SokhorTey-សុខោទ័យដែនដីក្មែរ

រីករាយថ្ងៃព្រហស្បតិ៍!

រីករាយថ្ងៃពុធ!

រឿងព្រេងនិទាន "សត្វចចក និងកូនចៀម"​ គឺជាវណ្ណកម្មដ៏ល្បីល្បាញរបស់កវីបារាំងលោក Jean de La Fontaine.

នាព្រឹកដ៏ស្រស់បំព្រងមួយនោះ​ មានកូនចៀមតូចមួយមានរោមសក្បុស គួរឱ្យស្រឡាញ់ បានដើរទៅផឹកទឹកនៅមាត់អូរមួយមានទឹកថ្លាឈ្វេង។ កូនចៀមនោះផឹកទឹកយ៉ាងស្ងៀមស្ងាត់ និងមានសេចក្តីសុខ ដោយមិនដឹងថាមានគ្រោះថ្នាក់កំពុងតែមកដល់ខាងមុខនោះទេ។

ភ្លាមនោះ​មានសត្វចចកកំណាចដ៏ធំមួយក្បាល​ កំពុងតែដើររកចំណីទាំងក្តីអត់ឃ្លានយ៉ាងខ្លាំង វាបានក្រឡេកឃើញកូនចៀមតូចនោះពីចម្ងាយ។

វាស្ទះដោយក្នុងចិត្តវាក៏គិតថា៖ ថ្ងៃនេះពិតជាសំណាងបានឆីចំណីដ៏ខ្ចីឆ្ងាញ់ហេីយ។ ប៉ុន្តែដើម្បីកុំឱ្យមើលទៅ
ដូចជាការសម្លាប់ដោយគ្មានហេតុផល ចចកដ៏មានល្បិចអាក្រក់នេះក៏បានរកលេសចោទប្រកាន់កូនចៀមដោយស្រែកសម្លុតខ្លាំងៗបង្ករឿងកូនចៀមថា៖
"នែ៎! អាសត្វឥតខាន់ស្លា! ហេតុអ្វីបានជាឯងហ៊ានមកផឹកទឹកអូរយើងធ្វើឲ្យល្អក់ខ្វល់ដូច្នេះ? ឯងត្រូវតែទទួលទោសចំពោះការព្រហើនមួយនេះ!
កូនចៀមភ័យញ័រខ្លួនទទ្រើត​ ប៉ុន្តែវាបានតបវិញដោយសន្តិវិធី និងមានហេតុផលថា៖​ សូមលោកម្ចាស់មេត្តាអភ័យទោសឱ្យខ្ញុំព្រះបាទផងទាន​!​ ដ្បិតខ្ញុំផឹកទឹកនៅផ្នែកខាងក្រោមនៃខ្សែទឹកហូរចម្ងាយប្រមាណ២០ជំហានពីលោកម្ចាស់ឯណោះ​ ហេីយទឹកហូរពីលើចុះក្រោម វាមិនអាចទឹកល្អក់ត្រឡប់ទៅរកលោកម្ចាស់នៅខ្សែទឹកខាងលេីបានឡេីយទាន! ដោយឃើញហេតុផលរបស់កូនចៀមត្រឹមត្រូវ ចចកក៏កាន់តែខឹងខ្លាំងឡើង រួចប្តូរបទចោទប្រកាន់ថ្មី៖
អេី​ រឿងទឹកទុកមួយឡែកចុះ! ប៉ុន្តកាលពីឆ្នាំមុន មានគេប្រាប់ថា​ ឯងធ្លាប់បាននិយាយដើមអញអាក្រក់ៗនៅពីក្រោយខ្នង!
កូនចៀមតបវិញថា​ លោកម្ចាស់អើយ! កាលពីឆ្នាំមុន ខ្ញុំព្រះបាទមិនទាន់កើតមកលើលោកនេះទេ​ តើឱ្យខ្ញុំអាចនិយាយដើមលោកម្ចាស់យ៉ាងដូចម្តេចទៅ?
ចចកនៅតែមិនព្រមចុះចាញ់ វាបន្តដេញដោលទាំងបំពានថា៖ "បើមិនមែនជាឯង គឺច្បាស់ជាបងប្អូនរបស់ឯងមិនខាន!
កូនចៀមឆ្លើយតបទៀតថា៖ ខ្ញុំព្រះបាទជាកូនទោល គ្មានបងប្អូនសូម្បីតែម្នាក់ឡើយលោកម្ចាស់។
ចចកស្រែកគំហ៊កៗ​ បើមិនមែនបងប្អូនឯង ក៏ច្បាស់ជាអាពួកអ្នកគង្វាល ឬអាពួកឆ្កែយាមហ្វូងចៀមរបស់ឯងដែរ! ពួកឯងតែងតែស្អប់អញ ដូច្នេះអញត្រូវតែសងសឹកលើឯងនៅថ្ងៃនេះឲ្យបាន...
ដោយមិនរង់ចាំស្តាប់ការបកស្រាយបន្ថែម ឬយកហេតុផលអ្វីទៀត ចចកដ៏សាហាវក៏បានស្ទុះទៅខាំអូសកូនចៀមតូចនោះចូលទៅក្នុងព្រៃជ្រៅ រួចស៊ីជាចំណីតាមចិត្តចង់ ដោយគ្មានក្តីមេត្តាទាល់តែសោះ។
ខ្លឹមសារអប់រំ ៖
រឿងនេះបាននាំមកនូវទស្សនៈអប់រំដ៏ចាក់ដោតមួយគឺ៖​ ហេតុផលរបស់អ្នកខ្លាំង តែងតែជាហេតុផលត្រឹមត្រូវជានិច្ច។
នៅក្នុងលោកនេះ មនុស្សដែលមានអំណាច ឬមនុស្សអាក្រក់ដែលចង់បំពានអ្នកដទៃ គេមិនត្រូវការហេតុផលសច្ចធម៌ ឬយុត្តិធម៌ពិតប្រាកដនោះទេ។ ទោះបីជាអ្នកក្រីក្រទន់ខ្សោយ​ ខំយកហេតុផលមកពន្យល់យ៉ាងណាក៏ដោយ ក៏គេនៅតែរកលេសដើម្បីធ្វើបាបយើងទាល់តែបាន ឱ្យតែគេមានអំណាចខ្លាំងជាង។
👉រឿងនេះដាស់តឿនឱ្យយើងយល់ពីតថភាពនៃការជិះជាន់ក្នុងសង្គម និងការសាមគ្គីគ្នានៃអ្នកទន់ខ្សោយដេីម្បីត្រៀមខ្លួនតតាំងចំពោះមនុស្សនានាដែលប្រើអំណាចផ្តាច់ការគៀបសង្កត់​ និងបំពានច្បាប់៕

ប្រភព:​លោកពូ​ ឈីម​ សារ៉េត

ប្រមុខរដ្ឋស្តីទីផ្តល់មតិរំឮលដល់រដ្ឋាភិបាលកុំបើក«ការចរចាទ្វេភាគី»ណាមួយជាមួយថៃលើបញ្ហាសមុទ្រ
.
នៅថ្ងៃទី ១២ ឧសភានេះ ប្រមុខរដ្ឋស្តីទីកម្ពុជា សម្តេច ហ៊ុន សែន បានចេញសាររំលឹកដល់រាជរដ្ឋាភិបាលកម្ពុជាបច្ចុប្បន្ន កុំបើកការចរចាទ្វេភាគីណាមួយជាមួយថៃលើបញ្ហា សមុទ្រ ហើយត្រូវដើរត្រង់ទៅរកយន្តការច្បាប់សមុទ្រ ឆ្នាំ១៩៨២ តែម្តង ដោយមិនរង់ចាំការយល់ព្រមណាមួយពីភាគីថៃនោះឡើយ។ជាសាររំលឹក ធ្វើឡើងក្រោយពីថៃ បង្ហាញសញ្ញា ក្រឡេចក្រឡុចហាក់មិនចង់ប្រើប្រាស់យន្តការ UNCLOS ដើម្បីដោះស្រាយបញ្ហាដែនសមុទ្រត្រួតគ្នា ក្រោយថៃខ្លួនឯង សម្រេចលុបចោល MOU2001 ដោយឯកតោភាគី។

សម្តេច ហ៊ុន សែន បានចាត់ទុកការទាមទារឱ្យមានការចរចាទ្វេភាគី លើបញ្ហាសមុទ្រ ពីភាគីថៃ គឺវាផ្ទុយស្រឡះជាមួយសកម្មភាពរបស់ភាគីថៃ ដែលបានលុបចោល MOU2001 ដោយឯកតោភាគី ដែលបានលុបចោលក្របខណ្ឌនៃការចរចាទ្វេភាគីរួចស្រេចទៅហើយសម្រាប់ដែនសមុទ្រត្រួតស៉ីគ្នា។

ក្នុងឋានៈជាប្រមុខរដ្ឋស្តីទី សម្តេចប្រមុខរដ្ឋស្តីទី បានរំលឹកជាថ្មីម្តងទៀតដល់រាជរដ្ឋាភិបាលកម្ពុជា កុំបើកការចរចាទ្វេភាគីណាមួយជាមួយថៃលើបញ្ហាសមុទ្រ ហើយត្រូវដើរត្រង់ទៅរកយន្តការច្បាប់សមុទ្រ ឆ្នាំ១៩៨២ តែម្តង ដោយមិនរង់ចាំការយល់ព្រមណាមួយពីភាគីថៃនោះឡើយ។សម្តេចបានរំលឹកសារចាស់របស់សម្តេច ឡើងវិញថា " យើងសោកស្តាយដែលថៃលុប MOU 2001 ចោល តែយើងក៏អរគុណថៃដែលបានជួយយើងឲ្យប្រើប្រាស់យន្តការអន្តរជាតិជំនួសវិញ"។
ប្រភព:​ សុីសុី​ ថាមស៍

ច្បាប់៖ អំពើសម្លាប់មនុស្ស ដោយគិតទុកជាមុន ត្រូវផ្ដន្ទាទោសដាក់ពន្ធនាគារអស់មួយជីវិត។ មាត្រា ២០០ នៃក្រមព្រហ្មទណ្ឌ។

- ជនណាឃុំឃាំងមនុស្សដោយខុសច្បាប់ បណ្ដាលឱ្យមនុស្សស្លាប់ដោយគ្មានបំណងនឹងធ្វើឱ្យស្លាប់ ត្រូវផ្ដន្ទាទោសដាក់ពន្ធនាគារពី ១៥ឆ្នាំ ទៅ ៣០ឆ្នាំ។ មាត្រា ២៥៤ នៃក្រមព្រហ្មទណ្ឌ។

- ជនណាឃុំឃាំងមនុស្សដោយខុសច្បាប់ ក្នុងគោលដៅជំរិតយកទ្រព្យសម្បត្តិ ត្រូវផ្ដន្ទាទោសដាក់ពន្ធនាគារពី ១៥ឆ្នាំ ទៅ ៣០ឆ្នាំ។ មាត្រា ២៥៤ នៃក្រមព្រហ្មទណ្ឌ។

មង្គលសួស្តីថ្ងៃអង្គារ!

សេកព្រាត់បង្គង
​ បទ៧ព្យាង្គ

សេកលោតដង្ហក់ ស្រក់ទឹកភ្នែក
ទ្រនំធ្លាប់ដេក បែកខ្ចាត់ខ្ចាយ
ទីធ្លាប់រួមរស់ ដោយសប្បាយពេលនេះព្រាត់ឆ្ងាយ ស្ដាយខ្លាំងណាស់។

ព្រាត់បេងរាំងភ្នំ​ ក្ទម្ពក្រឡាញ់
ព្រាត់ធ្នុងអង្កាញ់ អង្កោលផ្ចឹក
ព្រាត់ទាំងកកោះ​ ផ្លោះល្ងាចព្រឹក
លោតទំយំនឹក​ ទីក្សេមក្សាន្ត។

សេកព្រាត់បង្គង ឆ្លងទ្រនំ
ពេលដែលត្រូវយំ សន្ធំប្រាណ
ខ្សឹកខ្សួលអួលអាក់ លែងស្នាក់បាន
ស្ដាយវិមានឋាន​ កំណើតទី ។

មិនដឹងពេលណា បានវិលវិញ
ទុក្ខសែនទោម្នេញ ពេញជីវី
វិយោគសោកសៅ ក្ដៅញាំញី
ក្រៀមក្រំឈ្លក់ឈ្លី ក្នុងឱរ៉ា។

ឮសម្រែកសេក ដេកថ្ងូរយំ
បេះដូងនៃខ្ញុំ សែនខ្លោចផ្សា
ខ្លោចចិត្តចុកទ្រូង ស្ទេីរមរណា​
នេះហេីយលោកា ផ្សារផលកម្ម។

សេកអើយទ្រាំទៅ​ ចៅត្រូវរែក
ដ្បិតរស់ក្រោមមេឃ​ ក្អែកសូមផ្តាំ
មានសេីចមានយំ​ ពុំអាចចាំ
រស់តាមវេនកម្ម ចាំតាក់តែង។

បើអាចរើសបាន​ ប្រាណត្រូវកេីត
អង្គយោងកំណេីត​ អេីតល្អឯង​
​ ព្រះពុទ្ធត្រាសប្រាប់​ ច្បាប់សំដែង
សាងបុណ្យមែន​ទែន​ ផុតទុក្ខា៕

១១​ ឧសភា​ ២០២៦
​ ស.៣.ហ.

ព័ត៌មានថ្មីៗ៖ អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា ត្រូវបានដោះលែងឲ្យមានសេរីភាពឡើងវិញ នៅព្រឹកថ្ងៃចន្ទ ទី១១ ខែឧសភា ឆ្នាំ២០២៦។

នៅម៉ោង ៧:៤០ លោក ថាក់ស៊ីន ត្រូវបានដោះលែងឲ្យមានសេរីភាពឡើងវិញ បន្ទាប់ពីជាប់ពន្ធនាគារសរុបចំនួន ២៤៣ថ្ងៃ ក្រោមលក្ខខណ្ឌនៃការដោះលែងឲ្យមានសេរីភាព និងវិធានការត្រួតពិនិត្យផ្នែកច្បាប់។

BREAKING: Former PM Thaksin Shinawatra has been released on parole Monday morning, 11 May 2026.

At 7:40, Thaksin was granted parole and released after serving a total of 243 days in prison, under parole conditions and legal supervision measures.

រីករាយថ្ងៃច័ន្ទ!

រាជរដ្ឋាភិបាលចេញសេចក្តីប្រកាសស្តីពីកាលបរិច្ឆេទបោះឆ្នោតជ្រេីសរេីសក្រុមប្រឹក្សាឃុំ​សង្កាត់។

" បុណ្យ គ្មានគោលដៅសម្រេចផលតាមសច្ចភាពនៃភាពអាត្មានិយម"​ ឡេីយ...!

ជនទាំងឡាយឯណាមួយ ដែលហ៊ានអះអាងថា​ ការលះបង់អ្វីមួយដល់ជនណានីមួយ​ ដែលខ្លួនធ្វើហើយ ជាបុណ្យរបស់ខ្លូន​ ជាសទ្ធារបស់ខ្លួន ដោយឥតបានគិតរំពៃដល់ហេតុ និងបច្ច័យ ដែលកើតចេញពីសទ្ធារបស់ខ្លួនគឺពុំមែនជាអ្នកសាងបុណ្យនោះទេ ។
ដ្បិតថាអាចហេតុណាមួយនៃសេចក្តីធ្វេស សេចក្តីអាក្រក់ សេចក្តីថោកទាប អបាយភូមិផ្សេងៗ​ កើតចេញមកអាស្រ័យដោយទិដ្ឋិនេះឯង។
ជារឿងៗ​ ខ្ញុំបានមើលឃើញ និងស្តាប់ឮ​ ពីអ្នកដែលពោលអះអាងខាងលើ មួយអន្លេីគាត់ទាំងនោះនិយាយថា គេមានចិត្តធ្វើបុណ្យហើយ គឺគេបានបុណ្យហើយ ជាបុណ្យរបស់គេ​ ។ ទោះបីនរណាចង់យកសទ្ធានេះ ទៅធ្វើអ្វីទៀត ជារឿងរបស់គេជាបាបកម្មរបស់គេប៉ុណ្ណោះ សំខាន់បុណ្យគេធ្វើរួចហើយ ។​ ខ្ញំសូមជូនករណីមួយ:
..ចំណេរកាលមួយមានមាណពបានជួបសព្វអាចសាហាវមួយក្បាលកំពុងត្រូវភ្លេីងព្រៃឆេះ...ដោយចិត្តបុណ្យសប្បុរស​ មាណពបានសង្រ្គោះពស់សាហាវនេះផុតក្តីមរណា...។ មាណពបានលេីកគតិថា​ "​ មិនមែនដោយសារសន្តានអាក្រក់របស់អ្នក​ ធ្វេីឲ្យយេីងបោះបង់ចិត្តបុណ្យរបស់យេីងចោលដោយធ្វេីមិនឃេីញ​ ពីគ្រោះថ្នាក់កំពុងកេីតមានចំពោះអ្នកឡេីយ។ អំពេីអាក្រក់របស់អ្នកគឺជារឿងរបស់អ្នក​ ខ្ញុំធ្វេីល្អបំពេញបុណ្យបារមីគឺសទ្ធារបស់ខ្ញំ​ មិនពាក់ព័ន្ធគ្នាឡេីយ។
តើនេះជាគំនិតអាត្មានិយមពិតឬទេ ?
ប្រសិនបើយើងត្រិះរិះពិចារណាឱ្យដិតដល់ទៅឃេីញថា​ បុណ្យ
ដែលពួកគេកំពុងអះអាងនោះវាជាហេតុមួយ ចុះផលនៅឯណា ?

ខ្ញុំឧបមាថា បុណ្យដែលពួកគេធ្វើនោះ បានក្លាយជាកាតាលីករជម្រុញឱ្យកើតមានបាបធម៌​ ជាហេតុនាំបណ្តាលឱ្យអាប់ឱនដល់សាសនា​ ដោយអ្នកទទួលបុណ្យ​ បានយកបុណ្យនេះទៅប្រព្រឹត្តនូវផ្លូវអបាយ បំពានធម្មវិន័យ​ បំផ្លាញដល់ភាពល្អផូរផង់នៃគោលធម៌​ ទៅបំប៉នបំប៉ោងកិលេសតណ្ហា បង្កភាពអាណាធិបតេយ្យ បាត់សេចក្តីថ្លៃថ្នូរ ... ពស់សាវហាវ​ វាសុីចំណីជាសាច់​ដេីម្បីរស់​ តេីវាសុីសត្វផ្សេងទៀតអាចរួមទាំងជីវិតមនុស្សផងអស់ប៉ុន្មានជីវិតទៅ? តេីមាណពបានគិតលទ្ធកម្មទទួលបានបែបណាឬទេ?
តើផលបែបនេះ មិនកើតចេញមកពីពាក្យថាបុណ្យដែលពួកគេបានអះអាងទេឬ?
តើនេះ មិនមែនជាហេតុ និងបច្ច័យ ហេតុនិងផលទេឬ ?
ប្រសិនបើដូច្នេះ តើលោកម្ចាស់ទានដូចគំនិតខាងលើនេះ​ និងមាណព
កំពុងតែធ្វើបុណ្យ ឬសាងបាប?
តាមការផ្ទៀងផ្ទាត់ខាងលេីខ្ញុំយល់ថា​ គឺសាងបាបសុទ្ធសាធហើយជាបាបកម្មធ្ងន់
ធ្ងរថែមទៀតផង ។ ដ្បិតបើគ្មានគំនិតបុណ្យបែបនោះទេ
ម្ល៉ោះអស់លោកអ្នកទទួលបុណ្យ គ្មានដើមទុន​ សាងបាបធម៌ផងទាំងពួងឡើយ ។
ដូច្នេះ ខូចសាសនាក៏ដោយ ខូចសង្ឃក៏ដោយ ខូចធម៌
វិន័យក៏ដោយ ... មិនសុទ្ធតែមកពីសទ្ធាអាត្មានិយមបែបនេះទេឬ ?
តើអ្នកយល់យ៉ាងណា ចំពោះពាក្យថាបុណ្យ ?
​ ករណីមាណព​ គាប្បីផ្សាយបុណ្យចំពោះពស់ត្រូវដល់នូវក្តីមរណាដោយវេរារបស់ខ្លួនសន្សំ​ទុករហូតមក​ ដោយចិត្តសង្វេកអទិដ្ឋានថា​ សូមរំឡែកបុណ្យដល់ពស់នោះសូមបានយោងកំណេីតជាមនុស្ស​ កុំឲ្យមានពៀរវេរា...នោះមាណពនឹងគ្មានបាបកម្មឡេីយ​ ។
សម្រាប់ខ្ញុំ បុណ្យដាច់ខាតត្រូវកេីតចេញពីសុទ្ធាជ្រះថ្លា(ខ្លឹមនៃសទ្ធាជ្រះថ្លាតាមព្រះពុទ្ធឱវាទគឺ​ យល់គ្រប់ជ្រុងជ្រោយ​ ពីហេតុនាំឲ្យលះបង់​) យល់ពីផលដែលជនទទួលផល។ មានន័យថាបុណ្យគឺលះបង់ដោយបញ្ញា។ ប្រសិនណា បេីសកម្មភាពបុណ្យណាមួយមិនបានបង្កើត
បានសុខដុមនីយកម្មចំពោះបុគ្គល​ សហគមន៍​ សង្គមឬសាធារណជនទេ នោះមិនទាន់
ពេញលក្ខណ:បុណ្យតាមមេរៀនត្រាសដឹងរបស់លោកអ្នកប្រាជ្ញ​ ឬ​ ព្រះសម្ពុទ្ធ ឬ​ ក្រឹតក្រមសច្ចធម៌ឡេីយ​ ៕
ម៉ោង​ ៨:៣៧​ ថ្ងៃទី១៨​ មេសា​ ២០២៦
ស.៣.ហ.