Youth Physics Competition - YPC

សេចក្ដីជូនដំណឹង ស្ដីពីការលួចចម្លង និងប្រើប្រាស់ឯកសាររបស់ក្លឹបធរណីវិទ្យាកម្ពុជា ‼️🚨

ក្លឹបធរណីវិទ្យាកម្ពុជា (ក.ធ.ក.) សូមជម្រាបជូនដល់សាធារណជនទាំងអស់ឱ្យបានជ្រាបថា ថ្មីៗនេះមាន ស្ថាប័នមួយចំនួនបានលួចចម្លង និងកំពុងប្រើប្រាស់ឯកសាររបស់ ក.ធ.ក. ក្នុងគោលបំណងប្រើប្រាស់ប្រយោជន៍បុគ្គល និងស្ថាប័នដែលមិនមានជាប់ពាក់ព័ន្ធជាមួយ ក.ធ.ក.។ ការលួចចម្លង និងប្រើប្រាស់នូវព័ត៌មាន ឯកសារ និងទិន្នន័យរបស់ ក.ធ.ក. នេះ ត្រូវបានអនុវត្តដោយពុំមានការស្នើសុំសិទ្ធិ ការអនុញ្ញាត ឬទំនាក់ទំនងមកកាន់ក្រុមការងារនៃ ក.ធ.ក.ឡើយ។ ទង្វើនេះមិនត្រឹមតែប៉ះពាល់ដល់កិត្តិយស និងសុចរិតភាពរបស់ ក.ធ.ក. ប៉ុណ្ណោះទេ ប៉ុន្តែអាចបង្កឱ្យមានការភាន់ច្រឡំដល់សាធារណជន និងដៃគូពាក់ព័ន្ធផងដែរ។

អាស្រ័យហេតុនេះ សូមសាធារណជនទាំងអស់ មេត្តាប្រុងប្រយ័ត្ន និងជ្រាបអំពីព័ត៌មាននៃការលួចចម្លងនេះ។

រីករាយពិធីបុណ្យចូលឆ្នាំថ្មី ប្រពៃណីជាតិ - វារៈឡើងស័ក✨🇰🇭

ថ្ងៃព្រហស្បត្តិ៍ ១៤រោច ខែចេត្រ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី១៦ ខែមេសា ឆ្នាំ២០២៦

ថ្ងៃទី៣ នៃពិធីបុណ្យ បុណ្យចូលឆ្នាំថ្មីប្រពៃណីខ្មែរ ដែលហៅថា “វារៈឡើងស័ក” គឺជាថ្ងៃបញ្ចប់នៃពិធីបុណ្យ ដែលប្រជាជនខ្មែរនិយមធ្វើពិធីស្រង់ព្រះ និងស្រង់ទឹកជូនមាតាបិតា ឬអ្នកមានគុណ ដើម្បីសុំអភ័យទោស និងសូមពរជ័យសិរីមង្គលសម្រាប់ឆ្នាំថ្មី។ ក្នុងនោះក៏អាចមានការធ្វើទាន ចែកអំណោយ បាយទឹកនំចំណី និងសប្បាយរីករាយជួបជុំជាមួយគ្រួសារ បង្ហាញពីការគោរពដល់ទំនៀមទម្លាប់ប្រពៃណី និងការចាប់ផ្ដើមឆ្នាំថ្មីប្រកបដោយសុភមង្គល។

រីករាយពិធីបុណ្យចូលឆ្នាំថ្មី ប្រពៃណីជាតិ - វីរៈវ័នបត✨🇰🇭

ថ្ងៃពុធ ១៣រោច ខែចេត្រ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី១៥ ខែមេសា ឆ្នាំ២០២៦

ថ្ងៃទីពីរនៃពិធីបុណ្យចូលឆ្នាំថ្មី ប្រពៃណីជាតិ «វីរៈវ័នបត» គឺជាថ្ងៃសំខាន់មួយដែលប្រជាជនខ្មែរនិយមធ្វើបុណ្យទាន ដូចជា យកអាហារទៅវត្ត ដើម្បីឧទ្ទិសកុសលជូនដល់បុព្វបុរស និងសាច់ញាតិដែលបានទទួលមរណភាព។ ក្រៅពីនេះ ក៏មានការប្រគេនចង្ហាន់ សំពះព្រះសង្ឃ លេងល្បែងប្រពៃណី និងជួបជុំគ្រួសារយ៉ាងរីករាយ បង្ហាញពីសេចក្ដីស្រឡាញ់ ការគោរព និងការចងក្រងប្រពៃណីវប្បធម៌ដ៏ល្អផូផង់របស់ខ្មែរ។ 💫🙌🏻

រីករាយពិធីបុណ្យចូលឆ្នាំថ្មី ប្រពៃណីជាតិ - មហាសង្ក្រាន្ត ✨🇰🇭

ថ្ងៃអង្គារ ១២រោច ខែចេត្រ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី១៤ ខែមេសា ឆ្នាំ២០២៦

នៅថ្ងៃដំបូងនៃពិធីបុណ្យចូលឆ្នាំថ្មីខ្មែរ គ្រួសារខ្មែរនិយមសម្អាត និងរៀបចំផ្ទះឱ្យស្អាតមានរបៀប តុបតែងដោយផ្កា ទៀន និងគ្រឿងសក្ការៈ ស្លៀកពាក់សម្លៀកបំពាក់ថ្មី រៀបចំម្ហូបអាហារ និងផ្លែឈើសម្រាប់ធ្វើពិធីទទួលទេវតាឆ្នាំថ្មី ជួបជុំគ្រួសារ ជូនពរគ្នា និងរួមជាមួយការទៅវត្តថ្វាយបង្គំព្រះ ដើម្បីសុំសេចក្តីសុខ សំណាង និងភាពរុងរឿងសម្រាប់ឆ្នាំថ្មី។ 💫🙌🏻

✨✨✨

ចុម 🤔 តើជាអ្វីទៅ ⁉️
ចូលរួមទាយទាំងអស់គ្នា 🤩

ឆាប់ៗនេះ

អបអរសាទរ ខួបអនុស្សាវរីយ៍លើកទី៤៧ នៃទិវាជ័យជម្នះលើរបបប្រល័យពូជសាសន៍ ៧មករា (៧ មករា ១៩៧៩ – ៧ មករា ២០២៦) ✨🇰🇭

✨ មូលនិធិក្លឹបធរណីវីទ្យាកម្ពុជា ✨

មូលនិធិក្លឹបធរណីវិទ្យាកម្ពុជា ត្រូវបានបង្កើតឡើងក្នុងកំឡុងពេលនៃការផ្ទុះអាវុធពីការឈ្លានពានរបស់ថៃ ដែលក្នុងនោះផងដែរ មូលនិធិនេះបានចូលរួមឧបត្ថម្ភពីសំណាក់សមាជិកជាច្រើននាក់ របស់ក្លឹបធរណីវិទ្យាកម្ពុជា 🙏🏻❤️🌎

មកដល់ពេលនេះ មូលនិធិបានធ្វើការឧបត្ថម្ភចំនួន ៣ធំៗរួមមាន៖
១. ចូលរួមបរិច្ចាគដល់មូលនិធិ ៥ពាក់កាបូបនៃស្នាមញញឹម
២. បរិច្ចាគផ្ទាល់ទៅកាន់វីរកងទ័ពចំនួន ៩នាក់
៣. ចូលរួមទិញអាហារសម្រាប់ជនភៀសសឹកនៅខេត្តកោះកុង

សូមថ្លែងអំណរគុណយ៉ាងជ្រាលជ្រៅចំពោះសមាជិកក្លឹបទាំងអស់ដែលបានបរិច្ចាគចូលរួមក្នុងមូលនិធិមួយនេះ។ សូមជូនពរលោក លោកស្រី អ្នកនាង កញ្ញា មានសុខភាពល្អ សុខសុវត្ថិភាព និងជួបតែពុទ្ធពរទាំង ៤ប្រការគឺ អាយុៈ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

🥳 សួស្ដីឆ្នាំថ្មី ឆ្នាំសកល ២០២៦ 🌎✨

ក្នុងឱកាសឆ្នាំថ្មីនេះ ក្លឹបធរណីវិទ្យាកម្ពុជា សូមគោរពជូនពរបងប្អូនប្រជាជនកម្ពុជាទាំងអស់ ទាំងក្នុង និងក្រៅប្រទេស សូមមានសុខភាពល្អ បរិបូរ សុខសុវត្ថិភាព សំណាងល្អ សុខសុភមង្គល និងរីកចម្រើនជាលំដាប់។

តាងនាមថ្នាក់ដឹកនាំ គណៈកម្មការ និងសមាជិកគ្រប់ផ្នែកទាំងអស់នៃក្លឹបធរណីវិទ្យាកម្ពុជា សូមធ្វើការដឹងគុណ និងសូមគោរពចំពោះវីរៈភាពដ៏អង់អាចក្លាហានរបស់វីរៈកងទ័ពទាំងអស់ដែលបានតស៊ូពុះពារក្នុងការការពារបូរណភាពដែនដីកម្ពុជាដ៏អស្ចារ្យនៃយើង 🙏🏻🇰🇭 សូមគោរពជូនពរវីរកងទ័ពទាំងអស់ មានសុខសុវត្ថិភាព ទទួលបាននូវជោគជ័យ ជ័យជំនះជូនមាតុប្រទេស 🇰🇭

ឆ្លៀតក្នុងឱកាសនេះដែរ យើងខ្ញុំទាំងអស់គ្នា សូមចូលរួមរំលែកទុក្ខ និងកាន់ទុក្ខជាមួយគ្រួសាររបស់វីរកងទ័ព ដែលបានពលីសាច់ស្រស់ ឈាមស្រស់ការងារបូរណភាពដែនដី និងអធិបតេយ្យភាពរបស់កម្ពុជា​។ សូមឱ្យវិញ្ញាណក្ខន្ធរបស់វីរកងទ័ពពលីទាំងអស់បានទៅកាន់សុគតិភពកុំបីឃ្លាងឃ្លៀតឡើយ។ 🙏🏻🕊

រូបភាព៖ AI

អបអរសាទរ ខួបលើកទី៧ ល្ខោនខោលវត្តស្វាយអណ្ដែត ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ

២៨ វិច្ឆិកា ២០១៨-២៨ វិច្ឆិកា ២០២៥

Celebrating the 7th anniversary of Lkhon Khol Wat Svay Andet, which was inscribed on UNESCO’s list of the Intangible Cultural Heritage of Humanity

28 November 2018 - 28 November 2025

សារលិខិតរំលែកទុក្ខ

យើងខ្ញុំទាំងអស់គ្នាមានសេចក្ដីរន្ធត់ក្ដុកក្ដួលក្នុងចិត្តឥតឧបមា ក្រៀមក្រំ និងសោកស្ដាយជាទីបំផុតស្ដីពីមរណភាពរបស់ ឧបាសក ខ្វាន់ ស្រៀង ដែលត្រូវជាលោកឱពុក លោកឱពុកក្មេក លោកតា ដែលបានទទួលមរណភាព នាថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥ វេលាម៉ោង ៩:៤៥ នាទីយប់ ក្នុងជន្មាយុ ៦៤ ឆ្នាំ ដោយរោគាព្យាធិ។ 🙏🏻🙏🏻