04/05/2021
កាលពីរសៀលថ្ងៃទី០៤ ខែឧសភា ឆ្នាំ២០២១ លោក ឃី កុសល លោក លាង ភួងប៊ុណ្ណារ៉ាត់ និង ឯកឧត្តម ហ៉ីវ ជននាថ តំណាងឱ្យសមាគមអតីតនិស្សិតកម្ពុជាពីចក្រភពអង់គ្លេស(BAAC) បាននាំយកនូវអំណោយជាថវិកាដែលបានពីការចូលរួមរបស់សប្បុរសជននៃសមាជិក សមាជិកាសមាគម និងសប្បុរសជនផ្សេងទៀត ចំនួន ១០១២១ដុល្លារអាមេរិក ប្រគល់ជូនសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីចូលរួមចំណែកជួយដល់យុទ្ធនាការប្រយុទ្ធប្រឆាំងនឹងការរាតត្បាតនៃជម្ងឺកូវីត ១៩ ដ៏កាចសាហាវដែលកំពុងវាយលុកទូទាំងប្រទេសកម្ពុជា។ យើងខ្ញុំទាំងអស់គ្នាសង្ឃឹមថាទឹកចិត្តសប្បុរសធម៌បន្តិចបន្តួចនេះនឹងអាចជាចំណែកមួយក្នុងការជួយគាំទ្រដល់បេសកកម្មរបស់ ស.គ.យ.ត បានក្នុងគ្រាដ៏លំបាកនេះ និងជាពិសេសជួយលើកទឹកចិត្តដល់ក្រុមគ្រូពេទ្យជួរមុខទាំងអស់ឱ្យទទួលបាននូវជោគជ័យក្នុងពេលដ៏ឆាប់ខាងមុខនេះ។ យើងខ្ញុំក៏សូមថ្លែងអំណរគុណដល់សប្បុរសជនទាំងអស់ដែលបានចូលរួមឧបត្ថម្ភធនធានផ្ទាល់ខ្លួន និងសូមជូនពរដល់សប្បុរសជន បងប្រធាន ស.គ.យ.ត ទាំងពីរ និងក្រុមគ្រូពេទ្យទាំងអស់ ជួបប្រទះតែសុខសុវត្ថិភាព ជៀសឆ្ងាយពីជម្ងឺកាចសាហាវទាំងឡាយ និងទទួលបានជោគជ័យក្នុងបេសកកម្មនេះ។ សូមចូលរួមអនុវត្តតាមការណែនាំរបស់រាជរដ្ឋាភិបាល ៣កុំ និង៣ការពារ ទាំងអស់គ្នា ដើម្បីសុវត្ថិភាពខ្លួនយើង និងក្រុមគ្រួសារយើង។ 🙏🙏🙏
