សមាហរណកម្មកសិកម្ម សុខាភិបាល អប់រំដើម្បីលើកកម្ពស់អាហារូបត្ថម្ភ-INAS

  • Home
  • Cambodia
  • Phnom Penh
  • សមាហរណកម្មកសិកម្ម សុខាភិបាល អប់រំដើម្បីលើកកម្ពស់អាហារូបត្ថម្ភ-INAS

សមាហរណកម្មកសិកម្ម សុខាភិបាល អប់រំដើម្បីលើកកម្ពស់អាហារូបត្ថម្ភ-INAS ដើម្បីលទ្ធផលអាហារូបត្ថម្ភកាន់តែប្រសើរ

🗓📌 កាលពីព្រឹក ថ្ងៃចន្ទ ទី៥ ខែឧសភា ឆ្នាំ២០២៦ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាអភិវឌ្ឍន៍វិស័យកសិកម្ម និងជ...
06/05/2026

🗓📌 កាលពីព្រឹក ថ្ងៃចន្ទ ទី៥ ខែឧសភា ឆ្នាំ២០២៦ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាអភិវឌ្ឍន៍វិស័យកសិកម្ម និងជនបទ (ក.ក.ជ) និងជាសហប្រធានគណៈកម្មការតម្រង់ទិសគម្រោង INAS ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាសហប្រធានគណៈកម្មការតម្រង់ទិសគម្រោង INAS ឯកឧត្តមបណ្ឌិត សុខ សុីឡូ អគ្គលេខាធិការ ក.ក.ជ និងជាអនុប្រធានគណៈកម្មការតម្រង់ទិសគម្រោង INAS លោក ហ៊ូ ក្រើន នាយកប្រចាំប្រទេស អង្គការ Helen Keller អន្តរជាតិ កម្ពុជា និងជាអនុប្រធានគណៈកម្មការតម្រង់ទិសគម្រោង INAS បានអញ្ជើញចូលរួមជាអធិបតីក្នុងកិច្ចប្រជុំលើកទី៣ នៃគណៈកម្មការតម្រង់ទិសគម្រោងអន្តរវិស័យ «នវានុវត្តន៍សម្រាប់លទ្ធផលកាន់តែប្រសើរ ក្នុងការធ្វើសមាហរណកម្មរវាងវិស័យកសិកម្ម សុខាភិបាល និងអប់រំ ដើម្បីលើកកម្ពស់អាហារូបត្ថម្ភនៅកម្ពុជា» ហៅកាត់ថា «INAS»។ កិច្ចប្រជុំនេះត្រូវបានរៀបចំឡើងដោយក្រុមប្រឹក្សាអភិវឌ្ឍន៍វិស័យកសិកម្ម និងជនបទ ក្រោមការឧបត្ថម្ភរបស់អង្គការ Helen Keller Intl នៅសណ្ឋាគារ កាំបូឌីយ៉ាណា រាជធានីភ្នំពេញ។

✍️📩 សូមជម្រាបជូនផងដែរថា កិច្ចប្រជុំនេះក៏មានការអញ្ជើញចូលរួមពី តំណាងនាយកដ្ឋានផ្សព្វផ្សាយកសិកម្ម លោកវេជ្ជបណ្ឌិត ភឹម លាន់ តំណាងកម្មវិធីជាតិអាហារូបត្ថម្ភ លោក លី លាងសេង តំណាងនាយកដ្ឋានសុខភាពសិក្សា នៃក្រសួងអប់រំ យុវជន និងកីឡា តំណាងអង្គការ iDE អង្គការ VA ព្រមទាំងសមាជិកគណៈកម្មការតម្រង់ទិសគម្រោង INAS ទាំងអស់ ប្រធាន PWG-FSN តំណាងមន្ទីរកសិកម្ម រុក្ខាប្រមាញ់ និងនេសាទ មកពីខេត្តចំនួន៥ គឺ ខេត្តកំពត តាកែវ កំពង់ឆ្នាំង កំពង់ធំ និងបន្ទាយមានជ័យ។

✅🌟 កិច្ចប្រជុំនេះមានគោលបំណង៖
១- ពិនិត្យមើលនូវវឌ្ឍនភាពក្នុងរយៈពេលបីខែចុងក្រោយ ពីខែមករា ដល់ខែមីនា ឆ្នាំ២០២៦
២- ចែករំលែកផែនការសកម្មភាពសម្រាប់បីខែបន្ទាប់
៣- បង្ហាញពីពិភាក្សាគោលនយោបាយការផ្តល់អាហារតាមសាលាបឋមសិក្សា។
៤- ផ្សេងៗ

📝កាលពីថ្ងៃទី៣-៤ ខែកុម្ភៈ ឆ្នាំ២០២៦ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ ន...
06/02/2026

📝កាលពីថ្ងៃទី៣-៤ ខែកុម្ភៈ ឆ្នាំ២០២៦ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ និងជាសហប្រធានគណៈកម្មាការតម្រង់ទិសគម្រោង INAS បានដឹកនាំគណ:ប្រតិភូចុះទស្សន:កិច្ចសិក្សាពីការអនុវត្តគម្រោង INAS នៅឃុំសំបួរ ស្រុកមង្គលបូរី ខេត្តបន្ទាយមានជ័យ និងឃុំទ្រា ស្រុកស្ទោង ខេត្តកំពង់ធំ។

✅ ប្រតិភូអមដំណើរឯកឧត្តមប្រធានរួមមាន៖ ឯកឧត្តម ខាត់ សុធី អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទ លោកសួស សុខា អ្នកដឹកនាំគម្រោងសន្តិសុខស្បៀង និងអាហារូបត្ថម្ភរបស់អង្គការហេឡែន ខេលល័រ តំណាងអង្គការ iDE តំណាងក្រុមប្រឹក្សាឃុំសំបួរ មន្រ្តីកសិកម្មឃុំសំបួរ និងតំណាងអាជ្ញាធរភូមិ។

📩 ដំណើរទស្សន:កិច្ចសិក្សាទៅកាន់ខេត្តបន្ទាយមានជ័យនិងខេត្តកំពង់ធំនេះគឺត្រូវបានរៀបចំដោយក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ ក្រោមការឧបត្ថម្ភរបស់អង្គការ ហេទ្បែន ខេលល័រ។ ក្នុងអំឡុងដំណើរទស្សន:កិច្ចគណៈប្រតិភូបានអញ្ជើញជួបពិភាក្សាជាមួយក្រុមគ្រួសារគោលដៅដែលមានកូនអាយុក្រោម៥ឆ្នាំ នៅក្នុងភូមិគោលដៅនៃគម្រោង។ បន្ទាប់មកទៀត គណ:ប្រតិភូក៏បានអញ្ជើញជួបពិភាក្សាជាមួយ លោកនាយកសាលា លោកគ្រូអ្នកគ្រូនៅបឋមសិក្សានិងទស្សនាសួនបន្លែរបស់សាលា។ ជាបន្តគណៈប្រតិភូបានជួបនិងពិភាក្សាពីសកម្មភាពមន្រ្តីកសិកម្មឃុំក្នុងការជួយដល់គម្រោង និងជាចុងក្រោយបានជួបប្រជុំនៅមណ្ឌលសុខភាពដើម្បីឆ្លុះបញ្ចាំងពីដំណើរទស្សនៈកិច្ចនៅខេត្តបន្ទាយមានជ័យនិងខេត្តកំពង់ធំរយ:ពេល២ថ្ងៃនេះ។


🗓️📌 កាលពីថ្ងៃ២៨-២៩ ខែមករា ឆ្នាំ២០២៦ កន្លងទៅ គណ:ប្រតិភូដឹកនាំដោយ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអ...
06/02/2026

🗓️📌 កាលពីថ្ងៃ២៨-២៩ ខែមករា ឆ្នាំ២០២៦ កន្លងទៅ គណ:ប្រតិភូដឹកនាំដោយ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាសហប្រធានគណ:កម្មាការតម្រង់ទិសគម្រោង INAS បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងដំណើរទស្សន:កិច្ចសិក្សាទៅតំបន់គោលដៅរបស់គម្រោងរួមមាន៖ ភូមិចំបក់កន្រ្ទាញ សាលាបឋមសិក្សាភូមិចាស់ និងមណ្ឌលសុខភាពស្រុកទឹកផុស ខេត្តកំពង់ឆ្នាំងនិងភូមិតាយឹង និងសាលាបឋមសិក្សាតាយឹង ក្នុងឃុំជំរះពេន ស្រុកសំរោង ខេត្តតាកែវ។

📝✨គណ:ប្រតិភូអមដំណើរឯកឧត្តមប្រធានរួមមាន៖ លោកវេជ្ជបណ្ឌិត លីលាងសេង អនុប្រធាននាយកដ្ឋានសុខភាពសិក្សា នៃក្រសួងអប់រំយុវជន និងកីឡា និងលោកសួស សុខា អ្នកដឹកនាំគម្រោងសន្តិសុខស្បៀង និងអាហារូបត្ថម្ភរបស់អង្គការហេឡែន ខេលល័រ។​ ដំណើរទស្សន:កិច្ចសិក្សាទៅកាន់ខេត្តកំពង់ឆ្នាំងនិងខេត្តតាកែវនេះគឺត្រូវបានរៀបចំដោយក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ ក្រោមការឧបត្ថម្ភរបស់អង្គការ ហេទ្បែន ខេលល័រ។

🎯✅ ក្នុងឱកាសនេះឯកឧត្តមបានជួបសំណេះសំណាលជាមួយក្រុមគ្រួសារកសិករគោលដៅដែលទទួលបានគ្រាប់ពូជបន្លែពីគម្រោង និងនាយកសាលាបឋមសិក្សា មន្រ្តីកសិកម្មឃុំ និងមន្រ្តីនៅមណ្ឌលសុខភាពនៅតំបន់គោលដៅគម្រោង។ ឯកឧត្តមក៏បានផ្តល់ជាអនុសាសន៍ណែនាំដល់ក្រុមគ្រួសារដែលមានកូនអាយុក្រោម៥ឆ្នាំដើម្បីពង្រីកគម្រោងការដាំបន្លែនៅផ្ទះ និងបន្តទទួលការបណ្តុះបណ្តាលពីមន្រ្តីកសិកម្មឃុំលើបច្ចេកទេសដាំ រៀនចេះធ្វើនិងប្រើជីកំប៉ុស្តិ៍ និងថែរក្សាសួនបន្លែជាគុណប្រយោជន៍បានបន្លែស្រស់ហូបក្នុងក្រុមគ្រួសារផងដែរ។


🗓️📌 កាលពីថ្ងៃអង្គារ ទី៧ ខែតុលា ឆ្នាំ២០២៥ នៅសាលប្រជុំសាលាខេត្តកំពត ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តា...
20/10/2025

🗓️📌 កាលពីថ្ងៃអង្គារ ទី៧ ខែតុលា ឆ្នាំ២០២៥ នៅសាលប្រជុំសាលាខេត្តកំពត ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាសហប្រធាននៃអនុក្រុមការងារវិស័យផ្គត់ផ្គង់ទឹកស្អាតអនាម័យដែលគិតគូរដល់អាហារូបត្ថម្ភ បានអញ្ជើញចូលរួមក្នុងពិធីបើកសិក្ខាសាលាផ្សព្វផ្សាយយុទ្ធសាស្រ្តជាតិស្តីពីសន្តិសុខស្បៀង និងអាហារូបត្ថម្ភលើកទី៣ ឆ្នាំ២០២៤-២០២៨ ក្រោមការឧបត្ថម្ភរបស់អង្គការ Helen Keller អន្តរជាតិ។

📬✨ ការអញ្ជើញចូលរួមក្នុងពិធីបើកសិក្ខាសាលា និងកិច្ចប្រជុំខាងលើនេះផងដែររួមមាន ឯកឧត្តមវេជ្ជបណ្ឌិត ទូច សុក្រិត អគ្គលេខាធិការរង ក.ក.ជ. លោកជំទាវ មុយ វីរ័ត្ន អភិបាលរងនៃគណៈអភិបាលខេត្តកំពត ឯកឧត្តម លោកជំទាវ លោក-លោកស្រីជាប្រធានសមាជិកលេខាធិការនៃអនុក្រុមការងារ និងមន្រ្តីជំនាញ ក.ក.ជ. មន្ទីរ ស្ថាប័ន នៃរដ្ឋបាលសាលាខេត្តកំពត អង្គការ Helen Keller អន្តរជាតិ និងដៃគូអភិវឌ្ឍដែលជាសមាជិកក្រុមការងារដឹកនាំសម្របសម្រួលវិស័យសន្តិសុខស្បៀង និងអាហារូបត្ថម្ភខេត្ត ព្រមទាំងតំណាងយុវជន សិស្សានុសិស្ស សរុបអ្នកចូលរួមទាំងអស់មានចំនួន53នាក់។

🗓📌 នៅព្រឹកថ្ងៃព្រហស្បតិ៍ ទី៩ ខែតុលា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម...
09/10/2025

🗓📌 នៅព្រឹកថ្ងៃព្រហស្បតិ៍ ទី៩ ខែតុលា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាសហប្រធានគណៈកម្មការតម្រង់ទិសគម្រោង INAS និងឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាសហប្រធានគណៈកម្មការតម្រង់ទិសគម្រោង INAS បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងកិច្ចប្រជុំលើកទីមួយ នៃគណ:កម្មការតម្រង់ទិសគម្រោងអន្តរវិស័យ «នវានុវត្តន៍សម្រាប់លទ្ធផលកាន់តែប្រសើរក្នុងការធ្វើសមាហរណកម្មរវាងវិស័យកសិកម្ម សុខាភិបាល និងអប់រំ ដើម្បីលើកកម្ពស់អាហារូបត្ថម្ភនៅកម្ពុជា» ហៅកាត់ថា «INAS»។ កិច្ចប្រជុំនេះគឺត្រូវបានរៀបចំឡើងដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ក្រោមការឧបត្ថម្ភរបស់ អង្គការ Helen Keller Intl នៅសណ្ឋាគារ សាន់វេ ភ្នំពេញ។

✍️📩 សូមជម្រាបជូនផងដែរថាកិច្ចប្រជុំនេះក៏មានការអញ្ជើញចូលរួមពី លោក លី លាងសេង អនុប្រធាននាយកដ្ឋានសុខភាពសិក្សា នៃក្រសួងអប់រំ យុវជន និងកីឡា កញ្ញា សៅ ករុណា អនុប្រធានកម្មវិធីជាតិអាហារូបត្ថម្ភ លោក ហ៊ូ ក្រើន នាយកអង្គការ Helen Keller Intl តំណាងអង្គការ iDE Cambodia អង្គការ Vitamin Angels អ្នកសារព័ត៌មានជើងឯកអាហារូបត្ថម្ភ និងតំណាងយុវជនជើងឯកអាហារូបត្ថម្ភ ដែលមានសមាសភាពអ្នកចូលរួមសរុបចំនួន២០នាក់។

✅🌟 កិច្ចប្រជុំនេះបានប្រព្រឹត្តទៅតាមរបៀបវារៈសំខាន់ៗចំនួន៤រួមមាន៖
១- អានសេចក្តីសម្រេចលេខ៤០៩ របស់ក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ នៃទីស្តីការគណ:រដ្ឋមន្រ្តីស្តីពីការបង្កើតគណ:កម្មការតម្រង់ទិសគម្រោងអន្តរវិស័យ INAS។
២- បទបង្ហាញស្តីពីលទ្ធផលការងារដែលសម្រេចបានក្នុងរយ:ពេល៣ខែកន្លងមក។
៣- ចែករំលែកផែនការសកម្មភាពក្នុងរយៈពេល៣ខែទៅមុខ។
៤- និងការពិភាក្សាសកម្មភាពគម្រោងសំខាន់ៗផ្សេងទៀត។

👉📝 ថ្លែងបើកកិច្ចប្រជុំលើកទី១ នៃគណ:កម្មការតម្រង់ទិសគម្រោងអន្តរវិស័យ INAS ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាសហប្រធានគណៈកម្មការតម្រង់ទិសគម្រោង INAS បានសម្ដែងនូវការកោតសរសើរ និងវាយតម្លៃខ្ពស់ចំពោះគម្រោងថ្មីនេះ ដែលមានសក្តានុពលខ្ពស់ព្រោះគម្រោងនេះជាកិច្ចខិតខំប្រឹងប្រែងរួម ការរៀបចំផែនការរួម តាមដាន និងវាយតម្លៃរួម នៅថ្នាក់ជាតិ និងក្រោមជាតិ។ ឯកឧត្តមវេជ្ជបណ្ឌិត ក៏បានវាយតម្លៃខ្ពស់លើវឌ្ឍនភាពយ៉ាងច្រើនដែលគម្រោងនេះសម្រេចបានក្នុងរយះពេល៣ខែកន្លងមកនេះ។ ក្នុងសុន្ទរកថាបើកកិច្ចប្រជុំនេះ ឧត្តមវេជ្ជបណ្ឌិត បានផ្តល់អនុសាសន៍មួយចំនួនលើចក្ខុវិស័យក្នុងការអនុវត្តគម្រោង ជាពិសេសការចងក្រងមេរៀន និងភស្តុតាងតាមបែបវិទ្យាសសស្រ្ត ករណីសិក្សាស្តីពីបទពិសោធ មេរៀនល្អៗដើម្បីចែករំលែកជាមួយភាគីពាក់ព័ន្ធ និងនៅក្នុងព្រឹត្តិការណ៍ផ្សេងៗទាំងក្នុង និងក្រៅប្រទេស។

👏✨ នៅក្នុងឱកាសនោះផងដែរ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាសហប្រធានគណៈកម្មការតម្រង់ទិសគម្រោង INAS បានលើកទ្បើងអំពីគោលគំនិតដើមមួយចំនួនក្នុងការបង្កើតគម្រោងនេះទ្បើង គោលនយោបាយក្រសួងកសិកម្ម រុក្ខាប្រមាញ់ និងនេសាទ ស្តីពីមន្រ្តីកសិកម្មឃុំ ឆន្ទៈ និងសំណូមពររបស់ ឯកឧត្តមបណ្ឌិត ក្នុងការពង្រីកគម្រោងនៅទូទាំងប្រទេស។ ឯកឧត្តមបណ្ឌិត ក៏បានថ្លែងអំណរគុណ ឯកឧត្តមប្រធាន ក្នុងការតម្រង់ទិស និងសម្របសម្រួលគម្រោង និងស្នើសុំលោក លោកស្រី ជាសមាជិកមានស្មារតីទទួលខុសត្រូវខ្ពស់ក្នុងការអនុវត្តគម្រោងនេះ ធ្វើយ៉ាងណាឱ្យមានដំណើរការប្រព្រឹត្តទៅរលូនប្រកបដោយប្រសិទ្ធភាពខ្ពស់។

🗓📌 នៅព្រឹកថ្ងៃទី១៦ ខែកញ្ញា ឆ្នាំ២០២៥នេះ ក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការ Helen Keller អន្តរជាតិ បា...
16/09/2025

🗓📌 នៅព្រឹកថ្ងៃទី១៦ ខែកញ្ញា ឆ្នាំ២០២៥នេះ ក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការ Helen Keller អន្តរជាតិ បានរៀបចំវគ្គបណ្តុះបណ្តាលស្តីពី កសិកម្មគិតគូរអាហារូបត្ថម្ភ ដល់មន្រ្តីកសិកម្មឃុំ មកពីខេត្តតាកែវ កំពត កំពង់ឆ្នាំង កំពង់ធំ និងបន្ទាយមានជ័យ ក្រោមអធិបតីភាព ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាសហប្រធានគណៈកម្មការតម្រង់ទិសគម្រោង INAS និងមានការចូលរួមពី ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក ហ៊ូ ក្រើន នាយកអង្គការ Helen Keller អន្តរជាតិ។ វគ្គបណ្តុះបណ្តាលនេះមានសិក្ខាកាមចូលរួមសរុបចំនួន ៤៣នាក់។

✍️⏰ វគ្គបណ្តុះបណ្តាលនេះមានរយៈពេល ៥ថ្ងៃ ដោយផ្តោតសំខាន់លើ៖
• ទំនាក់ទំនងរវាងកសិកម្ម និងអាហារូបត្ថម្ភ
• ទំនាក់ទំនងរវាងកសិកម្ម និងសាលារៀន
• ការជ្រើសរើសគ្រួសារគោលដៅសម្រាប់កសិកម្មគិតគូរអាហារូបត្ថម្ភ
• បច្ចេកទេសជ្រើសរើស និងដាំបន្លែសម្បូរសារជាតិចិញ្ចឹម
• បច្ចេកទេសដាំបន្លែចម្រុះសម្រាប់បរិភោគក្នុងគ្រួសារ និងលក់រកចំណូល
• របបអាហារសុខភាព
• ការលើកកម្ពស់ការអនុវត្តចរាចរណ៍លេខ ១៨ របស់ក្រសួងអប់រំ យុវជន និងកីឡា នៅតាមគ្រឹះស្ថានសិក្សា
• វិធីសាស្រ្តអប់រំ និងផ្លាស់ប្តូរឥរិយាបថបុគ្គល និងសង្គម
• ការធ្វើផែនទីភូមិបង្ហាញអន្តរាគមន៍របស់គម្រោង
• សូចនាករគន្លឹះរបស់គម្រោង ការធ្វើអភិបាលកិច្ច ការប្រមូលទិន្នន័យ ការប្រជុំប្រចាំត្រីមាស និងការធ្វើរបាយការណ៍ ជាដើម។

👉📝 សូមបញ្ជាក់ថាដោយមានការដឹកនាំ និងចង្អុលបង្ហាញពីក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ នៃទីស្តីការគណៈរដ្ឋមន្ត្រី គម្រោងអន្តរវិស័យគំរូឈ្មោះថា «នវានុវត្តន៍សម្រាប់លទ្ធផលកាន់តែប្រសើរ៖ ការធ្វើសមាហរណកម្មរវាងវិស័យកសិកម្ម សុខាភិបាល និងអប់រំ ដើម្បីលើកកម្ពស់អាហារូបត្ថម្ភនៅកម្ពុជា» ហៅកាត់ថា «INAS» ត្រូវបានបង្កើតឡើងដើម្បីធ្វើឲ្យលទ្ធផលអាហារូបត្ថម្ភនៅកម្ពុជាកាន់តែប្រសើរឡើង។

👏🌟 ថ្នាក់ដឹកនាំរបស់គណៈកម្មការតម្រង់ទិសគម្រោងថ្មីនេះមាន៖
• ឯកឧត្តម វេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ជាប្រធាន
• ឯកឧត្តម បណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ជាសហប្រធាន
• ឯកឧត្តម បណ្ឌិត សុខ ស៊ីឡូ អគ្គលេខាធិការក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ជាអនុប្រធាន
• លោក ហ៊ូ ក្រើន នាយកអង្គការ Helen Keller អន្តរជាតិ ជាអនុប្រធាន។

📍📥 សូមបញ្ជាក់ថាវគ្គបណ្តុះបណ្តាលនេះ គឺជាជំហានសំខាន់មួយក្នុងការអនុវត្តគម្រោងអន្តរវិស័យគំរូ «INAS» ដែលបច្ចុប្បន្នកំពុងចាប់ផ្តើមអនុវត្តនៅក្នុងឃុំចំនួន ២៥ ក្នុងខេត្តចំនួន ៥ គឺខេត្តតាកែវ កំពត កំពង់ឆ្នាំង កំពង់ធំ និងបន្ទាយមានជ័យ។ ជាពិសេសគម្រោងនេះមានគោលបំណងបង្ហាញពីគំរូសម្របសម្រួល និងធ្វើសមាហរណកម្មសកម្មភាពវិស័យកសិកម្ម សុខាភិបាល និងអប់រំ នៅថ្នាក់ឃុំ/សង្កាត់ ដើម្បីធ្វើឱ្យប្រសើរឡើងនូវលទ្ធផលអាហារូបត្ថម្ភសម្រាប់ស្ត្រី និងកុមារ។

🗓📌 កាលពីព្រឹក ថ្ងៃទី៩ ខែកញ្ញា ឆ្នាំ២០២៥ ឯកឧត្តម វេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និ...
10/09/2025

🗓📌 កាលពីព្រឹក ថ្ងៃទី៩ ខែកញ្ញា ឆ្នាំ២០២៥ ឯកឧត្តម វេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ នៃទីស្តីការគណៈរដ្ឋមន្ត្រី និងជាប្រធានគណៈកម្មការតម្រង់ទិសគម្រោង INAS បានដឹកនាំគណៈប្រតិភូទស្សនកិច្ច គម្រោងអង្គការ Helen Keller អន្តរជាតិ នៅមូលដ្ឋានខេត្តកំពង់ធំ។ 🏫

✍️✨ ឯកឧត្តម វេជ្ជបណ្ឌិត បានផ្តល់ការវាយតម្លៃខ្ពស់ និងកោតសរសើរចំពោះការគាំទ្ររបស់អង្គការ Helen Keller អន្តរជាតិ ដល់កសិករ និងសហគមន៍មូលដ្ឋាននៅខេត្តកំពង់ធំ ជាពិសេស៖
- ការផ្សព្វផ្សាយ និងអនុវត្តកសិកម្មគិតគូរអាហារូបត្ថម្ភ
- កម្មវិធីគាំទ្រការអនុវត្តសេចក្តីសម្រេចលេខ ១៨ របស់ក្រសួងអប់រំ យុវជន និងកីឡា
- ការលើកកម្ពស់ការបំបៅកូនដោយទឹកដោះម្តាយ តាមរយៈមន្ទីរពេទ្យ «ស្រឡាញ់ទារក» នៅកំពង់ធំ
- ការផ្តល់បន្ថែមគ្រាប់ថ្នាំជីវជាតិអារដល់កុមារ។

📩❇️ ជាពិសេសក្នុងនាមជាសហប្រធានអនុក្រុមការងារផ្គត់ផ្គង់ទឹកស្អាត និងអនាម័យដែលគិតគូរអាហារូបត្ថម្ភ ឯកឧត្តម វេជ្ជបណ្ឌិត ក៏បានដឹកនាំកិច្ចប្រជុំក្រុមការងារស្នូល ស្តីពីអន្តរាគមន៍ផ្គត់ផ្គង់ទឹកស្អាត និងអនាម័យ ដែលគិតគូរអាហារូបត្ថម្ភ នៅសាលាឃុំបល្ល័ង្គ ស្រុកបារាយណ៍ ខេត្តកំពង់ធំ។ កិច្ចប្រជុំនេះមានការចូលរួមពី ក្រុមការងារលេខាធិការដ្ឋាន អនុក្រុមការងារ មន្រ្តីសាលាខេត្ត មេឃុំ មន្រ្តីពាក់ព័ន្ធឃុំ និងមន្រ្តីអង្គការ Helen Keller អន្តរជាតិប្រចាំខេត្តកំពង់ធំ។ 👏

📍✅ គូសបញ្ជាក់ថា ឯកឧត្តម វេជ្ជបណ្ឌិត ប្រធានគណៈប្រតិភូ ក៏បានផ្តល់អនុសាសន៍សំខាន់ចំនួន ៣ ចំណុច៖
១- ពង្រឹងកិច្ចសហការជាមួយមណ្ឌលសុខភាពក្នុងការផ្តល់ការអប់រំអំពីអាហារូបត្ថម្ភដល់សមាជិកសហគមន៍កសិករ រួមទាំងកុមារ និងស្ត្រីមានផ្ទៃពោះ។
២- បន្តពង្រីកបទពិសោធន៍ក្នុងការរៀបចំសហគមន៍ដាំដំណាំបន្លែទៅកាន់ភូមិនានាក្នុងឃុំបល្ល័ង្គ និងភ្ជាប់ការងារកសិកម្មជាមួយសកម្មភាពអប់រំអាហារូបត្ថម្ភតាមសាលារៀនសម្រាប់កុមារ និងស្ត្រីមានផ្ទៃពោះ។
៣- ពង្រឹងកិច្ចសហការរវាងការិយាល័យបច្ចេកទេស នៃមន្ទីរសុខាភិបាល មន្ទីរកសិកម្ម រុក្ខាប្រមាញ់ និងនេសាទ មន្ទីរអប់រំ យុវជន និងកីឡា ក្នុងការងារសហការជាមួយអង្គការ Helen Keller អន្តរជាតិ។ 🎯

🗓📌 កាលពីថ្ងៃទី១៤ ខែកក្កដា ឆ្នាំ២០២៥ កន្លងទៅ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម...
25/08/2025

🗓📌 កាលពីថ្ងៃទី១៤ ខែកក្កដា ឆ្នាំ២០២៥ កន្លងទៅ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មការតម្រង់ទិសគម្រោង INAS បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងកិច្ចប្រជុំស្តីពីគម្រោងអន្តរវិស័យគំរូឈ្មោះថា «នវានុវត្តន៍ថ្មីសម្រាប់លទ្ធផលកាន់តែប្រសើរ៖ ការធ្វើសមាហរណកម្មរវាងវិស័យកសិកម្ម សុខាភិបាល និងអប់រំដើម្បីផ្លាស់ប្តូរលទ្ធផលអាហារូបត្ថម្ភនៅកម្ពុជា» ដែលហៅកាត់ថា «INAS»។ កិច្ចប្រជុំនេះផងដែរគឺត្រូវបានរៀបចំឡើងដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ នៅសណ្ឋាគារ សាន់វេភ្នំពេញ ក្រោមការឧបត្ថម្ភរបស់ អង្គការ Helen Keller Intl។

✍️📩 សូមជម្រាបជូនថាប្រតិភូអញ្ជើញចូលរួមជាអធិបតីក្នុងកិច្ចប្រជុំនេះរួមមាន៖ ឯកឧត្តមបណ្ឌិត យ៉ង់ សាំងកុមារ អគ្គលេខាធិការក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានគណៈកម្មការគម្រោង INAS ឯកឧត្តម សុខ ស៊ីឡូ អគ្គលេខាធិការក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាអនុប្រធានគណៈកម្មការគម្រោង INAS លោក លី លាងសេង អនុប្រធាននាយកដ្ឋានសុខភាពសិក្សានៃក្រសួងអប់រំ យុវជន និងកីឡា កញ្ញា សៅរ៍ ករុណា អនុប្រធានកម្មវិធីជាតិអាហារូបត្ថម្ភ លោក ហ៊ូ ក្រើន នាយកអង្គការ Helen Keller Intl តំណាងអង្គការ iDE Cambodia អង្គការ Vitamin Angels តំណាងយុវជនជើឯកអាហារូបត្ថម្ភ និងបុគ្គលិកគម្រោងអង្គការហេឡែន ខេលល័រ អន្តរជាតិកម្ពុជា ផងដែរ។

🎯🌟 គូសបញ្ជាក់ថាគោលបំណងនៃកិច្ចប្រជុំនេះគឺ៖
១- ចែករំលែកអនុសាសន៍ទាំង១៣ចំណុចដែលបានផ្តល់ដោយថ្នាក់ដឹកនាំអន្តរក្រសួងដល់អ្នកចូលរួមក្នុងកិច្ចប្រជុំ។
២- បង្ហាញនិងពិភាក្សាគម្រោង សាកល្បងឈ្មោះ «នវានុវត្តន៍ថ្មីសម្រាប់លទ្ធផលកាន់តែប្រសើរ៖ ការធ្វើសមាហរណកម្មរវាងវិស័យកសិកម្ម សុខាភិបាល និងអប់រំដើម្បីផ្លាស់ប្តូរលទ្ធផលអាហារូបត្ថម្ភនៅកម្ពុជា» ដែលហៅកាត់ថា «INAS»។
៣- ពិភាក្សាលើតួនាទីនិងភារកិច្ចរបស់គណៈកម្មាធិការតម្រង់ទិសគម្រោង។
៤- ពិភាក្សាអំពីជំហាននិងសកម្មភាពបន្ទាប់។

📥✅ កិច្ចប្រជុំនេះផងដែរសម្រេចបានលទ្ធផលដូចតទៅ៖
- អង្គប្រជុំបានសម្រេចជាឯកច្ឆន្ទជ្រើសរើស ឯកឧត្តមវេជ្ជបណ្ឌិត ជា សំណាង ជាប្រធាន និង ឯកឧត្តមបណ្ឌិត យ៉ង សាំងកុមារ ជាអនុប្រធានគណៈកម្មាធិការតម្រង់ទិសគម្រោង។
- អង្គប្រជុំបានឯកភាពលើសមាសភាព តួនាទីនិងភារកិច្ចរបស់គណៈកម្មាធិការតម្រង់ទិសគម្រោង។
- អង្គប្រជុំបានស្នើសុំបញ្ចូលសមាសភាពបន្ថែមដើម្បីធានាបាននូវប្រសិទ្ធភាពការងារ។
- អង្គប្រជុំបានស្នើសុំថ្នាក់ដឹកនាំ ក.ក.ជ ក្នុងការតែងតាំងគណៈកម្មាធិការតម្រង់ទិសគម្រោងជាផ្លូវការដើម្បីមានសុពលភាពរឹងមាំ។
- អង្គប្រជុំបានឯកភាពលើគោលដៅ គោលបំណង សកម្មភាព ពេលវេលា ក្រុមគោលដៅ តំបន់គោលដៅ សូចនាករ និងផែនការសកម្មភាពបន្ទាប់ដោយស្នើសុំបន្ថែមនូវសកម្មភាពមួយចំនួនទៀត។
- អង្គប្រជុំបានឯកភាពជ្រើសខេត្តតាកែវ កំពត កំពង់ឆ្នាំង កំពង់ធំ និងបន្ទាយមានជ័យសម្រាប់គម្រោងសាកល្បងនេះ។
- អង្គប្រជុំបានឯកភាពយកមន្ត្រីកសិកម្មឃុំជាជាជនបង្គោលស្នូលក្នុងការសម្របសម្រួលការងារអន្តរវិស័យនៅសហគមន៍។
- អង្គប្រជុំបានផ្តល់យោបល់រៀបចំគោលការណ៍ណែនាំក្នុងការបង្កើតយន្តការព្រមទាំងតួនាទីភារកិច្ចជាក់លាក់សម្រាប់មន្ត្រីកសិកម្មឃុំ បុគ្គលិកមណ្ឌលសុខភាព និងគ្រូបង្រៀនក្នុងការធ្វើការរួមគ្នាដើម្បីសម្រេចគោលដៅរួម។
- អង្គប្រជុំបានផ្តល់យោបល់ក្នុងការកែតម្រូវតារាងសកម្មភាព និងពេលវេលាដើម្បីឆ្លើយតបតម្រូវការជាក់ស្តែង។ កិច្ចប្រជុំបានបញ្ចប់ដោយជោគជ័យមានកិច្ចសហការ និងការទទួលខុសត្រូវខ្ពស់។

🗓📌 កាលពីថ្ងៃទី១៥ ខែសីហា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ន...
24/08/2025

🗓📌 កាលពីថ្ងៃទី១៥ ខែសីហា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មការតម្រង់ទិសគម្រោង INAS បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងកិច្ចប្រជុំស្តីពីគម្រោងអន្តរវិស័យគំរូឈ្មោះថា «នវានុវត្តន៍ថ្មីសម្រាប់លទ្ធផលកាន់តែប្រសើរ៖ ការធ្វើសមាហរណកម្មរវាងវិស័យកសិកម្ម សុខាភិបាល និងអប់រំដើម្បីផ្លាស់ប្តូរលទ្ធផលអាហារូបត្ថម្ភនៅកម្ពុជា» ដែលហៅកាត់ថា «INAS»។ កិច្ចប្រជុំនេះផងដែរគឺត្រូវបានរៀបចំដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងរដ្ឋបាលស្រុកមង្គលបូរី ខេត្តបន្ទាយមានជ័យ ក្រោមការឧបត្ថម្ភរបស់ អង្គការ Helen Keller Intl។

✍️📩 សូមជម្រាបជូនថាប្រតិភូអញ្ជើញចូលរួមជាអធិបតីក្នុងកិច្ចប្រជុំនេះរួមមាន៖ ឯកឧត្តមបណ្ឌិត យ៉ង់ សាំងកុមារ អគ្គលេខាធិការក្រសួងកសិកម្ម រុក្ខាប្រមាញ់និងនេសាទ ជាអនុប្រធានគណៈកម្មការគម្រោង INAS ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក លី លាងសេង អនុប្រធាននាយកដ្ឋានសុខភាពសិក្សានៃក្រសួងអប់រំ យុវជន និងកីឡា លោកស្រីវេជ្ជបណ្ឌិត ជា ម៉ារី ប្រធានកម្មវិធីជាតិអាហារូបត្ថម្ភនៃក្រសួងសុខាភិបាល លោកស្រី អៀង កាណារ៉ា តំណាងរដ្ធបាលស្រុក និង នាយកអង្គការ Helen Keller Intl និងក៏មានការចូលរួមពីតំណាងមន្ទីរពាក់ព័ន្ធ លោកមេឃុំ មន្ត្រីកសិកម្មឃុំ តំណាងមណ្ឌលសុខភាព សាលាបឋមសិក្សា អង្គការ Vitamin Angels ចូលរួមផងដែរ។

✍️🌟 គូសបញ្ជាក់ផងដែរថា ឯកឧត្តមវេជ្ជបណ្ឌិត ជា សំណាង មានប្រសាសន៍ថា INAS គឺជាគម្រោងគំរូថ្មីមួយដែលមានមហិច្ឆតាក្នុងការផ្លាស់ប្តូរលទ្ធផលអាហារូបត្ថម្ភនៅកម្ពុជាឲ្យកាន់តែប្រសើរតាមរយៈការធ្វើការរួមគ្នារវាងរដ្ឋបាលឃុំ មណ្ឌលសុខភាព និងសាលារៀន ពោលគឺ កិច្ចសហការរវាងមន្ត្រីកសិកម្មឃុំ បុគ្គលិកមណ្ឌលសុខភាព និងមន្ត្រីគ្រឹះស្ថានសិក្សា ដើម្បីសម្រេចគោលដៅរួម។

🎯✅ កិច្ចប្រជុំនេះគឺជាជំហានដ៏សំខាន់មួយក្នុងការអនុវត្តគម្រោងអន្តរវិស័យគំរូ «INAS» ដែលនឹងត្រូវអនុវត្តនៅក្នុងឃុំចំនួន២៥ក្នុងខេត្តចំនួន៥រួមមានខេត្តតាកែវ កំពត កំពង់ឆ្នាំង កំពង់ធំ និងបន្ទាយមានជ័យ។ គម្រោងអន្តរវិស័យគំរូ «INAS» មានគោលបំណងបង្ហាញពីគំរូសម្របសម្រួល និងធ្វើសមាហរណកម្មសកម្មភាពវិស័យកសិកម្ម សុខាភិបាល និងអប់រំ នៅថ្នាក់ឃុំ/សង្កាត់ ដើម្បីធ្វើឱ្យប្រសើរឡើងនូវលទ្ធផលអាហារូបត្ថម្ភសម្រាប់ស្ត្រី និងកុមារ។

🗓📌 កាលពីថ្ងៃទី១៤ ខែសីហា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ន...
23/08/2025

🗓📌 កាលពីថ្ងៃទី១៤ ខែសីហា ឆ្នាំ២០២៥ ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាប្រធានគណៈកម្មការតម្រង់ទិសគម្រោង INAS បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងកិច្ចប្រជុំស្តីពីគម្រោងអន្តរវិស័យគំរូឈ្មោះថា «នវានុវត្តន៍ថ្មីសម្រាប់លទ្ធផលកាន់តែប្រសើរ៖ ការធ្វើសមាហរណកម្មរវាងវិស័យកសិកម្ម សុខាភិបាល និងអប់រំដើម្បីផ្លាស់ប្តូរលទ្ធផលអាហារូបត្ថម្ភនៅកម្ពុជា» ដែលហៅកាត់ថា «INAS»។ កិច្ចប្រជុំនេះផងដែរគឺត្រូវបានរៀបចំដោយក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងរដ្ឋបាលខេត្តកំពង់ធំ ក្រោមការឧបត្ថម្ភរបស់ អង្គការ Helen Keller Intl។

✍️📩 មួយវិញទៀតប្រតិភូអញ្ជើញចូលរួមជាអធិបតីក្នុងកិច្ចប្រជុំនេះរួមមាន៖ ឯកឧត្តមបណ្ឌិត សុខ ស៊ីឡូ អគ្គលេខាធិការ ក.ក.ជ និងជាអនុប្រធានគណៈកម្មការគម្រោង INAS ឯកឧត្តម ព្រឹម រដ្ឋា អភិបាលរងនៃគណៈអភិបាលខេត្តកំពង់ធំ និងជាប្រធានដឹកនាំសម្របសម្រួលវិស័យសន្តិសុខស្បៀង និងអាហារូបត្ថម្ភខេត្ត ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក លី លាងសេង អនុប្រធាននាយកដ្ឋានសុខភាពសិក្សានៃក្រសួងអប់រំ យុវជន និងកីឡា លោកស្រីវេជ្ជបណ្ឌិត ជា ម៉ារី ប្រធានកម្មវិធីជាតិអាហារូបត្ថម្ភនៃក្រសួងសុខាភិបាល លោក ហ៊ូ ក្រើន នាយកអង្គការ Helen Keller Intl និងក៏មានការចូលរួមពីតំណាងមន្ទីរពាក់ព័ន្ធ លោកមេឃុំ មន្ត្រីកសិកម្មឃុំ តំណាងមណ្ឌលសុខភាព សាលាបឋមសិក្សា អង្គការ iDE និង Vitamin Angels ចូលរួមផងដែរ។

🎯✅ កិច្ចប្រជុំនេះគឺជាជំហានដ៏សំខាន់មួយក្នុងការអនុវត្តគម្រោងអន្តរវិស័យគំរូ «INAS» ដែលនឹងត្រូវអនុវត្តនៅក្នុងឃុំចំនួន២៥ក្នុងខេត្តចំនួន៥រួមមានខេត្តតាកែវ កំពត កំពង់ឆ្នាំង កំពង់ធំ និងបន្ទាយមានជ័យ។ គម្រោងអន្តរវិស័យគំរូ «INAS» មានគោលបំណងបង្ហាញពីគំរូសម្របសម្រួល និងធ្វើសមាហរណកម្មសកម្មភាពវិស័យកសិកម្ម សុខាភិបាល និងអប់រំ នៅថ្នាក់ឃុំ/សង្កាត់ ដើម្បីធ្វើឱ្យប្រសើរឡើងនូវលទ្ធផលអាហារូបត្ថម្ភសម្រាប់ស្ត្រី និងកុមារ។

Address

Phnom Penh

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when សមាហរណកម្មកសិកម្ម សុខាភិបាល អប់រំដើម្បីលើកកម្ពស់អាហារូបត្ថម្ភ-INAS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category