សាលារៀនប្រាយឃីដ សាខាទី៥ ទីតាំងជិតវត្តកំពែង

សូមអនុមោទនា បុណ្យវិសាខបូជា 🙏
ក្នុងឱកាសបុណ្យដ៏វិសេសវិសាល និងមានតម្លៃខ្ពង់ខ្ពស់នេះ សាលារៀនប្រាយឃីដ សូមគោរពជូនពរ លោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សទាំងអស់ ឱ្យទទួលបាននូវសុខភាពល្អ សេចក្តីសុខ សុភមង្គល និងជោគជ័យគ្រប់ភារកិច្ច។

បុណ្យវិសាខបូជា គឺជាថ្ងៃដ៏សំខាន់បំផុតមួយក្នុងព្រះពុទ្ធសាសនា ដែលរំឭកដល់ព្រឹត្តិការណ៍អស្ចារ្យ ៣ ប្រការ នៃព្រះពុទ្ធជាម្ចាស់ គឺ កំណើត ការត្រាស់ដឹង និងការបរិនិព្វាន។ វាពិតជាមានន័យជ្រាលជ្រៅក្នុងការបណ្តុះបណ្តាលចិត្ត ឱ្យមានសេចក្តីមេត្តាករុណា ការអត់ធ្មត់ និងការរស់នៅដោយសីលធម៌។

ក្នុងថ្ងៃបុណ្យនេះ សូមអញ្ជើញបងប្អូនទាំងអស់គ្នា ចូលរួមធ្វើបុណ្យធ្វើកុសល ដូចជា ថ្វាយបង្គំព្រះ ស្តាប់ធម៌ សមាធិ និងចែករំលែកសេចក្តីស្រឡាញ់ទៅកាន់អ្នកជិតខាង។ ការអនុវត្តល្អៗទាំងនេះ មិនត្រឹមតែធ្វើឱ្យចិត្តយើងស្ងប់សុខប៉ុណ្ណោះទេ ប៉ុន្តែថែមទាំងជួយបង្កើតសង្គមមួយដែលពោរពេញដោយសន្តិភាព និងការយល់ចិត្តគ្នា។

សូមឱ្យពន្លឺនៃព្រះធម៌ បំភ្លឺចិត្តគំនិតរបស់យើងទាំងអស់គ្នា ឱ្យរស់នៅដោយប្រាជ្ញា សីលធម៌ និងការធ្វើល្អជាប្រចាំ។ សូមជូនពរឱ្យបងប្អូនជនរួមជាតិទាំងអស់ទទួលបាននូវពរ៤ប្រការ គឺ អាយុ វណ្ណៈ សុខៈ និងពលៈ សម្បូរបែប និងជោគជ័យគ្រប់ភារកិច្ច 🙏✨

សាលារៀនប្រាយឃីដ សូមស្វាគមន៍យ៉ាងកក់ក្ដៅ! 🎓📚

តើលោកឪពុក អ្នកម្តាយ កំពុងស្វែងរកសាលារៀនដែលមានគុណភាពខ្ពស់ សុវត្ថិភាពល្អ និងអាចជឿទុកចិត្តបានសម្រាប់អនាគតកូនៗរបស់អ្នកមែនទេ?

សាលារៀនប្រាយឃីដ សាខាទី៥ ទីតាំងជិតវត្តកំពែង ជាគ្រឹះស្ថានអប់រំដែលផ្តោតលើគុណភាព និងការអភិវឌ្ឍសមត្ថភាពសិស្សទាំងផ្នែកចំណេះដឹង ចរិយា និងជំនាញជីវិត។ សាលាមានកម្មវិធីសិក្សាភាសាខ្មែរ និងអង់គ្លេស ចាប់ពីកម្រិតមត្តេយ្យ រហូតដល់ថ្នាក់ទី១២ ដែលរៀបចំឡើងតាមស្តង់ដារអប់រំទំនើប និងស្រមតាមក្រសួងអប់រំ យុវជន និងកីឡា។

សាលាទទួលសិស្សចាប់ពីអាយុ ២ឆ្នាំកន្លះឡើងទៅ និងមានសេវាស្នាក់នៅពេញមួយថ្ងៃ ដែលមានការថែទាំយ៉ាងម៉ត់ចត់ បន្ទប់សិក្សាធំទូលាយ មានអនាម័យខ្ពស់ បរិស្ថានសិក្សាសុវត្ថិភាព និងមានការត្រួតពិនិត្យដោយលោកគ្រូ អ្នកគ្រូផងដែរ។

សាលារៀនប្រាយឃីដ លោកគ្រូ អ្នកគ្រូ ដែលមានបទពិសោធន៍ច្រើនឆ្នាំ មានគរុកោសល្យច្បាស់លាស់ និងយកចិត្តទុកដាក់ខ្ពស់ក្នុងការបង្រៀន ដោយមិនត្រឹមតែបញ្ជូនចំណេះដឹងទេ ប៉ុន្តែបណ្តុះបណ្តាលសិស្សឱ្យមានវិន័យ សីលធម៌ ការគោរព និងការសហការល្អក្នុងសង្គមផងដែរ។

លើសពីនេះ សាលាក៏មានសកម្មភាពបន្ថែមដូចជា កីឡា សិល្បៈ ការលេងល្បែងអប់រំ និងកម្មវិធីអភិវឌ្ឍជំនាញផ្សេងៗ ដែលជួយឱ្យសិស្សមានការរីកចម្រើនទាំងផ្លូវកាយ និងផ្លូវចិត្ត។

🎉 ពិសេសសម្រាប់មាតាបិតា ! ចុះឈ្មោះឥឡូវនេះ នឹងទទួលបានការបញ្ចុះតម្លៃរហូតដល់ ៥០% ភ្លាមៗ ឱកាសល្អសម្រាប់វិនិយោគលើអនាគតកូនៗរបស់លោកអ្នក!

📞 សម្រាប់ព័ត៌មានបន្ថែម សូមទំនាក់ទំនងមកកាន់លេខទូរស័ព្ទ: …017 24 55 66

កាលពីថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែមេសា ឆ្នាំ២០២៦។ លោកឈួ សីហា អគ្គនាយក និងលោកហ៊ាង សុធីរៈ នាយកគ្រប់គ្រងទូទៅ នៃសាលារៀនប្រាយឃីដ បានអញ្ជើញចុះអធិការកិច្ច និងតាមដានស្ថានភាពសិក្សារបស់សិស្សានុសិស្ស នៅសាខាទី១ ទីតាំងទួលស្វាយ ដោយផ្ទាល់ ក្នុងគោលបំណងពង្រឹងគុណភាពអប់រំ និងធានាថាការបង្រៀនប្រព្រឹត្តទៅដោយប្រសិទ្ធភាពខ្ពស់។ ការចុះពិនិត្យនេះ បានបង្ហាញពីការយកចិត្តទុកដាក់យ៉ាងខ្លាំងរបស់ថ្នាក់ដឹកនាំ ចំពោះការអភិវឌ្ឍវិស័យអប់រំ និងអនាគតរបស់កូនសិស្សគ្រប់រូប។

ក្នុងឱកាសនោះ ថ្នាក់ដឹកនាំបានចូលទស្សនាការបង្រៀនក្នុងថ្នាក់ សង្កេតមើលរបៀបបង្រៀនរបស់លោកគ្រូ អ្នកគ្រូ ការចូលរួមរបស់សិស្សានុសិស្ស និងវាយតម្លៃលទ្ធផលសិក្សាជាក់ស្តែង។ ជាពិសេស បានមើលឃើញថា កូនសិស្សមានភាពក្លាហានក្នុងការឆ្លើយសំណួរ មានវិន័យល្អ ចេះសហការគ្នា និងមានការរីកចម្រើនយ៉ាងច្បាស់លាស់ ទាំងផ្នែកចំណេះដឹង និងអាកប្បកិរិយា។

លទ្ធផលដ៏ល្អនេះ គឺកើតចេញពីការខិតខំប្រឹងប្រែងរបស់លោកគ្រូ អ្នកគ្រូ ដែលបានបំពេញភារកិច្ចដោយស្មោះត្រង់ ស្រឡាញ់វិជ្ជាជីវៈ និងយកចិត្តទុកដាក់ខ្ពស់ចំពោះសិស្សានុសិស្សគ្រប់រូប។ ទន្ទឹមនឹងនេះ ក៏បង្ហាញឱ្យឃើញពីការគ្រប់គ្រងដ៏មានប្រសិទ្ធភាព និងចក្ខុវិស័យច្បាស់លាស់របស់ថ្នាក់ដឹកនាំសាលា។

ថ្នាក់ដឹកនាំក៏បានផ្តល់អនុសាសន៍ល្អៗ និងលើកទឹកចិត្តដល់លោកគ្រូ អ្នកគ្រូ ឱ្យបន្តអភិវឌ្ឍវិធីសាស្ត្របង្រៀនថ្មីៗ បង្កើនភាពច្នៃប្រឌិតក្នុងថ្នាក់រៀន និងបន្តថែរក្សាបរិយាកាសសិក្សាឱ្យកាន់តែល្អប្រសើរ ដើម្បីឱ្យសិស្សទទួលបានចំណេះដឹងពេញលេញ។

សាលារៀនប្រាយឃីដ តែងតែប្រកាន់ខ្ជាប់នូវបេសកកម្មក្នុងការផ្តល់ការអប់រំប្រកបដោយគុណភាព វិន័យ សីលធម៌ និងការអភិវឌ្ឍសមត្ថភាពគ្រប់ជ្រុងជ្រោយ ដើម្បីបណ្តុះបណ្តាលកុមារឱ្យក្លាយជាពលរដ្ឋល្អ និងធនធានមនុស្សដ៏មានតម្លៃសម្រាប់សង្គមជាតិ នាពេលអនាគត។