សាលា ហ្គោលដិន វ៉ាលី អាកាដឺមី Golden Valley Academy

កម្មវិធីសប្បុរសធម៌របស់សាលា GVAឆ្នាំ២០២៦
GVA CHARITY EVENT 2026

សាលា GVA បានបង្កើតកម្មវិធីសប្បុរសធម៌ប្រចាំឆ្នាំ ក្នុងគោលបំណងបណ្តុះចិត្តសិស្សានុសិស្សឱ្យចេះចែករំលែកសេចក្តីស្រឡាញ់ និងជួយដល់អ្នកដែលកំពុងជួបការលំបាក។

នៅថ្ងៃទី១០ ខែឧសភា ឆ្នាំ២០២៦ សាលា GVA បាននាំយកសម្ភារៈសិក្សា រួមមាន សៀវភៅ ប៊ិក ខ្មៅដៃ កាបូបស្ពាយ Projector និងសម្ភារៈការិយាល័យមួយចំនួន ទៅចែកជូនដល់សាលាបឋមសិក្សាច្រេស ស្ថិតក្នុងឃុំច្រេស ស្រុកជុំគិរី ខេត្តកំពត ដែលមានសិស្សានុសិស្សសរុបចំនួន ៨១១ នាក់។

សម្ភារៈទាំងនេះ ទទួលបានពីការចូលរួមបរិច្ចាគដោយសិស្សានុសិស្ស លោកគ្រូ អ្នកគ្រូ មាតាបិតា និងសប្បុរសជនជាច្រើនផ្សេងទៀត។

សិស្សម្នាក់ៗទទួលបានសៀវភៅចំនួនពី ៥ ទៅ ៧ ក្បាល ព្រមទាំងប៊ិក ខ្មៅដៃ ជ័រលុប ដបទឹក និងប្រអប់បាយ ព្រមទាំងទទួលទានអាហារមួយពេលទាំងអស់គ្នាដែលរៀបចំដោយសាលាGVA។

យើងសង្ឃឹមថា អំណោយដ៏តូចមួយនេះ នឹងក្លាយជាកម្លាំងចិត្តលើកទឹកចិត្តដល់សិស្សានុសិស្សឱ្យស្រឡាញ់ការសិក្សា ខិតខំរៀនសូត្រ និងជឿជាក់ថា “ការសិក្សា គឺជាផលផ្លែនៃអនាគត”។

ក្នុងនាមគណ:គ្រប់គ្រងសាលា ខ្ញុំសូមថ្លែងអំណរគុណ ដល់លោកគ្រូអ្នកគ្រូ សិស្សានុសិស្ស មាតាបិតាសិស្ស និងសប្បុរសជនទាំងអស់ដែលបានចូលរួមបរិច្ចាគ ជាសម្ភារសិក្សានិងថវិកាដើម្បីឱ្យសាលាអាចយកទៅចែកជូនដល់សិស្សានុសិស្សនិងលោកគ្រូ អ្នកគ្រូនៅសាលាបានគ្រប់ៗគ្នា🙏🏼

សួស្តីឆ្នាំថ្មីប្រពៃណីជាតិខ្មែរ 🙏🏼
ឆ្នាំមមី អដ្ឋស័ក ព.ស. ២៥៧០

នៅថ្ងៃទី០៣ ខែមេសា ឆ្នាំ២០២៦
សាលា GVA បានរៀបចំពិធីអបអរសាទរ បុណ្យចូលឆ្នាំថ្មីប្រពៃណីជាតិខ្មែរដ៏អធិកអធម និងពោរពេញដោយភាពសប្បាយរីករាយ ។

នេះគឺជាពេលវេលាពិសេស ដែលសិស្សានុសិស្ស និងលោកគ្រូ-អ្នកគ្រូ បានចូលរួមជាមួយគ្នា មុនវិស្សមកាលតូចមកដល់។

ទោះបីស្ថិតក្រោមកម្ដៅថ្ងៃក្តៅញើសហូរយ៉ាងណាក៏ដោយក៏ម្នាក់ៗនៅតែស្លៀកពាក់ស្អាតបាតតាមប្រពៃណីខ្មែរបង្ហាញពីអត្តសញ្ញាណ និងសេចក្តីថ្លៃថ្នូររបស់ជាតិយើង។

កម្មវិធីជាច្រើនត្រូវបានរៀបចំឡើងចាប់ពីការលេងល្បែងប្រជាប្រិយការរាំតាមចង្វាក់ប្រពៃណីការដើរបង្ហាញម៉ូតរហូតដល់ការចែករំលែកអាហារជុំគ្នា។

សំណើច ស្នាមញញឹម និងភាពរីករាយ
បានបង្កើតជាអនុស្សាវរីយ៍ដ៏មានតម្លៃ
ដែលយើងនឹងនឹកចាំជារៀងរហូត។

ក្នុងឱកាសឆ្នាំថ្មីនេះ សូមព្រះប្រទានពរដល់សាលា GVA លោកគ្រូ-អ្នកគ្រូ បុគ្គលិក សិស្សានុសិស្ស និងមាតាបិតាសិស្សទាំងអស់ សូមទទួលបាននូវ សុខភាពល្អ សុភមង្គល និងជោគជ័យ គ្រប់ភារកិច្ចថ្មីៗថែមទៀត។

សួស្តីឆ្នាំថ្មី !

24-03-2026
ការប្រឡងប្រចាំខែ- Monthly Exam នៃសាលាGVA

លើសពីពិន្ទុ យើងផ្តោតការយកចិត្តទុកដាក់លើការរីកចម្រើន កសាងទំនុកចិត្ត និងការសិក្សាពិតប្រាកដរបស់សិស្សានុសិស្ស។

ដើម្បីធានាបាននូវភាពយុត្តិធម៌ និងសម្រេចគោលបំណងនេះ ការប្រឡងត្រូវបានរៀបចំនៅសាលធំ ដោយមានការរៀបចំការអង្គុយឲ្យមានចម្ងាយសមរម្យ និងមានការត្រួតពិនិត្យយ៉ាងម៉ត់ចត់ពីលោកគ្រូ និងអ្នកគ្រូ។

More than scores we focus on growth, confidence, and real learning. To ensure fairness and achieve this goal, exams are conducted in the hall with proper seating distance and careful teacher supervision.

20/03/2025-2026
ក្រុមបាល់ទះ សាលាGVA ឈ្នះពានរង្វាន់ជើងឯកចំនួន៣ និង លេខ៣ចំនួនមួយ ក្នុងកម្មវិធីប្រកួតបាល់ទះសិស្ស អនុវិទ្យាល័យ និងវិទ្យាល័យជ្រើសរើសជើងឯករាជធានីភ្នំពេញប្រចាំឆ្នាំ២០២៥-២០២៦។

លទ្ធផលសាលាGVAទទួលបាន ៖
១. ក្រុមសិស្សអនុវិទ្យាល័យបុរស សាលាGVA៖ ចំណាត់ថ្នាក់លេខ១
២. ក្រុមសិស្សអនុវិទ្យាល័យនារី GVA ៖ចំណាត់ថ្នាក់លេខ១
៣. ក្រុមសិស្សវិទ្យាល័យ នារី សាលា GVA៖ ចំណាត់ថ្នាក់លេខ១
៤. ក្រុមសិស្សវិទ្យាល័យ បុរស សាលា GVA៖ ចំណាត់ថ្នាក់លេខ៣