Cambodia Intellectuals Academy

#សាលារៀនបញ្ញជនកម្ពុជា (CIA) ជាបុត្រសម្ព័ន្ធរបស់ស្ថាប័នអប់រំ អិន.អាយ.ស៊ី (NiC) មានសេចក្តីរីករាយ និងចូលរួមអបអរសាទរពិធីចុះអនុសារណៈយោគយល់គ្នារវាងសកលវិទ្យាល័យជាតិគ្រប់គ្រង National University of Management (NUM) និងស្ថាប័នអប់រំ បញ្ញវន្តថ្មីកម្ពុជា New Intellectual Cambodia (NiC) នៅព្រឹកថ្ងៃពុធ ទី៤ ខែមិថុនា ឆ្នាំ២០២៥នេះ ដើម្បីសហការផ្តល់ឱកាសជូនគ្នាទៅវិញទៅមក ក្នុងការបញ្ចូនសិស្ស និងនិស្សិត ទៅសិក្សា និងចុះកម្មសិក្សាពង្រីកចំណេះចំនាញឱ្យកាន់តែធំទូលាយ រឹងមាំ និងខ្លាំងក្លាបន្ថែមទៀត​ ។

នារសៀលថ្ងៃទី៩ ខែមិថុនា ឆ្នាំ២០២៥ សាលារៀនបញ្ញជនកម្ពុជា ដែលជាសមាជិកនៃស្ថាប័នអប់រំបញ្ញវន្តថ្មីកម្ពុជា New Intellectual Cambodia (NiC) បានចុះអនុសារណៈយោគយល់គ្នារវាងសកលវិទ្យាល័យ UTE (University of Technology and Entrepreneurship) ដែលមានទីតាំងនៅរាជធានីភ្នំពេញ ក្នុងគោលបំណងដើម្បីពង្រីកកិច្ចសហប្រតិបត្តិការជាមួយសកលវិទ្យាល័យក្នុងប្រទេស ដែលតាមកិច្ចសហការនេះ បុគ្គលិកសិក្សាធិការនិងសិស្សានុសិស្សរបស់យើង នឹងទទួលបានឳកាសដូចជា អាហារូបករណ៍សិក្សា ការចុះកម្មសិក្សា ការចូលរួមសិក្ខាសាលា កិច្ចការស្រាវជ្រាវ និងគម្រោងសិក្សាផ្សេងៗទៀត។
គួរបញ្ជាក់ផងដែរថា ស្ថាប័នអប់រំបញ្ញវន្តថ្មីកម្ពុជា New Intellectual Cambodia (NiC) បានចុះអនុសារណៈយោគយល់គ្នាជាមួយដៃគូសហការដែលជាគ្រិះស្ថានឧត្តមសិក្សាចំនួន១៧ទាំងក្នុងនិងក្រៅប្រទេស។