Begin-ចាប់ផ្តើម

24/11/2023

សូមអបអរសាទរដល់សិស្សានុសិស្សថ្នាក់ទី១២ ដែលបានប្រលងជាប់ដោយជោគជ័យនូវសញ្ញាបត្រសិក្សាទុតិយភូមិ!

វិទ្យាស្ថានសិក្សាអន្តរជាតិ និងគោលនយោបាយសាធារណៈ (IISPP) នៃសាកលវិទ្យាល័យភូមិន្ទភ្នំពេញ (RUPP) មានមោទនភាព សូមអញ្ជើញនិស្សិតដែលមានចំណាប់អារម្មណ៍លើមុខជំនាញដូចខាងក្រោម មកដាក់ពាក្យសុំចូលរៀននៅ IISPP ។

មុខជំនាញសិក្សាមានដូចជា

*បរិញ្ញាបត្រសិក្សាអន្តរជាតិ
(B.A. International Relations)

*បរិញ្ញាបត្រវិទ្យាសាស្រ្តសេដ្ឋកិច្ច
(B.Sc. in Economics)

*បរិញ្ញាបត្រវិទ្យាសាស្ត្រនយោបាយ និងគោលនយោបាយសាធារណៈ
(B.A. Political Science and Public Administration)

"បណ្តុះបណ្តាលអ្នកដឹកនាំសម្រាប់អនាគត" - IISPP

24/11/2023

សម្រាប់ប្អូនៗ ដែលចង់យល់ដឹងបន្ថែមពីសាកលវិទ្យាល័យ នានានៅភ្នំពេញ!!

21/09/2023

សម្រាប់ប្អូនៗទី១២ជាពិសេស

កម្មវិធីទូរស័ព្ទ៥ សម្រាប់សិស្សទី១២ស្វ័យសិក្សាត្រៀមប្រឡងបាក់ឌុប

- កម្មវិធីទី១ ជាកម្មវិធីរបស់ក្រសួងអប់រំដែលមានឈ្មោះថា MOEYs ដែលអាចទាញយកពី Appstore ឬ Playstore ដោយវាយពាក្យ MOEYs ។ កម្មវិធីនេះមានគ្រប់កម្រិតថ្នាក់ចាប់ពីថ្នាក់ទី១ រហូតដល់ទី១២ដែលមានជាវីដេអូបង្រៀនពីមេរៀននីមួយៗយ៉ាងលម្អិតពីសំណាក់លោកគ្រូអ្នកគ្រូ គ្រប់កម្រិត។ តាមរយៈកម្មវិធីនេះ សិស្សទី១២ អាចចូលទៅមើលវីដេអូឡើងវិញដើម្បីអាចធ្វើការស្តាប់ការពន្យល់សារជាថ្មីបន្ថែមទៀត ប្រសិនបើភ្លេច ឬមិនទាន់យល់ច្បាស់ពីមេរៀនត្រង់ចំណុចណាមួយ។

- ក្រៅពីការមើលវីដេអូរំលឹកឡើងវិញពីអ្វីដែលមិនសូវច្បាស់ និងអ្វីដែលបានភ្លេច សិស្សក៏កាន់តែអាចពង្រឹងសមត្ថភាពខ្លួនឯងបន្ថែមទៀតជាមួយនឹងការអនុវត្តដោយខ្លួនឯងជាមួយនឹងគម្រូលំហាត់ផ្សេងៗដែលបែបស្តង់ដាចេញប្រឡង ដូចនេះ សិស្សអាចទាញយកកម្មវិធីដែលមានឈ្មោះថា Tesdopi ដែលវាជាកម្មវិធីមួយដែលមានមុខងារជាច្រើនសម្រាប់សិស្សស្វ័យសិក្សាដោយខ្លួនឯងដូចជា រៀនមេរៀនឡើងវិញ ធ្វើតេស្តត្រៀមប្រឡង ធ្វើតេស្តសមត្ថភាព និងបណ្ណាល័យ។

- ក្រៅពីការរំលឹកមេរៀន និងអនុវត្តលំហាត់ផ្សេងៗដោយខ្លួនឯង សិស្សគប្បីមើលគម្រូវិញ្ញាសាដែលធ្លាប់ចេញនៅឆ្នាំកន្លងមក ដើម្បីដឹងថាការប្រឡងមានលក្ខណៈបែបណា និងអាចសាកល្បងធ្វើដោយខ្លួនឯងដើម្បីផ្សាំុខ្លួនជាមួយនឹងការគ្រប់គ្រងពេលវេលាក្នុងការប្រឡងបានល្អ។ កម្មវិធីដែលសិស្សអាចចូលទៅមើលគម្រូនៃវិញ្ញាសាប្រឡង គឺកម្មវិធី Khmer BacII ដែលអាចទាញយកពី Appstore និង Playstore ផងដែរ។

- កម្មវិធីដែលអាចជួយសិស្សក្នុងការរំលឹកមេរៀនទាំងរូបមន្តនិងសំណួរផ្សេងៗទៀតដែលអាចនឹងចេញក្នុងការប្រឡងទៀតនោះ គឺកម្មវិធីដែលមានឈ្មោះថា ថ្នាក់ទី១២ ដែលសិស្សអាចទាញយកពី Appstore ឬ Playstore ដោយវាយពាក្យថា Grade 12 ។ កម្មវីធីនេះមានដាក់ជាមេរៀនសង្ខេប រូបមន្តសង្ខេប សំណួរចម្លើយ និង លំហាត់សម្រាប់សិស្សអនុវត្ត។

.co - ជាចុងក្រោយ កម្មវីធី ដែលអាចឱ្យសិស្សធ្វើការជ្រើសរើសជំនាញមកសិក្សានៅសាកលវិទ្យាល័យនោះគឺកម្មវិធី Sala.co ដែលជាកម្មវិធីមួយដែលមានមុខងារផ្សេងៗដូចជា មុខងារដែលសិស្សអាចចូលទៅមើលពីសាកលវិទ្យាល័យនីមួយៗនិងតម្លៃនៃការសិក្សាជំនាញនៅសាកលវិទ្យាល័យ ជំនាញផ្សេងៗ និងមានបង្ហាញការជូនដំណឹងពីកម្មវិធីនិងអាហារូបករណ៍ផ្សេងៗសម្រាប់សិស្សផងដែរ។

18/08/2023

សួស្តីប្អូនៗ អង្គការសម្រេចសុបិនកុមារកម្ពុជាមានកិត្តិយស​ជម្រាបជូនដំណឹងដល់ប្អូនៗ ការទទួលពាក្យអាហារូបករណ៍នឹងពន្យាពេលដល់ថ្ងៃទី ៣១ ខែ សីហា ឆ្នាំ ២០២៣។ សូមអរគុណ!

05/07/2023

Help JWOC Change LivesYoung people aged 15-30 make up roughly 30% of Cambodia’s population, but many youth still lack the skills needed to be successful in the workplace. At JWOC, we believe that by partnering with youth and investing in their education, we can close this gap and help them fulfill...

03/07/2023

ឱកាសអាហារូបករណ៍កន្លែងស្នាក់ដល់សិស្ស និងនិស្សិត៖

សូមគោរព ជម្រាបសួរ គណៈគ្រប់គ្រងសាលា និងលោកគ្រូអ្នកគ្រូ អាណាព្យាបាល និងសិស្សានុសិស្សជារាប់អាន។ យើងខ្ញុំមកពីអង្គការក្រៅ Advanced Centre for Empowerment (ACE) គឺជាអង្គការក្រៅរដ្ឋាភិបាលដែលមិនមាននិន្នាការនយោបាយនិងសាសនា។ យើងខ្ញុំមានផ្ដល់អាហារូបករណ៍កន្លែងស្នាក់នៅ ដល់សិស្សថ្នាក់ទី១២ទាំងអស់ និងនិស្សិតឆ្នាំទី១ដែលមានជីវភាពខ្វះខាតមកពីបណ្ដាខេត្ដនានា ឲ្យទទួលបានកន្លែងស្នាក់នៅ ព្រមទាំងបណ្ដុះបណ្ដាល ភាពជាអ្នកដឹកនាំ បំណិនជីវិត បទពិសោធន៍ការងារ និងចូលរួមសកម្មភាពស្ម័គ្រចិត្ដក្នុងសង្គមផ្សេងៗជាដើមរយៈពេលជាង១០ឆ្នាំមកហើយ។
បច្ចុប្បន្ននេះ អង្គការយើងបាននឹងកំពុងផ្តល់ ឱកាសអាហារូបករណ៍កន្លែងស្នាក់នៅ ដល់សិស្ស និងនិស្សិតដែលមានសមត្ថភាព អត់ធ្មត់ និងការព្យាយាមខ្ពស់ជាពិសេសសិស្សថ្នាក់ទី១២ ដែលត្រៀមនឹងប្រឡងបញ្ចប់ការសិក្សានាពេលដ៏ខ្លីខាងមុខ និងនិស្សិតឆ្នាំទី១ ដែលមានបំណងចង់បន្ដការសិក្សានៅមហាវិទ្យាល័យនានានៅទីក្រុងភ្នំពេញ។ ក្នុងរយៈពេលជាង១០ឆ្នំាកន្លងមកនេះ អង្គការបានផ្តល់អាហារូបករណ៍ដល់សិស្សនិសិ្សតក្រីក្ររាប់សិបនាក់ និងបានចូលរួមចំណែកយ៉ាងសកម្មក្នុងការជំរុញនិងកសាងធនធានមនុស្សនៅកម្ពុជាឲមានអភិវឌ្ឍន៍ រីកចម្រើនផងដែរ។ ហេតុដូច្នេះ សូមគណៈគ្រប់គ្រងសាលា លោកគ្រូអ្នកគ្រូទំាងអស់ ជួយផ្តល់ព័ត៌មាននេះទៅកាន់ប្អូនៗ ដើម្បីជាឱកាសសម្រាប់ពួកគេទទួលបានអាហារូបករណ៍ និងអាចបន្តការរៀនសូត្រ ព្រមទំាងកាត់បន្ថយការចំណាយក្នុងគ្រួសារផងដែរ។ សូមអរគុណ!
លក្ខខណ្ឌនៃការជ្រើសរើស៖
• ជាសិស្សទើបបញ្ចប់ថ្នាក់ទី១២ ឬនិស្សិតឆ្នាំទី១, ឬទើបចាប់ផ្តើមឆ្នាំទី២
• ជានិស្សិតមកពីបណ្តាលខេត្តនានានៃព្រះរាជាណាចក្រកម្ពុជា
• មានបំណងចង់ក្លាយជាអ្នកដឹកនាំដែលមានសក្តានុពលនាពេលអនាគត
• មានឆន្ទៈស្រឡាញ់ការងារស្ម័គ្រចិត្ត និងចូលរួមក្នុងការអភិវឌ្ឍសង្គមតាមរយៈការ ចែករំលែកបទពិសោធន៍ និងចំណេះដឹងដែលមានជួយដល់សង្គម។
ឯកសារភ្ជាប់ជាចាំបាច់៖
• អត្តសញ្ញាណប័ណ្ណ
• សៀវភៅគ្រួសារ
• រូបភាពជាមួយអាណាព្យាបាលនៅខាងមុខផ្ទះផ្ទាល់របស់ខ្លួន។
ហ្វេសប៊ុកផេក: https://www.facebook.com/AdvancedCentreforEmpowerment
វេបសាយ: https://advancedcentreforempowerment.org/
ពាក្យអាហារូបករណ៍: https://forms.gle/d4rBPd31ByMa75rx8
ព័ត៌មានលម្អិត:
អ៊ីម៉ែល: [email protected]
លេខទូរសព្ទ: 093 954 200 (Smart) (Alternative Tel: 098332264/066332264)
ថ្ងៃផុតកំណត់នៃការដាក់ពាក្យ​៖​ ថ្ងៃទី ៣១ ខែ កក្កដា ឆ្នាំ២០២៣

28/06/2023

🚨តោះ! ចង់ដឹងថា តើសកម្មភាពរបស់ពួកយើងដែលបានទៅខេត្តកំពង់ធំ កាលពីថ្ងៃទី១១ ខែមិថុនា ឆ្នាំ២០២៣ ដើម្បីចែករំលែកព័ត៍មានសាកលវិទ្យាល័យ ទៅដល់សិស្សានុសិស្សនៅ វិទ្យាល័យហ៊ុនសែនត្បែង ដូចម្តេចខ្លះ? ដូច្នេះមកមើលវីដេអូរបស់ពួកយើងទាំងអស់គ្នា 🤩។

Below is the video of all activities during our first campaign to Kampong Thom province to “ Sharing University Information “ to the students at Hun Sen Tbeng High School✨.

27/06/2023

Good luck guys!

13/06/2023

[English Below]

ក្រុមការងារគម្រោងចាប់ផ្តើម-Begin ទាំងអស់សូមថ្លែងអណរគុណទៅដល់ អ្នកគ្រូ លោកគ្រូ និងសិស្សានុសិស្សថ្នាក់ទិ១១ និង១២ នៃវិទ្យាល័យហ៊ុន សែន ត្បែង ដែលបានចូលរួមសិក្ខាសាលា ជាមួយពួកយើងក្រោមប្រធានបទ "ការចែករំលែកបទពិសោធអំពីសាកលវិទ្យាល័យ"។ តាមរយៈសិក្ខាសាលានេះក្រុមការងារគម្រោងចាប់ផ្តើម និងmentors បានចែករំលែកចំណេះដឹងពីការសិក្សាជំនាញនានា នៅក្នុងសាកលវិទ្យាល័យនីមួយៗនៅរាជធានីភ្នំពេញ។ មិនតែប៉ុណ្ណោះ ប្អូនៗសិស្សានុសិស្សក៏បានធ្វើតេស្ត ដើម្បីយល់ដឹងពីខ្លួនឯង និងជំនាញសិក្សាស្របជាមួយនឹងបុគ្គលិកលក្ខណៈរបស់ខ្លួន។ ពួកយើងសង្ឍឹមថាបន្ទាប់ពីសិក្ឋាសាលានេះហើយ ប្អុនៗនឹងទទួលបានចំណេះដឹងបន្ថែមក្នុងការជ្រើសរើសជំនាញនៅសាកលវិទ្យាល័យ ប្រកបដោយប្រសិទ្ធភាព✨។

គម្រោងរបស់ពួកយើងមិនទាន់បញ្ចប់នោះទេ ពួកយើងនឹងនាំមកជូននូវចំណេះដឹងថ្មីៗ ទាក់ទងនឹងជំនាញសិក្សា អាហារូបករណ៍ទៅដល់ប្អូនៗសិស្សានុសិស្សបន្តទៀត🤩

តាមដានជាមួយពួកយើងសម្រាប់ចំណេះដឹងថ្មីៗ📚💡

The Begin-ចាប់ផ្តើម's project team would like to thank all the teachers, 11th and 12th grade students of Hun Sen Tbeng High School for attending the workshop under the topic "Sharing University Experiences". Through this workshop, the project team and mentors shared the knowledge of various majors at each university in Phnom Penh. Not only that, the students also took tests to understand themselves and their majors in line with their personalities. We hope that after this workshop all the students will gain more knowledge in choosing a university major effectively.✨

Our project is not finished yet, we will bring new knowledge related to studying, scholarship for high school students.🤩

Stay tuned with us.....📚💡

13/06/2023

ឱកាសល្អសម្រាប់ប្អូនៗសិស្សវិទ្យាល័យ ដែលមានអាយុពី ១៥ទៅ១៧ឆ្នាំ

#សេចក្ដីជូនដំណឹង ការជ្រើសរើសសិស្សវិទ្យាល័យកម្ពុជាចំនួន ៧នាក់ ចូលរួមកម្មវិធី "អ្នកដឹកនាំយុវជនអាស៊ី ២០២៣" នៅទីក្រុងតូក្យូ ប្រទេសជប៉ុន។

កុំឱ្យខកខានឱកាសក្នុងការបានធ្វើដំណើរទៅកាន់ទីក្រុងតូក្យូ ហើយចូលរួមក្នុងវគ្គសិក្សា ការពិភាក្សាជាក្រុម ក៏ដូចជាការណែនាំផងដែរ។

-ដាក់ពាក្យ៖ https://forms.gle/HkzP3raY2tkJHYwQ7
-ផុតកំណត់ទទួល៖ ថ្ងៃទី១៦ ខែមិថុនា ឆ្នាំ២០២៣ វេលាម៉ោង ២៣:០០
-ស្វែងយល់បន្ថែមអំពីកម្មវិធីនៅ Aeon 1% club foundation៖ https://aeon1p.or.jp/1p/en/
-ព័ត៌មានបន្ថែម៖ [email protected]

13/06/2023

បើសិនជាប្អូនៗពិបាកក្នុងការស្កេនកូដ ប្អូនៗក៏អាចចុចលើតំណlink ខាងក្រោមនេះបានដែរ https://forms.gle/VKBC3B3kHHtvXyJr5

ពិបាកស្កេន QR​ កូដមែនទេ?​​ នេះនែតំណទៅរកទម្រង់ដាក់ពាក្យ https://forms.gle/VKBC3B3kHHtvXyJr5
Is it hard to scan QR code? Click the link above to the application form: