្ថន័យដ៏ជ្រាលជ្រៅតំណាងឱ្យ ការបញ្ចប់ ការសម្រាក ការផ្លាស់ប្តូរវដ្តជីវិត និង សេចក្តីសង្ឃឹមជាថ្មី... ។
#ឧបសគ្គគឺជាមេរៀន #ក្តីសុខផ្លូវចិត្ត #ក្តីស្រមៃនិងក្តីសង្ឃឹម

អ្នកដទៃអាចនឹងចាកចេញពីអ្នក អ្នកដទៃអាចនឹងមិនស្រលាញ់អ្នក ជាចុងក្រោយមានតែអ្នកខ្លួនឯងទេដែលនៅជាមួយខ្លួន ដូច្នេះហើយចូរស្រលាញ់ខ្លួនឯងអោយបានច្រើន និងផ្តល់ក្តីមេត្តាអោយខ្លួនឯង កុំដាក់សម្ពាធលើខ្លួនឯងពេក ដោះស្រាយមួយៗទៅ...ដរាបណាព្រះអាទិត្យនៅតែរះជីវិតអ្នកនៅតែមានពន្លឺនៃក្តីសង្ឃឹម...។

Don't take life too seriously ,Remember to love yourself...

ប៉ាសេអុី-Ning

#ក្តីសុខផ្លូវចិត្ត #តស៊ូដើម្បីជីវិត #ឧបសគ្គគឺជាមេរៀន

ការតស៊ូត្រូវតែផ្សាភ្ជាប់ក្តីសង្ឃឹម...។

ល្អ អាក្រក់ គឺស្ថិតនៅក្នុងចិត្តតែមួយ ជាមនុស្សឬបិសាចគឺផ្លាស់ប្តូរតាមចិត្តគំនិត និស្ស័យនៅក្នុងលោកគឺអាចបានជួបគ្រប់ពេល ហើយក៏អាចប្រែប្រួលបានគ្រប់ពេល ជួបមនុស្សល្អឬអាក្រក់អាស្រ័យលើចិត្តគំនិត...។

Credit: ប៉ាសេអុី-Ning

#ក្តីស្រមៃនិងក្តីសង្ឃឹម #តស៊ូដើម្បីជីវិត #ឧបសគ្គគឺជាមេរៀន