សមាគមធនធានមនុស្សកម្ពុជា-Human Resources Association of Cambodia

តាងនាមថ្នាក់ដឹកនាំ និងសមាជិក សមាជិកា នៃសមាគមធនធានមនុស្សកម្ពុជា យើងខ្ញុំសូមសម្តែងនូវការដឹងគុណយ៉ាងជ្រាលជ្រៅបំផុត ជូនចំពោះ មហាឧបាសកពុទ្ធសាសនូបត្ថម្ភក៍ អៀង សុធារ៉ា និងភរិយា ដែលបានផ្តល់កិត្តិយសអញ្ជើញក្រុមការងារនៃសមាគមទៅធ្វើទស្សនកិច្ចសិក្សានៅរមណីយដ្ឋាន ភូមិសុខារ៉ាវី (ខេត្តព្រៃវែង) កាលពីថ្ងៃទី២៨ ខែឧសភា ឆ្នាំ២០២៦ ទោះបីជាក្រុមការងារទៅដល់យឺតជាងកាលកំណត់ក៏មហាឧបាសក សន្តោសប្រណី មិនប្រកាន់ខឹង (អភ័យទាន) ។ យើងខ្ញុំពិតជាមានក្តីរំភើប និងសូមអរគុណយ៉ាងជ្រាលជ្រៅចំពោះការទទួលស្វាគមន៍យ៉ាងកក់ក្តៅ ព្រមទាំងបានរៀបចំនូវអាហារថ្ងៃ និងភេសជ្ជៈផ្សេងៗ (អាមីសទាន) ដ៏មានឱជារស ។

នៅថ្ងៃទី៣០ ខែឧសភា ឆ្នាំ២០២៦ បានបន្តធ្វើ អាមីសទាន និងធម្មទាន ជាបន្តទៀត នៅ CJCC មួយថ្ងៃពេញដល់ក្រុមការងារ HRAC ។

យើងខ្ញុំសូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយបីបាច់ថែរក្សា និងប្រសិទ្ធពរជ័យ សិរីសួស្តី វិបុលសុខគ្រប់ប្រការ ជូនចំពោះ មហាឧបាសកពុទ្ធសាសនូបត្ថម្ភក៍ អៀង សុធារ៉ា និងភរិយា ព្រមទាំងក្រុមគ្រួសារ សូមបានប្រកបដោយពុទ្ធពរទាំងបួនប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូម មហាឧបាសកពុទ្ធសាសនូបត្ថម្ភក៍ អៀង សុធារ៉ា និងភរិយា ទទួលនូវការគោរពដ៏ខ្ពង់ខ្ពស់បំផុតពីយើងខ្ញុំ។

ជោគជ័យថ្មីមួយទៀត!
វគ្គបណ្តុះបណ្តាលពិសេសសម្រាប់វីរៈបុរសនៅពីក្រោយខ្នងរបស់ថ្នាក់ដឹកនាំ

កាលពីថ្ងៃទី១៣ ខែឧសភា ឆ្នាំ២០២៦ កន្លងទៅនេះ សមាគមធនធានមនុស្សកម្ពុជា (HRAC) បានរៀបចំវគ្គបណ្តុះបណ្តាលដ៏មានសារៈសំខាន់មួយ ស្តីពី «ឥរិយាបទនៅកន្លែងធ្វើការ និងការទំនាក់ទំនងប្រកបដោយប្រសិទ្ធភាព» ដែលត្រូវបានរចនាឡើងជាពិសេសសម្រាប់បងៗអង្គរក្ស និងអ្នកបើកបររថយន្តជូនថ្នាក់ដឹកនាំក្រុមហ៊ុន Alex Corporation Co., Ltd.

វគ្គបណ្តុះបណ្តាលនេះ មិនត្រឹមតែពង្រឹងសមត្ថភាពលើការប្រកបការងារប្រចាំថ្ងៃប៉ុណ្ណោះទេ ប៉ុន្តែថែមទាំងផ្តោតយ៉ាងខ្លាំងទៅលើ៖
🎯 សីលធម៌ និងឥរិយាបទវិជ្ជាជីវៈ៖ ក្នុងនាមជាតំណាងមុខមាត់របស់ថ្នាក់ដឹកនាំ។
🤝 ជំនាញទំនាក់ទំនង និងការដោះស្រាយស្ថានការណ៍៖ ឱ្យបានទាន់ពេលវេលា និងមានប្រសិទ្ធភាពខ្ពស់។
🔒 ការយល់ដឹងពីតួនាទី៖ ក្នុងការរក្សាការសម្ងាត់ និងការបង្កើតបរិយាកាសការងារប្រកបដោយទំនុកចិត្ត។

សូមថ្លែងអំណរគុណយ៉ាងជ្រាលជ្រៅ ក្នុងឱកាសដ៏វិសេសវិសាលនេះ សមាគមធនធានមនុស្សកម្ពុជា (HRAC) សូមសម្តែងនូវការគោរព និងថ្លែងអំណរគុណយ៉ាងជ្រាលជ្រៅបំផុតជូនចំពោះ ថ្នាក់ដឹកនាំក្រុមហ៊ុន ដែលតែងតែផ្តល់នូវ៖
✨ ទំនុកចិត្តយ៉ាងមុតមាំ មកលើសមាគមរបស់យើងខ្ញុំក្នុងការវាយតម្លៃ និងអភិវឌ្ឍន៍ធនធានមនុស្ស។
✨ ការគាំទ្រយ៉ាងពេញទំហឹង ទាំងស្មារតី និងថវិកា ដើម្បីឱ្យវគ្គបណ្តុះបណ្តាលនេះលេចចេញជារូបរាងឡើង។
ការវិនិយោគលើចំណេះដឹងរបស់បុគ្គលិកគ្រប់លំដាប់ថ្នាក់ពីសំណាក់ថ្នាក់ដឹកនាំក្រុមហ៊ុន គឺជាសក្ខីភាពបញ្ជាក់ពីចក្ខុវិស័យដ៏វែងឆ្ងាយ និងការយកចិត្តទុកដាក់ខ្ពស់ចំពោះវប្បធម៌ស្ថាប័នឱ្យកាន់តែមានភាពរឹងមាំ។🏆✨



#បណ្តុះបណ្តាលបុគ្គលិក
#អភិវឌ្ឍន៍ធនធានមនុស្ស
#ការទំនាក់ទំនង
#ឥរិយាបទការងារ

អបអរសាទរ ព្រះរាជពិធីបុណ្យចម្រើនព្រះជន្ម
ព្រះករុណាព្រះបាទសម្តេចព្រះបរមនាថ នរោត្តម សីហមុនី
ព្រះមហាក្សត្រ នៃព្រះរាជាណាចក្រកម្ពុជា
គម្រប់ ៧៣ព្រះវស្សា យាងចូល ៧៤ព្រះវស្សា
🙏🙏🙏

🎉 អបអរសាទរ ទិវាពលកម្មអន្តរជាតិ 🎉

សមាគមធនធានមនុស្សកម្ពុជា សូមថ្លែងអំណរគុណចំពោះកម្មករ កម្មការិនី និងបុគ្គលិកគ្រប់លំដាប់ថ្នាក់ទាំងអស់ ដែលបានចូលរួមចំណែកក្នុងការជួយជំរុញការអភិវឌ្ឍសង្គម និងសេដ្ឋកិច្ចជាតិ។

សូមជូនពរឲ្យទទួលបានសុខភាពល្អ សុវត្ថិភាពការងារ និងជោគជ័យគ្រប់ភារកិច្ច។