អគ្គាធិការដ្ឋាន ក្រសួងអប់រំ យុវជន និងកីឡា

ពិធីបើកវគ្គបណ្តុះបណ្តាល ស្តីពី "ការសរសេររបាយការណ៍វិភាគក្នុងវិស័យអប់រំ វគ្គ២"

នាព្រឹកថ្ងៃទី២៨ ខែឧសភា ឆ្នាំ២០២៦ នៅខេត្តសៀមរាប
ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋាន
អញ្ជើញចូលរួមក្នុងពិធីបើកវគ្គបណ្តុះបណ្តាល ស្តីពី "ការសរសេររបាយការណ៍វិភាគក្នុងវិស័យអប់រំ វគ្គ២" ក្រោមអធិបតីភាពដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។
សិក្ខានេះរៀបចំឡើងដោយអគ្គលេខាធិការដ្ឋាន និងជាក្រុមការងារលេខាធិការដ្ឋានទទួលបន្ទុកសម្របសម្រួលការងារក្នុងវិស័យអប់រំ​ យុវជន និងកីឡា ចាប់ពីថ្ងៃទី២៨-២៩ ខែឧសភា ឆ្នាំ២០២៦។

សៀមរាប l ២៨-២៩ ខែឧសភា ឆ្នាំ២០២៦
#សៀមរាបទឹកដីអង្គរ

ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិតសភាចារ្យឧបនាយករដ្ឋមន្ត្រី ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋាន បានដឹកនាំក្រុមការងារជំនាញនៃនាយកដ្ឋានអធិការកិច្ចគុណភាពអប់រំ រួមមានវត្តមានលោកស្រីបណ្ឌិត ពុត និស្ស័យ ប្រធាននាយកដ្ឋាន លោក អនុប្រធាននាយកដ្ឋាន/អនុប្រធានលេខាធិការដ្ឋាន លោកប្រធានការិយាល័យ និងមន្ត្រីជំនាញ ចុះប្រមូលព័ត៌មាន និងទិន្នន័យ នៅសាលាអន្តរជាតិ ទ្រីហៅស៍ អ៊ុនធើណេសិនណលស្នួល អហ្វ សៀមរាប ខេត្តសៀមរាប ដើម្បីវាយតម្លៃ ទទួលស្គាល់សញ្ញាបត្រ Cambridge International GCE AS Level មានតម្លៃសមមូលនឹងសញ្ញាបត្រ មធ្យមសិក្សាទុតិយភូមិ ដែលចេញដោយក្រសួងអប់រំ យុវជន និងកីឡា ដែលនឹងប្រព្រឹត្តទៅនៅថ្ងៃទី២១ ដល់ថ្ងៃទី២៣ ខែឧសភា ឆ្នាំ២០២៦។

សៀមរាប l ២២ ឧសភា ២០២៦

ពិធីផ្សព្វផ្សាយខ្លឹមសារគោលនយោបាយ ស្តីពី «ភូមិ-ឃុំ-សង្កាត់-មានសុវត្ថិភាព»

រាជធានីភ្នំពេញ៖ នាព្រឹកថ្ងៃទី១៥ ខែឧសភា ឆ្នាំ២០២៦ ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋាន បានអញ្ជើញ ចូលរួមក្នុងពិធីផ្សព្វផ្សាយខ្លឹមសារគោលនយោបាយ ស្តីពី «ភូមិ-ឃុំ-សង្កាត់-មានសុវត្ថិភាព» ក្រោមអធិបតីភាព
លោកជំទាវបណ្ឌិត គឹម សេដ្ឋានី រដ្ឋមន្ត្រីស្តីទី ក្រសួងអប់រំ យុវជន និងកីឡា និងឯកឧត្តម អ៊ូច ភា រដ្ឋលេខាធិការ ក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
អញ្ជើញចូលរួមក្នុងពិធីខាងលើមានវត្តមានឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា និងក្រសួងមហាផ្ទៃ និងមន្រ្តីពាក់ព័ន្ធក្រោមឱវាទក្រសួងទាំងពីរ។

រាជធានីភ្នំពេញ l ១៥ ឧសភា ២០២៦

ថ្ងៃទី៨ ខែឧសភា ឆ្នាំ២០២៦ នៅសាលាបឋមសិក្សាតេជោភ្នំដងរ៉ែក ស្រុកជាំក្សាន្ត ខេត្តព្រះវិហារ
ក្រុមការងារក្រសួងអប់រំ យុវជន និងកីឡា ដឹកនាំដោយលោក ប៉ៅ សំអាង ប្រធាននាយកដ្ឋានអធិការកិច្ចនិងបណ្តឹងតវ៉ា និង លោក ផាត់ ម៉ៅ អនុប្រធាននាយកដ្ឋានកិច្ចការប្រឡង បានចុះពិនិត្យស្ថានភាពនៃការបង្រៀន និងរៀន និងបានឧបត្ថម្ភសម្ភារៈសិក្សា ជួយគាំទ្រដល់ការបង្រៀន និងរៀន នៅសាលាបឋមសិក្សាតេជោភ្នំដងរែក ដែលជាសាលាចងសម្ពន្ធ័មេត្រីភាព។
ក្រុមការងារក្រសួងអប់រំ យុវជន និងកីឡា បាននាំយកសម្ភារៈសិក្សាមួយចំនួនជូនដល់សាលារៀនសម្រាប់ដំណើរការបង្រៀននិងរៀន រួមមាន៖
1.ក្រូណូធំ ១០ និងក្រូណូតូច ១០
2.ប៊ិកខៀវ ២ប្រអប់
3.ប៊ិកក្រហម ២ប្រអប់
4.ទឹកលុប ១ប្រអប់
5.កែបលុបក្តាខៀនហ្វឺត ១៤ដុំ
6.សៀវភៅសរសេរ១៦០ទំព័រ ២ដុំ
7.សៀវភៅធំ ១០ក្បាល
8.ហ្វឺតខៀវ ១ប្រអប់
9.ហ្វឺតក្រហម ១ប្រអប់
10.ទឹកហ្វឺតខៀវ ២ដុំ
11.ទឹកហ្វឺតក្រហម ២ដុំ
12.បណ្ណអក្សរចល័ត ១ឈុត
13.បណ្ណរូបភាពស្រះនិស្ស័យ ១ឈុត
14.កញ្ចប់អំណាន ១ញ្ចប់
សរុបថវិកា ចំនួន ៦១៥,០០០ រៀល(ប្រាំមួយរយ ដប់ប្រាំពាន់រៀលគត់) ។

នាព្រឹក ថ្ងៃចន្ទ ៣រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែឧសភា ឆ្នាំ២០២៦ ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋានបានដឹកនាំកិច្ចប្រជុំបែងចែកភារកិច្ចការងារដល់ថ្នាក់ដឹកនាំ និងមន្រ្តីជំនាញចំណុះអគ្គាធិការដ្ឋាន រៀបចំខ្លឹមសារពាក់ព័ន្ធនឹងការងារសវនកម្ម និងអធិការកិច្ច ដើម្បីបញ្ចូលទៅក្នុងខ្លឹមសាររួមនៃសៀវភៅគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណ: របស់ក្រសួងអប់រំ យុវជន និងកីឡា។

ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋានបានអញ្ជើញដឹកនាំក្រុមការងារជំនាញចុះពិនិត្យ តាមដាន «ការធ្វើអធិការកិច្ច និងរង្វាយតម្លៃលទ្ធផលសិក្សារបស់សិស្ស» ដែលនឹងប្រព្រឹត្តទៅចាប់ពីថ្ងៃទី០២ ដល់ថ្ងៃទី០៤ ខែឧសភា ឆ្នាំ២០២៦ នៅវិទ្យាល័យ សម្តេចឪ ខេត្តបាត់ដំបង។

ព្រះវិហារ៖ នាថ្ងៃទី២៧ ខែមេសា ឆ្នាំ២០២៦ នៅមណ្ឌលជនភៀសសឹក វត្តពើងអង្កាម ហៅវត្តបាក់កាំលោក យិន ស៊ីដា និងលោក សារី ពៅ អគ្គាធិការរងនៃអគ្គាធិការដ្ឋាន និងលោកស្រីបណ្ឌិត ពុត និស្ស័យ ប្រធាននាយកដ្ឋានអធិការកិច្ចគុណភាពអប់រំ បានដឹកនាំក្រុមការងារនាយកដ្ឋានអធិការកិច្ចគុណភាពអប់រំចុះពិនិត្យស្ថានភាពបង្រៀន និងរៀន និងជួយឧបត្ថម្ភគាំទ្រដល់សាលាបឋមសិក្សាតេជោមរកត ដែលជាសាលាចងសម្ពន្ធ័មេត្រីភាព បច្ចុប្បន្នស្ថិតនៅមណ្ឌលជនភៀសសឹកក្នុងបរិវេណវត្តពើងអង្កាម (ហៅវត្តបាក់កាំ) ខេត្តព្រះវិហារ។ ក្រុមការងារបាននាំយកសម្ភារៈសិក្សាមួយចំនួនសម្រាប់ដំណើរការបង្រៀន និងរៀន និងថវិកាមួយចំនួនជូនដល់សាលារៀន៕

២៧ មេសា ២០២៦ | ខេត្តព្រះវិហារ

តបតាមការអញ្ជើញរបស់រដ្ឋបាលរាជធានីភ្នំពេញ និងដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តមបណ្ឌិតសភាចារ្យ ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា នារសៀល ម៉ោង ១៥:០០ ថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ ឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋាន បានចូលរួមកិច្ចប្រជុំពិភាក្សាជាមួយរដ្ឋបាលរាជធានីភ្នំពេញ ដើម្បីសហការក្នុងការរៀបចំការប្រឡងជ្រើសរើសសិស្សពូកែទូទាំងប្រទេស លើកទី២៨ ឆ្នាំ២០២៦ និងលើកទី៩ ដែលរដ្ឋបាលរាជធានីភ្នំពេញធ្វើជាម្ចាស់ផ្ទះ ក្រោមអធិបតីភាពឯកឧត្តម សុខ ពេញវុធ អភិបាលរងនៃគណ:អភិបាលរាជធានីភ្នំពេញ។

កិច្ចប្រជុំត្រៀមរៀបចំការប្រឡងជ្រើសរើសសិស្សពូកែទូទាំងប្រទេស សម័យប្រឡង : ២៦ មេសា ២០២៦ នៅមណ្ឌលវិទ្យាល័យ ជា សុីម សន្ធរម៉ុក

នារសៀលថ្ងៃទី២០ ខែមេសា ឆ្នាំ២០២៦ នៅសាលប្រជុំ(ក) ជាន់ទី១ អាគារដ្ឋបាលក្រសួងចៅពញាហុក មានរៀបចំកិច្ចប្រជុំត្រៀមរៀបចំការប្រឡងជ្រើសរើសសិស្សពូកែទូទាំងប្រទេស សម័យប្រឡង : ២៦ មេសា ២០២៦ នៅមណ្ឌលវិទ្យាល័យ ជា សុីម សន្ធរម៉ុក ក្រោមអធិបតីភាពឯកឧត្តមបណ្ឌិត ហួ ឈុនគ្រី អគ្គាធិការ នៃអគ្គាធិការដ្ឋាន និងជាប្រធានគណៈគ្រប់គ្រងនាយកដ្ឋានកិច្ចការប្រឡង។ អញ្ជើញចូលរួមក្នុងពិធីខាងលើ មានវត្តមានលោក លោកស្រីជាគណៈកម្មការនានា អញ្ជើញពីអង្គភាពជំនាញចំណុះក្រសួង សម្រាប់ដំណើរការប្រឡងជ្រើសរើសសិស្សពូកែទូទាំងប្រទេស សម័យប្រឡង : ២៦ មេសា ២០២៦ សរុបចំនួន ១៧៩នាក់។

រាជធានីភ្នំពេញ l ២០ មេសា ២០២៦