សាលាបឋមសិក្សាស្រែឈូក-Primary school

[25/3/2026]
សកម្មភាពសិស្សប្រមូលផលដំណាំ ដែលបានថែទាំ យកចិត្តទុកដាក់ស្រោច ទឹកព្រឹក ល្ងាច ដាក់ជី រហូតទទួលបានលទ្ធផល លូតលាស់ល្អ។🍃🌱☘️
#បឋមសិក្សាស្រែឈូក

👏🏻យើងខ្ញុំទាំងអស់គ្នា ជាគណៈគ្រប់គ្រង គណៈកម្មការសាលា លោកគ្រូ អ្នកគ្រូ សិស្សានុសិស្ស ទាំងអស់ សូមចូលរួមអបអរសាទរ និង កោតសរសើរ ដល់សិស្ស ឈ្មោះ រស្មី ម៉ូលីតា ជាសិស្សថ្នាក់ទី៦ ក នៃសាលាបឋមសិក្សាស្រែឈូក បានចូលរួមប្រកួតអំណាននៅថ្នាក់ស្រុក អូរគ្រៀងសែនជ័យ ទទួលបានចំណាត់ថ្នាក់លេខ២ ទូទាំងស្រុក ។ 🥰

នៅថ្ងៃទី១៤ ខែកុម្ភៈឆ្នាំ ២០២៦ សាលាបឋមសិក្សាស្រែឈូក
បានបើកអង្គប្រជុំមួយទាក់ទងនឹងការប្រកាសថវិកាដំណើរការសាលារៀនលើកទី១ ការប្រើប្រាស់ថវិកា បញ្ហាប្រឈមផ្សេងៗ និង ប្រកាសការដាក់ឱ្យប្រើប្រាស់ ផ្លូវពីខ្លោងទ្វាទៅអគារសិក្សា មានប្រវែង៤០ ម៉ែត្រ ដែលមានការចូលរួមពីគគស លោកគ្រូ អ្នកគ្រូ និង តំណាងសិស្ស និងតំណាងមាតាបិតាសិស្ស។

💚🌱សកម្មភាពលោកគ្រូ អ្នកគ្រូ សិស្សានុសិស្ស ជួសជុលរបងសួនបន្លែ និងដាំដុះបន្លែ ប្រកបដោយបរិយាកាសរីករាយ និងស្និទ្ធស្នាល ។
#ការអប់រំផ្សារភ្ជាប់ទៅនឹងបំណិនជីវិត🌱

👏🏻អបអរសាទរ ថ្ងៃបើកបវេសនកាលឆ្នាំសិក្សាថ្មី ២០២៥-២០២៦
នៅព្រឹកថ្ងៃទី០១ ខែ វិច្ឆិកា ឆ្នាំ ២០២៥ សាលាបឋមសិក្សាស្រែឈូក បានរៀបចំពិធីបើកបវេសនកាលឆ្នាំសិក្សា និង បោះឆ្នោតជ្រើសរើសគណៈកម្មការសាលារៀនថ្មី ដែលមានការចូលរួមពីអនុភូមិ គគស លោកគ្រូអ្នកគ្រូ អាណាព្យាបាលសិស្ស និងសិស្សានុសិស្ស ។

#នៅថ្ងៃទី០៨ ខែ តុលា ឆ្នាំ២០២៥
សាលាបឋមសិក្សាស្រែឈូក បានធ្វើទូកធំថ្មី រួចរាល់ ដើម្បីចម្លងសិស្សានុសិស្សមករៀនដែលធ្វើដំណើរឆ្លងអូរគ្រៀង និងបានដាក់ឱ្យប្រើប្រាស់ សម្រាប់ត្រៀមក្នុងឆ្នាំសិក្សាថ្មីនាពេលខាងមុខនេះ។
អរគុណគគស និង ប្រជាពលរដ្ឋសម្រាប់ការចូលរួមធ្វើយ៉ាងស្រុះដៃស្រុះជើង🙏❤️

នៅថ្ងៃសោរ៍ ទី៣០ ខែ សីហា ឆ្នាំ២០២៥
សាលាបឋមសិក្សាស្រែឈូក បានបើកការប្រជុំ ស្ដីពី ការបង្ហាញពីលទ្ធផលសកម្មភាពដែលបានអនុវត្តក្នុងឆ្នាំសិក្សា ២០២៤ -២០២៥ និង មតិសំណេះសំណាងជាមួយមាតាសិស្ស សិស្សានុសិស្សដែលត្រូវឆ្លងភូមិសិក្សា(ឡើងថ្នាក់ទី៧) និង ប្រកាសបិទ ថ្ងៃមហាវិស្សមកាល(វ៉ាកង)។

-នៅថ្ងៃចន្ទ ទី២៥ ខែ សីហា ឆ្នាំ២០២៥ :
សាលាបឋមសិក្សាស្រែឈូក 🥇បានរៀបចំពិធីចែកប័ណ្ណសរសើរ និង រង្វាន់សិស្សពូកែប្រចាំឆ្នាំសិក្សា ២០២៤- ២០២៥ ពីថ្នាក់ទី១ដល់ទី៦ (លេខ១ ដល់លេខ៥ ) សរុប 30/20 នាក់ និងពានរង្វាន់អក្សរស្អាត 🏆 ដែលមានការចូលរួមពី គណៈកម្មការសាលា អនុប្រធានភូមិ លោកគ្រូអ្នកគ្រូ មាតាបិតាសិស្ស អាណាព្យាបាលសិស្ស និងសិស្សានុសិស្ស ផងដែរ។
#បឋមសិក្សាជនបទដាច់ស្រយាល(ជនជាតិដើមភាគតិចព្នង)❤️

នៅថ្ងៃទី៥ ខែសីហាឆ្នាំ២០២៥ សាលាបឋមសិក្សាស្រែឈូកបានទិញអាវពោងឱ្យសិស្សដែលឆ្លងទឹកអូរគ្រៀង(ចំណុចត្រពាំងត្រាច) ដែលមានសិស្សសរុបចំនួន14នាក់ ដើម្បីការពារសុត្ថិភាពពេលធ្វើដំណើរឆ្លងទឹក ។
#ដោយសារតែពាក្យចង់ចេះដឹង មានចំណេះវិជ្ជាជ្រៅជ្រះដូចគេ ទើបតស៊ូឆ្លងទឹកមករៀន ។💪☺️
#បឋមស្រែឈូក🇰🇭

20/ 3/2025 :
- សកម្មភាព វ៉ៃជញ្ជាំងក្រោម ផ្ទះគ្រូ ធ្វើជាបន្ទប់រៀន ដើម្បីដោះស្រាយបញ្ហាខ្វះបន្ទប់រៀន និង ការពារកុំឱ្យកម្ដៅថ្ងៃចាំង ចូល ជាពិេសសបាំងសាចទឹកភ្លៀងនៅរដូវវស្សាដែលមានការចូលរួមពីគណៈកម្មការសាលា លោកគ្រូ អ្នកគ្រូ និងប្រជាពលរដ្ឋនៅក្នុងសហគមន៍ ។
🙏សូមអរគុណសម្រាប់ការចូលរួម របស់បងប្អូនដើម្បីឱ្យសហគមន៍មួយនេះមានការរីកដុះដាលទៅមុខទៀត។