វត្ដដីក្រហម-Wat Dei kraham

ស្ថិតនៅក្នុងព្រះរាជវរោកាសជយាភិរម្យនៃព្រះរាជពិធីបុណ្យចម្រើនព្រះជន្ម គម្រប់ ៩០ព្រះវស្សា របស់សម្ដេចព្រះមហាក្សត្រី​ នរោត្តម​ មុនិនាថ​ សីហនុ​ ព្រះវររាជមាតាជាតិខ្មែរ​ ក្នុងសេរីភាព​ សេចក្ដីថ្លៃថ្នូរ​ និងសុភមង្គល ជាទីសក្ការៈដ៏ខ្ពង់ខ្ពស់បំផុត សូមព្រះបរមរាជានុញាត ថ្វាយព្រះរាជសព្ទសាធុការពរជ័យ សិរីមង្គល វិបុលសុខមហាប្រសើរគ្រប់ប្រការ ថ្វាយចំពោះហ្លួងម៉ែជាអម្ចាស់ សូមហ្លួងម៉ែមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាភ្លឺថ្លាត្រចះត្រចង់ ព្រះរាជជន្មាទីឃាយុយឺនយូរជាងរយព្រះវស្សា ដើម្បីគង់ប្រថាប់ឋិតនៅជាព្រះម្លប់ដ៏ត្រជាក់ត្រជុំក្សេមក្សាន្តសម្រាប់ប្រជានុរាស្រ្តរបស់ព្រះអង្គ និងដើម្បីគង់ប្រថាប់ជាព្រះរាជអគ្គមហាពុទ្ធសាសនូបត្ថម្ភក៍ ជានិច្ចនិរន្តរន៍តរៀងទៅ។ ១៨.មិថុនា.១៩៣៦ ១៨.មិថុនា.២០២៦
——∘◦❀◦∘——
វត្តដីក្រហម ឃុំចំប៉ី ស្រុកបាទី
ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦

#អបអរសាទរទិវាកុមារអន្តរជាតិខួបលើកទី៧៧!
អបអរសាទរទិវាកុមារអន្តរជាតិ ១ មិថុនា ១៩៤៩ - ១ មិថុនា ២០២៦!
"សន្តិភាពជាមូលដ្ឋានគ្រឹះ នៃការគោរព និងកិច្ចការពារសិទ្ធកុមារ"
ថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦
——————»»»»»»»»»»»

កិច្ចប្រជុំពិភាក្សាពង្រឹងពុទ្ធបឋមសិក្សា៖

នាថ្ងៃចន្ទ ១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែមិថុនា ឆ្នាំ២០២៦
នៅវេលាម៉ោង៩ៈ៣០នាទីព្រឹកមានរៀបចំកិច្ចប្រជុំពិភាក្សាស្តីពី ការពង្រឹងគុណភាពអប់រំពុទ្ធបឋមសិក្សា ក្រោមអធិបតីភាពមានការចូលរួមពីព្រះគ្រូចៅអធិការ ព្រះគ្រូ-អនុគណ គណៈកម្មការវត្ត ព្រះគ្រូបង្រៀន និងពាក់ព័ន្ធផ្សេងៗ។
របៀបវារៈនៃកិច្ចប្រជុំ៖

១. ពិនិត្យ និងវាយតម្លៃសកម្មភាពបង្រៀន-រៀនកន្លងមក។
២. ពិភាក្សាអំពីបញ្ហាប្រឈមក្នុងការបង្រៀន និងការសិក្សារបស់សិស្ស។
៣. ដាក់ចេញវិធានការពង្រឹងគុណភាពអប់រំពុទ្ធបឋមសិក្សា។
៤. លើកទឹកចិត្តព្រះសង្ឃ និងសិស្សឱ្យចូលរួមសិក្សាប្រកបដោយវិន័យ និងការទទួលខុសត្រូវ។
៥. កំណត់ផែនការសកម្មភាពសម្រាប់អនុវត្តក្នុងរយៈពេលបន្ទាប់។
លទ្ធផលនៃកិច្ចប្រជុំ៖
ពង្រឹងការគ្រប់គ្រងថ្នាក់រៀន និងវត្តមានសិស្ស។
លើកកម្ពស់គុណភាពនៃការបង្រៀនតាមកម្មវិធីសិក្សាពុទ្ធបឋមសិក្សា។
ជំរុញការប្រើប្រាស់ឯកសារ និងសម្ភារបង្រៀនឱ្យមានប្រសិទ្ធភាព។
បង្កើនកិច្ចសហការរវាងវត្ត សាលាពុទ្ធិកសិក្សា និងអាណាព្យាបាល។
រៀបចំការតាមដាន និងវាយតម្លៃជាប្រចាំ ដើម្បីធានាបាននូវការរីកចម្រើនរបស់សិស្ស។
កិច្ចប្រជុំបានប្រព្រឹត្តទៅក្នុងបរិយាកាសស្និទ្ធស្នាល ប្រកបដោយការទទួលខុសត្រូវ និងទទួលបានលទ្ធផលល្អប្រសើរ ហេីយឯកភាពគ្នាលើផែនការពង្រឹងពុទ្ធបឋមសិក្សាឱ្យកាន់តែមានប្រសិទ្ធភាព។

ទីតាំង៖វត្តដីក្រហម ឃុំចំប៉ី ស្រុកបាទីខេត្តតាកែវ