KiloIT

📅 នាថ្ងៃទី១៨ ខែមីនា ឆ្នាំ២០២៦ កន្លងទៅនេះ ថ្នាក់ដឹកនាំនៃក្រុមហ៊ុន KiloIT លោក មេន សារឺន ស្ថាបនិក និង លោក ហោ ឧត្តម នាយកគ្រប់គ្រងទូទៅ មានកិត្តិយសយ៉ាងក្រៃលែងដែលបានអញ្ជើញចូលរួមក្នុង ពិធីសម្ពោធជាផ្លូវការនៃសមាគមជនជាតិខ្មែររស់នៅប្រទេសជប៉ុន (CAJ) ដែលបានប្រារព្ធឡើងយ៉ាងអធិកអធមនាទីក្រុងតូក្យូ ប្រទេសជប៉ុន។

ពិធីដ៏មានអត្ថន័យនេះ ត្រូវបានរៀបចំឡើងក្នុងគោលបំណងពង្រឹងសាមគ្គីភាព បង្ហាញពីទិសដៅផែនការសកម្មភាពវប្បធម៌ និងអប់រំ ព្រមទាំងផ្តល់ការគាំទ្រដល់បងប្អូនខ្មែរ និងនិស្សិតដែលកំពុងរស់នៅ និងសិក្សានៅប្រទេសជប៉ុន។

តាមរយៈការចូលរួមក្នុងព្រឹត្តិការណ៍ដ៏សំខាន់នេះ KiloIT មានចក្ខុវិស័យក្នុងការពង្រីកវិសាលភាពកិច្ចសហប្រតិបត្តិការលើវិស័យអាទិភាពចំនួនពីរ គឺ៖
១. បច្ចេកវិទ្យា និងនវានុវត្តន៍
២. ទេសចរណ៍ និងវប្បធម៌

គួររំលឹកផងដែរថា កម្មវិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជុំ សុន្ទរី ឯកអគ្គរាជទូតកម្ពុជាប្រចាំប្រទេសជប៉ុន, ឯកឧត្តម យូ សិរីវុឌ្ឍ, ឯកឧត្តម ហៃ វណ្ណា (ប្រធានសមាគម CAJ) និង លោកជំទាវ អ៊ឹម រចនា រួមជាមួយវត្តមានតំណាងវិស័យឯកជនជាង ៣៤ ក្រុមហ៊ុនផ្សេងទៀត។

KiloIT ប្តេជ្ញានឹងបន្តសហការយ៉ាងជិតស្និទ្ធជាមួយសមាគម CAJ ដើម្បីបង្កើតឱកាសថ្មីៗក្នុងវិស័យធុរកិច្ច ការវិនិយោគ និងការលើកកម្ពស់ទំនាក់ទំនងមិត្តភាពកម្ពុជា-ជប៉ុន ឱ្យកាន់តែរឹងមាំ និងប្រកបដោយចីរភាព។

🇰🇭🇯🇵

🌹អបអរសាទរទិវា សិទ្ធនារីអន្តរជាតិ 8មីនា 🩷🤰🏻🤱🏻🧝🏻‍♀️

🕊អបអរសាទរ ខួបទី៤៧ នៃទិវាជ័យជម្នះលើរបបប្រល័យពូជសាសន៍ (៧ មករា ១៩៧៩ - ៧ មករា ២០២៦)

🕊 Celebrating the 47th Anniversary of the Victory Over Genocide Day (January 7, 1979 - January 7, 2026)