វត្តឧត្តរវារី "កូនត្រី"

31/12/2025

🙏🙏🙏

🙏 គប្បីប្រព្រឹត្តធម៌ ៖ ទោះបីជាក្នុងកាលៈទេសៈណាក៏ដោយ ត្រូវចាំថា « បើចង់បាននូវសេចក្តីសុខ ចង់បានការរក្សា គប្បីប្រព្រឹត្តធម៌ដោយពិត » ។
🔴 ព្រះពុទ្ធគាថា ក្នុងធម្មបាលជាតក ៖
« ធម្មោ ហវេ រក្ខតិ ធម្មចារឹ ធម្មោ សុចិណ្ណោ សុខមាវហាតិ
ឯសានិសំសោ ធម្មេ សុចិណ្ណេ ន ទុគ្គតឹ គច្ឆតិ ធម្មចារី » ។
👉 ធម៌រមែងរក្សាបុគ្គលអ្នកប្រព្រឹត្តធម៌ដោយពិត ធម៌ដែលបុគ្គលប្រព្រឹត្តល្អហើយ រមែងនាំមកនូវសេចក្តីសុខ នោះជាអានិសង្សក្នុងធម៌ដែលបុគ្គលប្រព្រឹត្តល្អហើយ បុគ្គលអ្នកប្រព្រឹត្តធម៌ រមែងមិនទៅកាន់ទុគ្គតិ ។
💖 សាធុ! សាធុ! សាធុ! 💖
✅ ដោយអានុភាពនៃគុណព្រះរតនត្រ័យ គឺព្រះពុទ្ធ ព្រះធម៌ និងព្រះសង្ឃ និងដោយអានុភាពនៃបុណ្យកុសលទាំងឡាយដែលបានធ្វើដោយចិត្តដ៏ល្អបរិសុទ្ធ សូមឲ្យចំណែកបុណ្យដល់ញោមជាម្ចាស់ទានទាំងឡាយ មនុស្សទាំងឡាយ ទេវតាទាំងឡាយ ព្រមទាំងសព្វសត្វទាំងអស់ អនុមោទនាយកចុះ សូមបានសេចក្ដីសុខមង្គល ចូរចម្រើនក្នុងព្រះពុទ្ធសាសនា ប្រាសចាករោគ បានជាឧបនិស្ស័យនៃបញ្ញា មានសម្មាទិដ្ឋិ បានឃើញធម៌ បានជាក់ច្បាស់នូវសច្ចៈធម៌ រួចផុតចាកទុក្ខទាំងពួងក្នុងវដ្ដៈ ។
💌 ម្យ៉ាងទៀត ដោយអានុភាពនៃគុណព្រះរតនត្រ័យ សូមសិរីសួស្តីកើតមានដល់ប្រជាជនខ្មែរ ព្រមទាំងសព្វសត្វទាំងអស់ សូមឲ្យបានសុខសន្តិភាព ! .៕
📍[ អតីតា ធម្មា . សព្វេ ធម្មា អនត្តា ]

22/12/2025

🙏 សេចក្តីសុខ ៨ យ៉ាង / ព្រះពុទ្ធដ៏ប្រសើរ ទ្រង់ត្រាស់ថា ៖
សុខា មត្តេយ្យតា លោកេ អថោ បេត្តេយ្យតាសុខា
សុខា សាមញ្ញតា លោកេ អថោ ព្រហ្មញ្ញតាសុខា ។
សេចក្ដីប្រតិបត្តិល្អក្នុងមាតា នាំសេចក្ដីសុខមកឲ្យក្នុងលោក, មួយទៀត សេចក្ដីប្រតិបត្តិល្អក្នុងបិតា នាំសេចក្ដីសុខមកឲ្យ, សេចក្ដីប្រតិបត្តិល្អក្នុងសមណ: នាំសេចក្ដីសុខមកឲ្យក្នុងលោក, មួយទៀត សេចក្ដីប្រតិបត្តិល្អក្នុងព្រាហ្មណ៍ នាំសេចក្ដីសុខមកឲ្យ ។

សុខំ យាវ ជរា សីលំ សុខា សទ្ធា បតិដ្ឋិតា
សុខោ បញ្ញាបដិលាភោ បាបានំ អករណំ សុខំ។
សីល នាំសេចក្ដីសុខមកឲ្យដរាបដល់ចាស់ជរា,
សទ្ធា ដែលបុគ្គលតម្កល់ស៊ប់ហើយ នាំសេចក្ដីសុខមកឲ្យ, ការបានប្រាជ្ញា នាំសេចក្ដីសុខមកឲ្យ, ការមិនធ្វើបាបទាំងឡាយ នាំសេចក្ដីសុខមកឲ្យ ។
( ព្រះគាថាធម្មបទ បិដក លេខ ៥២ )

05/12/2025

🙏🙏🙏

04/12/2025

❤️ ព្រះពុទ្ធគាថា ៖
« ឧត្តិដ្ឋេ នប្បមជ្ជេយ្យ ធម្មំ សុចរិតំ ចរេ
ធម្មចារី សុខំ សេតិ អស្មឹ លោកេ បរម្ហិ ច » ។
បុគ្គល មិនគួរប្រមាទក្នុងដុំបាយ ដែលខ្លួនគប្បីក្រោកឡើងទទួល គប្បីប្រព្រឹត្តធម៌ឲ្យសុចរិត បុគ្គលអ្នកប្រព្រឹត្តធម៌ជាប្រក្រតី រមែងដេកជាសុខ ក្នុងលោកនេះផង ក្នុងលោកខាងមុខផង ។
« ធម្មំ ចរេ សុចរិតំ ន តំ ទុច្ចរិតំ ចរេ
ធម្មចារី សុខំ សេតិ អស្មឹ លោកេ បរម្ហិ ច » ។
បុគ្គលគួរប្រព្រឹត្តធម៌ឲ្យសុចរិត មិនគួរប្រព្រឹត្តធម៌នោះឲ្យទុច្ចរិតឡើយ បុគ្គលប្រព្រឹត្តធម៌ជាប្រក្រតី រមែងដេកជាសុខ ក្នុងលោកនេះផង ក្នុងលោកខាងមុខផង ។

🙏 សាធុ ! សាធុ ! សាធុ ! 💯
💖 ដោយគុណានុភាពនៃព្រះរតនត្រ័យដ៏ល្អបរិសុទ្ធ ប្រសើរខ្ពង់ខ្ពស់ និងដោយអានុភាពនៃបុណ្យ សូមឲ្យបានសេចក្តីសុខ ប្រាសចាករោគទាំងពួង បានចម្រេីនក្នុងធម្មវិន័យ ព្រះពុទ្ធសាសនា ដែលព្រះសម្មាសម្ពុទ្ធ ទ្រង់សម្តែងហើយដោយល្អ និងបានជាឧបនិស្ស័យនៃបញ្ញា មានសម្មាទិដ្ឋិ ចាក់ធ្លុះសច្ចធម៌ រួចផុតពីទុក្ខទាំងពួង ។ 💝
🌹 សព្វសត្វទាំងអស់ ក៏សូមឲ្យបានសុខ ប្រាសចាករោគ និងបានជាឧបនិស្ស័យនៃបញ្ញា មានសម្មាទិដ្ឋិ ចាក់ធ្លុះសច្ចធម៌ រួចផុតពីទុក្ខទាំងពួង.៕
——————🙏——————